എയർ ഇന്ത്യയുടെ സബ്സിഡിയറി സ്ഥാപനമായ എയർ ഇന്ത്യ എയർ ട്രാൻസ്പോർട്ട് സർവീസസ് ലിമിറ്റഡ് കോയന്പത്തൂർ, വിശാഖപട്ടണം വിമാനത്താവളങ്ങളിലെ വിവിധ തസ്തികകളിലേക്ക് അപേക്ഷ ക്ഷണിച്ചു. മൂന്നു വർഷത്തേക്കുള്ള കരാർ നിയമനമാണ്. തത്സമയ അഭിമുഖം വഴിയാണ് നിയമനം. സ്ക്രീനിംഗ്, എഴുത്തുപരീക്ഷ, ഗ്രൂപ്പ് ഡിസ്കഷൻ, മെഡിക്കൽ പരിശോധന എന്നിവ ഇതിന്റെ ഭാഗമായി ഉണ്ടാകും.
കോയന്പത്തൂരിൽ 76 ഒഴിവുകളും വിശാഖപട്ടണത്ത് 89 ഒഴിവുകളുമുണ്ട്.
കോയന്പത്തൂർ: കസ്റ്റമർ ഏജന്റ് 42, സീനിയർ റാംപ് സർവീസസ് ഏജന്റ് നാല്, റാംപ് സർവീസ് ഏജന്റ് നാല്. യൂട്ടിലിറ്റി സർവീസ് ഏജന്റ് നാല്, യൂട്ടിലിറ്റി ഏജന്റ് കം റാംപ് ഡ്രൈവർ നാല്, ഹാൻഡിമാൻ/ഹാൻഡി വുമൺ 22.
വിശാഖപട്ടണം: കസ്റ്റമർ ഏജന്റ് 51, സീനിയർ റാംപ് സർവീസ് ഏജന്റ് രണ്ട്, റാംപ് സർവീസസ് ഏജന്റ് അഞ്ച്, യൂട്ടിലിറ്റി ഏജന്റ് കം റാംപ് ഡ്രൈവർ അഞ്ച്, ഹാൻഡി മാൻ/ഹാൻഡി വുമൺ 26 എന്നിങ്ങനെയാണ് ഒഴിവുകൾ.
ഉയർന്ന പ്രായപരിധി: 28 വയസ് (സംവരണ വിഭാഗക്കാർക്ക് ചട്ടപ്രകാരമുള്ള ഇളവ് ബാധകം). അപേക്ഷാ ഫീസ് 500 രൂപ (എസ്എസി, എസ്ടി വിഭാഗത്തിനു വിമുക്തഭടൻമാർക്കും ബാധകമല്ല.)
അഭിമുഖം: കസ്റ്റമർ ഏജന്റ് ഓഗസ്റ്റ് മൂന്ന്, ഹാൻഡിമാൻ/ഹാൻഡി വുമൺ ഒാഗസ്റ്റ് നാല്, മറ്റു തസ്തികകൾ ഓഗസ്റ്റ് അഞ്ച്. പൂരിപ്പിച്ച അപേക്ഷാ ഫോമും ബന്ധപ്പെട്ട രേഖകളുടെ പകർപ്പും സഹിതം അഭിമുഖത്തിന് എത്തണം.
അപേക്ഷാ ഫോമും വിശദവിവരങ്ങളും www.airindia.in എന്ന വെബ്സൈറ്റിൽ.
ഓഫീസർ തസ്തികയിലെ 15 ഒഴിവുകളിലേക്കും എയർ ഇന്ത്യ അപേക്ഷ ക്ഷണിച്ചിട്ടുണ്ട്. ഓഫീസർ എച്ച്ആർ ആൻഡ് ഐആർ- ഏഴ്, ഓഫീസർ അക്കൗണ്ട്സ് എട്ട് എന്നിങ്ങനെയാണ് ഒഴിവുകൾ. മുംബൈ, ഡൽഹി, ചെന്നൈ, കോൽക്കത്ത കേന്ദ്രങ്ങളിലുള്ള ഈ ഒഴിവുകളിലേക്ക് ഓഗസ്റ്റ് മൂന്നിനകം ഇ-മെയിലായി അയയ്ക്കണം. വിശദവിവരങ്ങൾ വെബ്സൈറ്റിൽ.