വേൾഡ് മുസ് ലിം യൂത്ത് സമ്മിറ്റിൽ മലയാളി സാന്നിധ്യമായി നഹാസ് മാള
Friday, May 5, 2017 6:49 AM IST
ഖർത്തൂം: സുഡാനിലെ ഇന്‍റർനാഷണൽ യൂണിവേഴ്സിറ്റി ഓഫ് ആഫ്രിക്കയിൽ നടന്ന വേൾഡ് മുസ് ലിം യൂത്ത് സമ്മിറ്റിൽ ഇന്ത്യയിൽനിന്നും യുവജന പ്രതിനിധിയായി സ്റ്റുഡന്‍റ്സ് ഇസ് ലാമിക് ഓർഗനൈസേഷൻ ദേശീയ പ്രസിഡന്‍റും മലയാളിയുമായ നഹാസ് മാള പങ്കെടുത്തു.

80 രാജ്യങ്ങളിൽ നിന്നുള്ള പ്രതിനിധികളാണ് സമ്മേളനത്തിൽ പങ്കെടുത്തത്. "മുസ് ലിം യുവത്വം പ്രത്യാശക്കും പ്രതിസന്ധിക്കുമിടയിൽ’ എന്ന വിഷയമാണ് നഹാസ് അവതരിപ്പിച്ചത്. ഇന്ത്യയിൽനിന്നും എസ്ഐഒ വിനു മാത്രമായിരുന്നു സമ്മേളനത്തിലേക്ക് ക്ഷണം ലഭിച്ചത്. തുർക്കിഷ് ഏഷ്യൻ സ്റ്റാറ്റജിക് സ്റ്റഡി സെന്‍ററായിരുന്നു സമ്മേളനത്തിന്‍റെ സംഘാടകർ. മുപ്പതിലധികം ഇസ് ലാമിക സംരംഭങ്ങളുടെ സഹകരണത്തോടും പിന്തുണയോടും കൂടിയാണ് സമ്മേളനം നടന്നത്. ഇതോടനുബന്ധിച്ച് എക്സിബിഷനും നടന്നു.
Copyright @ 2022 , Rashtra Deepika Ltd.