District News
ചമ്പക്കുളം: നെടുമുടി ഗ്രാമപഞ്ചായത്തിൽ തെരുവ് നായ്ക്കൾക്ക് പേവിഷബാധക്കെതിരേയുള്ള പ്രതിരോധ വാക്സിനേഷൻ യജ്ഞം നെടുമുടി ഗ്രാമപഞ്ചായത്ത് പ്രസിഡന്റ് വിനോദ് ഉദ്ഘാടനം ചെയ്തു.
വെറ്ററിനറി സർജൻ ഡോ. ഹരികൃഷ്ണൻ, വൈസ് പ്രസിഡന്റ് ബിനു ശ്രീകുമാർ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഇന്ദു ഗോപൻ എന്നിവർ പ്രസംഗിച്ചു.
District News
കോഴിക്കോട്: ഗര്ഭാശയഗള കാന്സര് പ്രതിരോധിക്കുന്നതിനുള്ള എച്ച്പിവി വാക്സിനേഷന് കാമ്പയിന് ജില്ലയില് തുടക്കമായി. കോഴിക്കോട് ഗവ. ജനറല് ആശുപത്രിയില് നടന്ന ചടങ്ങില് ജില്ലാ മെഡിക്കല് ഓഫീസര് ഡോ. കെ.കെ. രാജാറാം ഉദ്ഘാടനം നിര്വഹിച്ചു.
ജില്ലാ ആര്സിഎച്ച് ഓഫീസര് ഡോ. നവ്യ ജെ. തൈക്കാട്ടില് അധ്യക്ഷയായി. ജനറല് ആശുപത്രി സൂപ്രണ്ട് ഡോ. സച്ചിന് ബാബു, ആര്എംഒ ഡോ. ഭാഗ്യരൂപ, ശിശുരോഗ വിഭാഗം മെഡിക്കല് ഓഫീസര് ഡോ. സുചരിത, ടെക്നിക്കല് അസിസ്റ്റന്റ് എന്. സുരേന്ദ്രന്, എം. പ്രമോദ്, എംസിഎച്ച് ഓഫീസര് കെ. രമണി, ജില്ലാ എഡ്യൂക്കേഷന് ആന്ഡ് മീഡിയ ഓഫീസര് ഡോ. എല്. ഭവില തുടങ്ങിയവര് പ്രസംഗിച്ചു.
"ഒറ്റ കുത്തിവെപ്പിലൂടെ സുരക്ഷിതത്വം, പ്രതിരോധത്തിനായുള്ള ചുവടുവെപ്പ്' എന്ന സന്ദേശത്തിലാണ് കാമ്പയിന്. ഗര്ഭാശയഗള കാന്സറിനെതിരായ വാക്സിന് ദേശീയ പ്രതിരോധ കുത്തിവയ്പ്പ് പട്ടികയില് ഉള്പ്പെടുത്തുന്നതിന് മുന്നോടിയായാണ് 14 വയസുള്ള പെണ്കുട്ടികള്ക്ക് കുട്ടികള്ക്ക് ആദ്യഘട്ടത്തില് വാക്സിന് നല്കുന്നത്. മൂന്നു മാസത്തിനകം ഒറ്റ ഡോസ് വാക്സിന് നല്കാനാണ് കാമ്പയിനിലൂടെ ലക്ഷ്യമിടുന്നത്.
District News
പറവൂർ: പറവൂർ നഗരസഭയുടെ ആഭിമുഖ്യത്തിൽ തെരുവ് നായകൾക്കുള്ള വാക്സിനേഷൻ പദ്ധതി ആരംഭിച്ചു. നഗരസഭ സംഘടിപ്പിച്ച വാക്സിനേഷൻ ക്യാമ്പ് നഗരസഭാ ചെയർപേഴ്സൺ രമേഷ് ഡി. കുറുപ്പ് ഉദ്ഘാടനം ചെയ്തു.
വാക്സിനേഷൻ നടത്തിയ തെരുവ് നായകൾക്ക് തിരിച്ചറിയലിനായി കോളർ ബെൽറ്റ് ഇടുന്നതായിരിക്കുമെന്ന് അധികൃതർ അറിയിച്ചു. പദ്ധതിക്കാവശ്യമായ കോളർ ബെൽറ്റുകൾ റോട്ടറി ക്ലബ് ഓഫ് റോയൽ ഹെറിറ്റേജ് പറവൂർ സംഭാവനയായി നൽകി.
തെരുവ് നായകളിലൂടെ പകരുന്ന രോഗങ്ങൾ നിയന്ത്രിക്കുന്നതിനും പൊതുജനാരോഗ്യം സംരക്ഷിക്കുന്നതിനുമുള്ള നഗരസഭയുടെ സുപ്രധാന നടപടിയുടെ ഭാഗമായാണ് ഈ പദ്ധതി നടപ്പാക്കുന്നത്.
വൈസ് ചെയർപേഴ്സൺ ലൈജി ബിജു, ആരോഗ്യകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ജോബി പഞ്ഞിക്കാരൻ, വിദ്യാഭ്യാസകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഹരിദാസ് , പൊതുമരാമത്ത് സ്റ്റാൻഡിംഗ്കമ്മിറ്റി ചെയർപേഴ്സൺ ജലജ രവീന്ദ്രൻ , എൽഡിഎഫ് പാർലമെന്ററി പാർട്ടി ലീഡർ സി.എ. രാജീവ് കൗൺസിലർമാരായ ഡെന്നി തോമസ്, ബീന ശശിധരൻ , സൂര്യ അരുൺ, നിമിത രാധാകൃഷ്ണൻ എന്നിവർ സന്നിഹിതരായി.
Kerala
കൊച്ചി: ഉദയംപേരൂരില് തെരുവുനായ ശല്യത്തിന് പ്രതിരോധ നടപടികളുമായി അധികൃതര്. പ്രദേശത്ത് എട്ടു തെരുവുനായകള്ക്കു കഴിഞ്ഞ ദിവസം പ്രതിരോധ കുത്തിവയ്പ്പ് നല്കി. കൂടുതല് നായകള്ക്കു വാക്സിന് നല്കാന് നാളെ മുതല് വാക്സിനേഷന് കാമ്പയ്ന് നടത്തും. പേവിഷബാധയേറ്റ തെരുവുനായ കടിച്ച വളര്ത്തു നായയെ വെറ്റിനറി അധികൃതര് പിടികൂടി നിരീക്ഷണത്തിലാക്കി.
പ്രദേശവാസികള് ജാഗ്രത പുലര്ത്താനും വളര്ത്തുമൃഗങ്ങള്ക്കോ തെരുവുനായകള്ക്കോ അസ്വാഭാവികമായ പെരുമാറ്റം കണ്ടാല് പഞ്ചായത്തിലോ വെറ്റിനറി ആശുപത്രിയിലോ വിവരം അറിയിക്കണമെന്നും അധികൃതര് അറിയിച്ചിട്ടുണ്ട്. അതേസമയം, കഴിഞ്ഞ ദിവസങ്ങളില് കുഞ്ഞിനെയും വീട്ടമ്മയെയും അടക്കം എട്ടോളം പേരെ തെരുവുനായ ആക്രമിച്ചിരുന്നു.
വീടിന്റെ മുറ്റമടിക്കുന്നതിനിടെയാണ് വീട്ടമ്മയായ സതിയുടെ തല തെരുവുനായ കടിച്ചു കീറിയത്. ഇവര് ഇപ്പോഴും ചികിത്സയിലാണ്. അങ്കണവാടിയില് നിന്നും വരികയായിരുന്ന നാലു വയസുകാരന് ഭുവനേശര്, അറുപതുകാരിയായ അന്നമ്മ ഈശപ്പന്, പന്ത്രണ്ടു വയസുകാരന് ആരോണ് എന്നിവര്ക്കും കടിയേറ്റിരുന്നു.
Kerala
തിരുവനന്തപുരം: കന്നുകാലികളിലെ കുളമ്പുരോഗ പ്രതിരോധ കുത്തിവയ്പ് പദ്ധതിയുടെ ഏഴാം ഘട്ടത്തിനും ചർമ്മ മുഴ രോഗ പ്രതിരോധ കുത്തിവയ്പ് പദ്ധതിയുടെ മൂന്നാം ഘട്ടത്തിനും ബുധനാഴ്ച തുടക്കമാകും. ജനുവരി 23 വരെ 30 പ്രവൃത്തി ദിവസം കൊണ്ട് ഈ യജ്ഞം പൂർത്തീകരിയ്ക്കാനാണ് വകുപ്പ് ലക്ഷ്യമിടുന്നത്.
നാല് മാസത്തിനു മുകളിൽ പ്രായമുള്ള പശു, എരുമ വർഗത്തിൽപ്പെട്ട മുഴുവൻ ഉരുക്കളെയും കുളമ്പുരോഗ കുത്തിവയ്പിന് വിധേയമാക്കും. ചർമ മുഴരോഗ പ്രതിരോധ കുത്തിവയ്പ്പ് നാല് മാസത്തിനു മുകളിൽ പ്രായമുള്ള പശു വർഗത്തിൽപ്പെട്ട ഉരുക്കൾക്കു മാത്രമാണ് നൽകുന്നത്.
മൃഗസംരക്ഷണ വകുപ്പിൽ നിന്നും നിയോഗിച്ചിട്ടുള്ള ഉദ്യോഗസ്ഥരുടെ ടീമുകൾ കർഷകരുടെ വീട്ടുപടിക്കൽ എത്തി തികച്ചും സൗജന്യമായാണ് ഉരുക്കൾക്കു പ്രതിരോധ കുത്തിവയ്പ്പുകൾ നൽകുന്നത്. ഇതിനായി സംസ്ഥാനമൊട്ടാകെ 1916 സ്ക്വാഡുകൾ രൂപീകരിച്ചിട്ടുണ്ട്.