Sports
ലണ്ടൻ: ഇംഗ്ലീഷ് പ്രീമിയർ ലീഗ് ഫുട്ബോളിൽ ലിവർപൂൾ എഫ്സിയെ വീഴ്ത്തി ബ്രൈറ്റൺ. ശനിയാഴ്ച നടന്ന മത്സരത്തിൽ ഒന്നിനെതിരെ രണ്ട് ഗോളുകൾക്കാണ് ബ്രൈറ്റൺ വിജയിച്ചത്.
ഡാനി വെൽബെക്കാണ് ബ്രൈറ്റണ് വേണ്ടി ഗോളുകൾ നേടിയത്. ലിവർപൂളിനായി മിലോസ് കെർക്കെസ് ആണ് ഗോൾ സ്കോർ ചെയ്തത്.
വിജയത്തോടെ ബ്രൈറ്റണ് 43 പോയിന്റായി. നിലവിൽ ലീഗ് ടേബിളിൽ പത്താമതാണ് ബ്രൈറ്റൺ. പരാജയപ്പെട്ടെങ്കിലും 49 പോയിന്റുള്ള ലിവർപൂൾ അഞ്ചാം സ്ഥാനത്ത് തുടരുകയാണ്.
Sports
ലണ്ടന്: ഇംഗ്ലീഷ് പ്രീമിയര് ലീഗ് ഫുട്ബോള് കിരീടം സ്വന്തമാക്കാനുറച്ച് ആഴ്സണല് എഫ്സിയുടെ മുന്നേറ്റം. 30-ാം റൗണ്ടില് ബ്രൈറ്റണിനെ എവേ പോരാട്ടത്തില് 1-0ന് ആഴ്സണല് കീഴടക്കി.
ഒമ്പതാം മിനിറ്റില് ബുകായൊ സാക നേടിയ ഗോളിലായിരുന്നു പീരങ്കിപ്പടയുടെ ജയം. മൈക്കല് ആര്ടെറ്റയുടെ ശിക്ഷ്യന്മാര് ഇതോടെ 2025-26 സീസണില് 30 മത്സരങ്ങളില്നിന്ന് 67 പോയിന്റുമായി ഒന്നാം സ്ഥാനത്ത് തുടരുന്നു. സീസണില് ആഴ്സണലിന്റെ 20-ാം ജയമാണ്.
ജയത്തോടെ രണ്ടാം സ്ഥാനത്തുള്ള മാഞ്ചസ്റ്റര് സിറ്റി എഫ്സിയുമായുള്ള പോയിന്റ് വ്യത്യാസം ആഴ്സണല് ഏഴാക്കി ഉയര്ത്തി.
മാഞ്ചസ്റ്റര് സിറ്റി, യുണൈറ്റഡ്
ഹോം മത്സരത്തില് പെപ് ഗ്വാര്ഡിയോളയുടെ മാഞ്ചസ്റ്റര് സിറ്റി എഫ്സിക്കു കുടുക്ക്. തരംതാഴ്ത്തല് ഭീഷണി നേരിടുന്ന നോട്ടിംഗ്ഹാം ഫോറസ്റ്റിനോട് 2-2നു മാഞ്ചസ്റ്റര് സിറ്റി സമനിലയില് പിരിഞ്ഞു.29 മത്സരങ്ങളില്നിന്ന് 60 പോയിന്റാണ് ലീഗ് ടേബിളില് രണ്ടാം സ്ഥാനത്തുള്ള മാഞ്ചസ്റ്റര് സിറ്റിക്ക്.
പത്തു പേരുമായി രണ്ടാം പകുതി മുഴുവന് പോരാടിയ ന്യൂകാസില് യുണൈറ്റഡ് 2-1ന് മാഞ്ചസ്റ്റര് യുണൈറ്റഡ് എഫ്സിയെ കീഴടക്കി. 45+1-ാം മിനിറ്റില് ജേക്കബ് റാംസി ചുവപ്പുകാര്ഡ് കണ്ട് പുറത്തായശേഷമായിരുന്നു ന്യൂകാസിലിന്റെ രണ്ട് ഗോളും.
ജയത്തോടെ 29 മത്സരങ്ങളില്നിന്ന് 51 പോയിന്റുമായി മാഞ്ചസ്റ്റര് യുണൈറ്റഡ് ടേബിളില് മൂന്നാം സ്ഥാനത്തെത്തി.
പെഡ്രോ ഹാട്രിക്
ജാവൊ പെഡ്രോയുടെ ഹാട്രിക്കിലൂടെ ചെല്സി എഫ്സി എവേ പോരാട്ടത്തില് 4-1ന് ആസ്റ്റണ് വില്ലയെ തകര്ത്തു. 29 മത്സരങ്ങളില്നിന്ന് 51 പോയിന്റുമായി ആസ്റ്റണ് വില്ല നാലാം സ്ഥാനത്തും 48 പോയിന്റുമായി ചെല്സി അഞ്ചാം സ്ഥാനത്തുമാണ്.
Sports
ലണ്ടൻ: ഇംഗ്ലീഷ് പ്രീമിയർ ലീഗ് ഫുട്ബോളിലെ ബ്രൈറ്റൺ-ബേൺമൗത്ത് മത്സരം സമനിലയിൽ. തിങ്കളാഴ്ച നടന്ന മത്സരത്തിൽ ഇരു ടീമുകളും ഓരോ ഗോൾ വീതം നേടി.
ബേൺമൗത്തിന് വേണ്ടി മാർക്കസ് ടവേർനിയറാണ് ഗോൾ നേടിയത്. ചരലാംപോസ് കോസ്ടൗലാസാണ് ബ്രൈറ്റണ് വേണ്ടി ഗോൾ സ്കോർ ചെയ്തത്.
മത്സരം സമനിലയായതോടെ ബ്രൈറ്റണ് 30 പോയിന്റും ബേൺമൗത്തിന് 27 പോയിന്റുമായി. ലീഗ് ടേബിളിൽ ബ്രൈറ്റൺ 12-ാം സ്ഥാനത്തും ബേൺമൗത്ത് 15-ാം സ്ഥാനത്തുമാണ്.
Sports
ലണ്ടന്: ഇംഗ്ലീഷ് പ്രീമിയര് ലീഗ് ഫുട്ബോള് ക്ലബ്ബായ മാഞ്ചസ്റ്റര് യുണൈറ്റഡ് എഫ്സിക്ക് ഒരു ട്രോഫിപോലും ഇല്ലാതെ 2025-26 സീസണ് അവസാനിപ്പിക്കാം. എഫ്എ കപ്പിന്റെ മൂന്നാം റൗണ്ടില് സ്വന്തം മൈതാനമായ ഓള്ഡ് ട്രാഫോഡില്വച്ച് മാഞ്ചസ്റ്റര് യുണൈറ്റഡ് 1-2ന് ബ്രൈറ്റണിനോട് പരാജയപ്പെട്ടു പുറത്തായി.
ലീഗ് കപ്പിനു പിന്നാലെ എഫ്എയില്നിന്നും യുണൈറ്റഡ് പുറത്ത്. 12 വര്ഷത്തിനിടെ ആദ്യമായാണ് റെഡ് ഡെവിള്സ് നാലാം റൗണ്ട് കാണാതെ എഫ്എയില്നിന്നു പുറത്താകുന്നത്.
റൂബെന് അമോരിം പുറത്തുപോയതിനുശേഷം മുഖ്യപരിശീലകന് ഇല്ലാതെ ഇറങ്ങുന്ന മാഞ്ചസ്റ്റര് യുണൈറ്റഡിന്റെ വലയില് 12-ാം മിനിറ്റില് ബ്രൈറ്റണ് താരം ബ്രജാന് ഗ്രുഡ പന്ത് എത്തിച്ചു. 64-ാം മിനിറ്റില് ഡാനി വെല്ബീക്ക് ബ്രൈറ്റണിന്റെ ലീഡ് 2-0 ആക്കി. എന്നാല്, 85-ാം മിനിറ്റില് ബെഞ്ചമിന് സിസ്കോയിലൂടെ മാഞ്ചസ്റ്റര് യുണൈറ്റഡ് ഒരു ഗോള്ക്കി തിരിച്ചുവരാനുള്ള ശ്രമം നടത്തി. 89-ാം മിനിറ്റില് ഷിയ ലാസി ചുവപ്പുകാര്ഡ് കണ്ടതോടെ ആതിഥേയരുടെ അംഗബലം 10ലേക്കു ചുരുങ്ങി. പിന്നീടൊരു തിരിച്ചുവരവ് അവര്ക്കുണ്ടായില്ല.
ഓ ഡാനി
മാഞ്ചസ്റ്റര് യുണൈറ്റഡിന്റെ മുന്താരമായ ഡാനി വെല്ബീക്ക് തന്റെ പഴയ ക്ലബ്ബിനെതിരേ നേടുന്ന എട്ടാം ഗോളാണ് എഫ്എ കപ്പിന്റെ മൂന്നാം റൗണ്ടില് പിറന്നത്. എഫ്എ, ലീഗ് കപ്പുകളുടെ ആദ്യപടിയില് തട്ടി മാഞ്ചസ്റ്റര് യുണൈറ്റഡ് പുറത്താകുന്നത് 1981-82 സീസണിനുശേഷം ഇതാദ്യം. ഇതോടെ ഈ സീസണില് മാഞ്ചസ്റ്റര് യുണൈറ്റഡിന്റെ മത്സരങ്ങളുടെ എണ്ണം 40 ആയി ചുരുങ്ങി. 111 വര്ഷത്തിനുശേഷമാണ് യുണൈറ്റഡിന് ഇത്രയം മത്സരങ്ങള് കുറയുന്നത്.
മാര്ട്ടിനെല്ലി ഹാട്രിക്
ഗബ്രിയേല് മാര്ട്ടിനെല്ലിയുടെ ഹാട്രിക്കിലൂടെ ആഴ്സണല് എഫ്സി മൂന്നാം റൗണ്ടില് പോട്സ്മൗത്തിനെ കീഴടക്കി. 25, 51, 72 മിനിറ്റുകളിലായിരുന്നു മാര്ട്ടിനെല്ലിയുടെ ഗോളുകള്. കോള്ബി ബിഷപ്പിലൂടെ (3) പോട്സ്മൗത്തായിരുന്നു ആദ്യ ഗോള് നേടിയത്. എന്നാല്, ആേ്രന്ദ ഡോസെലിന്റെ (8) സെല്ഫിലൂടെ ആഴ്സണല് ഒപ്പമെത്തി.
എഫ്എ കപ്പിനെ മറ്റു മൂന്നാം റൗണ്ട് പോരാട്ടങ്ങളില് ലീഡ്സ് യുണൈറ്റഡ് 3-1ന് ഡെര്ബി കൗണ്ടിയെയും വെസ്റ്റ് ഹാം യുണൈറ്റഡ് 2-1ന് ക്വീന്സ് പാര്ക്കിനെയും നോര്വിച്ച് സിറ്റി 5-1ന് വാള്സലിനെയും തോല്പ്പിച്ച് നാലാം റൗണ്ടിലേക്കു മുന്നേറി.
Sports
ലണ്ടൻ: ഇംഗ്ലീഷ് പ്രീമിയർ ലീഗ് ഫുട്ബോളിൽ ബ്രൈറ്റണ് ജയം. ഇന്ന് നടന്ന മത്സരത്തിൽ ബേൺലിയെ എതിരില്ലാത്ത രണ്ട് ഗോളുകൾക്ക് തോൽപ്പിച്ചു.
ജോർജിനിയോ റട്ടറും യാസിൻ അയാറിയും ആണ് ബ്രൈറ്റണ് വേണ്ടി ഗോളുകൾ നേടിയത്. റട്ടർ 29-ാം മിനിറ്റിലും അയാറി 47-ാം മിനിറ്റിലുമാണ് ഗോൾ നേടിയത്.
വിജയത്തോടെ ബ്രൈറ്റണ് 28 പോയിന്റായി. നിലവിൽ ലീഗ് ടേബിളിൽ എട്ടാം സ്ഥാനത്താണ് ബ്രൈറ്റൺ.