22

ഫ്രാ​ങ്ക്ഫ​ർ​ട്ട്: ഫ്രാ​ങ്ക്ഫ​ർ​ട്ട് അ​ന്താ​രാ​ഷ്ട്ര വി​മാ​ന​ത്താ​വ​ള​വു​മാ​യി ബ​ന്ധ​പ്പെ​ട്ട് പ​ട​രു​ന്ന മാ​ര​ക​മാ​യ എ​യ​ർ​പോ​ർ​ട്ട് മ​ലേ​റി​യ ബാ​ധി​ച്ച് ഒ​രാ​ൾ കൂ​ടി മ​ര​ണ​പ്പെ​ട്ടു. ഇ​തോ​ടെ വി​മാ​ന​ത്താ​വ​ള​വു​മാ​യി ബ​ന്ധ​പ്പെ​ട്ട കേ​സു​ക​ളി​ൽ മ​രി​ച്ച​വ​രു​ടെ എ​ണ്ണം മൂ​ന്നാ​യി ഉ​യ​ർ​ന്നു.

വി​മാ​ന​ത്താ​വ​ള​ത്തി​ന് സ​മീ​പ​മു​ള്ള ഷ്വാ​ൻ​ഹൈം മേ​ഖ​ല​യി​ൽ താ​മ​സി​ച്ചി​രു​ന്ന വ്യ​ക്തി​യാ​ണ് വ്യാ​ഴാ​ഴ്ച മ​ര​ണ​ത്തി​ന് കീ​ഴ​ട​ങ്ങി​യ​തെ​ന്ന് പ്രാ​ദേ​ശി​ക ആ​രോ​ഗ്യ അ​ധി​കൃ​ത​ർ ഔ​ദ്യോ​ഗി​ക​മാ​യി സ്ഥി​രീ​ക​രി​ച്ചു. വി​മാ​ന​ത്താ​വ​ള​ത്തി​ന് പു​റ​ത്തു​ള്ള ഒ​രു പ്ര​ദേ​ശ​വാ​സി മ​ലേ​റി​യ ബാ​ധി​ച്ച് മ​രി​ക്കു​ന്ന​ത് ഇ​താ​ദ്യ​മാ​ണ്.

ക​ഴി​ഞ്ഞ ജൂ​ലൈ, ഓ​ഗ​സ്റ്റ് മാ​സ​ങ്ങ​ളി​ലാ​യി ഫ്രാ​ങ്ക്ഫ​ർ​ട്ട് വി​മാ​ന​ത്താ​വ​ള​ത്തി​ലെ ബാ​ഗേ​ജ് കൈ​കാ​ര്യം ചെ​യ്യു​ന്ന ര​ണ്ട് ജീ​വ​ന​ക്കാ​ർ മ​ലേ​റി​യ ബാ​ധി​ച്ച് മ​ര​ണ​പ്പെ​ട്ടി​രു​ന്നു. ഇ​തി​ന് പി​ന്നാ​ലെ​യാ​ണ് വി​മാ​ന​ത്താ​വ​ള ജീ​വ​ന​ക്കാ​ര​ല്ലാ​ത്ത, മ​റ്റ് വി​ദേ​ശ യാ​ത്ര​ക​ൾ ന​ട​ത്താ​ത്ത ര​ണ്ട് പ്ര​ദേ​ശ​വാ​സി​ക​ളി​ൽ രോ​ഗം സ്ഥി​രീ​ക​രി​ക്കു​ക​യും അ​തി​ലൊ​രാ​ൾ മ​ര​ണ​പ്പെ​ടു​ക​യും ചെ​യ്ത​ത്.

വി​മാ​ന​ത്തി​ൽ പ​റ​ന്നെ​ത്തി​യ കൊ​തു​ക്; അഞ്ച് കി​ലോ​മീ​റ്റ​ർ അ​ക​ലെ​യും രോ​ഗ​ബാ​ധ

വി​ദേ​ശ​ത്തു​നി​ന്ന് ഫ്രാ​ങ്ക്ഫ​ർ​ട്ടി​ലേ​ക്ക് പ​റ​ന്നി​റ​ങ്ങി​യ വി​മാ​ന​ങ്ങ​ളി​ലൊ​ന്നി​ൽ എ​ത്തി​യ രോ​ഗാ​ണു​ബാ​ധ​യു​ള്ള അ​നോ​ഫി​ലി​സ് കൊ​തു​കി​ൽ നി​ന്നാ​ണ് ഷ്വാ​ൻ​ഹൈ​മി​ലെ താ​മ​സ​ക്കാ​ർ​ക്ക് രോ​ഗം പ​ക​ർ​ന്ന​തെ​ന്ന് ആ​രോ​ഗ്യ വ​കു​പ്പ് സ്ഥി​രീ​ക​രി​ച്ചു.

ജ​ർ​മനി​യു​ടെ ദേ​ശീ​യ പ​ബ്ലി​ക് ഹെ​ൽ​ത്ത് ഇ​ൻ​സ്റ്റി​റ്റ്യൂ​ട്ടാ​യ റോ​ബ​ർ​ട്ട് കോ​ഹ് ഇ​ൻ​സ്റ്റി​റ്റ്യൂ​ട്ടി​ന്‍റെ ക​ണ​ക്കു​ക​ൾ പ്ര​കാ​രം, മ​ലേ​റി​യ പ​ര​ത്തു​ന്ന കൊ​തു​കു​ക​ൾ​ക്ക് അഞ്ച് മു​ത​ൽ 10 കി​ലോ​മീ​റ്റ​ർ വ​രെ ദൂ​രം പ​റ​ക്കാ​ൻ സാ​ധി​ക്കും.
‌
പു​തി​യ രോ​ഗ​ബാ​ധ റി​പ്പോ​ർ​ട്ട് ചെ​യ്ത പ്ര​ദേ​ശം വി​മാ​ന​ത്താ​വ​ള​ത്തി​ൽ നി​ന്ന് കൃ​ത്യം അഞ്ച് കി​ലോ​മീ​റ്റ​ർ ചു​റ്റ​ള​വി​ലാ​ണ്. മ​ര​ണ​പ്പെ​ട്ട വ്യ​ക്തി​യു​ടെ കു​ടും​ബാം​ഗ​ങ്ങ​ളെ അ​ധി​കൃ​ത​ർ അ​നു​ശോ​ച​നം അ​റി​യി​ച്ചു.

മേ​ഖ​ല​യി​ൽ ഭീ​തി പ​ട​ർ​ന്ന​തോ​ടെ വി​മാ​ന​ത്താ​വ​ള​ത്തി​ലും ഷ്വാ​ൻ​ഹൈ​മി​ലും സ്ഥാ​പി​ച്ചി​ട്ടു​ള്ള കെ​ണി​ക​ളി​ൽ നി​ന്ന് പി​ടി​കൂ​ടു​ന്ന കൊ​തു​കു​ക​ളെ ജ​നി​ത​ക പ​രി​ശോ​ധ​ന​ക​ൾ​ക്കാ​യി ആ​ന്‍റവെ​ർ​പ്പി​ലെ ഇ​ൻ​സ്റ്റി​റ്റ്യൂ​ട്ട് ഓ​ഫ് ട്രോ​പ്പി​ക്ക​ൽ മെ​ഡി​സി​നി​ലേ​ക്ക് അ​യ​ച്ചി​രി​ക്കു​ക​യാ​ണ്.

വൈ​കു​ന്ന രോ​ഗ​നി​ർ​ണ​യം അ​തീ​വ അ​പ​ക​ട​ക​രം

സാ​ധാ​ര​ണ​യാ​യി ജ​ർ​മ​നി​യി​ൽ റി​പ്പോ​ർ​ട്ട് ചെ​യ്യ​പ്പെ​ടു​ന്ന മ​ലേ​റി​യ കേ​സു​ക​ൾ ആ​ഫ്രി​ക്ക​ൻ രാ​ജ്യ​ങ്ങ​ളോ മ​റ്റ് ഉ​ഷ്ണ​മേ​ഖ​ലാ പ്ര​ദേ​ശ​ങ്ങ​ളോ സ​ന്ദ​ർ​ശി​ച്ച​വ​രി​ലാ​ണ് ഉ​ണ്ടാ​കാ​റു​ള്ള​ത്. എ​ന്നാ​ൽ എ​യ​ർ​പോ​ർ​ട്ട് മ​ലേ​റി​യ ബാ​ധി​ക്കു​ന്ന രോ​ഗി​ക​ൾ വി​ദേ​ശ​യാ​ത്ര​ക​ൾ ന​ട​ത്താ​ത്ത​തി​നാ​ൽ, പ​നി​യോ മ​റ്റ് അ​സ്വ​സ്ഥ​ത​ക​ളോ വ​രു​മ്പോ​ൾ മ​ലേ​റി​യ​യാ​ണെ​ന്ന് ഡോ​ക്ട​ർ​മാ​ർ സം​ശ​യി​ക്കാ​തി​രി​ക്കു​ക​യും രോ​ഗ​നി​ർ​ണയം വൈ​കു​ക​യും ചെ​യ്യു​ന്നു.

ഇ​ത് രോ​ഗി​യു​ടെ ജീ​വ​ൻ ത​ന്നെ അ​പ​ക​ട​ത്തി​ലാ​ക്കു​ന്നു. ഫ്രാ​ങ്ക്ഫ​ർ​ട്ട് വി​മാ​ന​ത്താ​വ​ള​ത്തി​ൽ ഇ​തി​നു​മു​മ്പ് ഇ​ത്ത​ര​മൊ​രു സം​ഭ​വം രേ​ഖ​പ്പെ​ടു​ത്തി​യ​ത് 2023-ലാ​ണ്. ജീ​വ​ന​ക്കാ​ർ​ക്കും പ​രി​സ​ര​വാ​സി​ക​ൾ​ക്കും അ​സാ​ധാ​ര​ണ​മാ​യ പ​നി​യോ വി​റ​യ​ലോ മ​റ്റ് ല​ക്ഷ​ണ​ങ്ങ​ളോ അ​നു​ഭ​വ​പ്പെ​ട്ടാ​ൽ ഒ​ട്ടും വൈ​കാ​തെ വൈ​ദ്യ​സ​ഹാ​യം തേ​ട​ണ​മെ​ന്നും ഫ്രാ​ങ്ക്ഫ​ർ​ട്ട് എ​യ​ർ​പോ​ർ​ട്ട് സാ​മീ​പ്യം ഡോ​ക്ട​ർ​മാ​രു​ടെ ശ്ര​ദ്ധ​യി​ൽ​പ്പെ​ടു​ത്ത​ണ​മെ​ന്നും ആ​രോ​ഗ്യ​വ​കു​പ്പ് ആ​വ​ർ​ത്തി​ച്ചു വ്യ​ക്ത​മാ​ക്കി​യി​ട്ടു​ണ്ട്.

മ​ല​യാ​ളി പ്ര​വാ​സി​ക​ൾ ഉ​ൾ​പ്പെ​ടെ പ​തി​നാ​യി​ര​ങ്ങ​ൾ തി​ങ്ങി​പ്പാ​ർ​ക്കു​ന്ന മേ​ഖ​ല​യാ​യ​തി​നാ​ൽ ക​ന​ത്ത ജാ​ഗ്ര​ത​യി​ലാ​ണ് അ​ധി​കൃ​ത​ർ.

"എ​യ​ർ​പോ​ർ​ട്ട് മ​ലേ​റി​യ' ഭീ​ഷ​ണി; ഡോ​ക്ട​ർ​മാ​ർ​ക്ക് മു​ന്ന​റി​യി​പ്പ്

​വിദേ​ശ രാ​ജ്യ​ങ്ങ​ളി​ൽ പോ​കാ​ത്ത ആ​ളു​ക​ളി​ലും പ​നി​യും അ​നു​ബ​ന്ധ ല​ക്ഷ​ണ​ങ്ങ​ളും ക​ണ്ടാ​ൽ "എ​യ​ർ​പോ​ർ​ട്ട് മ​ലേ​റി​യ' എ​ന്ന സാ​ധ്യ​ത കൂ​ടി പ​രി​ശോ​ധി​ക്കാ​ൻ ഹെ​ൽ​ത്ത് ഡി​പ്പാ​ർ​ട്ട്‌​മെന്‍റ് മേ​ധാ​വി ഡോ​ക്ട​ർ​മാ​ർ​ക്കും പൊ​തു​ജ​ന​ങ്ങ​ൾ​ക്കും ക​ർ​ശ​ന നി​ർ​ദേശം ന​ൽ​കി.

ഉ​യ​ർ​ന്ന പ​നി​ക്ക് പു​റ​മെ വ​യ​റു​വേ​ദ​ന, ഛർ​ദ്ദി, ക്ഷീ​ണം തു​ട​ങ്ങി​യ ല​ക്ഷ​ണ​ങ്ങ​ളും മ​ലേ​റി​യ​യു​ടേ​താ​കാം. ശ​രി​യാ​യ സ​മ​യ​ത്ത് ചി​കി​ത്സ ല​ഭി​ച്ചി​ല്ലെ​ങ്കി​ൽ 24 മ​ണി​ക്കൂ​റി​നു​ള്ളി​ൽ രോ​ഗം അ​തീ​വ ഗു​രു​ത​രാ​വ​സ്ഥ​യി​ലേ​ക്കും മ​ര​ണ​ത്തി​ലേ​ക്കും ന​യി​ച്ചേ​ക്കാ​മെ​ന്ന് ആ​രോ​ഗ്യ​വി​ദ​ഗ്ധ​ർ മു​ന്ന​റി​യി​പ്പ് ന​ൽ​കു​ന്നു.

നേ​ര​ത്തെ ര​ണ്ട് ജീ​വ​ന​ക്കാ​ർ മ​രി​ച്ചു​ക​ഴി​ഞ്ഞ ഓ​ഗ​സ്റ്റ് അ​വ​സാ​ന​ത്തോ​ടെ ഫ്രാ​ങ്ക്ഫ​ർ​ട്ട് വി​മാ​ന​ത്താ​വ​ള​ത്തി​ലെ ആ​റ് ജീ​വ​ന​ക്കാ​ർ​ക്ക് മ​ലേ​റി​യ ബാ​ധി​ച്ച​താ​യി ക​ണ്ടെ​ത്തി​യി​രു​ന്നു. ഇ​തി​ൽ രോ​ഗം മൂ​ർ​ച്ഛി​ച്ച് ര​ണ്ട് പേ​ർ മ​ര​ണ​പ്പെ​ടു​ക​യും ചെ​യ്തു.

​ഒ​രാ​ൾ ജൂ​ലൈ ആ​ദ്യ​ത്തി​ലും ര​ണ്ടാ​മ​ത്തെ​യാ​ൾ ഓ​ഗ​സ്റ്റി​ലു​മാ​ണ് മ​രി​ച്ച​ത്. ഉ​ഷ്ണ​മേ​ഖ​ലാ രാ​ജ്യ​ങ്ങ​ളി​ൽ നി​ന്ന് എ​ത്തു​ന്ന വി​മാ​ന​ങ്ങ​ളി​ലോ ല​ഗേ​ജു​ക​ളി​ലോ എ​ത്തി​പ്പെ​ടു​ന്ന കൊ​തു​കു​ക​ൾ വ​ഴി​യാ​ണ് യൂ​റോ​പ്യ​ൻ രാ​ജ്യ​ങ്ങ​ളി​ൽ ഇ​ത്ത​ര​ത്തി​ൽ പ്രാ​ദേ​ശി​ക​മാ​യി രോ​ഗം പ​ട​രു​ന്ന​ത്.

പു​തു​താ​യി രോ​ഗം ബാ​ധി​ച്ച ര​ണ്ട് പ്ര​ദേ​ശ​വാ​സി​ക​ൾ​ക്ക് വി​മാ​ന​ത്താ​വ​ള​ത്തി​ലെ മു​ൻ കേ​സു​ക​ളു​മാ​യി എ​ന്തെ​ങ്കി​ലും ത​ര​ത്തി​ലു​ള്ള സ​മ്പ​ർ​ക്ക​മു​ണ്ടോ​യെ​ന്നും രോ​ഗ​ബാ​ധ​യു​ടെ കൃ​ത്യ​മാ​യ ഉ​റ​വി​ടം എ​വി​ടെ​യാ​ണെ​ന്നും ക​ണ്ടെ​ത്താ​ൻ ആ​രോ​ഗ്യ​വ​കു​പ്പ് വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

വി​മാ​ന​ത്താ​വ​ള പ​രി​സ​ര​ങ്ങ​ളി​ൽ താ​മ​സി​ക്കു​ന്ന മ​ല​യാ​ളി​ക​ൾ ഉ​ൾ​പ്പെ​ടെ​യു​ള്ള പ്ര​വാ​സി​ക​ൾ അ​സാ​ധാ​ര​ണ പ​നി​യോ ല​ക്ഷ​ണ​ങ്ങ​ളോ ഉ​ണ്ടാ​യാ​ൽ ഉ​ട​ന​ടി വൈ​ദ്യ​സ​ഹാ​യം തേ​ട​ണ​മെ​ന്ന് അ​ധി​കൃ​ത​ർ അ​ഭ്യ​ർ​ഥിച്ചു.