പു​തു​വ​ർ​ഷ​ത്തി​ൽ ന​ന്മ​ക​ൾ എ​ണ്ണാം!
ഇ​ന്ന​ലെ​യി​ൽ​നി​ന്നു പ​ഠി​ക്കു​ക. ഇ​ന്നേ​ക്കു​വേ​ണ്ടി ജീ​വി​ക്കു​ക. നാ​ളേ​ക്കു​വേ​ണ്ടി പ്ര​തീ​ക്ഷി​ക്കു​ക.

സു​പ്ര​സി​ദ്ധ റ​ഷ്യ​ൻ സാ​ഹി​ത്യ​കാ​ര​നാ​യി​രു​ന്ന ഫ​യോ​ദോ​ർ ഡോ​സ്റ്റോ​വ്സ്കി എ​ഴു​തി: "" മ​നു​ഷ്യ​ന് അ​വ​ന്‍റെ ദുഃ​ഖ​ങ്ങ​ൾ എ​ണ്ണു​ന്ന​തി​ലാ​ണു താ​ല്പ​ര്യം. അ​വ​ൻ ത​ന്‍റെ സ​ന്തോ​ഷ​ങ്ങ​ൾ എ​ണ്ണാ​ൻ മ​റ​ന്നു​പോ​കു​ന്നു.'' വ​ലി​യ പ്ര​തീ​ക്ഷ​ക​ളോ​ടെ നാം ​പ്ര​വേ​ശി​ച്ച 2023 ന​മ്മെ ക​ട​ന്നു​പോ​വു​ക​യാ​ണ്. 2024 എ​ന്ന പു​തി​യ വ​ർ​ഷ​ത്തി​ലേ​ക്കു നാം ​പ്ര​വേ​ശി​ക്കു​ന്നു.

പു​തി​യൊ​രു വ​ർ​ഷ​ത്തി​ലേ​ക്കു ക​ട​ക്കു​ന്പോ​ൾ പി​ന്നി​ലേ​ക്കു തി​രി​ഞ്ഞു​നോ​ക്കു​ക സ്വാ​ഭാ​വി​കം മാ​ത്രം. എ​ന്നു മാ​ത്ര​മ​ല്ല, അ​തു നാം ​ചെ​യ്യേ​ണ്ട​തു​മാ​ണ്. കാ​ര​ണം, മു​ന്നോ​ട്ടു​ള്ള ന​മ്മു​ടെ യാ​ത്ര​യി​ൽ ക​ഴി​ഞ്ഞ വ​ർ​ഷ​ത്തെ അ​നു​ഭ​വ​ങ്ങ​ൾ ന​മു​ക്കു പു​തി​യ വെ​ളി​ച്ചം ന​ൽ​കി​യെ​ന്നി​രി​ക്കും. അ​തോ​ടൊ​പ്പം, ക​ഴി​ഞ്ഞ വ​ർ​ഷം ന​മു​ക്കു ല​ഭി​ച്ച എ​ല്ലാ അ​നു​ഗ്ര​ഹ​ങ്ങ​ൾ​ക്കും ദൈ​വ​ത്തി​നു ന​ന്ദി പ​റ​യാ​നും ന​മ്മു​ടെ തെ​റ്റു​ക​ൾ​ക്കും പോ​രാ​യ്മ​ക​ൾ​ക്കും ദൈ​വ​ത്തോ​ടു മാ​പ്പ​പേ​ക്ഷി​ക്കാ​നും അ​തു സ​ഹാ​യി​ക്കും.

ന​ന്ദി​യു​ള്ള ജീ​വി​തം

എ​ന്നാ​ൽ, ഡോ​സ്റ്റോ​വ്സ്കി ന​മ്മെ അ​നു​സ്മ​രി​പ്പി​ക്കു​ന്ന​തു​പോ​ലെ, ക​ഴി​ഞ്ഞ വ​ർ​ഷ​ത്തി​ലേ​ക്കു നാം ​തി​രി​ഞ്ഞു​നോ​ക്കു​ന്പോ​ൾ ന​മ്മു​ടെ ശ്ര​ദ്ധ മു​ഴു​വ​നും ദൈ​വം ന​മു​ക്കു പ്ര​ദാ​നം ചെ​യ്ത സ​ന്തോ​ഷ​ങ്ങ​ളി​ലും സൗ​ഭാ​ഗ്യ​ങ്ങ​ളി​ലു​മാ​ക​ട്ടെ. അ​വ​യെ​ല്ലാം ന​ന്ദി​യോ​ടെ അ​നു​സ്മ​രി​ക്കാ​ൻ സാ​ധി​ച്ചാ​ൽ പു​തി​യ വ​ർ​ഷ​ത്തി​ലേ​ക്കു ക​ട​ക്കു​ന്പോ​ൾ ന​മു​ക്കു കാ​ലി​ട​റു​ക​യി​ല്ല എ​ന്ന​താ​ണു വ​സ്തു​ത.

എ​ന്നാ​ൽ, ക​ഴി​ഞ്ഞ വ​ർ​ഷ​ത്തി​ലേ​ക്കു നാം ​തി​രി​ഞ്ഞു​നോ​ക്കു​ന്പോ​ൾ ന​മ്മു​ടെ ദുഃ​ഖ​ങ്ങ​ൾ എ​ണ്ണി​യെ​ണ്ണി വി​ല​പി​ക്കാ​നാ​ണ് നാം ​ശ്ര​മി​ക്കു​ന്ന​തെ​ങ്കി​ൽ പു​തു​വ​ർ​ഷ​ത്തി​ൽ ന​മു​ക്കു കാ​ലി​ട​റു​മെ​ന്ന​തി​ൽ സം​ശ​യം വേ​ണ്ട. സ​ന്തോ​ഷ​ങ്ങ​ളും ദുഃ​ഖ​ങ്ങ​ളും ന​മ്മു​ടെ ജീ​വി​ത​ത്തി​ന്‍റെ അ​വി​ഭാ​ജ്യ​ഘ​ട​ക​ങ്ങ​ളാ​ണ്. സു​ഖ​ങ്ങ​ളി​ൽ മ​തി​മ​റ​ക്കാ​തി​രി​ക്കാ​നും ദുഃ​ഖ​ങ്ങ​ളി​ൽ ത​ക​ർ​ന്നു​പോ​കാ​തി​രി​ക്കാ​നും ന​മു​ക്കു സാ​ധി​ക്ക​ണം. അ​തി​നു പ്ര​ധാ​ന​മാ​യും സ​ഹാ​യി​ക്കു​ന്ന​തു കൃ​ത​ജ്ഞ​താ​നി​ർ​ഭ​ര​മാ​യ ഒ​രു ഹൃ​ദ​യ​മാ​ണ്.

ന​മു​ക്കു ല​ഭി​ക്കു​ന്ന സ​ന്തോ​ഷ​ങ്ങ​ളെ​ക്കു​റി​ച്ചു ദൈ​വ​ത്തോ​ടും അ​വ ആ​രു​വ​ഴി വ​രു​ന്നു​വോ അ​വ​രോ​ടും ന​മു​ക്കു ന​ന്ദി​യു​ണ്ടെ​ങ്കി​ൽ അ​തു ന​മു​ക്കു ന​ൽ​കു​ന്ന ആ​ത്മ​ബ​ലം ചി​ല്ല​റ​യ​ല്ല. എ​ന്നു മാ​ത്ര​മ​ല്ല, ആ ​ആ​ത്മ​ബ​ലം ദുഃ​ഖ​ങ്ങ​ൾ സ​മ​ചി​ത്ത​ത​യോ​ടെ നേ​രി​ടാ​നും ന​മ്മെ സ​ഹാ​യി​ക്കും. അ​തേ​സ​മ​യം, ന​മ്മു​ടെ സ​ന്തോ​ഷ​ങ്ങ​ളെ​ക്കു​റി​ച്ചും ജീ​വി​ത​ത്തി​ലെ ന​ന്മ​ക​ളെ​ക്കു​റി​ച്ചും വെ​റു​തെ സ്മ​രി​ച്ചാ​ൽ മാ​ത്രം പോ​രാ. അ​വ​യെ​ക്കു​റി​ച്ചു ദൈ​വ​ത്തി​നു നി​ര​ന്ത​രം ന​ന്ദി​പ​റ​യ​ണം. ന​ന്മ​ക​ൾ ആ​രി​ൽ​നി​ന്നാ​ണോ അ​വ​രോ​ടും ന​ന്ദി പ്ര​കാ​ശി​പ്പി​ക്ക​ണം.

അ​മേ​രി​ക്ക​ൻ മ​നഃ​ശാ​സ്ത്ര​പ​ണ്ഡി​ത​നാ​യ ഡോ. ​റോ​ബ​ർ​ട്ട് എ​മ​ൺ​സ് പ​റ​യു​ന്ന​ത​നു​സ​രി​ച്ച്, ""കൃ​ത​ജ്ഞ​താ​നി​ർ​ഭ​ര​മാ​യ ഹൃ​ദ​യ​മു​ള്ള ഒ​രു​വ​നു ജീ​വി​ത​ത്തി​ൽ അ​സാ​ധാ​ര​ണ നേ​ട്ടം കൊ​യ്യാ​നാ​വും. കാ​ര​ണം, മാ​ന​സി​ക​വും ശാ​രീ​രി​ക​വു​മാ​യ ആ​രോ​ഗ്യ​വും ജീ​വി​ത​ത്തി​ന്‍റെ പൂ​ർ​ണ​ത​യും കൈ​വ​രി​ക്കാ​ൻ ചി​ട്ട​യോ​ടു​കൂ​ടി​യ കൃ​ത​ജ്ഞ​താ​നി​ർ​ഭ​ര​മാ​യ ജീ​വി​തം സ​ഹാ​യി​ക്കും.'' അ​ദ്ദേ​ഹം പ​ഠി​പ്പി​ക്കു​ന്ന​ത​നു​സ​രി​ച്ച്, നാം ​ന​ന്ദി​പ്ര​ക​ട​നം ന​ട​ത്തു​ന്പോ​ൾ അ​തു മ​റ്റു​ള്ള​വ​ർ​ക്കു മ​ധു​ര​പ​ല​ഹാ​രം ക​ഴി​ക്കു​ന്ന അ​നു​ഭൂ​തി​യാ​ണു ന​ൽ​കു​ന്ന​ത​ത്രേ. കൃ​ത​ജ്ഞ​താ​പ്ര​ക​ട​നം ന​ട​ത്തു​ന്ന ആ​ളി​നും അ​തേ അ​നു​ഭൂ​തി ത​ന്നെ​യാ​ണു ല​ഭി​ക്കു​ന്ന​തെ​ന്നും​അ​ദ്ദേ​ഹം അ​ഭി​പ്രാ​യ​പ്പെ​ടു​ന്നു.

കു​റി​ച്ചു​വ​യ്ക്കാം

ന​മു​ക്കു ജീ​വി​ത​ത്തി​ൽ ല​ഭി​ക്കു​ന്ന അ​നു​ഗ്ര​ഹ​ങ്ങ​ളെ​ക്കു​റി​ച്ചു ന​ന്ദി​യു​ള്ള​വ​രാ​യി​രി​ക്കു​ന്ന​തി​നൊ​പ്പം അ​വ ന​മ്മു​ടെ ഓ​ർ​മ​യി​ൽ​നി​ന്നു മ​റ​ഞ്ഞു പോ​കാ​തി​രി​ക്കാ​ൻ ന​മ്മു​ടെ ഡ​യ​റി​യി​ൽ കു​റി​ച്ചു​വ​യ്ക്കു​ന്ന​തും ന​ന്നാ​യി​രി​ക്കും. 2015ൽ ​ജേ​ർ​ണ​ൽ ഓ​ഫ് ക​ൺ​സ​ൾ​ട്ടിം​ഗ് ആ​ൻ​ഡ് ക്ലി​നി​ക്ക​ൽ സൈ​ക്കോ​ള​ജി എ​ന്ന പ്ര​സി​ദ്ധീ​ക​ര​ണ​ത്തി​ൽ ഒ​രു "ഡ​യ​റി എ​ക്സ​ർ​സൈ​സി'​ന്‍റെ റി​പ്പോ​ർ​ട്ട് പ്ര​സി​ദ്ധീ​ക​രി​ച്ചി​രു​ന്നു.

ഈ ​റി​പ്പോ​ർ​ട്ട​നു​സ​രി​ച്ച്, ആ​ഴ്ച​യി​ൽ ര​ണ്ടു ത​വ​ണ എ​ങ്കി​ലും ജീ​വി​ത​ത്തി​ലെ ന​ന്മ​ക​ൾ കു​റി​ച്ചു​വ​ച്ച​വ​രു​ടെ ജീ​വി​ത​ത്തി​ൽ വി​ഷാ​ദ​രോ​ഗ​ത്തി​ന്‍റെ ല​ക്ഷ​ണ​ങ്ങ​ൾ വ​ള​രെ അ​പൂ​ർ​വ​മാ​യി മാ​ത്ര​മേ ക​ണ്ടി​രു​ന്നു​ള്ളൂ. എ​ന്നു മാ​ത്ര​മ​ല്ല, അ​വ​രു​ടെ മാ​ന​സി​കാ​രോ​ഗ്യം ഏ​റെ മെ​ച്ച​വു​മാ​യി​രു​ന്ന​ത്രെ. വി​വി​ധ രീ​തി​യി​ലു​ള്ള ദുഃ​ഖ​ങ്ങ​ൾ​ക്കി​ട​യി​ലും ജീ​വി​ത​ത്തി​ലെ ന​ന്മ​ക​ൾ എ​ണ്ണാ​ൻ അ​വ​ർ മ​റ​ന്നു​പോ​യി​ല്ല. ത​ന്മൂ​ല​മാ​ണ​ത്രെ, അ​വ​രു​ടെ മാ​ന​സി​കാ​രോ​ഗ്യം മെ​ച്ച​പ്പെ​ടാ​ൻ ഇ​ട​യാ​യ​ത്.

പു​തി​യ വ​ർ​ഷ​ത്തി​ലേ​ക്കു നാം ​കാ​ലെ​ടു​ത്തു കു​ത്തു​ന്പോ​ൾ നാം ​ആ​ദ്യം ചെ​യ്യു​ന്ന​തു ദൈ​വ​ത്തി​നു​ള്ള ന​ന്ദി​പ്ര​ക​ട​ന​മാ​യി​രി​ക്ക​ണം. കാ​ര​ണം, എ​ത്ര​യോ പേ​ർ​ക്കു ല​ഭി​ക്കാ​തെ പോ​യ സൗ​ഭാ​ഗ്യ​മാ​ണ് ന​മു​ക്കു ല​ഭി​ച്ചി​രി​ക്കു​ന്ന​ത്. ന​മു​ക്കെ​ന്തെ​ങ്കി​ലും ദുഃ​ഖ​ങ്ങ​ളു​ണ്ടെ​ങ്കി​ൽ​കൂ​ടി പു​തി​യൊ​രു വ​ർ​ഷം കാ​ണാ​ൻ ദൈ​വം ന​മു​ക്കു ഭാ​ഗ്യം ത​ന്നി​ല്ലേ?

ന​ന്ദി​യു​ടേ​താ​യ ഒ​രു ഹൃ​ദ​യം ന​മു​ക്കു​ണ്ടെ​ങ്കി​ൽ ഏ​തു വ​ലി​യ പ്ര​തി​സ​ന്ധി​ക്കി​ട​യി​ലും നാം ​പി​ടി​ച്ചു​നി​ൽ​ക്കു​മെ​ന്ന​താ​ണു വ​സ്തു​ത. കാ​ര​ണം, ദുഃ​ഖ​ങ്ങ​ളെ​ക്കാ​ളേ​റെ അ​നു​ഗ്ര​ഹ​ങ്ങ​ൾ ന​മ്മു​ടെ ജീ​വി​ത​ത്തി​ലു​ണ്ടെ​ന്ന​തു കൃ​ത​ജ്ഞ​താ​നി​ർ​ഭ​ര​മാ​യ ഒ​രു ജീ​വി​തം ന​മ്മെ നി​ര​ന്ത​രം ഒാ​ർ​മി​പ്പി​ക്കും.

ബു​ദ്ധി​രാ​ക്ഷ​സ​നാ​യി​രു​ന്ന ആ​ൽ​ബ​ർ​ട്ട് ഐ​ൻ​സ്റ്റൈ​ൻ (1879-1955) ഇ​പ്ര​കാ​രം എ​ഴു​തി: ""ഇ​ന്ന​ലെ​യി​ൽ​നി​ന്നു പ​ഠി​ക്കു​ക. ഇ​ന്നേ​ക്കു​വേ​ണ്ടി ജീ​വി​ക്കു​ക. നാ​ളേ​ക്കു​വേ​ണ്ടി പ്ര​തീ​ക്ഷി​ക്കു​ക.'' ഇ​ന്ന​ലെ​യി​ൽ​നി​ന്നു ധാ​രാ​ളം ന​മു​ക്കു പ​ഠി​ക്കു​വാ​നു​ണ്ടാ​കും. പ്ര​ത്യേ​കി​ച്ചും ന​മു​ക്കു​ണ്ടാ​യ പ​രാ​ജ​യ​ങ്ങ​ളി​ൽ​നി​ന്നും പാ​ളി​ച്ച​ക​ളി​ൽ​നി​ന്നും.

അ​വ​യി​ൽ​നി​ന്നു നാം ​ശ​രി​യാ​യ പാ​ഠം പ​ഠി​ച്ചാ​ൽ ഇ​ന്നു നേ​രാ​യ രീ​തി​യി​ൽ എ​ങ്ങ​നെ​യാ​ണു ജീ​വി​ക്കേ​ണ്ട​തെ​ന്നു ന​മു​ക്കു മ​ന​സി​ലാ​കും. അ​പ്പോ​ൾ, നാ​ളെ​യു​ള്ള ജീ​വി​തം ന​മു​ക്ക് ഏ​റെ പ്ര​തീ​ക്ഷ ന​ല്കു​ന്ന​താ​യി​രി​ക്കും. കാ​ര​ണം, നാം ​കാ​ലെ​ടു​ത്തു​കു​ത്തു​ന്ന വ​ഴി​ക​ൾ ശ​രി​യാ​യ​തു ത​ന്നെ​യാ​യി​രി​ക്കും.

2024ലേ​ക്ക് എ​ത്തു​ന്പോ​ൾ പ്ര​തീ​ക്ഷി​ക്കാ​ത്ത പ​ല പ്ര​തി​ബ​ന്ധ​ങ്ങ​ളും ന​മ്മെ അ​ഭി​മു​ഖീ​ക​രി​ച്ചേ​ക്കാം. അ​പ്പോ​ഴൊ​ക്കെ ന​മു​ക്കു താ​ങ്ങും ത​ണ​ലു​മാ​യി ദൈ​വ​മു​ണ്ടെ​ന്ന​ത് എ​പ്പോ​ഴും ന​മ്മു​ടെ ഓ​ർ​മ​യി​ലു​ണ്ടാ​യി​രി​ക്ക​ട്ടെ. അ​പ്പോ​ൾ, മ​ന​സ് പ​ത​റാ​തെ നാം ​ധീ​ര​മാ​യി മു​ന്നോ​ട്ടു​പോ​കു​ക​ത​ന്നെ ചെ​യ്യും. കാ​ര​ണം, ദൈ​വ​ത്തി​ൽ ആ​ശ്ര​യി​ക്കു​ന്ന​വ​ർ​ക്ക് എ​പ്പോ​ഴും അ​വി​ട​ന്നു താ​ങ്ങും ത​ണ​ലു​മാ​യി​രി​ക്കു​മ​ല്ലോ.

ജീ​വി​ത​ത്തി​ലെ ന​ന്മ​ക​ളെ​ല്ലാം എ​ണ്ണി​ക്കൊ​ണ്ട് ന​ന്ദി​നി​റ​ഞ്ഞ ഹൃ​ദ​യ​ത്തോ​ടു​കൂ​ടി പു​തി​യ വ​ർ​ഷ​ത്തെ ന​മു​ക്കു വ​ര​വേ​ൽ​ക്കാം. അ​പ്പോ​ൾ, പു​തു​വ​ർ​ഷ​ത്തി​ലും നി​ര​വ​ധി ന​ന്മ​ക​ൾ എ​ണ്ണാ​ൻ ദൈ​വം ന​മു​ക്ക് അ​നു​ഗ്ര​ഹം ന​ല്കും. എ​ല്ലാ​വ​ർ​ക്കും പു​തു​വ​ർ​ഷ​ത്തി​ന്‍റെ എ​ല്ലാ ന​ന്മ​ക​ളും നേ​രു​ന്നു.

ഫാ. ​ജോ​സ് പ​ന്ത​പ്ലാം​തൊ​ട്ടി​യി​ൽ


Copyright @ 2022 , Rashtra Deepika Ltd.