ആകാശം അതിരിടുന്ന ആവേശമുള്ള യുവതലമുറയ്ക്ക് ചിറകുകൾ നൽകാൻ വൈവിധ്യമാർന്ന ബിരുദ കോഴ്സുകളുമായി അശോകാ യൂണിവേഴ്സിറ്റി. ഹരിയാനയിലെ സോനപെട് ആസ്ഥാനമായി ലാഭേച്ഛയില്ലാതെ പ്രവർത്തിക്കുന്ന സ്വകാര്യ സർവകലാശാലയാണ് അശോകാ യൂണിവേഴ്സിറ്റി. ഇന്‍റർ ഡിസിപ്ലിനറി വിഷയങ്ങളിലും അല്ലാതെയുമായി 17 വിഷയങ്ങളിൽ പ്രാവീണ്യം നൽകുന്ന രീതിയിലാണു കോഴ്സുകൾ തയാറാക്കിയിരിക്കുന്നത്. മൂന്നു കാറ്റഗറികളായാണ് കോഴ്സ് തരംതിരിച്ചിരിക്കുന്നത്.
ഓരോ കാറ്റഗറിയിലും നിശ്ചിത ക്രെഡിറ്റ് നേടിയവർക്കാണ് അശോകാ യൂണിവേഴ്സിറ്റിയുടെ ബിരുദം സമ്മാനിക്കുന്നത്. ഫൗണ്ടേഷൻ കോഴ്സുകൾ, മേജർ കോഴ്സുകൾ, ഇന്‍റർ ഡിസിപ്ലിനറി കോഴ്സുകൾ എന്നിങ്ങനെയാണു കോഴ്സുകൾ തരംതിരിച്ചിരിക്കുന്നത്. ഫൗണ്ടേഷൻ കോഴ്സ് വിഭാഗത്തിൽ രണ്ടു ക്രിട്ടിക്കൽ തിങ്കിംഗ് സെമിനാറുകളും ഏഴ് മറ്റു വിഷയങ്ങളും ഉൾപ്പെടുത്തിയിരിക്കുന്നു.ഇക്കണോമിക്സ്, പൊളിറ്റിക്സ്, ഹിസ്റ്ററി, മാത്തമാറ്റിക്സ്, ഫിലോസഫി, സൈക്കോളജി, സോഷ്യോളജി, കംപ്യൂട്ടർ സയൻസ്, ഫിസിക്സ്, ബയോളജി, ഇംഗ്ലീഷ് ഇങ്ങനെ 15 മേജർ വിഷയങ്ങളാണുള്ളത്.
അടുത്ത ഓഗസ്റ്റിൽ ആരംഭിക്കുന്ന അക്കാഡമിക് സെഷനിലേക്ക് നവംബർ 27നകം അപേക്ഷിക്കണം. ഷോർട് ലിസ്റ്റ് ചെയ്യുന്നവരെ ഓണ്‍ ദ സ്പോട്ട് എസേ റൈറ്റിംഗ്, അശോകാ ആപ്റ്റിറ്റ്യൂഡ് ടെസ്റ്റ്, ഇന്‍റർവ്യു എന്നിവ നടത്തിയാണു തെരഞ്ഞെടുക്കുന്നത്. ഓണ്‍ ലൈനായി വേണം അപേക്ഷിക്കാൻ. അപേക്ഷാ ഫീസില്ല. ട്യൂഷൻ ഫീസ് ഏഴു ലക്ഷം രൂപ. ഹോസ്റ്റൽ ഫീസ് 15,0000 രൂപ. സാന്പത്തികമായി പിന്നോക്കം നിൽക്കുന്നവർക്ക് ഏതെങ്കിലും തരത്തിലുള്ള സ്കോളർഷിപ് ലഭിക്കാൻ അർഹതയുണ്ടായിരിക്കും. കൂടുതൽ വിവരങ്ങൾക്ക് ഫോണ്: 01169405805 / 01169405806. വെബ്സൈറ്റ്: https://w ww.ashoka.edu.in.