പൊതുമേഖലാ സ്ഥാപനമായി ന്യൂക്ലിയർ പവർ കോർപറേഷൻ ഓഫ് ഇന്ത്യയുടെ കൂടംകുളം ന്യൂക്ലിയർ പവർ പ്രോജക്ടിൽ സ്റ്റൈപ്പൻഡറി ട്രെയിനി തസ്തികയിൽ 189 ഒഴിവുകളുണ്ട്. ടെക്നീഷ്യൻ- 117, സയന്‍റിഫിക് അസിസ്റ്റന്‍റ്- 62 എന്നിങ്ങനെയാണ് ഒഴിവുകൾ.
സ്റ്റൈപ്പൻഡറി ട്രെയിനി/ ടെക്നീഷ്യൻ ബി (പ്ലാന്‍റ് ഓപ്പറേറ്റർ, ഇലക്‌ട്രീഷ്യൻ, ഇലക്ട്രോണിക് മെക്കാനിക്, ഇൻസ്ട്രുമെന്‍റ് മെക്കാനിക്ക്, ഫിറ്റർ, ടർണർ, മെഷീനിസ്റ്റ്, വെൽഡർ, ഡ്രാഫ്റ്റ്സ്മാൻ-മെക്കാനിക്കൽ, പ്ലംബർ എന്നീ തസ്തികകളിലാണ് ഒഴിവ്.
യോഗ്യത:
പ്ലാന്‍റ് ഓപ്പറേറ്റർ: പ്ലസ്ടു, സയൻസിലും മാത്തമാറ്റിക്സിലും 50 ശതമാനം മാർക്ക് വീതം നേടിയിരിക്കണം. പത്താംക്ലാസ് വരെയെങ്കിലും ഇംഗ്ലീഷ് ഒരു വിഷയമായി പഠിച്ചിരിക്കണം.
ഇലക്‌ട്രീഷ്യൻ, ഇലക്ട്രോണിക് മെക്കാനിക്, ഇൻസ്ട്രുമെന്‍റ് മെക്കാനിക്ക്, ഫിറ്റർ, ടർണർ, മെഷീനിസ്റ്റ്, വെൽഡർ, ഡ്രാഫ്റ്റ്സ്മാൻ- മെക്കാനിക്കൽ, പ്ലംബർ: എസ്എസ്എൽസി. സയൻസിലും ഗണിതത്തിലും അന്പതു ശതമാനം മാർക്ക് നേടിയിരിക്കണം. അപേക്ഷിക്കുന്ന ട്രേഡിൽ രണ്ടു വർഷത്തെ ഐടിഐ സർട്ടിഫിക്കറ്റ്.
പ്രായം: 2018 മേയ് 21ന് 18- 24 വയസ്.
എസ്‌സി, എസ്ടിക്കാർക്ക് അഞ്ചും ഒബിസിക്കാർക്ക് മൂന്നും വർഷം ഉയർന്ന പ്രായത്തിൽ ഇളവ് ലഭിക്കും.
ശാരീരിക യോഗ്യത: ഉയരം 160 സെമീ. ഭാരം- ചുരുങ്ങിയത് 45.5 കി.ഗ്രം.
സ്റ്റൈപ്പൻഡ്- ആദ്യ പ്രതിമാസം 10,500 രൂപ. രണ്ടാം വർഷം പ്രതിമാസം 12,500 രൂപ.
സ്റ്റൈപ്പൻഡറി ട്രെയിനീസ്/ സയന്‍റിഫിക് അസിസ്റ്റന്‍റ് ബി (മെക്കാനിക്കൽ, ഇലക്‌ട്രിക്കൽ, കെമിക്കൽ, ഇലക്ട്രോണിക്സ്, ഇൻസ്ട്രുമെന്‍റേഷൻ, കംപ്യൂട്ടർ സയൻസ്, സിവിൽ എന്നീ എൻജിനിയറിംഗ് വിഭാഗങ്ങളിലും ബിഎസ്‌സി, ഫിസിക്സ്, കെമിസ്ട്രി വിഭാഗങ്ങളിലുമാണ് ഒഴിവ്.
ഒഴിവുകളുടെ എണ്ണം: 62.
യോഗ്യത: മെക്കാനിക്കൽ എൻജിനിയറിംഗ്: മെക്കാനിക്കൽ എൻജിനിയറിംഗിൽ 60 ശതമാനം മാർക്കോടെ ഡിപ്ലോമ.
ഇലക്‌ട്രിക്കൽ എൻജിനിയറിംഗ്: ഇലക്‌ട്രിക്കൽ, ഇലക്‌ട്രിക്കൽ ആൻഡ് ഇലക്ട്രോണിക്സ് എൻജിനിയറിംഗിൽ 60 ശതമാനം മാർക്കോടെ ഡിപ്ലോമ.
കെമിക്കൽ എൻജിനിയറിംഗ്: കെമിക്കൽ എൻജിനിയറിംഗിൽ 60 ശതമാനം മാർക്കോടെ ഡിപ്ലോമ.
ഇലക്ട്രോണിക്സ്: ഇലക്ട്രോണിക്സ്, ഇലക്ട്രോണിക്സ് ആൻഡ് കമ്യൂണിക്കേഷൻ, ഇലക്ട്രോണിക്സ് ആൻഡ് ഇൻസ്ട്രുമെന്‍റേഷനിൽ 60 ശതമാനം മാർക്കോടെ എൻജിനിയറിംഗ് ഡിപ്ലോമ.
അപേക്ഷിക്കുന്ന ട്രേഡിൽ 60 ശതമാനം മാർക്കോടെ എൻജിനിയറിംഗ് ഡിപ്ലോമ.
ബിഎസ്‌സി ഫിസിക്സ്/കെമിസ്ട്രി: 60 ശതമാനം മാർക്കോടെ ബിരുദം.
പ്രായം: 2018 മേയ് 21 18- 25. എസ്‌സിക്കാർക്ക് അഞ്ചും ഒബിസിക്കാർക്ക് മൂന്നും അംഗപരിമിതർക്കു പത്തുവർഷവും ഉയർന്ന പ്രായത്തിൽ ഇളവ് ലഭിക്കും.
സ്റ്റൈപ്പൻഡ്: ആദ്യ വർഷം പ്രതിമാസം 16000 രൂപയും രണ്ടാംവർഷം പ്രതിമാസം 18000 രൂപയും ലഭിക്കും.
അപേക്ഷിക്കേണ്ട വിധം: www.npcil.nic.in എന്ന വെബ്സൈറ്റിൽനിന്ന് അപേക്ഷാ ഫോം ഡൗണ്ലോഡ് ചെയ്യാം.
അപേക്ഷ സ്വീകരിക്കുന്ന അവസാന തീയതി: മേയ് 21.
കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.