മാഞ്ചസ്റ്റർ ഡെർബി : Deepika.com Sports News |

Click here for detailed news of all items

മാഞ്ചസ്റ്റർ ഡെർബി

Saturday, November 10, 2018 11:44 PM IST

യൂറോപ്യൻ ലീഗ് ഫുട്ബോളുകളിലെ ഗ്ലാമർ പോരാട്ടം ഇംഗ്ലീഷ് പ്രീമിയർ ലീഗിൽ ഇന്ന് നടക്കുന്ന മാഞ്ചസ്റ്റർ ഡെർബിതന്നെ. മാഞ്ചസ്റ്റർ സിറ്റി-മാഞ്ചസ്റ്റർ യുണൈറ്റഡ് പോരാട്ടം രാത്രി 10ന് സിറ്റിയുടെ തട്ടകത്തിൽ നടക്കും.

11 മത്സരങ്ങളിൽ 29 പോയിന്‍റുമായി സിറ്റിയാണ് ലീഗിന്‍റെ തലപ്പത്ത്. 20 പോയിന്‍റുള്ള യുണൈറ്റഡ് ഏഴാമതാണ്. ചാന്പ്യൻസ് ലീഗിൽ യുവന്‍റസിനെ അവരുടെ തട്ടകത്തിൽ കീഴടക്കിയെത്തിയിരിക്കുകയാണ് ഹൊസെ മൗറീഞ്ഞോയുടെ യുണൈറ്റഡ്. പെപ് ഗ്വാർഡിയോളയുടെ സിറ്റി മിന്നും ജയത്തോടെ ചാന്പ്യൻസ് ലീഗ് നോക്കൗട്ട് ഉറപ്പിച്ചശേഷമാണ് ഇന്നത്തെ പോരിനിറങ്ങുന്നത്.

ലിവർപൂൾ, ചെൽസി, ആഴ്സണൽ എന്നിവയും ഇന്ന് പ്രീമിയർ ലീഗിൽ ഇറങ്ങുന്നു.

സ്പാനിഷ് ലീഗിൽ ബാഴ്സലോണ, റയൽ മാഡ്രിഡ് ടീമുകളും കളത്തിലുണ്ട്. റയലിന്‍റെ മത്സരം ഫേസ്ബുക്ക് ലൈവായി കാണാം. ഇറ്റാലിയൻ സീരി എയിലെ ഗ്ലാമർ പോരാട്ടം എസി മിലാനും റൊണാൾഡോയുടെ യുവന്‍റസും തമ്മിലാണ്. ഇന്‍റർ മിലാൻ, എഎസ് റോമ തുടങ്ങിയവയും ഇന്ന് ഇറങ്ങുന്നു. ഫ്രഞ്ച് ലീഗിൽ പിഎസ്ജിയും ഇന്ന് ഇറങ്ങുന്നു. തുടർച്ചയായ 12 ജയത്തോടെ ചരിത്രം കുറിച്ചാണ് മൊണാക്കോയ്ക്കെതിരേ പിഎസ്ജി ഇറങ്ങുന്നത്. രാത്രി 1.30നുള്ള മത്സരം ഇന്ത്യയിൽ പ്രക്ഷേപണമില്ല.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.