റെയിൽവേ അസിസ്റ്റന്റ് ലോക്കോ പൈലറ്റ്, ടെക്നീഷൻ തസ്തികകളിലേക്ക് റെയിൽവേ റിക്രൂട്ട്മെന്റ് ബോർഡ് അപേക്ഷ ക്ഷണിച്ചു. അസിസ്റ്റന്റ് ലോക്കോ പൈലറ്റിന്റെ 17,849 ഒഴിവുകളും വിവിധ സാങ്കേതി തസ്തികകളിൽ 9170 ഒഴിവുകളുമുണ്ട്. ഫെബ്രുവരി 26 നകം ഓൺലൈനായി അപേക്ഷിക്കണം.
അസിസ്റ്റന്റ് ലോക്കോ പൈലറ്റ്: 17849
യോഗ്യത: മെട്രിക്കുലേഷൻ/എസ്എസ്എൽസി, ഐടിഐ/അപ്രന്റിസ്ഷിപ് അല്ലെങ്കിൽ എൻജിനിയറിംഗിൽ ഡിപ്ലോമ/ബിരുദം.
ടെക്നീഷൻ: 9170
യോഗ്യത: മെട്രിക്കുലേഷൻ/എസ്എസ്എൽസി, ഐടിഐ/അപ്രന്റിസ്ഷിപ്പ് അല്ലെങ്കിൽ, ഫിസിക്സ്, മാത്സ് എന്നിവയോടെ പ്ലസ്ടു അല്ലെങ്കിൽ എൻജിനിയിറിംഗ് ഡിപ്ലോമ.
പ്രായം: 2018 ജൂലൈ ഒന്നിന് 18- 28 വയസ്. സംവരണവിഭാഗക്കാർക്ക് ചട്ടപ്രകാരം ഇളവ് ലഭിക്കും.
ശന്പളം: 19,900 രൂപ.
അപേക്ഷാ ഫീസ്: എസ്സി, എസ്ടി വിഭാഗക്കാർ, വിമുക്തഭടർ, അംഗപരിമിതർ, വനിതകൾ, ട്രാൻസ്ജൻഡർ, മറ്റ് ന്യൂനപക്ഷങ്ങൾ, സാന്പത്തികമായി പിന്നോക്കം നിൽക്കുന്നവർ 250 രൂപ ഫീസ് അടയ്ക്കണം. മറ്റുള്ളവർക്ക് 500 രൂപയാണ് അപേക്ഷാ ഫീസ്. ഓൺലൈനായും ഓഫ് ലൈനായും ഫീസ് അടയ്ക്കാൻ സൗകര്യമുണ്ട്. ഓൺലൈനായി ഫീസ് അടയ്ക്കുന്പോൾ നെറ്റ് ബാങ്കിംഗ്/ക്രെഡിറ്റ് കാർഡ്/ഡെബിറ്റ് കാർഡ് ഉപയോഗിക്കാം. ഓഫ്ലൈൻ വഴി സ്റ്റേറ്റ് ബാങ്ക് ഓഫ് ഇന്ത്യയിലൂടെയോ, പോസ്റ്റ് ഓഫീസുകൾ വഴിയോ ഫീസ് അടയ്ക്കാം.
വിശദമായ വിജ്ഞാപനം ആർആർബി വെബ്സൈറ്റുകളിൽ ലഭ്യമാണ്. തിരുവനന്തപുരം ആർആർബിയുടെ വെബ്സൈറ്റ് www.rrbthiruvanthapuram.gov.in. റെയിൽവേ മന്ത്രാലയത്തിന്റെ www.indianrailways.gov.in എന്ന വെബ്സൈറ്റിൽ എല്ലാ ആർആർബി യൂണിറ്റുകളുടെയും വെബ്സൈറ്റിലേക്കുള്ള ലിങ്ക് ലഭ്യമാണ്. അനുബന്ധ യൂണിറ്റിന്റെ വെബ്സൈറ്റിലൂടെ ഓൺലൈനായാണ് അപേക്ഷിക്കേണ്ടത്. ഓൺലൈൻ അപേക്ഷ സ്വീകരിക്കുന്ന അവസാന തീയതി: ഫെബ്രുവരി 26.