ഈ ​കാ​ല​ഘ​ട്ട​ത്തി​ൽ നാം ​കാ​ണു​ന്ന മ​ഹാ​പ്ര​തി​ഭ​ക​ൾ​ക്കി​ട​യി​ൽ അ​ഗ്ര​ഗ​ണ്യ​നാ​യി ക​രു​ത​പ്പെ​ടു​ന്ന ബ​ഹു​മു​ഖ പ്ര​തി​ഭ​യാ​ണ് ചാ​ർ​ളി ചാ​പ്ലി​ൻ. നി​ശ​ബ്ദ​കാ​ല​ത്തെ ചെ​റു​കോ​മ​ഡി​ക​ളി​ൽ​നി​ന്ന് 1930ക​ളി​ൽ മു​ഴു​നീ​ള ക​ഥാ​ചി​ത്ര​ങ്ങ​ളി​ലേ​ക്കു ചാ​പ്ലി​ൻ ചു​വ​ടു​മാ​റ്റി​യ​ത് അ​ല്പം മ​ടി​ച്ചു​മ​ടി​ച്ചാ​യി​രു​ന്നു.

ര​ണ്ടു മ​ഹാ​യു​ദ്ധ​ങ്ങ​ൾ​ക്കി​ട​യി​ലാ​ണ് ച​ല​ച്ചി​ത്ര​ക​ല വ​ള​ർ​ച്ച പൂ​ർ​ത്തി​യാ​ക്കി​യ​ത്. നി​ശ​ബ്ദ​ത​യി​ൽ​നി​ന്നു ശ​ബ്ദ​ത്തി​ലേ​ക്കും ബ്ലാ​ക്ക് ആ​ൻ​ഡ് വൈ​റ്റി​ൽ​നി​ന്നു വ​ർ​ണ ചി​ത്ര​ങ്ങ​ളി​ലേ​ക്കും വ​ള​ർ​ന്ന കാ​ലം. വ​ൻ സ്റ്റു​ഡി​യോ​ക​ളും അ​വ​യ്ക്കൊ​പ്പം താ​ര​ങ്ങ​ളും ഉ​യ​ർ​ന്നു​വ​ന്നു.

ഈ ​കാ​ല​ഘ​ട്ട​ത്തി​ൽ നാം ​കാ​ണു​ന്ന മ​ഹാ​പ്ര​തി​ഭ​ക​ൾ​ക്കി​ട​യി​ൽ അ​ഗ്ര​ഗ​ണ്യ​നാ​യി ക​രു​ത​പ്പെ​ടു​ന്ന ബ​ഹു​മു​ഖ പ്ര​തി​ഭ​യാ​ണ് ചാ​ർ​ളി ചാ​പ്ലി​ൻ. നി​ശ​ബ്ദ​കാ​ല​ത്തെ ചെ​റു​കോ​മ​ഡി​ക​ളി​ൽ​നി​ന്ന് 1930ക​ളി​ൽ മു​ഴു​നീ​ള ക​ഥാ​ചി​ത്ര​ങ്ങ​ളി​ലേ​ക്കു ചാ​പ്ലി​ൻ ചു​വ​ടു​മാ​റ്റി​യ​ത് അ​ല്പം മ​ടി​ച്ചു​മ​ടി​ച്ചാ​യി​രു​ന്നു.

ചാ​പ്ലി​ൻ​ത​ന്നെ ക​ഥ​യും സം​ഭാ​ഷ​ണ​വും ര​ചി​ച്ചു സം​വി​ധാ​ന​വും അ​ഭി​ന​യ​വും നി​ർ​വ​ഹി​ച്ച ശ​ബ്ദ​ചി​ത്ര​ങ്ങ​ൾ​ക്കി​ട​യി​ൽ ’ദ ​ഗ്രേറ്റ് ഡി​ക്‌​ടേ​റ്റ​ർ’ പ​ല കാ​ര​ണ​ങ്ങ​ളാ​ൽ ഇ​ന്നും സ്മ​രി​ക്ക​പ്പെ​ടു​ന്നു.

ആ​ക്ഷേ​പഹാ​സ്യം

രാ​ഷ്‌​ട്രീ​യ ആ​ക്ഷേ​പ​ഹാ​സ്യ​മെ​ന്ന് വി​ശേ​ഷി​ക്ക​പ്പെ​ടു​ന്ന ഈ ​ചി​ത്രത്തിൽ ചാ​പ്ലി​ൻ പ്രേ​ക്ഷ​ക​ർ​ക്കു ചി​ര​പ​രി​ചി​ത​നാ​യ ‘കു​ള്ള​ൻ കോ​മാ​ളി​’യെ ഇ​ര​ട്ട റോ​ളി​ലാ​ണ് അ​വ​ത​രി​പ്പി​ക്കു​ന്ന​ത്. അ​തി​ലു​പ​രി ര​ണ്ടാം ലോ​ക​മ​ഹാ​യു​ദ്ധ​ത്തി​ന്‍റെ തു​ട​ക്ക​ത്തി​ൽ തി​യ​റ്റ​റു​ക​ളി​ലെ​ത്തി​യ ’ഡി​ക്‌​ടേ​റ്റ​ർ’ അ​ന്നു നി​ല​നി​ന്നി​രു​ന്ന രൂ​ക്ഷ​മാ​യ രാ​ഷ്‌​ട്രീ​യ പ്ര​തി​സ​ന്ധി​യോ​ടു ചാ​പ്ലി​ൻ ന​ട​ത്തി​യ പ്ര​തി​ക​ര​ണ​വു​മാ​യി​രു​ന്നു.

ഒ​ന്നാം ലോ​ക മ​ഹാ​യു​ദ്ധം അ​വ​സാ​നി​ച്ച​ത് ഇ​രു​പ​തു വ​ർ​ഷ​ത്തി​നു​ള്ളി​ൽ വ​രാ​നു​ള്ള ര​ണ്ടാം യു​ദ്ധ​ത്തി​നു വ​ഴി​മ​രു​ന്നി​ട്ടു​കൊ​ണ്ടാ​ണ്. ഇ​റ്റ​ലി​യി​ൽ ഫാ​സി​സ​വും ജ​ർ​മ​നി​യി​ൽ നാ​സിസ​വും പി​ടി​മു​റു​ക്കി. ജ​ർ​മ​ന​യി​ൽ ജ​നാ​ധി​പ​ത്യം അ​ട്ടി​മ​റി​ച്ച ഹിറ്റ്‌ലർ വം​ശ​വെ​റി​യി​ൽ അ​ധി​ഷ്ഠി​ത​മാ​യ ത​ന്‍റെ ഭ​ര​ണ​മു​റ​പ്പി​ക്കാ​ൻ യ​ഹൂ​ദ​വി​രോ​ധം മു​ഖ്യ ആ​യു​ധ​മാ​ക്കി. കോ​ണ്‍​സ​ൻ​ട്രേ​ഷ​ൻ ക്യാ​ന്പു​ക​ൾ പി​റ​ന്നു. 1938ൽ ​ഹി​റ്റ്‌ലർ ഓ​സ്ട്രി​യ പി​ടി​ച്ചെ​ടു​ത്തു. ഈ ​സ​മ​യ​ത്താ​ണു വ​രാ​നി​രി​ക്കു​ന്ന ദു​ര​ന്തം മു​ന്നി​ൽ​ക​ണ്ട് ചാ​പ്ലി​ൻ ’ദ ​ഗ്രേ​റ്റ് ഡി​ക്‌​ടേ​റ്റ​ർ’ നി​ർ​മി​ക്കാ​ൻ തു​ട​ങ്ങി​യ​ത്.

യു​ദ്ധ​വി​രു​ദ്ധ സ​ന്ദേ​ശം

1940ൽ ​അ​മേ​രി​ക്ക​യി​ൽ ചി​ത്രം റി​ലീ​സ് ചെ​യ്യു​ന്പോ​ൾ പോ​ള​ണ്ടും ഹി​റ്റ്‌ലർ കീ​ഴ​ട​ക്കി​ക്ക​ഴി​ഞ്ഞി​രു​ന്നു. അ​തോ​ടെ ബ്രി​ട്ട​നും യു​ദ്ധ​രം​ഗ​ത്താ​യി. എ​ന്നാ​ൽ, യൂ​റോ​പ്യ​ൻ രാ​ഷ്‌​ട്രീ​യ​ത്തി​ൽ ഇ​ട​പെ​ടാ​തെ നി​ഷ്പ​ക്ഷ​മാ​യി നി​ന്ന റൂ​സ്‌​വെ​ൽ​റ്റ് ഭ​ര​ണ​ത്തി​ൽ ഈ ​വി​ഷ​യം ക​ത്തി​നി​ന്നു. അ​വി​ടെ​യും ഹി​റ്റ്‌ലർക്കു പി​ന്തു​ണ​ക്കാ​ർ ഉ​ണ്ടാ​യി​രു​ന്നു​താ​നും. അ​മേ​രി​ക്ക​ൻ നി​ഷ്പ​ക്ഷ​ത പൊ​ടു​ന്നനെ അ​വ​സാ​നി​ച്ച​ത് 1941 ഡി​സം​ബ​റി​ലെ പേ​ൾ ഹാ​ർ​ബ​ർ സം​ഭ​വ​ത്തോ​ടെ​യാ​ണ്.

മേ​ല്പ​റ​ഞ്ഞ ച​രി​ത്ര​സ​ന്ധി​യി​ലാ​ണ് ചാ​പ്ലി​ന്‍റെ ചി​ത്രം പ്ര​സ​ക്ത​മാ​കു​ന്ന​ത്. ര​ണ്ടു മ​ഹാ​യു​ദ്ധ​ങ്ങ​ൾ​ക്കി​ട​യി​ൽ സം​ഭ​വി​ച്ച സു​പ്ര​ധാ​ന രാ​ഷ്‌​ട്രീ​യ സം​ഭ​വ​ങ്ങ​ളും അ​വ​യു​ടെ ന​ടു​നാ​യ​ക​രാ​യ ഹി​റ്റ്‌ലർ, മു​സോ​ള​നി എ​ന്നി​വ​രെയും ക​ഥാ​വി​ഷ​യ​മാ​ക്കി​ക്കൊ​ണ്ട് ശ​ക്ത​മാ​യ ഒ​രു യു​ദ്ധ​വി​രു​ദ്ധ സ​ന്ദേ​ശം ചാ​പ്ലി​ൻ ലോ​ക​ത്തി​നു ന​ൽ​കി.

ത​ന്‍റെ സ്വ​ത​സി​ദ്ധ​മാ​യ ശൈ​ലി​യി​ൽ പ്ര​ഹ​സ​ന​രൂ​പ​ത്തി​ൽ പാ​ര​ഡി​യും ആ​ക്ഷേ​പ​ഹാ​സ്യ​വും സ​ങ്കേ​ത​ങ്ങ​ളാ​ക്കി സ​മ​കാ​ലി​ക സം​ഭ​വ​ങ്ങ​ളു​ടെ ദു​ര​ന്ത​മു​ഖ​ത്തെ മ​റ​യ്ക്കാ​തെ​ത​ന്നെ ചി​രി പ​ട​ർ​ത്തു​ക​യാ​ണ് ഡി​ക്‌​ടേ​റ്റ​ർ. അ​ഡോ​ൾ​ഫ് ഹി​റ്റ്‌ലർ റ്റൊ​മേ​നി​യ​യി​ലെ അ​ധി​കാ​ര​ഭ്രാ​ന്ത​നാ​യ അ​ഡി​നോ​യ്ഡ് ഹി​ങ്ക​ൽ ആ​യി മാ​റു​ന്നു. തൊ​ട്ട​ടു​ത്തു​ള്ള ഓ​സ്ട്രി​ച്ച് എ​ന്ന നാ​ടു പി​ടി​ച്ച​ട​ക്കി ലോ​കാ​ധി​പ​ത്യ​ത്തി​നു​ള്ള ത​യാ​റെ​ടു​പ്പി​ലാ​ണ് ഹി​ങ്ക​ൽ.

ഒ​പ്പം​ത​ന്നെ നാ​ട്ടി​ലെ യ​ഹൂ​ദ​രെ വം​ശ​നാ​ശം വ​രു​ത്തു​ക​യും വേ​ണം. ഇ​തേ ല​ക്ഷ്യ​മാ​ണ് ഹി​റ്റ്‌ലറി​ന്‍റെ അ​യ​ൽ​ക്കാ​ര​ൻ നാ​പ്പ​ളോ​ണി​ക്ക്. ഇ​യാ​ൾ ബാക്‌ടീരി​യ എ​ന്ന ത​ന്‍റെ രാ​ജ്യം വി​സ്തൃ​ത​മാ​ക്കാ​ൻ ഓ​സ്ട്രി​ച്ചി​ൽ ക​ണ്ണു​വ​ച്ചി​രി​ക്കു​ക​യാ​ണ്. ഇ​വ​രുടെ സം​ഘ​ർ​ഷ​ങ്ങ​ൾ​ക്കു സ​മാ​ന്ത​ര​മാ​യ കഥാഗതിയിൽ ഹി​ങ്ക​ലി​ന്‍റെ അ​പ​ര​നാ​യ മു​ൻ പ​ട്ടാ​ള​ക്കാ​ര​നാ​യ യ​ഹൂ​ദ ബാ​ർ​ബ​റാണ് ചാപ്ലിൻ.

അ​പ​ര​ൻ പി​ടി​യി​ൽ

ഒ​ന്നാം മ​ഹാ​യു​ദ്ധ​ത്തി​ൽ വി​മാ​നാ​പ​ക​ട​ത്തി​ൽ ഓ​ർ​മ ന​ഷ്ട​പ്പെ​ട്ട ഇ​യാ​ൾ പി​ന്നീ​ട് ഒ​രു യ​ദൂ​ഹ ഗെ​ട്ടോ (യഹൂദരെ വേ​ർ​തി​രി​ച്ചു പാ​ർ​പ്പി​ച്ചി​രു​ന്ന ഇ​ടം)​യി​ൽ, ഹ​ന്ന എ​ന്ന സ്ത്രീ​യു​ടെ സ​ഹാ​യ​ത്തോ​ടെ ബാ​ർ​ബ​റാ​യി ജീ​വി​ക്കു​ന്പോ​ഴാ​ണ് ഹി​ങ്ക​ൽ യ​ഹൂ​ദ​രെ വം​ശ​നാ​ശം വ​രു​ത്താ​ൻ കോ​ണ്‍​സ​ൻ​ട്രേ​ഷ​ൻ ക്യാ​ന്പു​ക​ളി​ലേ​ക്ക് അ​വ​രെ തെ​ളി​ക്കു​ന്ന​ത്. ഹി​ങ്ക​ലി​ന്‍റെ കി​ങ്ക​ര​നാ​യി​രു​ന്ന ഷൂ​ൾ​ട്സ് രാ​ജ്യ​ദ്രോ​ഹി​യാ​യി പ്ര​ഖ്യാ​പി​ക്ക​പ്പെ​ട്ട​തോ​ടെ ബാ​ർ​ബ​റു​ടെ വീ​ട്ടി​ൽ ഒ​ളി​ച്ചു​ക​ഴി​യു​ന്പോ​ൾ ഹി​ങ്ക​ലി​ന്‍റെ പ​ട്ടാ​ളം എ​ത്തു​ന്നു.

ബാ​ർ​ബ​റും ഹ​ന്ന​യും​കൂ​ടി അ​യാ​ളെ ര​ക്ഷ​പ്പെ​ടു​ത്തി. അ​വ​ർ ഓ​സ്ട്രി​ച്ചി​ലേ​ക്കു പ​ലാ​യ​നം ചെ​യ്യു​ന്പോ​ൾ ഹി​ങ്ക​ലി​ന്‍റെ സൈ​ന്യം ഓ​സ്ട്രി​ച്ച് പി​ടി​ക്കാ​ൻ എ​ത്തു​ക​യാ​ണ്. അ​വ​രെ ന​യി​ക്കാ​ൻ എ​ത്തി​യ ഹി​ങ്ക​ൽ കാ​ട്ടി​ൽ വേ​ട്ട​യ്ക്കി​ടെ വെ​ള്ള​ത്തി​ൽ വീ​ണ് അ​പ്ര​ത്യ​ക്ഷ​നാ​യി. ഹി​ങ്ക​ലി​നെ തേ​ടി​വ​രു​ന്ന സൈ​നി​ക മേ​ധാ​വി​ക​ളു​ടെ മു​ന്പി​ൽ ഹി​ങ്ക​ലി​ന്‍റെ അ​പ​ര​നാ​യ ബാ​ർ​ബ​ർ ചെ​ന്നു​പെ​ടു​ന്നു.

ഹി​ങ്ക​ലെ​ന്നു ക​രു​തി അ​വ​ർ ഷൂ​ൾ​ട്സി​നെ​യും ഒ​പ്പം​കൂ​ട്ടി സൈ​നി​ക​രെ യു​ദ്ധ​സ​ജ്ജ​രാ​ക്കാ​ൻ ബാ​ർ​ബ​റെ കൊ​ണ്ടു​പോ​കു​ന്നു. സൈ​നി​ക വേ​ഷ​ത്തി​ലാ​യി​രു​ന്ന ബാ​ർ​ബ​റോ​ടു പ്ര​സം​ഗം പ​റ​യാ​ൻ ആ​വ​ശ്യ​പ്പെ​ടു​ന്നു. ഭ​യ​ന്നു​പോ​യ അ​യാ​ളെ ഷു​ൾ​ട്സ് ധൈ​ര്യ​പ്പെ​ടു​ത്തു​ന്നു.

മൂ​ന്നു മി​നി​റ്റ് പ്ര​സം​ഗം

എ​ന്നാ​ൽ, യു​ദ്ധാ​ഹ്വാ​ന​ത്തി​നു പ​ക​രം അ​വ​ർ കേ​ൾ​ക്കു​ന്ന​ത് ഹി​ങ്ക​ൽ പ്ര​തി​നി​ധീ​ക​രി​ക്കു​ന്ന പൈ​ശാ​ചി​ക​ത​യ്ക്കെ​തിരേ​യു​ള്ള അ​തി​ശ​ക്ത​മാ​യ ഒ​രു മൂ​ന്നു മി​നി​റ്റ് പ്ര​സം​ഗ​മാ​ണ്. സ​മാ​ധാ​ന​ത്തി​നു​വേ​ണ്ടി​യു​ള്ള ഒ​രു ആ​ഹ്വാ​നം. ഒ​പ്പം​ത​ന്നെ അ​പ്പോ​ൾ ന​ട​ന്നു​കൊ​ണ്ടി​രി​ക്കു​ന്ന മ​ഹാ​യു​ദ്ധ​ത്തി​ന്‍റെ പ​രി​ണാ​മം എ​ന്താ​യി​രി​ക്കു​മെ​ന്ന കൃ​ത്യ​മാ​യ ഒ​രു പ്ര​വ​ച​ന​വും അ​തി​ലു​ണ്ട്.

വി​ശ്വ​സി​നി​മ​യി​ലെ അ​വി​സ്മ​ര​ണീ​യ​മാ​യ ഈ ​മൂ​ന്നു മി​നി​റ്റ് സീ​ക്വ​ൻ​സി​ൽ ഹി​ങ്ക​ലി​ന്‍റെ​യോ ബാ​ർ​ബ​റു​ടെ​യോ ശ​ബ്ദ​മ​ല്ല നാം ​കേ​ൾ​ക്കു​ന്ന​ത്. ര​ണ്ടു ക​ഥാ​പാ​ത്ര​ങ്ങ​ളെ​യും അ​വ​ത​രി​പ്പി​ക്കു​ന്ന ചാ​ർ​ളി ചാ​പ്ലി​ൻ എ​ന്ന സ​മാ​ധാ​ന​വാ​ദി​യു​ടെ നേ​രി​ട്ടു​ള്ള ആ​ഹ്വാ​ന​മാ​ണ്. കോ​ളി​ള​ക്കം സൃ​ഷ്ടി​ച്ച ഈ ​ചി​ത്രം അ​ഞ്ച് ഓ​സ്ക​ർ നോ​മി​നേ​ഷ​നു​ക​ൾ നേ​ടി. വ​ൻ പ്ര​ദ​ർ​ശ​ന വി​ജ​യ​വും. അ​മേ​രി​ക്ക​യി​ൽ പോ​ലും ചി​ലേ​ട​ങ്ങ​ളി​ൽ ഇ​തി​ന്‍റെ പ്ര​ദ​ർ​ശ​നം ത​ട​യ​പ്പെ​ട്ടി​രു​ന്നു.

ജി​ജി ജോ​സ​ഫ് കൂ​ട്ടു​മ്മേൽ