ലോ​കം മു​ഴു​വ​ൻ മ​തി​യാ​കാ​ത്ത​വ​ർ!
‘ലോ​കം മു​ഴു​വ​ൻ മ​തി​യാ​കാ​തെ ഇ​രു​ന്ന​വ​ന് ഇ​പ്പോ​ൾ ഒ​രു ശ​വ​കു​ടീ​രം മ​തി​യാ​കും.’

മാ​സി​ഡോ​ണി​യ​യി​ലെ രാ​ജാ​വാ​യി​രു​ന്നു മ​ഹാ​നാ​യ അ​ല​ക്സാ​ണ്ട​ർ ച​ക്ര​വ​ർ​ത്തി (ബി​സി 356-323). ലോ​കം ക​ണ്ടി​ട്ടു​ള്ള മി​ലി​ട്ട​റി ക​മാ​ൻ​ഡ​ർ​മാ​രി​ൽ ഏ​റ്റ​വും പ്ര​ഗ​ല്ഭ​നാ​യി അ​ദ്ദേ​ഹം അ​റി​യ​പ്പെ​ടു​ന്നു. പ​തി​മൂ​ന്നു വ​ർ​ഷ​മേ അ​ദ്ദേ​ഹം മാ​സി​ഡോ​ണി​യ​യു​ടെ രാ​ജാ​വാ​യി​രു​ന്നു​ള്ളൂ. എ​ങ്കി​ലും ആ ​ചു​രു​ങ്ങി​യ കാ​ലം​കൊ​ണ്ട് പൗ​രാ​ണി​ക കാ​ല​ത്തെ ഏ​റ്റ​വും വ​ലി​യ സാ​മ്രാ​ജ്യം കെ​ട്ടി​പ്പ​ടു​ക്കാ​ൻ അ​ദ്ദേ​ഹ​ത്തി​നു സാ​ധി​ച്ചു.

യു​ദ്ധ​ത്തി​ൽ പ​രാ​ജ​യം എ​ന്തെ​ന്ന് അ​റി​ഞ്ഞി​ട്ടി​ല്ലാ​ത്ത അ​ല​ക്സാ​ണ്ട​ർ ച​ക്ര​വ​ർ​ത്തി​യു​ടെ സാ​മ്രാ​ജ്യം ഗ്രീ​സ് മു​ത​ൽ വ​ട​ക്കു​പ​ടി​ഞ്ഞാ​റ​ൻ ഇ​ന്ത്യ​വ​രെ വ്യാ​പി​ച്ചു​കി​ട​ന്നു. ദീ​ർ​ഘ​കാ​ലം നീ​ണ്ടു​നി​ന്ന യു​ദ്ധ​പ​ര്യ​ട​ന​ത്തി​ൽ അ​സം​തൃ​പ്ത​രാ​യ പ​ട​യാ​ളി​ക​ൾ തി​രി​കെ​പ്പോ​കാ​ൻ നി​ർ​ബ​ന്ധി​ച്ചി​ല്ലാ​യി​രു​ന്നെ​ങ്കി​ൽ അ​ല​ക്സാ​ണ്ട​ർ ഒ​രു​പ​ക്ഷേ ത​ന്‍റെ യു​ദ്ധ​പ​ര്യ​ട​നം ഇ​ന്ത്യ​യി​ലെ​ത്തി​യ ശേ​ഷം അ​വ​സാ​നി​പ്പി​ക്കി​ല്ലാ​യി​രു​ന്നു. മ​ട​ക്ക​യാ​ത്ര​യി​ൽ ബാ​ബി​ലോ​ണി​ൽ​വ​ച്ചു മ​ലേ​റി​യ അ​ല്ലെ​ങ്കി​ൽ ടൈ​ഫോ​യ്ഡ് മൂ​ല​മാ​ണ് അ​ദ്ദേ​ഹം മ​രി​ച്ച​തെ​ന്നു ക​രു​ത​പ്പെ​ടു​ന്നു.

മു​പ്പ​ത്തി​ര​ണ്ടാം വ​യ​സി​ൽ അ​ന്ത​രി​ച്ച അ​ദ്ദേ​ഹ​ത്തെ ആ​ദ്യം ഈ​ജി​പ്തി​ലെ മെം​ഫി​സി​ലും പി​ന്നീ​ട് ഈ​ജി​പ്തി​ലെ​ത​ന്നെ അ​ല​ക്സാ​ൻ​ഡ്രി​യ​യി​ലും സം​സ്ക​രി​ച്ചെ​ന്നു വി​ശ്വ​സി​ക്ക​പ്പെ​ടു​ന്നു. എ​ന്നാ​ൽ, ഇ​തു​വ​രെ​യും അ​ദ്ദേ​ഹ​ത്തി​ന്‍റെ ശ​വ​കു​ടീ​രം ക​ണ്ടെ​ത്തു​ന്ന​തി​ൽ ആ​ധു​നി​ക ഗ​വേ​ഷ​ക​ർ വി​ജ​യി​ച്ചി​ട്ടി​ല്ല.

അ​ല​ക്സാ​ണ്ട​റു​ടെ ശ​വ​കു​ടീ​രം എ​വി​ടെ​യാ​ണെ​ന്നു തീ​ർ​ച്ച​യി​ല്ലെ​ങ്കി​ലും ആ ​ശ​വ​കു​ടീ​ര​ത്തി​ൽ കൊ​ത്തി​വ​ച്ച സ്മ​ര​ണ​ക്കു​റി​പ്പ് ഗ​വേ​ഷ​ക​രു​ടെ പ​ഠ​ന​ങ്ങ​ളി​ൽ കാ​ണാം. അ​ത് ഇ​പ്ര​കാ​ര​മാ​യി​രു​ന്നു, ""ലോ​കം മു​ഴു​വ​ൻ മ​തി​യാ​കാ​തെ ഇ​രു​ന്ന​വ​ന് ഇ​പ്പോ​ൾ ഒ​രു ശ​വ​കു​ടീ​രം മ​തി​യാ​കും.' ഈ ​സ്മ​ര​ണ​ക്കു​റി​പ്പ് യ​ഥാ​ർ​ഥ​മാ​ണെ​ങ്കി​ലും അ​ല്ലെ​ങ്കി​ലും ഇ​ത് അ​ർ​ഥ​സ​ന്പു​ഷ്‌​ടം​ത​ന്നെ.

ലോ​കം മു​ഴു​വ​നും വെ​ട്ടി​പ്പി​ടി​ക്കാ​ൻ ഇ​റ​ങ്ങി​ത്തി​രി​ച്ച അ​ല​ക്സാ​ണ്ട​ർ​ക്കു രാ​ജ്യ​ങ്ങ​ൾ ഓ​രോ​ന്നാ​യി കീ​ഴ​ട​ക്കി​യി​ട്ടും മ​തി​യാ​യി​ല്ല. വീ​ണ്ടും മു​ന്നോ​ട്ടു പോ​കാ​നാ​യി​രു​ന്നു ആ​ഗ്ര​ഹം. എ​ന്നാ​ൽ, സാ​ഹ​ച​ര്യം അ​തി​ന് അ​നു​വ​ദി​ച്ചി​ല്ല. ത​ന്മൂ​ലം മ​ട​ങ്ങി​പ്പോ​കേ​ണ്ടി​വ​ന്നു. ആ ​യാ​ത്ര ചെ​ന്ന​വ​സാ​നി​ച്ച​ത് ത​നി​ക്കു മ​തി​യാ​കു​ന്ന ഒ​രു ശ​വ​കു​ടീ​ര​ത്തി​ലും.

ത​ന്‍റെ ജൈ​ത്ര​യാ​ത്ര ഒ​രി​ക്ക​ൽ ചെ​ന്ന​വ​സാ​നി​ക്കു​ന്ന​ത് എ​വി​ടെ​യെ​ങ്കി​ലു​മു​ള്ള ഒ​രു ശ​വ​കു​ടീ​ര​ത്തി​ലാ​യി​രി​ക്കു​മെ​ന്നു ചെ​റു​പ്പ​ക്കാ​ര​നാ​യ അ​ല​ക്സാ​ണ്ട​ർ എ​പ്പോ​ഴെ​ങ്കി​ലും ഓ​ർ​മി​ച്ചി​ട്ടു​ണ്ടാ​വു​മോ? അ​തേ​ക്കു​റി​ച്ചു തീ​ർ​ച്ച പ​റ​യാ​നാ​വി​ല്ല. എ​ങ്കി​ലും പേ​ർ​ഷ്യ​ക്കാ​ർ പ​ര​ന്പ​രാ​ഗ​ത​മാ​യി അ​ല​ക്സാ​ണ്ട​റെ​ക്കു​റി​ച്ചു പ​റ​യു​ന്ന ഒ​രു ക​ഥ​യു​ണ്ട്.

ആ ​ക​ഥ ഇ​പ്ര​കാ​ര​മാ​ണ്: ബാ​ബി​ലോ​ണി​ൽ​വ​ച്ച് അ​ല​ക്സാ​ണ്ട​ർ രോ​ഗി​യാ​യി കി​ട​ക്കു​ന്ന അ​വ​സ​രം. ത​ന്‍റെ മ​ര​ണം അ​ടു​ക്കാ​റാ​യി എ​ന്നു മ​ന​സി​ലാ​ക്കി​യ അ​ദ്ദേ​ഹം ത​ന്‍റെ കൂ​ടെ​യു​ണ്ടാ​യി​രു​ന്ന ക​മാ​ൻ​ഡ​ർ​മാ​ർ​ക്കു ത​ന്‍റെ മൃ​ത​ശ​രീ​രം വ​ഹി​ച്ചു​കൊ​ണ്ടു​ള്ള വി​ലാ​പ​യാ​ത്ര സം​ബ​ന്ധി​ച്ചു വ്യ​ക്ത​മാ​യ നി​ർ​ദേ​ശ​ങ്ങ​ൾ ന​ൽ​കി. അ​തി​ലൊ​ന്ന്, ശ​വ​പേ​ട​ക​ത്തി​ൽ ത​ന്‍റെ മൃ​ത​ദേ​ഹം വ​ഹി​ച്ചു​കൊ​ണ്ടു​പോ​കു​ന്പോ​ൾ ത​ന്‍റെ ഒ​രു കൈ ​പു​റ​ത്തേ​ക്കു തൂ​ക്കി​യി​ട​ണ​മെ​ന്നാ​യി​രു​ന്നു.

അ​ങ്ങ​നെ ചെ​യ്യാ​ൻ ആ​വ​ശ്യ​പ്പെ​ട്ട​തി​ന്‍റെ കാ​ര​ണ​വും അ​ദ്ദേ​ഹം അ​വ​ർ​ക്കു ന​ൽ​കി, ""ലോ​കം മു​ഴു​വ​ൻ ഞാ​ൻ കീ​ഴ​ട​ക്കി. എ​ന്നാ​ൽ, വെ​റും​കൈ​യോ​ടെ ഞാ​ൻ പോ​കു​ന്നു!' അ​ല​ക്സാ​ണ്ട​ർ ച​ക്ര​വ​ർ​ത്തി യ​ഥാ​ർ​ഥ​ത്തി​ൽ ഇ​പ്ര​കാ​രം നി​ർ​ദേ​ശം ന​ൽ​കി​യി​ട്ടു​ണ്ടെ​ങ്കി​ൽ അ​ദ്ദേ​ഹം മ​ഹാ​നാ​യ ഒ​രു യു​ദ്ധ​വീ​ര​ൻ മാ​ത്ര​മാ​യി​രു​ന്നി​ല്ല. പ്ര​ത്യു​ത മ​നു​ഷ്യ​ജീ​വി​ത​ത്തി​ന്‍റെ ക്ഷ​ണി​ക​ത​യും ന​ശ്വ​ര​ത​യും മ​ന​സി​ലാ​ക്കി​യ ഒ​രു ആ​ത്മ​ജ്ഞാ​നി​യു​മാ​യി​രു​ന്നു.

ലോ​ക​ത്തി​ൽ എ​ന്തെ​ല്ലാം നേ​ടി​യാ​ലും അ​തൊ​ന്നും കൂ​ടെ കൊ​ണ്ടു​പോ​കാ​ൻ സാ​ധി​ക്കു​ന്നി​ല്ലെ​ന്ന് അ​ദ്ദേ​ഹം മ​ന​സി​ലാ​ക്കി. ത​ന്മൂ​ല​മാ​ണ് ശ​വ​പേ​ട​ക​ത്തി​ൽ​നി​ന്ന് ത​ന്‍റെ ഒ​രു കൈ ​പു​റ​ത്തേ​ക്കു തൂ​ക്കി​യി​ടാ​ൻ അ​ദ്ദേ​ഹം ആ​വ​ശ്യ​പ്പെ​ട്ട​ത്.

അ​ല​ക്സാ​ണ്ട​ർ​ക്കു ശേ​ഷം ലോ​ക​വും അ​തി​ലെ മ​നു​ഷ്യ​രും ഏ​തെ​ല്ലാം രീ​തി​യി​ൽ പു​രോ​ഗ​മി​ച്ചു. ഏ​തെ​ല്ലാം മേ​ഖ​ല​ക​ളി​ൽ എ​ത്ര​മാ​ത്രം നേ​ട്ട​ങ്ങ​ൾ നേ​ടി. അ​വി​ശ്വ​സ​നീ​യ​മെ​ന്നു തോ​ന്നി​ക്കു​ന്ന കാ​ര്യ​ങ്ങ​ൾ​വ​രെ മ​നു​ഷ്യ​നു ചെ​യ്യാ​ൻ സാ​ധി​ക്കു​ന്നു. ലോ​കം മു​ഴു​വ​നും മ​നു​ഷ്യ​ന്‍റെ വി​ര​ൽ​ത്തു​ന്പി​ലും കൈ​പ്പി​ടി​യി​ലു​മാ​ണെ​ന്നു തോ​ന്നു​ന്ന രീ​തി​യി​ലാ​ണ് കാ​ര്യ​ങ്ങ​ൾ പു​രോ​ഗ​മി​ക്കു​ന്ന​ത്.

എ​ന്നാ​ൽ, അ​ല​ക്സാ​ണ്ട​ർ​ക്ക് ഉ​ണ്ടാ​യി​രു​ന്നു​വെ​ന്നു നാം ​ക​രു​തു​ന്ന ആ​ത്മ​ജ്ഞാ​നം ന​മ്മി​ലെ​ത്ര പേ​ർ​ക്ക് ഉ​ണ്ടാ​കും. മ​രി​ക്കു​ന്പോ​ൾ, ന​മ്മു​ടെ ഭൗ​തി​ക​നേ​ട്ട​ങ്ങ​ളൊ​ന്നും കൂ​ടെ കൊ​ണ്ടു​പോ​കാ​ൻ സാ​ധി​ക്കി​ല്ലെ​ന്ന് ന​മു​ക്ക​റി​യാ​വു​ന്പോ​ഴും ആ ​ഭൗ​തി​ക നേ​ട്ട​ങ്ങ​ളു​ടെ പി​റ​കേ​യ​ല്ലേ ന​മ്മു​ടെ പ​ര​ക്കം​പാ​ച്ചി​ൽ? ഏ​തു വി​ധേ​ന​യും എ​ത്ര​മാ​ത്രം പ​ണം സ​ന്പാ​ദി​ക്കാ​ൻ സാ​ധി​ക്കു​മോ അ​ത്ര​മാ​ത്രം സ​ന്പാ​ദി​ക്കാ​ന​ല്ലേ ന​മ്മി​ൽ പ​ല​രു​ടെ​യും ത​ത്ര​പ്പാ​ട്. അ​ധി​കാ​ര​ത്തി​ന്‍റെ​യും പ്ര​ശ​സ്തി​യു​ടെ​യു​മൊ​ക്കെ കാ​ര്യം വ​രു​ന്പോ​ഴും വാ​സ്ത​വം അ​തു​ത​ന്നെ​യ​ല്ലേ?

ന​മ്മു​ടെ ഭൗ​തി​ക നേ​ട്ട​ങ്ങ​ൾ ന​മ്മു​ടെ കൂ​ടെ കൊ​ണ്ടു​പോ​കാ​ൻ സാ​ധി​ക്കു​ക​യി​ല്ലെ​ന്ന് അ​റി​യാ​മാ​യി​രു​ന്നി​ട്ടും ന​മ്മു​ടെ കൂ​ടെ കൊ​ണ്ടു​പോ​കാ​ൻ സാ​ധി​ക്കു​ന്ന ന​ന്മ പ്ര​വൃ​ത്തി​ക​ളു​ടെ​യും ആ​ധ്യാ​ത്മി​ക നേ​ട്ട​ങ്ങ​ളു​ടെ​യും കാ​ര്യം വ​രു​ന്പോ​ൾ അ​വ​യി​ലെ​ന്തു​കൊ​ണ്ടാ​ണു നാം ​താ​ത്പ​ര്യം കാ​ണി​ക്കാ​ത്ത​ത്?

കാ​ര്യ​ങ്ങ​ൾ അ​താ​യി​രി​ക്കു​ന്ന സ്ഥി​തി​യി​ൽ കാ​ണാ​നു​ള്ള വി​വേ​ച​ന​ശ​ക്തി​യും അ​ത​നു​സ​രി​ച്ചു പ്ര​വ​ർ ത്തി​ക്കാ​നു​ള്ള ക​ര​ളു​റ​പ്പും ന​മു​ക്കി​ല്ലെ​ന്നു സാ​രം. ത​ന്മൂ​ല​മ​ല്ലേ ന​ശി​ച്ചു​പോ​കു​ന്ന​വ​യ്ക്കു വേ​ണ്ടി നാം ​ജീ​വി​തം ന​ശി​പ്പി​ക്കു​ക​യും നി​സാ​ര കാ​ര​ണ​ങ്ങ​ളു​ടെ പേ​രി​ൽ പ​ര​സ്പ​രം ത​ല​ത​ല്ലി​ക്കീ​റു​ക​യും ചെ​യ്യു​ന്ന​ത്.

നാം ​ഏ​തു മേ​ഖ​ല​യി​ൽ വി​ജ​യം വെ​ട്ടി​പ്പി​ടി​ച്ചാ​ലും അ​തൊ​ന്നും ന​ന്മ​യു​ടെ വ​ഴി​യി​ല​ല്ലെ​ങ്കി​ൽ അ​തു ന​മു​ക്കു കൂ​ടെ കൊ​ണ്ടു​പോ​കാ​ൻ സാ​ധി​ക്കി​ല്ലെ​ന്ന​തു മ​റ​ക്കാ​തി​രി​ക്കാം. അ​ത​നു​സ​രി​ച്ചു പ്ര​വ​ർ​ത്തി​ക്കാം. അ​ല്ലെ​ങ്കി​ൽ അ​വ​യെ​ല്ലാം ന​മ്മു​ടെ നി​ത്യ​നാ​ശ​ത്തി​നേ വ​ഴി​തെ​ളി​ക്കൂ.

ഫാ. ​ജോ​സ് പ​ന്ത​പ്ലാം​തൊ​ട്ടി​യി​ൽ


Copyright @ 2022 , Rashtra Deepika Ltd.