രാജ്യത്തെ പല പ്രമുഖ സ്ഥാപനങ്ങളും എംപിഎച്ചും കോഴ്സും ഡോക്ടറൽ കോഴ്സും നടത്തുന്നുണ്ട്. ഇതിൽ പ്രധാനമാണ് രാജ്യത്തെ ദേശീയ പ്രാധാന്യമുള്ള സ്ഥാപനങ്ങളുടെ പട്ടികയിൽ ഇടംപിടിച്ചിട്ടുള്ള ശ്രീചിത്ര ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് നടത്തുന്ന എംപിഎച്ച്, പിഎച്ച്ഡി പ്രോഗ്രാമുകൾ. എഴുത്തു പരീക്ഷയുടെയും ഇന്റർവ്യുവിന്റെയും അടിസ്ഥാനത്തിലാണ് അഡ്മിഷൻ. എല്ലാ വർഷവും ജൂണിലാണു ക്ലാസ് ആരംഭിക്കുന്നത്. www.sctimst.ac.in ന്യൂഡൽഹി ആസ്ഥാനമായുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് പബ്ലിക് ഹെൽത്ത് ആണ് രാജ്യത്ത് പൊതുജനാരോഗ്യവുമായി ബന്ധപ്പെട്ട് ബിരുദാനന്തര ബിരുദ, ഡിപ്ലോമ കോഴ്സുകൾ നടത്തുന്ന പ്രമുഖ സ്ഥാപനം.
ഇൻസ്റ്റിറ്റ്യൂട്ടിന് ഗാന്ധിനഗർ, ഹൈദരാബാദ്, ഭുവനേശ്വർ, ഷില്ലോംഗ് എന്നിവിടങ്ങളിൽ കാന്പസും ബാംഗളൂരുവിൽ ഉപകേന്ദ്രവുമുണ്ട്. എംപിഎച്ച്, ക്ലിനിക്കൽ റിസർച്ച്, ഹെൽത്ത് ഇൻഫർമാറ്റിക്സിൽ ഇന്റഗ്രേറ്റഡ് എംഎസ്സി-പിഎച്ച്ഡി, പോസ്റ്റ് ഗ്രാജ്വേറ്റ് ഡിപ്ലോമ ഇൻ പബ്ലിക് ഹെൽത്ത് മാനേജ്മെന്റ്, ബേസിക് ഡാറ്റാ അനാലസിസ് ഫോർ ഹെൽത്ത് സയൻസസ്, അസോസിയറ്റ് ഫോലോ ഓഫ് ഇൻഡസ്ട്രിയൽ ഹെൽത്ത് എന്നിവയാണ് ഇൻസ്റ്റിറ്റ്യൂട്ടിന്റെ ഓണ് കാന്പസ് പ്രോഗ്രാമുകൾ. കൂടാതെ വിദൂര പഠന രീതിയിൽ ഹെൽത്ത് ഇക്കണോമിക്സ്, ഹെൽത്ത് കെയർ ഫിനാൻസിംഗ് ആൻഡ് പോളിസി, ഹെൽത്ത് പ്രമോഷൻ, മാനേജ്മെന്റ് ഓഫ് റിപ്രൊഡക്ടീവ് ആൻഡ് ചൈൽഡ് ഹെൽത്ത് പ്രോഗ്രാം, പബ്ലിക് ഹെൽത്ത് ആൻഡ് ഹോസ്പിറ്റൽ മാനേജ്മെന്റ്, പബ്ലിക് ഹെൽത്ത് ന്യുട്രീഷൻ, പബ്ലിക് ഹെൽത്ത് സർവീസസ് മാനേജ്മെന്റ് എന്നിവയിൽ പിജി ഡിപ്ലോമ കോഴ്സുകളും നടത്തുന്നുണ്ട്.wwwphfi.org. മുംബൈയിലെ ടാറ്റാ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസ് നടത്തുന്ന പബ്ലിക് ഹെൽത്തിൽ എംഎസ്ഡബ്ല്യു കോഴ്സിന് ഏതെങ്കിലും വിഷയത്തിൽ ബിരുദമുള്ളവർക്ക് അപേക്ഷിക്കാം.
http://admissions.tiss.edu. പബ്ലിക് ഹെൽത്ത് കോഴ്സ് നടത്തുന്ന മറ്റൊരു പ്രമുഖ സ്ഥാപനമാണ് ഇന്ത്യൻ ഇൻസ്റ്റിറ്റ്യൂട്ട് ഓഫ് ഹെൽത്ത് മാനേജ്മെന്റ് ആൻഡ് റിസർച്ച്. ഇൻസ്റ്റിറ്റ്യൂട്ടിന് ജയ്പൂർ, ന്യൂഡൽഹി, ബംഗളൂരു എന്നിവിടങ്ങളിൽ കാന്പസുകളുമുണ്ട്. https://www.iihmr.org. കോൽക്കത്ത ആസ്ഥാനമായുള്ള ഓൾ ഇന്ത്യാ ഇൻസ്റ്റിറ്റ്യൂട്ട് ഓഫ് ഹൈജീൻ ആൻഡ് പബ്ലിക് ഹെൽത്ത് ദക്ഷിണേഷ്യയിൽ ഇത്തരത്തിലുള്ള ആദ്യ സ്ഥാപനമാണ്. ഡിപ്ലോമ ഇൻ ഡയറ്റിക്സ്, ഹെൽത്ത് പ്രമോഷൻ ആൻഡ് എഡ്യൂക്കേഷൻ, ഹെൽത്ത് സ്റ്റാറ്റിസ്റ്റിക്സ്, ഇൻഡസ്ട്രിയൽ ഹെൽത്ത്, മറ്റേണിറ്റി ആൻഡ് ചൈൽഡ് വെൽഫെയർ, പബ്ലിക് ഹെൽത്ത്, മാസ്റ്റർ ഓഫ് എൻജിനിയറിംഗ് പബ്ലിക് ഹെൽത്ത് മസ്റ്റർ ഓഫ് പബ്ലിക് ഹെൽത്ത് (എപ്പിഡിമിയോളജി), എംഎസ്സി അപ്ലൈഡ് ന്യുട്രീഷൻ, മാസ്റ്റർ ഇൻ വെറ്ററിനറി പബ്ലിക് ഹെൽത്ത്, പിജി ഡിപ്ലോമ ഇൻ പബ്ലിക് ഹെൽത്ത് മാനേജ്മെന്റ് എന്നിവയാണ് ഇൻസ്റ്റിറ്റ്യൂട്ടിന്റെ പ്രധാന കോഴ്സുകൾ. http://aiihph.gov.in. എംജി യൂണിവേഴ്സിറ്റിയുടെ സ്കൂൾ ഓഫ് മെഡിക്കൽ എഡ്യൂക്കേഷനും എംപിഎച്ച് കോഴ്സ് നടത്തുന്നുണ്ട്. www.mgu .ac.inകൂടാതെ, കാസർഗോട്ടെ കേന്ദ്ര സർവകലാശാല നടത്തുന്ന എംപിഎച്ച് കോഴ്സിന് അഖിലേന്ത്യാ പ്രവേശന പരീ്ക്ഷയിലൂടെയാണ് അഡ്മിഷൻ. www.cukerala.ac.in.
പോണ്ടിച്ചേരിയിൽ കേന്ദ്ര ഗവണ്മെന്റ് സ്ഥാപനമായ വെക്ടർ കണ്ട്രോൾ റിസർച്ച് ഇൻസ്റ്റിറ്റ്യൂട്ട് നടത്തുന്ന പബ്ലിക് ഹെൽത്ത് എന്റമോളജി എംഎസ്സി പ്രോഗ്രാമും പൊതുജനാരോഗ്യവുമായി ബന്ധപ്പെട്ട പ്രധാന കോഴ്സാണ്.. http:// www.vcrc.res.in.ജോധ്പൂരിലെ ഓൾ ഇന്ത്യാ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് നടത്തുന്ന മാസ്റ്റർ ഓഫ് പബ്ലിക് ഹെൽത്ത് കോഴ്സിലേക്ക് ഇപ്പോൾ അപേക്ഷിക്കാം. http://www.aiimsjodhpur.edu.in.പോണ്ടിച്ചേരി ജവഹർലാൽ ഇൻസ്റ്റിറ്റ്യൂട്ട് ഓഫ് പോസ്റ്റ് ഗ്രാജ്വേറ്റ് മെഡിക്കൽ എഡ്യൂക്കേഷനി (ജിപ്മെർ) ലും എംപിഎച്ച് കോഴ്സിന് 25 സീറ്റുകളുണ്ട്. പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
www.jipmer.edu.in. ചണ്ഡിഗഡിലെ പോസ്റ്റ് ഗ്രാജ്വേറ്റ് മെഡിക്കൽ എഡ്യൂക്കേഷൻ ആൻഡ് റിസർച്ച് എംപിഎച്ച്, പോസ്റ്റ് ഗ്രാജ്വേറ്റ് ഡിപ്ലോമ ഇൻ പബ്ലിക് ഹെൽത്ത് മാനേജ്മെന്റ് കോഴ്സ് നടത്തുന്നുണ്ട്. www.pgimer.edu.in.