1

ന്യൂ​ഡ​ൽ​ഹി: ആ​ഭ്യ​ന്ത​ര​മ​ന്ത്രി അ​മി​ത് ഷാ​യെ വെ​റു​തെ വി​ടാ​ൻ കോ​ൺ​ഗ്ര​സി​ന് ഉ​ദ്ദേ​ശ്യ​മി​ല്ല. ജ​ന്ത​ർ മ​ന്ത​ർ പ്ര​തി​ഷേ​ധ​ത്തി​നി​ടെ വി​ദ്യാ​ർ​ഥി​ക​ൾ​ക്കെ​തി​രേയു​ണ്ടാ​യ പോ​ലീ​സ് ആ​ക്ര​മ​ണ​ങ്ങ​ളി​ൽ പ്ര​തി​ക്കൂ​ട്ടി​ൽ​ത്ത​ന്നെ​യാ​ണ് ഷാ. ​ഇ​ന്ന​ലെ പാ​ർ​ല​മെ​ന്‍റ് സ്ട്രീ​റ്റ് പോ​ലീ​സ് സ്റ്റേ​ഷ​നി​ൽ ആ​റ് മ​ണി​ക്കൂ​റി​ലേ​റെ നീ​ണ്ട രാ​ഹു​ലി​ന്‍റെ ധ​ർ​ണ തെ​ളി​യി​ച്ച​ത് അ​താ​ണ്.

പാ​ർ​ല​മെ​ന്‍റി​ന്‍റെ വ​ർ​ഷ​കാ​ല സ​മ്മേ​ള​ന​ത്തി​ൽ ആ​ഭ്യ​ന്ത​ര​മ​ന്ത്രി മൗ​നം പാ​ലി​ച്ച​തി​ലൂ​ടെ വി​ഷ​യ​ത്തി​ന്‍റെ തീ​വ്ര​ത കു​റ​യു​മെ​ന്നാ​ണ് ഭ​ര​ണ​പ​ക്ഷം പ്ര​തീ​ക്ഷി​ച്ചി​രു​ന്ന​ത്. എ​ന്നാ​ൽ സം​ഭ​വം ന​ട​ന്ന് ഒ​രു മാ​സ​ത്തി​നു​ശേ​ഷം രാ​ഹു​ൽ ന​ട​ത്തി​യ മി​ന്ന​ൽ​ധ​ർ​ണ​യി​ലൂ​ടെ ആ​ഭ്യ​ന്ത​ര​മ​ന്ത്രി​യു​ടെ രാ​ജി ആ​വ​ശ്യ​ത്തി​ൽ​നി​ന്ന് പി​ന്നോ​ട്ടി​ല്ല എ​ന്ന സ​ന്ദേ​ശ​മാ​ണ് രാ​ഹു​ൽ വ​ര​ച്ചി​ടു​ന്ന​ത്.

സ​ർ​പ്രൈ​സ് സ്ട്രൈ​ക്ക്

ജ​ന്ത​ർ മ​ന്ത​ർ പ്ര​തി​ഷേ​ധ​ത്തി​നി​ടെ പെ​ല്ല​റ്റ് ​ഗ​ൺ ആ​ക്ര​മ​ണം നേ​രി​ട്ട സാ​ഹി​ൽ ലൗ​ച്ചാ​വ് എ​ന്ന യു​വാ​വ് ഓ​​ഗ​സ്റ്റ് 14ന് ​അ​ഭി​ഭാ​ഷ​ക​രു​മാ​യി ഡ​ൽ​ഹി പോ​ലീ​സി​നെ ചെ​ന്നു​ക​ണ്ട് പ​രാ​തി ന​ൽ​കി​യി​രു​ന്നെ​ങ്കി​ലും കേ​സു​മാ​യി പോ​ലീ​സ് മു​ന്നോ​ട്ടു​ പോ​യി​രു​ന്നി​ല്ല. 17ന് ​വീ​ണ്ടും പ​രാ​തി ന​ൽ​കാ​ൻ ശ്ര​മി​ച്ചെ​ങ്കി​ലും വീ​ണ്ടും അ​വ​​ഗ​ണ​ന നേ​രി​ട്ട​തോ​ടെ​യാ​ണ് ലോ​ക്സ​ഭാ പ്ര​തി​പ​ക്ഷ നേ​താ​വി​ന്‍റെ നേ​തൃ​ത്വ​ത്തി​ൽ ഇ​ന്ന​ലെ ഉ​ച്ച​യോ​ടെ സ​ർ​പ്രൈ​സ് സ്ട്രൈ​ക്കു​ണ്ടാ​കു​ന്ന​ത്.

ഉ​ച്ച​യ്ക്ക് പ​ന്ത്ര​ണ്ടോ​ടെ ആ​ദ്യം ഡ​ൽ​ഹി മ​ന്ദി​ർ മാ​ർ​​ഗ് പോ​ലീ​സ് സ്റ്റേ​ഷ​നി​ലെ​ത്തി​യ രാ​ഹു​ൽ അ​വി​ടെ​നി​ന്ന് പോ​ലീ​സ് കേ​സ് ര​ജി​സ്റ്റ​ർ ചെ​യ്യാ​ൻ വി​സ​മ്മ​തി​ച്ച​തോ​ടെ പാ​ർ​ല​മെ​ന്‍റ് സ്ട്രീ​റ്റ് പോ​ലീ​സ് സ്റ്റേ​ഷ​നി​ലെ ഡെ​പ്യൂ​ട്ടി പോ​ലീ​സ് ക​മ്മീഷ​ണു​ടെ ഓ​ഫീ​സി​ലെ​ത്തി. അ​വി​ടെ​നി​ന്നും അ​നു​കൂ​ല ന​ട​പ​ടി​യു​ണ്ടാ​കാ​തെ വ​ന്ന​തോ​ടെ മാ​ധ്യ​മ​ങ്ങ​ളെ​യും പോ​ലീ​സി​നെ​യും ഞെ​ട്ടി​ച്ചു​കൊ​ണ്ട് രാ​ഹു​ലും സാ​ഹി​ൽ ലൗ​ച്ചാ​വും സാ​ഹി​ലി​ന്‍റെ അ​മ്മ​യും അ​ഭി​ഭാ​ഷ​ക​യും ചേ​ർ​ന്ന് ധ​ർ​ണ ഇ​രി​ക്കു​ക​യാ​യി​രു​ന്നു.

ധ​ർ​ണ ആ​രം​ഭി​ച്ച​തി​നു ശേ​ഷം കോ​ൺ​​ഗ്ര​സി​ന്‍റെ മു​തി​ർ​ന്ന നേ​താ​ക്ക​ളും അ​ൻ​പ​തോ​ളം അ​ണി​ക​ളും പോ​ലീ​സ് സ്റ്റേ​ഷ​നി​ലെ​ത്തി​യ​തോ​ടെ നി​ർ​ത്താ​തെ മു​ദ്രാ​വാ​ക്യം വി​ളി​ക​ളും മു​ഴ​ങ്ങി​ത്തു​ട​ങ്ങി. പ്രി​യ​ങ്ക ​ഗാ​ന്ധി​യും ജ​യ്റാം ര​മേ​ശും സ​ൽ​മാ​ൻ ഖു​ർ​ഷി​ദും കു​മാ​രി സെ​ൽ​ജ​യും അ​ധീ​ർ ര​ഞ്ജ​ൻ ചൗ​ധ​രി​യും സു​പ്രി​യ ശ്രി​നേ​ഥും ദേ​വേ​ന്ദ്ര യാ​ദ​വും ഉ​ൾ​പ്പെ​ടു​ന്ന മു​തി​ർ​ന്ന കോ​ൺ​​ഗ്ര​സ് നേ​താ​ക്ക​ളാ​ണ് ഐ​ക്യ​ദാ​ർ​ഢ്യ​വു​മാ​യി പോ​ലീ​സ് സ്റ്റേ​ഷ​നി​ലെ​ത്തി​യ​ത്. ഉ​ച്ച​യ്ക്ക് 12ന് ​ആ​രം​ഭി​ച്ച ധ​ർ​ണ ആ​റ് മ​ണി​ക്കൂ​റോ​ളം നീ​ണ്ടു. അ​ധി​കൃ​ത​രി​ൽ​നി​ന്ന് അ​ന​​കൂ​ല​മാ​യ ഒ​രു വാ​ർ​ത്ത​യി​ല്ലാ​തെ പി​ന്നോ​ട്ടി​ല്ലെ​ന്ന രാ​ഹു​ലി​ന്‍റെ നി​ശ്ച​യ​ദാ​ർ​ഢ്യ​ത്തി​നു മു​ന്നി​ൽ ഒ​ടു​വി​ൽ ഡ​ൽ​ഹി പോ​ലീ​സ് മു​ട്ടു​മ​ട​ക്കു​ക​യാ​യി​രു​ന്നു.

കാ​ഞ്ചി​മു​ന ആ​ഭ്യ​ന്ത​ര​മ​ന്ത്രി​യി​ലേ​ക്ക്

ജ​ന്ത​ർ മ​ന്ത​റി​ലെ പോ​ലീ​സ് ആ​ക്ര​മ​ണ​ങ്ങ​ൾ​ക്ക് ഡ​ൽ​ഹി പോ​ലീ​സി​ന്‍റെ​യും സാ​യു​ധ​സേ​ന​ക​ളു​ടെ​യും ചു​മ​ത​ല വ​ഹി​ക്കു​ന്ന അ​മി​ത് ഷാ​യാ​ണോ ഉ​ത്ത​ര​വി​ട്ട​തെ​ന്നു ചോ​ദി​ച്ചാ​യി​രു​ന്നു ആ​ഭ്യ​ന്ത​ര​മ​ന്ത്രി​ക്കെ​തി​രേ ആ​ക്ര​മ​ണം രാ​ഹു​ൽ ക​ടു​പ്പി​ച്ചി​രു​ന്ന​ത്.

ഉ​ത്ത​ര​വി​ട്ട​ത് അ​മി​ത് ഷാ​യാ​ണെ​ങ്കി​ൽ ആ​ക്ര​മ​ണ​ങ്ങ​ൾ​ക്ക് അ​മി​ത് ഷാ​യാ​ണ് ഉ​ത്ത​ര​വാ​ദി​യെ​ന്നും ആ​ക്ര​മ​ണ​ങ്ങ​ളെ​പ്പ​റ്റി അ​ദ്ദേ​ഹം ബോ​ധ​വാ​ന​ല്ലെ​ങ്കി​ൽ അ​മി​ത് ഷാ​യ്ക്ക് പ്രാ​പ്തി​യി​ല്ലെ​ന്നു​മാ​യി​രു​ന്നു രാ​ഹു​ൽ മു​മ്പു പ​റ​ഞ്ഞ​ത്. രാ​ഹു​ലി​ന്‍റെ ചേ​ക്ക്മേ​റ്റി​ന് മൗ​നം മാ​ത്ര​മാ​യി​രു​ന്നു അ​മി​ത് ഷാ​യു​ടെ ഇ​തു​വ​രെ​യു​ള്ള മ​റു​പ​ടി.

പെ​ല്ല​റ്റ് ​ഗ​ൺ ഉ​പ​യോ​​ഗി​ച്ച​ത് ഡ​ൽ​ഹി പോ​ലീ​സാ​ണെ​ങ്കി​ലും അ​തി​ന്‍റെ കാ​ഞ്ചി​യി​ലു​ണ്ടാ​യി​രു​ന്ന വി​ര​ൽ അ​മി​ത് ഷാ​യു​ടേ​താ​ണെ​ന്നു സ്ഥാ​പി​ക്കാ​നാ​ണ് കോ​ൺ​​ഗ്ര​സ് ശ്ര​മി​ക്കു​ന്ന​ത്. പെ​ല്ല​റ്റ് ​ഗ​ൺ ഉ​പ​യോ​​ഗ​ത്തി​നെ​തി​രേ എ​ഫ്ഐ​ആ​ർ ര​ജി​സ്റ്റ​ർ ചെ​യ്ത​തി​ലൂ​ടെ ഡ​ൽ​ഹി പോ​ലീ​സി​നെ​യും അ​തു​വ​ഴി ആ​ഭ്യ​ന്ത​ര​വ​കു​പ്പി​നെ​യും പ്ര​തി​ക്കൂ​ട്ടി​ലാ​ക്കു​ന്ന​തി​ൽ കോ​ൺ​​ഗ്ര​സ് വി​ജ​യി​ച്ചി​ ട്ടു​ണ്ട്.