പഞ്ചാബിലെ ഫരീദ്കോട്ടിലുള്ള ബാബാ ഫരീദ് യൂണിവേഴ്സിറ്റി ഓഫ് ഹെൽത്ത് സയൻസസ് (ബിഎഫ്യുഎച്ച്എസ്) വിവിധ ഒഴിവുകളിലേക്ക് അപേക്ഷ ക്ഷണിച്ചു.
പ്രഫസർ- 11, അസോസിയേറ്റ് പ്രഫസർ- 18, അസിസ്റ്റന്റ് പ്രഫസർ- 26, സീനിയർ റസിഡന്റ്/ട്യൂട്ടർ- 12, ലേഡി മെഡിക്കൽ ഓഫീസർ- ഒന്ന്, എമർജൻസി മെഡിക്കൽ ഓഫീസർ- രണ്ട്, സ്റ്റാഫ് നഴ്സ്- 25, നഴ്സിംഗ് സൂപ്രണ്ട്- ഒന്ന്, ഡെപ്യൂട്ടി നഴ്സിംഗ് സൂപ്രണ്ട്- ഒന്ന്, അസിസ്റ്റന്റ് നഴ്സിംഗ് സൂപ്രണ്ട്- ഒന്ന്, അസിസ്റ്റന്റ് ലൈബ്രറിയൻ- ഒന്ന് എന്നീ ഒഴിവുകളിലേക്കും ഭട്ടിൻഡയിലെ അഡ്വാൻസ്ഡ് കാൻസർ ഇൻസ്റ്റിറ്റ്യൂട്ടിലേക്ക് പ്രഫസർ- ആറ്, അസോസിയേറ്റ് പ്രഫസർ- എട്ട്, അസിസ്റ്റന്റ് പ്രഫസർ- 15, സീനിയർ റസിഡന്റ്/ട്യൂട്ടർ- 16, സ്റ്റാഫ് നഴ്സ്- 15 ഒഴിവുകളിലേക്കും അപേക്ഷ ക്ഷണിച്ചു.
അപേക്ഷാ ഫീസ്: 1500 രൂപയും (എസ്സി, എസ്ടി വിഭാഗക്കാർക്ക് 750 രൂപ) 500 രൂപയും (എസ്സി, എസ്ടി വിഭാഗക്കാർക്ക് 250 രൂപ) ആണ് അപേക്ഷാ ഫീസ്. ബാബാ ഫരീദ് യൂണിവേഴ്സിറ്റി ഓഫ് ഹെൽത്ത് സയൻസസിന്റെ പേരിൽ ഫരീദ്കോട്ടിൽ മാറാവുന്ന ഡിഡിയായി ഫീസ് അടയ്ക്കാം.
അപേക്ഷിക്കേണ്ട വിധം: www.bfuhs.ac.in എന്ന വെബ്സൈറ്റിൽനിന്ന് അപേക്ഷാ ഫോമിന്റെ മാതൃക ലഭിക്കും. വിജ്ഞാപനം അനുസരിച്ച് അപേക്ഷ തയാറാക്കി, വെബ്സൈറ്റിൽ നൽകിയിരിക്കുന്ന വിലാസത്തിൽ അയയ്ക്കുക. അപേക്ഷ സ്വീകരിക്കുന്ന അവസാന തീയതി: ജൂലൈ 27 വൈകുന്നേരം അഞ്ച്. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.