ഒ​രു എ​വ​റ​സ്റ്റ് കു​ടും​ബം
ലോ​ക​ത്തി​ലെ ഏ​റ്റ​വും വ​ലി​യ കൊ​ടു​മു​ടി​യാ​യ എ​വ​റ​സ്റ്റ് അ​ട​ക്കം നി​ര​വ​ധി പ​ർ​വ​ത​നി​ര​ക​ളു​ള്ള രാ​ജ്യ​മാ​ണ് നേ​പ്പാ​ൾ. ഈ ​നേ​പ്പാ​ളി​ലെ ഏ​റ്റ​വും പ്ര​ഗ​ത്ഭ​നാ​യ പ​ർ​വ​താ​രോ​ഹ​ക​ൻ ആ​രാ​ണെ​ന്ന് ചോ​ദി​ച്ചാ​ൽ നേ​പ്പാ​ളു​കാ​രെ​ല്ലാം ഒ​റ്റ സ്വ​ര​ത്തി​ൽ ഒ​രു പേ​രു പ​റ​യും-​ക​മി റി​ത.

ട്രെക്കിം​ഗ് ഗൈ​ഡാ​യ ഇ​ദ്ദേ​ഹ​ത്തി​ന് എ​വ​റ​സ്റ്റു കൊ​ടു​മു​ടി​യൊ​ക്കെ സ്വ​ന്തം വീ​ടു​പോ​ലെ​യാ​ണ്. 48കാ​ര​നാ​യ ക​മി ക​ഴി​ഞ്ഞ ദി​വ​സം ത​ന്‍റെ 22ാമ​ത്തെ എ​വ​റ​സ്റ്റ് യാ​ത്ര വി​ജ​യ​ക​ര​മാ​യി പൂ​ർ​ത്തി​യാ​ക്കി ലോ​ക​ത്തി​ൽ ഏ​റ്റ​വും കൂടുതൽ ത​വ​ണ എ​വ​റ​സ്റ്റ് കീ​ഴ​ട​ക്കി​യ വ്യ​ക്തി എ​ന്ന റി​ക്കാ​ർ​ഡ് ത​ന്‍റെ പേ​രി​ലാ​ക്കി​യി​രി​ക്കു​ക​യാ​ണ്. പ​ർ​വ​താ​രോ​ഹ​ണം ക​മി​യു​ടെ ര​ക്ത​ത്തി​ൽ അ​ലി​ഞ്ഞു ചേ​ർ​ന്നി​രി​ക്കു​ന്ന കാ​ര്യ​മാ​ണ്. ക​മി​യു​ടെ പി​താ​വും പ​ർ​വ​താ​രോ​ഹ​ക​നാ​യി​രു​ന്നു. 1950ക​ളി​ൽ എ​വ​റ​സ്റ്റി​ന്‍റെ നേ​പ്പാ​ളി​ലു​ള്ള ഭാ​ഗം സ​ഞ്ചാ​രി​ക​ൾ​ക്കാ​യി തു​റ​ന്നു​കൊ​ടു​ത്ത​പ്പോ​ൾ ഇ​വി​ടെ​യു​ണ്ടാ​യി​രു​ന്ന ഏ​താ​നും ട്രെക്കിം​ഗ് ഗൈ​ഡു​ക​ളി​ൽ ഒ​രാ​ളാ​യി​രു​ന്നു ക​മി​യു​ടെ പി​താ​വ്.

ഇ​ദ്ദേ​ഹ​ത്തി​ന്‍റെ കു​ടും​ബ​ത്തി​ലെ പു​രു​ഷ​ൻ​മാ​രെ​ല്ലാ​വ​രും ഒ​രു ത​വ​ണ​യെ​ങ്കി​ലും എ​വ​റ​സ്റ്റ് കീ​ഴ​ട​ക്കി​യി​ട്ടു​ള്ള​വ​രാ​ണ്. കമിയുടെ സ​ഹോ​ദ​ര​നാ​ക​ട്ടെ 17 ത​വ​ണ എ​വ​റ​സ്റ്റി​ന്‍റെ നെ​റു​ക​യി​ലെ​ത്തി. ത​ന്‍റെ 24-ാം വ​യ​സി​ലാ​ണ് ക​മി ആ​ദ്യ​മാ​യി എ​വ​റ​സ്റ്റ് കീ​ഴ​ട​ക്കി​യ​ത്. ത​ന്‍റെ ജോ​ലി​യി​ൽ​നി​ന്ന് വി​ര​മി​ക്കു​ന്ന​തി​ന് മു​ന്പ് കു​റ​ഞ്ഞ​ത് 25 ത​വ​ണ​യെ​ങ്കി​ലും എ​വ​റ​സ്റ്റ് കൊ​ടു​മു​ടി​യു​ടെ മു​ക​ളി​ൽ ക​യ​റ​ണ​മെ​ന്നാ​ണ് ഇ​ദ്ദേ​ഹ​ത്തി​ന്‍റെ ആ​ഗ്ര​ഹം.



Copyright @ 2019 , Rashtra Deepika Ltd.