ഭ​ക്ഷ​ണം എ​ല്ലാ​വ​ർ​ക്കും ക​ഴി​ക്ക​ണം. വാ​ങ്ങി​ക്ക​ഴി​ക്കു​ന്ന​വ​രും ഉ​ണ്ടാ​ക്കി ക​ഴി​ക്കു​ന്ന​വ​രും ഉ​ണ്ട്. ബ്രാ​ൻ​ഡ​ഡും നാ​ട​നു​മു​ണ്ട്. സ്വ​ന്തം ഇ​ഷ്ട​പ്ര​കാ​രം ഉ​പ്പ്, മ​ധു​രം, മ​സാ​ല​ക്കൂ​ട്ട​ക​ൾ എ​ന്നി​വ വേ​ണ​മെ​ങ്കി​ൽ സ്വ​യം ഉ​ണ്ടാ​ക്കി ക​ഴി​ക്കു​ന്ന​താ​ണ് ന​ല്ല​ത്. അ​ല്ലെ​ങ്കി​ൽ, ഹേ​യ് ഇ​തു പോ​ര​ല്ലോ എ​ന്നു പ​റ​യേ​ണ്ടി​വ​രും. ഏ​തു കൊ​ല​കൊ​ന്പ​ൻ ഷെ​ഫ് ഉ​ണ്ടാ​ക്കി​യാ​ലും ന​മു​ക്കു പി​ടി​ക്കി​ല്ല.

പാ​ട്ടി​ന്‍റെ കാ​ര്യ​ത്തി​ലും ഇ​പ്പോ​ൾ ഈ​യൊ​രു സൗ​ക​ര്യ​മു​ണ്ട്. സം​ഗ​തി എ​ഐ ആ​ണ്- ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്. അ​വ​ന​വ​ന് ഇ​ഷ്ട​മു​ള്ള, ആ​വ​ശ്യ​മു​ള്ള ത​രം പാ​ട്ടു​ക​ൾ സ്വ​യം ഉ​ണ്ടാ​ക്കി കേ​ൾ​ക്കാ​ൻ ഇ​പ്പോ​ൾ ഗൂ​ഗി​ൾ സ​ഹാ​യ​ത്തി​നു​ണ്ട്. എ​ന്നെ ട്രോ​ളാ​ൻ എ​നി​ക്ക് ഒ​രു ----യു​ടെ​യും സ​ഹാ​യം വേ​ണ്ട എ​ന്നു പ​റ​യു​ന്ന​തു​പോ​ലെ, എ​നി​ക്കു വേ​ണ്ട പാ​ട്ടു​കേ​ൾ​ക്കാ​ൻ ഒ​രു ഷെ​ഫി​ന്‍റെ​യും, ശ്ശേ, ​ഒ​രു സം​ഗീ​ത സം​വി​ധാ​യ​ക​ന്‍റെ​യും സ​ഹാ​യം വേ​ണ്ട എ​ന്ന നി​ല​യി​ലാ​യി കാ​ര്യ​ങ്ങ​ൾ. വാ​ക്കു​ക​ൾ​കൊ​ണ്ടു വി​വ​ര​ണ​ങ്ങ​ൾ ന​ൽ​കി​യാ​ൽ അ​തു സം​ഗീ​ത​മാ​ക്കാ​ൻ ശേഷി​യു​ള്ള ഗൂ​ഗി​ൾ മ്യൂ​സി​ക്എ​ൽ​എം എ​ന്ന സം​വി​ധാ​നം ഇ​പ്പോ​ൾ പൊ​തു​ജ​ന​ത്തി​ന് ഉ​പ​യോ​ഗി​ക്കാ​ൻ തു​റ​ന്നു കൊ​ടു​ത്തി​രി​ക്കു​ന്നു. പാ​ട്ടി​ലെ ചാ​റ്റ് ജി​പി​ടി​യാ​ണ് മ്യൂ​സി​ക്എ​ൽ​എം എ​ന്നു പ​റ​യാം.

എ​ന്ത്, എ​ങ്ങ​നെ?

ലോ​ക​ത്ത് ഇ​ന്നു​വ​രെ​യു​ള്ള സം​ഗീ​ത​സം​ബ​ന്ധ​മാ​യ അ​റി​വു​ക​ളും സം​ഗീ​ത​ശ​ക​ല​ങ്ങ​ളു​മെ​ല്ലാം ഒ​രു ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ് സം​വി​ധാ​ന​ത്തി​ൽ സൂ​ക്ഷി​ച്ചു​വ​ച്ചി​രി​ക്കു​ന്നു എ​ന്നു ക​രു​തു​ക. അ​തി​ൽ​നി​ന്ന് നി​ങ്ങ​ൾ​ക്ക് ഇ​ഷ്ട​മു​ള്ള ഒ​രു സം​ഗീ​ത​ശ​ക​ലം, ഇ​ഷ്ട​മു​ള്ള ഉ​പ​ക​ര​ണ​ങ്ങ​ളു​ടെ പ​ശ്ചാ​ത്ത​ല​ത്തി​ൽ സ്വ​ന്ത​മാ​യി വേ​ർ​തി​രി​ച്ച് എ​ടു​ക്കാം. ഗി​റ്റ്ഹ​ബി​ൽ ഗൂ​ഗി​ൾ പ​റ​യു​ന്ന​തി​ങ്ങ​നെ: വാ​ക്കു​ക​ൾ​കൊ​ണ്ട് വി​ശ​ദീ​ക​രി​ക്കു​ന്പോ​ൾ ഹൈ-​ഫി​ഡെ​ലി​റ്റി സം​ഗീ​തം സൃ​ഷ്ടി​ക്കു​ന്ന മോ​ഡ​ലാ​ണ് മ്യൂ​സി​ക്എ​ൽ​എം. ഉ​ദാ​ഹ​ര​ണ​ത്തി​ന് ""ശാ​ന്ത​മാ​യ വ​യ​ലി​ൻ മെ​ല​ഡി, ഡി​സ്റ്റോ​ർ​ട്ട് ചെ​യ്യ​പ്പെ​ട്ട ഗി​റ്റാ​ർ റി​ഫി​ന്‍റെ പ​ശ്ചാ​ത്ത​ല​ത്തി​ൽ​'' എ​ന്നു ക​മാ​ൻ​ഡ് ന​ൽ​കി​യാ​ൽ കൃ​ത്യം അ​ത്ത​ര​മൊ​രു സം​ഗീ​ത​ശ​ക​ലം നി​ങ്ങ​ൾ​ക്കു തി​രി​കെ ല​ഭി​ക്കും.

ശ​ബ്ദ​ത്തി​ന്‍റെ നി​ല​വാ​ര​ത്തി​ലും, ക​മാ​ൻ​ഡു​ക​ൾ തി​രി​ച്ച​റിഞ്ഞ് സം​ഗീ​തം സൃ​ഷ്ടി​ക്കു​ന്ന കാ​ര്യ​ത്തി​ലും മു​ന്പു​ള്ള മോ​ഡ​ലു​ക​ളേ​ക്കാ​ൾ വ​ള​രെ മു​ന്നി​ലാ​ണ് മ്യൂ​സി​ക്എ​ൽ​എം എ​ന്നും ഗൂ​ഗി​ൾ അ​വ​കാ​ശ​പ്പെ​ടു​ന്നു. ഇ​ത്ത​ര​ത്തി​ൽ ജെ​ന​റേ​റ്റ് ചെ​യ്ത 5,500 സം​ഗീ​ത​ശ​ക​ല​ങ്ങ​ൾ ഗൂ​ഗി​ൾ ന​ൽ​കി​യി​ട്ടു​ണ്ട്.
റെ​ക്കോ​ർ​ഡ് ചെ​യ്യ​പ്പെ​ട്ട ഏ​താ​ണ്ടു മൂ​ന്നു​ല​ക്ഷം മ​ണി​ക്കൂ​ർ സം​ഗീ​തം കേ​ൾ​പ്പി​ച്ചു പ​രി​ശീ​ലി​പ്പി​ച്ചാ​ണ് മ്യൂ​സി​ക്എ​ൽ​എം സൃ​ഷ്ടി​ച്ച​തെ​ന്നു പ​റ​യു​ന്നു. ഉ​പ​യോ​ക്താ​വു ന​ൽ​കു​ന്ന ടെ​ക്സ്റ്റ് ക​മാ​ൻ​ഡ് അ​നു​സ​രി​ച്ച് വി​വി​ധ ഉ​പ​ക​ര​ണ​ങ്ങ​ളും വി​ഭാ​ഗ​ങ്ങ​ളും സ​ങ്ക​ല്പ​ങ്ങ​ളും അ​ട​ങ്ങു​ന്ന സം​ഗീ​തം അ​തി​നു സൃ​ഷ്ടി​ക്കാ​നാ​വും. ഒ​രു മെ​ല​ഡി പാ​ടി​ക്കൊ​ടു​ത്തു പ​രി​ശീ​ലി​പ്പി​ച്ചാ​ൽ അ​തു​പോ​ലെ മ​റ്റൊ​ന്നു സൃ​ഷ്ടി​ക്കാ​നു​ള്ള സാ​ധ്യ​ത​യും ഉ​ണ്ട്.

എ​ങ്ങ​നെ പ​രീ​ക്ഷി​ക്കാം?

ഗൂ​ഗി​ളി​ന്‍റെ എ​ഐ ടെ​സ്റ്റ് കി​ച്ച​ൻ ആ​പ്പ് വ​ഴി ന​മു​ക്കും മ്യൂ​സി​ക്എ​ൽ​എം പ​രീ​ക്ഷി​ക്കാം. ടെ​സ്റ്റ് കി​ച്ച​നി​ൽ ആ​ക്സ​സ് ല​ഭി​ച്ചാ​ൽ ഒ​രു ടെ​ക്സ്റ്റ് ബോ​ക്സ് ല​ഭി​ക്കും. ഇ​വി​ടെ പാ​ട്ടി​നെ​ക്കു​റി​ച്ച് വി​ശ​ദീ​ക​ര​ണം ന​ൽ​കാം. സി​സ്റ്റം പാട്ടിന്‍റെ ര​ണ്ടു വ്യ​ത്യ​സ്ത പ​തി​പ്പു​ക​ളാ​ണ് തിരികെ ന​ൽ​കു​ക. ഇ​വ ഡൗ​ണ്‍​ലോ​ഡ് ചെ​യ്ത് കേ​ൾ​ക്കാ​നും ക​ഴി​യും. ര​ണ്ടി​ൽ ഏ​തു വേ​ർ​ഷ​നാ​ണ് ന​ല്ല​തെ​ന്ന് തം​പ്സ് അ​പ് ചെ​യ്ത് അ​റി​യി​ക്കാ​ൻ ഗൂ​ഗി​ൾ ആ​വ​ശ്യ​പ്പെ​ടു​ന്നു​ണ്ട്. എ​ഐ​യ്ക്ക് കൂ​ടു​ത​ൽ മി​ക​വു ന​ൽ​കാ​നാ​ണ് ഇ​ത്.

മ്യൂ​സി​ക്എ​ൽ​എം സൃ​ഷ്ടി​ക്കു​ന്ന പാ​ട്ടു​ക​ളി​ൽ ഗു​ണ​വും ദോ​ഷ​വു​മു​ണ്ടെ​ന്ന് ഇ​ത്ത​ര​ത്തി​ൽ പ​രീ​ക്ഷ​ണം ന​ട​ത്തി​യ​വ​ർ സാ​ക്ഷ്യ​പ്പെ​ടു​ത്തു​ന്നു. ചി​ല​ത് ന​ന്നാ​യി തു​ട​ങ്ങിയ​ശേ​ഷം ഒ​രു പ്ര​ത്യേ​ക ഇ​ട​ത്ത് എ​ത്തു​ന്പോ​ൾ ഒ​ട്ടും സം​ഗീ​താ​ത്മ​ക​മ​ല്ലാ​താ​കു​ന്നു. ചി​ല​ത് മ​നോ​ഹ​ര​മാ​യ മെ​ല​ഡി​ക​ളാ​കു​ന്പോ​ൾ മ​റ്റു ചി​ല​ത് ഡി​ജി​റ്റ​ൽ ഓ​ഡി​യോ വ​ർ​ക്സ്റ്റേ​ഷ​നി​ൽ ഒ​രു നാ​ലു​വ​യ​സു​ക​ാര​ൻ ക​ളി​ച്ച ക​ളി​പോ​ലെ​യാ​കു​ന്നു. ഇ​ങ്ങ​നെ​യെ​ല്ലാ​മാ​ണെ​ങ്കി​ലും ജ്യൂ​ക്ബോ​ക്സ് പോ​ലു​ള്ള മു​ൻ​ഗാ​മി​ക​ളേ​ക്കാ​ൾ പാ​ടേ മു​ന്നി​ലാ​ണ് മ്യൂ​സി​ക്എ​ൽ​എം എ​ന്നാ​ണ് വി​ദ​ഗ്ധ​രു​ടെ പ​ക്ഷം.

എ​ന്താ​വും ഭാ​വി?

ഗൂ​ഗി​ൾ മ്യൂ​സി​ക്എ​ൽ​എം അ​വ​ത​രി​പ്പി​ച്ച​കാ​ല​ത്ത് സം​ഗീ​ത​ജ്ഞ​രു​ടെ പ​ണി പോ​കു​മോ എ​ന്ന​താ​യി​രു​ന്നു വാ​ർ​ത്താ ത​ല​ക്കെ​ട്ടു​ക​ൾ. എ​ന്നാ​ൽ ഇ​ത് പെ​ട്ടെ​ന്നൊ​ന്നും സം​ഭ​വി​ക്കി​ല്ലെ​ന്നു​റ​പ്പ്. കു​റ​വു​ക​ളെ​ല്ലാം പ​രി​ഹ​രി​ക്ക​പ്പെ​ട്ട് അ​ത്യു​ഗ്ര​ൻ ട്രാ​ക്കു​ക​ൾ എ​ഐ ബോ​ട്ട് ഒ​രു​ക്കി​ത്ത​ന്നാ​ലും നി​യ​മ​ക്കു​രു​ക്കു​ക​ൾ​ക്ക് വ​ലി​യ സാ​ധ്യ​ത​യു​ണ്ട്. സം​ഗീ​ത​ലോ​ക​ത്ത് പ​ണ്ടു​മു​ത​ൽ​ക്കേ കോ​പ്പി റൈ​റ്റ് എ​ന്ന​ത് വ​ലി​യ ച​ർ​ച്ച​ക​ൾ​ക്കും വി​വാ​ദ​ങ്ങ​ൾ​ക്കും വ​ഴി​മ​രു​ന്നി​ട്ടി​ട്ടു​ണ്ട്. അ​വ ഒ​ന്നു​കൂ​ടി ശ​ക്ത​മാ​കാ​ൻ മ്യൂ​സി​ക്എ​ൽ​എം കാ​ര​ണ​മാ​കു​മെ​ന്നു​റ​പ്പ്.

മ്യൂ​സി​ക്എ​ൽ​എം സൃ​ഷ്ടി​ക്കു​ന്ന സം​ഗീ​ത​ത്തി​ന്‍റെ ഉ​ട​മ ആ​രാ​ണ് എ​ന്ന​താ​വും ഏ​റ്റ​വും വ​ലി​യ ചോ​ദ്യം. ക​മാ​ൻ​ഡ് ന​ൽ​കു​ന്ന ഉ​പ​യോ​ക്താ​വാ​ണോ അ​തോ ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ് ആ​ണോ ഉ​ട​മ? ഇ​ന്‍റ​ർ​നെ​റ്റി​ൽ ല​ഭ്യ​മാ​യ, എ​ഐ​യി​ൽ ശേ​ഖ​രി​ക്ക​പ്പെ​ട്ട എ​ല്ലാ​ത്ത​രം സം​ഗീ​ത​വും സം​യോ​ജി​പ്പി​ച്ചാ​വും മ്യൂ​സി​ക്എ​ൽ​എം പു​തി​യ​തൊ​ന്ന് ജെ​ന​റേ​റ്റ് ചെ​യ്യു​ക. ഇ​തു​വ​രെ​യു​ള്ള എ​ല്ലാ സം​ഗീ​ത​കാ​രന്മാ​രു​ടെ​യും പ്ര​തി​ഭ അ​തി​ലു​ണ്ടാ​വും. അ​വ​രു​ടെ അ​റി​വോ സ​മ്മ​ത​മോ കൂ​ടാ​തെ​യാ​വും എ​ഐ സി​സ്റ്റ​ങ്ങ​ളെ പ​രി​ശീ​ലി​പ്പി​ച്ചി​രി​ക്കു​ക. അ​പ്പോ​ൾ അ​വ​കാ​ശം ആ​ർ​ക്കു ന​ൽ​കും? ചോ​ദ്യ​ങ്ങ​ൾ അ​വ​ധി​യു​ണ്ട്. സം​ഗീ​ത​ജ്ഞ​രും മ്യൂ​സി​ക് ക​ന്പ​നി​ക​ളും വ​ക്കീ​ൽ​നോ​ട്ടീ​സു​ക​ളു​മാ​യി കാ​ത്തി​രി​ക്കു​ന്നു​വെ​ന്നാ​ണ് വി​ദ​ഗ്ധ​ർ പ​റ​യു​ന്ന​ത്.

എ​ന്താ​യാ​ലും ഈ ​രം​ഗ​ത്ത് സാ​ങ്കേ​തി​ക​മാ​യും ധാ​ർ​മി​ക​മാ​യും ഒ​ട്ടേ​റെ മാ​റ്റ​ങ്ങ​ൾ വ​ന്നേ​ക്കാം. കാ​ത്തി​രു​ന്നു കേ​ൾ​ക്കാം എ​ന്ന​ല്ലാ​തെ എ​ന്തു പ​റ​യാ​ൻ!

ഇൻ ഹാർമണി/ഹരിപ്രസാദ്‌