4

പാ​ല​ക്കാ​ട്: വാ​ള​യാ​ർ അ​ട്ട​പ്പ​ള്ള​ത്ത് ആ​ൾ​ക്കൂ​ട്ട ആ​ക്ര​മ​ണ​ത്തി​ൽ ഛത്തീ​സ്ഗ​ഡ് സ്വ​ദേ​ശി രാം ​നാ​രാ​യ​ണ കൊ​ല്ല​പ്പെ​ട്ട സം​ഭ​വം പ്ര​ത്യേ​ക സം​ഘം അ​ന്വേ​ഷി​ക്കും. രാം ​നാ​രാ​യ​ണ​ന്റെ കു​ടും​ബ​ത്തി​ന് സ​ർ​ക്കാ​ർ ഇ​ക്കാ​ര്യം ഉ​റ​പ്പ് ന​ൽ​കി.

റാം ​നാ​രാ​യ​ണ​ന്‍റെ കു​ടും​ബ​ത്തി​ന് 10 ല​ക്ഷ​ത്തി​ൽ കു​റ​യാ​ത്ത ന​ഷ്ട​പ​രി​ഹാ​രം ന​ൽ​കു​മെ​ന്നും ജി​ല്ലാ ഭ​ര​ണ​കൂ​ടം ഉ​റ​പ്പ് ന​ൽ​കി. പാ​ല​ക്കാ​ട് ആ​ർ​ഡി​ഒ കു​ടും​ബ​വു​മാ​യി ന​ട​ത്തി​യ ച​ർ​ച്ച​യി​ലാ​ണ് ഉ​റ​പ്പു ന​ൽ​കി​യ​ത്.

കൊ​ല​പാ​ത​ക കേ​സ് അ​ന്വേ​ഷ​ണ​ത്തി​ന് സ്പെ​ഷ്യ​ൽ ഇ​ൻ​വെ​സ്റ്റി​ഗേ​ഷ​ൻ ടീ​മി​നെ നി​യോ​ഗി​ക്കും. ഐ​പി​എ​സ് ഉ​ദ്യോ​ഗ​സ്ഥ​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​കും അ​ന്വേ​ഷി​ക്കു​ക. ആ​ൾ​ക്കൂ​ട്ട കൊ​ല​പാ​ത​ക​ത്തി​നു​ള്ള വ​കു​പ്പ് ചു​മ​ത്തും.

കു​ടും​ബ​ത്തി​ന്റെ ആ​വ​ശ്യ​ങ്ങ​ൾ മു​ൻ​നി​ർ​ത്തി​യാ​ണ് ജി​ല്ലാ ഭ​ര​ണ​കൂ​ടം ഉ​റ​പ്പു​ക​ൾ ന​ൽ​കി​യി​രി​ക്കു​ന്ന​ത്. ഉ​റ​പ്പ് ഔ​ദ്യോ​ഗി​ക​മാ​യി ജി​ല്ലാ ക​ള​ക്ട​ർ വാ​ർ​ത്താ​ക്കു​റി​പ്പാ​യി പു​റ​ത്തി​റ​ക്കും. വാ​ർ​ത്താ​ക്കു​റി​പ്പ് പു​റ​ത്തി​റ​ക്കി​യാ​ൽ മൃ​ത​ദേ​ഹം ഏ​റ്റെ​ടു​ക്കാ​മെ​ന്നാ​ണ് ബ​ന്ധു​ക്ക​ൾ അ​റി​യി​ച്ചി​രി​ക്കു​ന്ന​ത്.

കൊ​ച്ചി: മു​ന​മ്പം വ​ഖ​ഫ് ഭൂ​മി കേ​സി​ൽ പ്ര​ദേ​ശ​വാ​സി​ക​ൾ​ക്ക് പോ​ക്കു​വ​ര​വും കൈ​വ​ശാ​വ​കാ​ശ സ​ർ​ട്ടി​ഫി​ക്ക​റ്റും ന​ൽ​കാ​നു​ള്ള ജി​ല്ലാ ക​ള​ക്ട​റു​ടെ ഉ​ത്ത​ര​വ് ഹൈ​ക്കോ​ട​തി സ്റ്റേ ​ചെ​യ്തു. ഹൈ​ക്കോ​ട​തി സിം​ഗി​ൾ ബെ​ഞ്ചി​ന്‍റേ​താ​ണ് ഇ​ട​ക്കാ​ല ഉ​ത്ത​ര​വ്.

മു​ന​മ്പ​ത്തെ കൈ​വ​ശ​ക്കാ​രി​ൽ നി​ന്ന് വ​സ്തു നി​കു​തി ഇ​ടാ​ക്കാ​ൻ നേ​ര​ത്തെ കോ​ട​തി അ​നു​മ​തി ന​ൽ​കി​യി​രു​ന്നു. ഇ​തി​ന് പി​ന്നി​ലെ​യാ​ണ് പോ​ക്കു​വ​ര​വ് ന​ട​ത്താ​മെ​ന്നും കൈ​വ​ശാ​വ​കാ​ശ സ​ർ​ട്ടി​ഫി​ക്ക​റ്റ് ന​ൽ​കാ​മെ​ന്നും ജി​ല്ലാ ക​ള​ക്ട​ർ ഉ​ത്ത​ര​വി​ട്ട​ത്.

നേ​ര​ത്തെ മു​ന​മ്പ​ത്തേ​ത് വ​ഖ​ഫ് ഭൂ​മി​യ​ല്ലെ​ന്ന ഹൈ​ക്കോ​ട​തി ഉ​ത്ത​ര​വ് സു​പ്രീം​കോ​ട​തി സ്റ്റേ ​ചെ​യ്തി​രു​ന്നു. വ​ഖ​ഫ് സം​ര​ക്ഷ​ണ വേ​ദി ന​ൽ​കി​യ അ​പ്പീ​ൽ പ​രി​ഗ​ണി​ച്ച കോ​ട​തി സം​സ്ഥാ​ന സ​ർ​ക്കാ​ർ എ​ന്തു​കൊ​ണ്ട് അ​പ്പീ​ൽ ന​ൽ​കി​യി​ല്ലെ​ന്നും ആ​രാ​ഞ്ഞി​രു​ന്നു.

ഹൈ​ക്കോ​ട​തി ഉ​ത്ത​ര​വ് അ​ധി​കാ​ര പ​രി​ധി മ​റി​ക​ട​ന്നാ​ണെ​ന്ന് നി​രീ​ക്ഷി​ച്ച സു​പ്രീം​കോ​ട​തി അ​പ്പീ​ൽ വീ​ണ്ടും പ​രി​ഗ​ണി​ക്കു​ന്ന അ​ടു​ത്ത​മാ​സം 27വ​രെ ത​ൽ​സ്ഥി​തി തു​ട​രാ​ൻ നി​ർ​ദേ​ശി​ച്ചു. സ​ർ​ക്കാ​ർ ക​മ്മി​ഷ​നെ നി​യ​മി​ച്ച​ത് ചോ​ദ്യം​ചെ​യ്താ​യി​രു​ന്നു ഹൈ​ക്കോ​ട​തി​യി​ലെ ഹ​ർ​ജി.

കൊല്ലം: കൊട്ടിയത്ത് നിർമാണം നടക്കുന്ന ദേശീയപാത ഇടിഞ്ഞു താഴ്ന്ന സംഭവത്തിൽ ജില്ലാ കളക്ടർ എൻ. ദേവീദാസിന്‍റെ അധ്യക്ഷതയിൽ ഇന്ന് യോഗം ചേരും. ദേശീയപാത അതോറിറ്റി റീജിയണൽ ഓഫീസർ, പ്രോജക്ട് ഹെഡ് എന്നിവർ യോഗത്തിൽ പങ്കെടുക്കും.

എൻഎച്ച്എഐ അധികൃതരിൽ നിന്നും കളക്ടർ വിശദീകരണം തേടും. കൂടാതെ വിവിധ സർക്കാർ വകുപ്പുകളിൽ നിന്നുള്ള ഉദ്യോഗസ്ഥരും യോഗത്തിൽ പങ്കെടുക്കും. അപകടത്തിന്‍റെ കാരണം കണ്ടെത്താൻ ദേശീയപാത അതോറിറ്റിയുടെ വിദഗ്ധ സംഘം ഉടൻ സ്ഥലം സന്ദർശിക്കും. കരാർ കമ്പനിയായ ശിവാലയ കൺസ്ട്രക്ഷനോട് എൻഎച്ച്എഐ റിപ്പോർട്ട് തേടിയിരുന്നു.

കൊ​ല്ലം മൈ​ല​ക്കാ​ടാണ് ദേ​ശീ​യ​പാ​ത​യു​ടെ ഉ​യ​ര​പ്പാ​ത ഇ​ടി​ഞ്ഞു വീ​ണത്. ദേ​ശീ​യ​പാ​ത​യു​ടെ പാ​ര്‍​ശ്വ​ഭി​ത്തി​യാ​ണ് ഇ​ടി​ഞ്ഞ​ത്. ഇ​തോ​ടെ സ​ര്‍​വീ​സ് റോ​ഡ് ത​ക​ര്‍​ന്നു. മൈ​ല​ക്കാ​ട് പാ​ല​ത്തി​നു സ​മീ​പ​ത്തെ അ​പ്രോ​ച്ച് റോ​ഡി​ല്‍ വ​ലി​യ ഗ​ര്‍​ത്തം രൂ​പ​പ്പെ​ടു​ക​യും ചെ​യ്തിരുന്നു.

ദേ​ശീ​യ​പാ​ത ഇ​ടി​ഞ്ഞു​വീ​ണ സ​മ​യ​ത്ത് സ​ര്‍​വീ​സ് റോ​ഡി​ല്‍ സ്‌​കൂ​ള്‍ വാ​ന​ട​ക്ക​മു​ണ്ടാ​യി​രി​ന്നു. നൂ​റു മീ​റ്റ​റി​ലേ​റെ നീ​ള​ത്തി​ലാ​ണ് ഉ​യ​ര​പ്പാ​ത ത​ക​ർ​ന്ന​ത്. പ​ത്ത് മീ​റ്റ​റി​ല​ധി​കം ഉ​യ​ര​ത്തി​ലാ​ണ് ഈ ​ഭാ​ഗ​ത്ത് ദേ​ശീ​യ​പാ​ത​യു​ടെ പ്ര​ധാ​ന റോ​ഡ് നി​ർ​മി​ക്കു​ന്ന​ത്.

അ​പ​ക​ടം സം​ഭ​വി​ക്കു​മ്പോ​ൾ സ​ർ​വീ​സ് റോ​ഡി​ലൂ​ടെ നി​ര​വ​ധി വാ​ഹ​ന​ങ്ങ​ൾ ക​ട​ന്നു പൊ​യ്ക്കാ​ണ്ടി​രി​ക്കു​ക​യാ​യി​രു​ന്നു.​ഒ​രു സ്കൂ​ൾ ബ​സും ര​ണ്ടു കാ​റു​ക​ളും അ​പ​ക​ട​ത്തി​ൽ​പ്പെ​ട്ടു. റോ​ഡ് ത​ക​ർ​ന്നു സ​ർ​വീ​സ് റോ​ഡി​ൽ വ​ലി​യ കു​ഴി​ക​ൾ ഉ​ണ്ടാ​യി. ഈ ​കു​ഴി​ക​ളി​ലാ​ണ് സ്കൂ​ൾ ബ​സ് ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ വീ​ണ​ത്. കു​ഴി​യി​ൽ​പ്പെ​ട്ട വാ​ഹ​ന​ങ്ങ​ളി​ലെ യാ​ത്ര​ക്കാ​രും പ​രി​ക്കു​ക​ളി​ല്ലാ​തെ ര​ക്ഷ​പ്പെ​ട്ടിരുന്നു,

കൊ​ട്ടി​യ​ത്തു​നി​ന്നും ചാ​ത്ത​ന്നൂ​രി​ലേ​യ്ക്കു​ള്ള വ​ഴി​യി​ൽ മൈ​ല​ക്കാ​ട് ഇ​റ​ക്ക​ത്താ​ണ് അ​പ​ക​ടമുണ്ടായത്. മൈ​ല​ക്കാ​ട് ഇ​റ​ക്കം ജി​ല്ല​യി​ലെ ത​ന്നെ വ​ലി​യ ക​യ​റ്റി​റ​ക്ക​മാ​ണ്. ഈ ​ക​യ​റ്റി​റ​ക്കം ഒ​ഴി​വാ​ക്കി റോ​ഡ് നി​ര​പ്പാ​ക്കാ​നാ​ണ് ഉ​യ​ര​പ്പാ​ത നി​ർ​മി​ക്കു​ന്ന​ത്. ഏ​ലാ​യു​ടെ മ​ധ്യ​ത്തി​ലൂ​ടെ​യാ​ണ് ദേ​ശീ​യ പാ​ത​യും ഉ​യ​ര​പ്പാ​ത​യും കടന്നുപോകുന്നത്.

വ​യ​നാ​ട്: വ​യ​നാ​ട്ടി​ല്‍ ഉ​രു​ള്‍​പൊ​ട്ട​ല്‍ ഉ​ണ്ടാ​യി​ട്ടി​ല്ലെ​ന്നും നി​ല​വി​ല്‍ ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്നും ജി​ല്ലാ ക​ള​ക്ട​ര്‍ ഡി.​ആ​ര്‍.​മേ​ഘ​ശ്രീ. പു​ഞ്ചി​മ​ട്ടം അ​ട​ക്ക​മു​ള്ള സ്ഥ​ല​ങ്ങ​ളി​ല്‍ പ​രി​ശോ​ധ​ന ന​ട​ത്തി​യെ​ന്നും ക​ള​ക്ട​ര്‍ അ​റി​യി​ച്ചു.

പു​ന്ന​പ്പു​ഴ​യി​ലെ വെ​ള്ളം ക​ല​ങ്ങി വ​ന്ന​ത് നേ​ര​ത്തേ​യു​ണ്ടാ​യ ഉ​രു​ള്‍​പൊ​ട്ട​ലി​ന്‍റെ അ​വ​ശി​ഷ്ട​ങ്ങ​ള്‍ ഉ​ള്ള​തി​നാ​ലാ​ണ്. ജി​ല്ല​യി​ല്‍ ശ​ക്ത​മാ​യി മ​ഴ തു​ട​രു​ന്നു​ണ്ട്. ജി​ല്ല​യി​ല്‍ ദു​രി​താ​ശ്വാ​സ ക്യാ​മ്പു​ക​ള്‍ തു​റ​ക്കേ​ണ്ട സാ​ഹ​ച​ര്യം നി​ല​വി​ല്‍ ഇ​ല്ലെ​ന്നും ക​ള​ക്ട​ര്‍ വ്യ​ക്ത​മാ​ക്കി.

മു​ണ്ട​ക്കൈ മേ​ഖ​ല​യി​ൽ നി​ന്ന് വ​ലി​യ ശ​ബ്ദം കേ​ട്ടെ​ന്നും ഉ​രു​ൾ​പൊ​ട്ടി​യെ​ന്ന് സം​ശ​യം ഉ​ണ്ടെ​ന്നും നാ​ട്ടു​കാ​ർ പ​റ​ഞ്ഞി​രു​ന്നു. ഈ ​സാ​ഹ​ച​ര്യ​ത്തി​ലാ​ണ് ക​ള​ക്ട‌​റു​ടെ വി​ശ​ദീ​ക​ര​ണം.

കൊല്ലം ജില്ലയുടെ വികസനത്തിൽ നിർണായകമായ തീരദേശ ഹൈവേ നിർമ്മാണ പ്രവർത്തനങ്ങൾ അതിവേഗം പുരോഗമിക്കുന്നതായി ജില്ലാ ഭരണകൂടം അറിയിച്ചു. പദ്ധതിയുടെ നിലവിലെ സ്ഥിതി ജില്ലാ കളക്ടർ എസ്. കാർത്തികേയൻ ഐ.എ.എസ്. നേരിട്ട് വിലയിരുത്തി. കൊല്ലം ജില്ലാ കളക്ടർ ഇന്ന് രാവിലെ തീരദേശ ഹൈവേയുടെ വിവിധ നിർമ്മാണ സൈറ്റുകൾ സന്ദർശിച്ചു. ഉന്നത ഉദ്യോഗസ്ഥരുമായി നടത്തിയ കൂടിക്കാഴ്ചയിൽ, നിർമ്മാണ പ്രവർത്തനങ്ങളുടെ പുരോഗതി അദ്ദേഹം വിശദമായി വിലയിരുത്തി. ഭൂമി ഏറ്റെടുക്കൽ നടപടികളിൽ നേരിടുന്ന കാലതാമസം ഒഴിവാക്കാനും, നിർമ്മാണം സമയബന്ധിതമായി പൂർത്തിയാക്കാനും ആവശ്യമായ എല്ലാ നടപടികളും സ്വീകരിക്കാൻ കളക്ടർ ബന്ധപ്പെട്ട വകുപ്പുകൾക്ക് കർശന നിർദ്ദേശം നൽകി. പദ്ധതിയുടെ ഓരോ ഘട്ടവും സൂക്ഷ്മമായി നിരീക്ഷിക്കുമെന്നും അദ്ദേഹം കൂട്ടിച്ചേർത്തു.