ഉദയനാപുരം പഞ്ചായത്തിൽ തെരുവുനായ്ക്കൾക്ക് പേവിഷ പ്രതിരോധ മരുന്ന് കുത്തിവയ്പ്പ് ആരംഭിച്ചപ്പോൾ.
ഉദയനാപുരം: പഞ്ചായത്തിൽ തെരുവുനായ്ക്കൾക്കും വളർത്തുനായ്ക്കൾക്കുമുള്ള പേവിഷ പ്രതിരോധ മരുന്ന് കുത്തിവയ്പ്പ് ആരംഭിച്ചു. രണ്ടുപശുക്കൾ പേവിഷ ബാധയേറ്റ് മരിച്ചത് സ്ഥിരീകരിച്ച സാഹചര്യത്തിൽ അടിയന്തര പ്രാധാന്യത്തോടെ 18 വാർഡുകളിലേയും മുഴുവൻ നായ്ക്കൾക്കും കുത്തിവെയ്പ്പ് എടുക്കാനാണ് പഞ്ചായത്ത് ലക്ഷ്യമിടുന്നത്. ഇതിനാവശ്യമായ വാക്സിൻ ലഭ്യമാക്കിയിട്ടുണ്ട്. ഉദയനാപുരം പഞ്ചായത്ത് പ്രസിഡന്റ് കെ.ജി. രാജു, ബ്ലോക്ക് പഞ്ചായത്ത് അംഗം എം. ജി. രഞ്ജിത്ത് വെറ്ററിനറി ആശുപത്രി മെഡിക്കൽ ഓഫീസർ ധന്യാ എസ്. രാജൻ എന്നിവർ നേതൃത്വം നൽകി.