സർവീസിൽനിന്നു സ്വയം വിരമിച്ച് എൻസിബി ഡെപ്യൂട്ടി ഡയറക്‌ടർ സഞ്ജയ് സിംഗ് : Deepika.com National News |

Click here for detailed news of all items

സർവീസിൽനിന്നു സ്വയം വിരമിച്ച് എൻസിബി ഡെപ്യൂട്ടി ഡയറക്‌ടർ സഞ്ജയ് സിംഗ്

Saturday, April 20, 2024 2:54 AM IST

ന്യൂഡൽഹി: മയക്കുമരുന്നു കേസിൽ ബോളിവുഡ് നടൻ ഷാരൂഖ് ഖാന്‍റെ മകൻ ആര്യൻ ഖാന് ക്ലീൻ ചിറ്റ് നൽകിയ നാർകോട്ടിക്സ് കണ്‍ട്രോൾ ബ്യൂറോ (എൻസിബി) ഡെപ്യൂട്ടി ഡയറക്‌ടർ ജനറൽ സഞ്ജയ് സിംഗ് സർവീസിൽനിന്ന് സ്വയം വിരമിക്കുന്നതായി പ്രഖ്യാപിച്ചു. ഈ മാസം 30ന് ജോലിയിൽനിന്ന് സ്വയം വിരമിക്കുമെന്ന് ഒരു ദേശീയ മാധ്യമത്തിനു നൽകിയ അഭിമുഖത്തിലാണ് അദ്ദേഹം വ്യക്തമാക്കിയത്.

വ്യക്തിപരമായ കാരണങ്ങൾകൊണ്ടാണ് വിരമിക്കുന്നതെന്നും അദ്ദേഹം പ്രതികരിച്ചു. വിരമിക്കൽ ആവശ്യപ്പെട്ട് സഞ്ജയ് സിംഗ് സമർപ്പിച്ച അപേക്ഷ സർക്കാർ അംഗീകരിച്ചിട്ടുണ്ട്. നിലവിൽ 2025 ജനുവരി വരെ ഇദ്ദേഹത്തിന് സർവീസുണ്ട്.

1996 ബാച്ചിലെ ഒഡീഷ കേഡറിൽനിന്നുള്ള ഐപിഎസ് ഉദ്യോഗസ്ഥനാണ് സഞ്ജയ് സിംഗ്. ഒഡീഷ പോലീസിൽ ഉന്നതപദവികൾ വഹിച്ചതിനു ശേഷമാണ് സഞ്ജയ് സിംഗ് സിബിഐയിൽ എത്തുന്നത്. പിന്നീട് നാർകോട്ടിക്സ് കണ്‍ട്രോൾ ബ്യൂറോയിൽ ഡെപ്യൂട്ടി ഡയറക്‌ടർ ജനറൽ പദവിയിൽ സേവനമനുഷ്ഠിച്ചു.

2021 ഒക്‌ടോബറിലാണ് ലഹരിമരുന്ന് കേസുമായി ബന്ധപ്പെട്ട് ആര്യൻ ഖാൻ അടക്കമുള്ളവരെ എൻസിബി സംഘം അറസ്റ്റ് ചെയ്തത്. അന്വേഷണ ഉദ്യോഗസ്ഥൻ സമീർ വാങ്കഡേയ്ക്കെതിരേ പലവിധ ആരോപണമുയർന്ന സാഹചര്യത്തിൽ സഞ്ജയ് സിംഗ് അന്വേഷണ ചുമതല ഏറ്റെടുക്കുകയായിരുന്നു.

എന്നാൽ, മതിയായ തെളിവുകളുടെ അഭാവത്തിൽ ആര്യൻ ഖാനുൾപ്പെടെ അഞ്ചുപേർക്ക് ക്ലീൻ ചിറ്റ് നൽകുകയായിരുന്നു. പ്രമാദമായ പല കേസുകളും അദ്ദേഹം കൈകാര്യം ചെയ്തിരുന്നു.

2010ലെ കോമണ്‍വെൽത്ത് ഗെയിംസ് അഴിമതി, മെഡിക്കൽ കൗണ്‍സിൽ ഓഫ് ഇന്ത്യ കേസ്, സിആർപിഎഫ്. റിക്രൂട്ട്മെന്‍റ് കേസ് തുടങ്ങിയ കേസുകൾ ഇതിൽ ചിലതാണ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.