District News
കേന്ദ്രമന്ത്രിയുമായി കെ.രാധാകൃഷ്ണൻ എംപി കൂടിക്കാഴ്ച നടത്തി
തിരുവില്വാമല: പാലക്കാട്-വാണിയമ്പാറ ദേശീയപാത 544-ലെ സർവീസ് റോഡുകളുടെയും മേൽപ്പാലങ്ങളുടെയും നിർമാണ പ്രവൃത്തികൾ അടിയന്തരമായി പൂർത്തിയാക്കണമെന്ന് ആവശ്യമുന്നയിച്ച് ആലത്തൂർ എംപി കെ. രാധാകൃഷ്ണൻ കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരിയുമായി കൂടിക്കാഴ്ച നടത്തി. മണ്ഡലത്തിലെ ദേശീയപാത വികസനവുമായി ബന്ധപ്പെട്ട് നിലനിൽക്കുന്ന വിവിധ പ്രശ്നങ്ങളും നിർമാണത്തിലെ പുരോഗതിയും കേന്ദ്രമന്ത്രിയുടെ ശ്രദ്ധയിൽപ്പെടുത്തി.
ദേശീയപാതയിലെ നിർമാണ പ്രവൃത്തികൾ കൃത്യസമയത്ത് പൂർത്തിയാക്കുന്നത് ഉറപ്പാക്കണമെന്നും ജനങ്ങളുടെ സുരക്ഷ മുൻനിർത്തിയുള്ള നടപടികൾ വേഗത്തിലാക്കണമെന്നും എംപി ആവശ്യപ്പെട്ടു.
ആലത്തൂർ സ്വാതി ജംഗ്ഷൻ മേൽപ്പാലം, വാണിയമ്പാറ മേൽപ്പാലം എന്നിവയുടെ നിർമാണം ഈ വർഷം ഡിസംബറിനകം പൂർത്തിയാക്കുക. വടക്കഞ്ചേരി മേൽപ്പാലത്തിന്റെ കേടുപാടുകൾ തീർക്കുന്ന പ്രവർത്തികൾ 15 ദിവസത്തിനകം പൂർത്തിയാക്കുക, മംഗലം പാലം, പന്നിയങ്കര ടോൾ പ്ലാസയ്ക്ക് സമീപമുള്ള ഭാഗങ്ങൾ, കുഴൽമന്ദം, തേനിടുക്ക് എന്നിവിടങ്ങളിലെ സർവീസ് റോഡ് നിർമാണം എത്രയും വേഗം പൂർത്തിയാക്കുക, നിരന്തരം അപകടങ്ങൾ സംഭവിക്കുന്ന അഞ്ചുമൂർത്തി മംഗലം ഭാഗത്ത് അടിയന്തരമായി ബസ് ബേയും ബസ് സ്റ്റോപ്പും നിർമിക്കുക,ദേശീയപാതയിൽ വെള്ളക്കെട്ട് രൂപപ്പെടുന്ന സ്ഥലങ്ങളിൽ സംയുക്ത പരിശോധന നടത്തി അടിയന്തര പരിഹാരം കാണുക എന്നീ ആവശ്യങ്ങൾ ആണ് പ്രധാനമായും ഉന്നയിച്ചത്.
ദേശീയപാത 544-ലെ വികസന പ്രവൃത്തികൾ വേഗത്തിൽ പൂർത്തിയാക്കുന്നതിന് ആവശ്യമായ കർശന നിർദേശം നാഷണൽ ഹൈവേ അതോറിറ്റി ഓഫ് ഇന്ത്യ ഉദ്യോഗസ്ഥർക്ക് നൽകുമെന്ന് കേന്ദ്ര ഉപരിതല ഗതാഗത മന്ത്രി ഉറപ്പുനൽകിയതായി കെ. രാധാകൃഷ്ണൻ എംപി അറിയിച്ചു.
District News
മേപ്പയ്യൂർ: കീഴ്പ്പയ്യൂരിൽ മേപ്പയൂർ മണ്ഡലം കോൺഗ്രസ് കമ്മിറ്റി നിർമിച്ച് നൽകുന്ന ഉമ്മൻചാണ്ടി ഭവനത്തിന്റെ പ്രവൃത്തി ഉദ്ഘാടനം ഷാഫി പറമ്പിൽ എംപി നിർവഹിച്ചു. മണ്ഡലം പ്രസിഡന്റ് പി.കെ. അനീഷ് അധ്യക്ഷത വഹിച്ചു.
ജില്ലാ പഞ്ചായത്ത് അംഗം പി.സി. ഷീബ, കോൺഗ്രസ് ജില്ലാ ജനറൽ സെക്രട്ടറിമാരായ ഇ. അശോകൻ, കെ.പി. വേണുഗോപാൽ, ബ്ലോക്ക് പ്രസിഡന്റ് കെ.പി. രാമചന്ദ്രൻ, വാർഡ് അംഗം ഇല്ലത്ത് അബ്ദുറഹിമാൻ, എടയിലാട്ട് ഉണ്ണികൃഷ്ണൻ, എ.കെ. ബാലകൃഷ്ണൻ, എം.എം. അഷറഫ്, കെ.കെ. സുരേന്ദ്രൻ, ഷൈമ സുരേഷ് തുടങ്ങിയവർ പ്രസംഗിച്ചു.
National
ന്യൂഡൽഹി: നിർമാണപ്രവർത്തനങ്ങൾ രാജ്യത്തിന്റെ വികസനത്തിന്റെ നട്ടെല്ല് ആണെന്നും ദൗർഭാഗ്യവശാൽ ഇന്ത്യയിൽ നിർമാണപ്രവർത്തനങ്ങൾ ഇല്ലാതാകുകയാണെന്നും ലോക്സഭാ പ്രതിപക്ഷനേതാവ് രാഹുൽഗാന്ധി.
ജർമനി മ്യൂണിക്കിലെ ബിഎംഡബ്ല്യു വെൽറ്റും ബിഎംഡബ്ല്യും പ്ലാന്റും സന്ദർശിച്ചശേഷമായിരുന്നു രാഹുൽ ഗാന്ധി യുടെ പ്രസ്താവന.
രാഹുൽ ഇന്ത്യാവിരുദ്ധ പ്രസ്താവന നടത്തിയെന്ന് ബിജെപി കുറ്റപ്പെടുത്തി. രാജ്യത്തെ നിർമാണപ്രവർത്തനങ്ങൾ തുടർച്ചയായി മുന്നേറ്റത്തിന്റെ പാതയിലാണെന്ന് ബിജെപി ദേശീയ വക്താവ് സംബിത് പത്ര പറഞ്ഞു.
പ്രതിപക്ഷനേതാവ് പോലെയുള്ള സുപ്രധാന സ്ഥാനത്തിരിക്കുന്നയാൾ ഉത്തരവാദിത്വത്തോടെ പെരുമാറണമെന്ന് പത്ര ആവശ്യപ്പെട്ടു,