Karshakan
നേ​ന്ത്ര​വാ​ഴ കൃ​ഷി​യി​ൽ ജോ​ണി​ക്ക് പ​ട്ടാ​ള​ച്ചി​ട്ട
നേ​ന്ത്ര​വാ​ഴ കൃ​ഷി​യി​ൽ ജോ​ണി​ക്ക് പ​ട്ടാ​ള​ച്ചി​ട്ട
Saturday, April 6, 2024 2:10 PM IST
ബി​ജു പാ​രി​ക്ക​പ്പ​ള്ളി
ഏ​റെ​ക്കാ​ലം പ്ര​വാ​സി​യും പി​ന്നീ​ട് യുഎ​ൻ സ​മാ​ധാ​ന സേ​ന​യി​ൽ ഫോ​ർ​വേ​ഡ് ഓ​പ്പ​റേ​റ്റിം​ഗ് ബേ​സി​ൽ അ​ഞ്ചു​വ​ർ​ഷ​ത്തോ​ളം സേ​വ​നം അ​നു​ഷ്ഠി​ക്കു​ക​യും ചെ​യ്ത​ശേ​ഷം നേ​ന്ത്ര​വാ​ഴ​കൃ​ഷി​യി​ലേ​ക്കി​റ​ങ്ങി​യ ക​ണ്ണൂ​ർ ഇ​രി​ട്ടി മാ​ട​ത്തി​ൽ സ്വ​ദേ​ശി ജോ​ണി യോ​യാ​ക്ക് പ​രു​ത്തി​വ​യ​ലി​ന് കൃ​ഷി​യി​ലും പ​ട്ടാ​ള​ച്ചി​ട്ട ത​ന്നെ.

എ​ട്ടു വ​ർ​ഷ​മാ​യി ഇ​രി​ട്ടി​യി​ലും പ്രാ​ന്ത​പ്ര​ദേ​ശ​ങ്ങ​ളി​ലു​മാ​യി സ്ഥ​ലം പാ​ട്ട​ത്തി​നെ​ടു​ത്ത് നേ​ന്ത്ര​വാ​ഴ മാ​ത്രം കൃ​ഷി ചെ​യ്യു​ന്ന ജോ​ണി​ക്ക് കൃ​ഷി ജീ​വി​ത ഉ​പാ​ധി മാ​ത്ര​മ​ല്ല, വി​കാ​രം കൂ​ടി​യാ​ണ്. ബ​ഹ​റി​നി​ൽ ജോ​ലി ചെ​യ്തു​കൊ​ണ്ടി​രി​ക്കു​ന്പോ​ഴാ​ണ് യു.​എ​ൻ. ര​ക്ഷാ​സേ​ന​യി​ൽ ചേ​ർ​ന്ന​ത്.

തു​ട​ർ​ന്ന് അ​ഫ്ഗാ​നി​സ്ഥാ​ൻ, ബ​ഹ​റി​ൻ, കു​വൈ​റ്റ്, യു​എ​ഇ തു​ട​ങ്ങി​യ രാ​ജ്യ​ങ്ങ​ളി​ൽ അ​ഞ്ചു വ​ർ​ഷം സേ​വ​നം ചെ​യ്തു. തി​ക​ഞ്ഞ ക​ർ​ഷ​ക​നാ​യ പി​താ​വി​നെ​ക്ക​ണ്ടു വ​ള​ർ​ന്ന ജോ​ണി​ക്കു ചെ​റു​പ്പം മു​ത​ലേ കൃ​ഷി​യോ​ട് ചെ​റു​ത​ല്ലാ​ത്ത താ​ത്പ​ര്യ​മു​ണ്ടാ​യി​രു​ന്നു. കൃ​ഷി ചെ​യ്യ​ണ​മെ​ന്ന ആ​ഗ്ര​ഹ​ത്തോ​ടെ​യാ​ണു നാ​ട്ടി​ൽ തി​രി​ച്ചെ​ത്തി​യ​ത്.

ക​ർ​ഷ​ക​നും സു​ഹൃ​ത്തു​മാ​യ കൊ​ട്ടി​യൂ​ർ ഷാ​ജി​യു​ടെ പ്രോ​ത്സാ​ഹ​നം കൂ​ടി ല​ഭി​ച്ച​തോ​ടെ വാ​ഴ കൃ​ഷി​യി​ലേ​ക്കു തി​രി​യു​ക​യാ​യി​രു​ന്നു. ലാ​ഭ​ന​ഷ്ട​ങ്ങ​ളു​ടെ ക​ണ​ക്കെ​ടു​പ്പി​നേ​ക്കാ​ൾ കൃ​ഷി​യോ​ടു​ള്ള അ​ട​ങ്ങാ​ത്ത അ​ഭി​നി​വേ​ശ​മാ​ണ് ജോ​ണി​യെ കൃ​ഷി​യി​ൽ പി​ടി​ച്ചു നി​റു​ത്തു​ന്ന​ത്.

എ​ല്ലാ​റ്റി​നും ജോ​ണി മാ​ത്രം

കൃ​ഷി​യി​ട​ത്തി​ൽ തൊ​ഴി​ലാ​ളി​യും മു​ത​ലാ​ളി​യും ജോ​ണി ത​ന്നെ​യാ​ണെ​ങ്കി​ലും കൂ​ട്ടി​ന് ഒ​രു സ​ഹാ​യി​യു​ണ്ട്. ര​ണ്ടു സ്ഥ​ല​ങ്ങ​ളി​ലാ​യി പാ​ട്ട​ത്തി​ന് എ​ടു​ത്ത സ്ഥ​ല​ത്താ​ണു കൃ​ഷി. ആ​റേ​ക്ക​റി​ലെ 3800 വാ​ഴ​ക​ളു​ടെ വി​ള​വെ​ടു​പ്പ് ആ​രം​ഭി​ച്ചു.

വേ​റെ ഒ​ന്ന​ര ഏ​ക്ക​ർ തോ​ട്ട​ത്തി​ൽ മൂ​ന്നു മാ​സം പ്രാ​യ​മാ​യ 1000 വാ​ഴ​യു​ണ്ട്. സീ​സ​ണ്‍ നോ​ക്കി കൃ​ഷി ചെ​യ്യാ​ത്ത ജോ​ണി, ഓ​ഫ് സീ​സ​ണ്‍ കൃ​ഷി​യാ​ണ് ലാ​ഭ​ക​ര​മെ​ന്ന് വെ​ളി​പ്പെ​ടു​ത്തി.

ഒ​രു വാ​ഴ​ക്ക് 25 രൂ​പ നി​ര​ക്കി​ലാ​ണു പാ​ട്ടം. ആ​റ്റു​നേ​ന്ത്ര​യും നാ​ട്ടു നേ​ന്ത്ര​യു​മാ​ണു കൃ​ഷി ചെ​യ്തി​രി​ക്കു​ന്ന​ത്. ആ​റ്റു​നേ​ന്ത്ര ഒ​രു കു​ല​യ്ക്ക് ശ​രാ​ശ​രി 15-20 കി​ലോ തൂ​ക്ക​മു​ണ്ടാ​കും. നാ​ട്ടു​നേ​ന്ത്ര​യാ​ണെ​ങ്കി​ൽ 8- 10 കി​ലോ​യും.

ആ​റാം മാ​സ​ത്തി​ൽ കു​ല​ച്ച് ഒ​ന്പ​താം മാ​സ​ത്തി​ൽ വി​ള​വെ​ടു​ക്കു​ന്ന​തും ഒ​ന്പ​താം മാ​സ​ത്തി​ൽ കു​ല​ച്ച് 12-ാം മാ​സ​ത്തി​ൽ വി​ള​വെ​ടു​ക്കു​ന്ന​തു​മാ​യ ര​ണ്ടി​നം വാ​ഴ​ക​ളാ​ണ് ജോ​ണി​ക്കു​ള്ള​ത്.



കൃ​ഷി രീ​തി

യ​ന്ത്ര​ങ്ങ​ളു​ടെ സ​ഹാ​യ​ത്തോ​ടെ​യാ​ണ് വാ​ഴ ന​ടീ​ൽ ഉ​ൾ​പ്പെ​ടെ​യു​ള്ള ജോ​ലി​ക​ൾ ജോ​ണി ചെ​യ്യു​ന്ന​ത്. ഒ​ന്ന​ര അ​ടി ആ​ഴ​ത്തി​ലും വീ​തി​യി​ലും ചാ​ലു​കീ​റി​യ​ശേ​ഷം കു​ഴി എ​ടു​ത്താ​ണ് വാ​ഴ ന​ടു​ന്ന​ത്. ചാ​ലു​ക​ളി​ലൂ​ടെ​യാ​ണ് ജ​ല​സേ​ച​ന​വും വ​ളം ന​ൽ​ക​ലും.

ചാ​ലു​കീ​റു​ന്ന​തു മൂ​ലം മ​ണ്ണി​ന്‍റെ ഈ​ർ​പ്പം ന​ഷ്ട​മാ​കി​ല്ലെ​ന്നു മാ​ത്ര​മ​ല്ല, മ​ഴ​ക്കാ​ല​ത്ത് വെ​ള്ളം കെ​ട്ടി നി​ൽ​ക്കാ​തെ തി​രി​ച്ചു​വി​ടു​ക​യും ചെ​യ്യാം. വാ​ഴ മു​ള​ച്ച് ഇ​ല വ​ന്ന് തു​ട​ങ്ങു​ന്പോ​ൾ തോ​ട്ടം നി​റ​യെ പ​യ​ർ വി​ത​യ്ക്കും. പ​യ​റി​ന് ഇ​ല വ​ന്നു​ക​ഴി​യു​ന്പോ​ൾ വെ​ട്ടി വാ​ഴ​യ്ക്ക് വ​ള​മാ​യി ന​ൽ​കും.


ഇ​തു​വ​ഴി നൈ​ട്ര​ജ​ൻ ആ​വ​ശ്യ​ത്തി​നു ല​ഭി​ക്കു​മെ​ന്നു ജോ​ണി ചൂ​ണ്ടി​ക്കാ​ട്ടി. വാ​ഴ​യു​ടെ അ​രോ​ഗ്യ​വും വേ​രു​ക​ളു​ടെ ബ​ല​വും വ​ർ​ധി​ക്കാ​ൻ ഇ​തു സ​ഹാ​യ​ക​മാ​ണ്. ചാ​ലു കീ​റി കൃ​ഷി ചെ​യ്യു​ന്ന​തു​മൂ​ലം വാ​ഴ​യു​ടെ ഉ​യ​രം കു​റ​യു​ക​യൂം കാ​റ്റു മൂ​ല​മു​ണ്ടാ​കു​ന്ന കൃ​ഷി നാ​ശം കു​റ​യു​ക​യും ചെ​യ്യും.

ജൈ​വ​വ​ളം മാ​ത്രം

വാ​ഴ​യ്ക്ക് ജൈ​വ വ​ളം മാ​ത്രം ഉ​പ​യോ​ഗി​ക്കു​ന്ന ജോ​ണി, ചാ​ണ​ക വെ​ള്ള​വും പി​ണ്ണാ​ക്കും ചേ​ർ​ത്ത് പു​ളി​പ്പി​ച്ച ലാ​യി​നി​യാ​ണു പ്ര​ധാ​ന വ​ള​മാ​യി ന​ൽ​കു​ന്ന​ത്.15 ദി​വ​സ​ത്തി​ൽ ഒ​രി​ക്ക​ലാ​ണ് വ​ള​പ്ര​യോ​ഗം. കീ​ട​നാ​ശി​നി തീ​രെ​യി​ല്ല. വാ​ഴ​ത്തോ​ട്ട​ത്തി​ൽ ഇ​ട​വി​ള​യാ​യി ചെ​യ്യു​ന്ന തേ​നീ​ച്ച കൃ​ഷി​യാ​ണ് അ​തി​നു തെ​ളി​വ്.

സ്വ​ന്തം തോ​ട്ട​ത്തി​ലെ തെ​ര​ഞ്ഞെ​ടു​ത്ത വി​ത്തു​ക​ളാ​ണ് തു​ട​ർ​കൃ​ഷി​ക്ക് ഉ​പ​യോ​ഗി​ക്കു​ന്ന​ത്. സൂ​ചി ക​ന്നു​ക​ളാ​ണ് (വി​ത്തു​ക​ൾ) ന​ടാ​ൻ ഉ​ത്ത​മ​മെ​ന്നു ജോ​ണി പ​റ​ഞ്ഞു. ഒ​ന്നി​ന് 20 രൂ​പ നി​ര​ക്കി​ൽ ആ​വ​ശ്യ​ക്കാ​ർ​ക്കു അ​ദ്ദേ​ഹം വി​ത്ത് ന​ൽ​കു​ന്നു​ണ്ട്.

തോ​ട്ട​ത്തി​ൽ എ​ത്തി അ​വ തെ​ര​ഞ്ഞെ​ടു​ക്കാ​നും ക​ഴി​യും. ട്രീ​റ്റ്മെ​ന്‍റ് ന​ട​ത്തി​യ വാ​ഴ വി​ത്തു​ക​ളും ല​ഭ്യ​മാ​ണ്. വി​ല അ​ല്പം കൂ​ടു​ത​ലാ​ണെ​ന്നു മാ​ത്രം.



പ്ര​തി​സ​ന്ധി​ക​ൾ

തൊ​ഴി​ലാ​ളി​ക​ളു​ടെ ല​ഭ്യ​ത​ക്കു​റ​വും ഉ​യ​ർ​ന്ന കൂ​ലി​യു​മാ​ണ് കാ​ർ​ഷി​ക രം​ഗ​ത്തെ പ്ര​ധാ​ന വെ​ല്ലു​വി​ളി. കാ​ലാ​വ​സ്ഥ വ്യ​തി​യാ​ന​വും പ്ര​കൃ​തി ക്ഷോ​ഭ​വും വ​ലി​യ ഭീ​ഷ​ണി​യാ​ണ്. ഉ​ത്പ​ന്ന​ങ്ങ​ളു​ടെ വി​ല​ക്കു​റ​വും വ​ള​വും മ​റ്റ് അ​നു​ബ​ന്ധ വ​സ്തു​ക്ക​ളു​ടെ വി​ല​ക്ക​യ​റ്റ​വും ക​ർ​ഷ​ക​നെ പ്ര​തി​സ​ന്ധി​യി​ലാ​ക്കു​ന്നു.

ഇ​തെ​ല്ലാം അ​തി​ജീ​വി​ച്ചാ​ലും വി​ല്പ​ന ന​ട​ത്താ​നു​ള്ള മാ​ർ​ക്ക​റ്റ് ക​ണ്ടെ​ത്താ​ൻ സാ​ധാ​ര​ണ ക​ർ​ഷ​ക​ർ ഏ​റെ ബു​ദ്ധി​മു​ട്ടു​ണ്ടെ​ന്നു ജോ​ണി ചൂ​ണ്ടി​ക്കാ​ട്ടി. ഇ​ൻ​ഷു​റ​ൻ ചെ​യ്ത വാ​ഴ​ക്ക് നാ​ശം സം​ഭ​വി​ച്ചാ​ൽ കു​ല​ച്ച​തി​ന് 300 രൂ​പ​യും അ​ല്ലാ​ത്ത​തി​നു 150 രൂ​പ​യു​മാ​ണ് ന​ഷ്ട​പ​രി​ഹാ​രം.

ഇ​തി​ന് പു​റ​മെ കൃ​ഷി ഭ​വ​ൻ വ​ഴി 100 രൂ​പ​യും ല​ഭി​ക്കും. എ​ന്നാ​ൽ, ന​ഷ്ട​പ​രി​ഹാ​ര​ത്തു​ക ല​ഭി​ക്കു​ന്പോ​ഴേ​ക്കും അ​തി​ന്‍റെ ര​ണ്ടി​ര​ട്ടി തു​ക പ​ലി​ശ ഇ​ന​ത്തി​ൽ ബാ​ങ്കി​ൽ അ​ട​ക്കേ​ണ്ട ഗ​തി​കേ​ടി​ലാ​ണ് ക​ർ​ഷ​ക​രെ​ന്ന് ജോ​ണി പ​റ​ഞ്ഞു.

കൃ​ഷി​കൊ​ണ്ട് കാ​ര്യ​മാ​യ സാ​ന്പ​ത്തി​ക നേ​ട്ട​മി​ല്ലെ​ങ്കി​ലും തോ​ട്ട​ത്തി​ലൂ​ടെ ന​ട​ന്നാ​ൽ മ​ന​സി​നും ശ​രീ​ര​ത്തി​നും ല​ഭി​ക്കു​ന്ന സു​ഖം എ​ത്ര​യെ​ന്നു പ​റ​ഞ്ഞ​റി​യി​ക്കാ​നാ​വി​ല്ലെ​ന്നു ജോ​ണി ചൂ​ണ്ടി​ക്കാ​ട്ടി. നേ​ർ​രേ​ഖ​യി​ൽ നി​ര​തെ​റ്റാ​തെ പ​ട്ടാ​ള ചി​ട്ട​യി​ൽ അ​ച്ച​ട​ക്ക​ത്തോ​ടെ വ​ള​രു​ന്ന ജോ​ണി​യു​ടെ വാ​ഴ​ത്തോ​ട്ടം കാ​ഴ്ച​യ്ക്കും മ​നോ​ഹ​ര​മാ​ണ്.

ക​ച്ച​വ​ട​ക്കാ​ർ​ക്ക് ആ​വ​ശ്യ​മു​ള്ള​ത്ര കു​ല​ക​ൾ ന​ൽ​കാ​ൻ ക​ഴി​യു​ന്ന​തു​കൊ​ണ്ട് വി​ല്പ​ന ജോ​ണി​ക്ക് പ്ര​ശ്ന​മ​ല്ല. അ​വ​ർ സ്ഥ​ല​ത്തെ​ത്തി കു​ല​ക​ൾ വാ​ങ്ങി പോ​കു​ക​യാ​ണ് പ​തി​വ്. നാ​ട​ൻ കു​ല​ക​ൾ​ക്ക് ന​ല്ല ഡി​മാ​ൻ​ഡു​ണ്ട്. ഭാ​ര്യ: വി​നു ബ്യു​ട്ടി പാ​ർ​ല​ർ ന​ട​ത്തു​ന്നു. മ​ക്ക​ൾ :വി​ദ്യാ​ർ​ഥി​ക​ളാ​യ ഈ​വ്ലി​ൻ, ഇ​വാ​ന.

ഫോ​ണ്‍ : 94977 25820.
Copyright @ 2022 , Rashtra Deepika Ltd.