തേങ്ങുന്ന തെങ്ങ്
വ​ള​യാ​തെ വ​ള​രാ​നാ​ണു തെ​ങ്ങി​ന് ഇ​ഷ്ടം. ഒ​പ്പം വ​ള​രു​ന്ന​വ ഒ​ട്ടും സ​മ്മ​തി​ക്കാ​ത്ത​പ​ക്ഷ​മേ വ​ള​ഞ്ഞു വ​ള​രൂ. വ​ള​ർ​ന്നു പ്രാ​യ​മാ​യാ​ൽ ചൊ​ട്ട​യി​ടും. ചൊ​ട്ട പൊ​ട്ടി കു​ല വി​രി​ഞ്ഞു മ​ച്ചി​ങ്ങ വി​രി​യും. അ​തു പി​ന്നെ മ​ന്ന​ങ്ങ​യും തേ​ങ്ങ​യു​മാ​കും. ഓ​രോ മ​ട​ലി​ന്‍റെ ഇ​ട​യി​ലും കു​ല​ക​ളു​ണ്ടാ​കും. മൂ​പ്പി​ള പ്ര​കാ​രം അ​വ തെ​ങ്ങി​ന്‍റെ മ​ണ്ട​യി​ൽ നി​റ​യും. കു​ല​ക​ൾ​ക്കു വി​ശ​റി വീ​ശി ക​രിം​പ​ച്ച​യോ​ല​ക​ൾ. ഭൂ​മി​യി​ലെ ഏ​റ്റ​വും മ​നോ​ഹ​ര​മാ​യ മ​ര​ക്കാ​ഴ്ച.

ത​ല​മു​റ​ക​ളെ ഊ​ട്ടി

കേ​ര​ള​മെ​ന്നു കേ​ൾ​ക്കു​ന്പോ​ൾ ആ​രു​ടെ മ​ന​സി​ലും തെ​ളി​ഞ്ഞു​വ​രും തെ​ങ്ങ്. ഇ​വി​ടെ എ​വി​ടെ​യും കാ​ണാ​വു​ന്ന ഏ​ക​മ​രം. സ​ഹ്യ​ന്‍റെ മു​ക​ളി​ലും ക​ട​ലി​ന്‍റെ തീ​ര​ത്തും എ​ല്ലാ ദി​ക്കി​ലും അ​വ​യു​ണ്ട്. കേ​ര​ത്തെ ഒ​ഴി​വാ​ക്കി കേ​ര​ള​ത്തി​ന്‍റെ ചി​ത്ര​മി​ല്ല. കേ​ര​ളം എ​ന്ന പേ​രു​ത​ന്നെ കേ​ര​വൃ​ക്ഷ​ത്തി​ന്‍റെ ദാ​നം. മ​ല​യാ​ള​നാ​ട് ദൈ​വ​ത്തി​ന്‍റെ സ്വ​ന്തം നാ​ടാ​യ​തി​ലു​മു​ണ്ട് തെ​ങ്ങി​നു പ​ങ്ക്. മു​ൻ​ത​ല​മു​റ​ക​ളെ തെ​ങ്ങ് ഊ​ട്ടി​വ​ള​ർ​ത്തി. പ​ണ​വും ഭ​ക്ഷ​ണ​വും പാ​ർ​പ്പി​ടം ഒ​രു​ക്കാ​നു​ള്ള വ​സ്തു​ക്ക​ളും നി​ർ​ലോ​ഭം ന​ൽ​കി. നെ​ൽ​പാ​ട​ങ്ങ​ളൊ​ഴി​കെ മ​ണ്ണു​ള്ളി​ട​ത്തെ​ല്ലാം ക​ർ​ഷ​ക​ർ തെ​ങ്ങ് വ​ച്ചു. അ​തി​ന്‍റെ വ​ള​ർ​ച്ച ക​ണ്ട് ആ​വേ​ശം​കൊ​ണ്ടു. തെ​ങ്ങു​ക​ൾ​ക്കി​ട​യി​ൽ മാ​ത്ര​മാ​യി​രു​ന്നു മ​റ്റു കൃ​ഷി​ക​ൾ​ക്കി​ടം. കു​ടി​യേ​റ്റ​ക്കാ​ർ മ​ല​ബാ​റി​ലും ഹൈ​റേ​ഞ്ചി​ലു​മൊ​ക്കെ മ​ത്സ​രി​ച്ചു തെ​ങ്ങ് വ​ച്ചു. കേ​രം​കൊ​ണ്ടു കേ​ര​ളം അ​ടി​മു​ടി നി​റ​ഞ്ഞു. തേ​ങ്ങ​യി​ട്ടും പെ​റു​ക്കി​ക്കൂ​ട്ടി​യും ആ​ളു​ക​ൾ മ​ടു​ത്തു. വീ​ട്ടു​മു​റ്റ​ങ്ങ​ളി​ലും ത​ട്ടി​ൻ​പു​റ​ങ്ങ​ളി​ലും തേ​ങ്ങാ​ക്കൂ​ന്പാ​ര​ങ്ങ​ളു​യ​ർ​ന്നു. മു​ക്കി​നു​മു​ക്കി​നു തേ​ങ്ങാ അ​ട്ടി​ക​ളു​ണ്ടാ​യി. ക​ർ​ഷ​ക​രെ​ല്ലാം പ​ച്ച​പി​ടി​ച്ചു.

ക​ണ്ണേ​റ് ത​ട്ടി​യ​പോ​ലെ

കു​ത്ത​നേ​യു​ള്ള വ​ള​ർ​ച്ച 1980ക​ളി​ൽ പാ​ര​മ്യ​ത​യി​ലെ​ത്തി. രാ​ജ്യ​ത്തെ നാ​ളി​കേ​ര ഉ​ത്പാ​ദ​ന​ത്തി​ന്‍റെ 80 ശ​ത​മാ​ന​വും കൊ​ച്ചു​കേ​ര​ള​ത്തി​ൽ​നി​ന്നാ​യി. സ​മൃ​ദ്ധി​യി​ൽ നാ​ട് ആ​റാ​ടി. അ​യ​ൽ​നാ​ടു​ക​ൾ അ​സൂ​യ​പ്പെ​ട്ടു. ക​ണ്ണേ​റ് ത​ട്ടി​യ​തു​പോ​ലെ​യാ​യി പി​ന്നീ​ടു​ള്ള കാ​ര്യ​ങ്ങ​ൾ. 80ക​ൾ പി​ന്നി​ട്ട​തോ​ടെ വ​ള​ർ​ച്ച കീ​ഴ്പോ​ട്ടാ​യി. ഇ​ന്ന​ത്തെ അ​വ​സ്ഥ​യാ​വ​ട്ടെ ശ​ത്രു​ക്ക​ൾ​ക്കു​പോ​ലും സ​ഹ​താ​പം തോ​ന്നു​ന്ന​ത്ര പ​രി​താ​പ​ക​രം. ഉ​ത്പാ​ദ​നം 31 ശ​ത​മാ​ന​മാ​യി താ​ഴ്ന്നു. തെ​ങ്ങ് കൃ​ഷി​യു​ള്ള സ്ഥ​ല​ത്തി​ന്‍റെ വി​സ്തൃ​തി 10 ല​ക്ഷം ഹെ​ക്ട​ർ ആ​യി​രു​ന്ന​ത് ഔ​ദ്യോ​ഗി​ക ക​ണ​ക്കു​ക​ളി​ൽ ഇ​പ്പോ​ൾ 7.75 ല​ക്ഷം ഹെ​ക്ട​റാ​ണ്. എ​ന്നാ​ൽ ന​ശി​ച്ച തെ​ങ്ങു​ക​ളു​ടെ ക​ണ​ക്കെ​ടു​ത്തു കൃ​ഷി​സ്ഥ​ലം നി​ശ്ച​യി​ച്ചാ​ൽ അ​ഞ്ചു ല​ക്ഷം ഹെ​ക്ട​റി​ൽ പോ​ലും നി​ല​വി​ൽ കൃ​ഷി​വ​രി​ല്ല. മൂ​ന്നു പ​തി​റ്റാ​ണ്ടു​കൊ​ണ്ടു പ​കു​തി​യി​ൽ താ​ഴെ​യാ​യി​രി​ക്കു​ന്നു കേ​ര​ള​ത്തി​ൽ തെ​ങ്ങ് കൃ​ഷി. ഇ​വി​ട​ത്തെ കൃ​ഷി ക​ണ്ടു പ​ഠി​ച്ച ത​മി​ഴ്നാ​ട് ഉ​ത്പാ​ദ​ന​ത്തി​ലും ഉ​ത്പാ​ദ​ന​ക്ഷ​മ​ത​യി​ലും മു​ന്നി​ൽ ക​യ​റി. ക​ർ​ണാ​ട​ക കേ​ര​ള​ത്തി​നു തൊ​ട്ടു​പി​ന്നി​ലെ​ത്തി.

ക​റി​ക്കു​പോ​ലും തി​ക​യി​ല്ല

തെ​ങ്ങി​ന്‍റെ കാ​ഴ്ച അ​പ്ര​ത്യ​ക്ഷ​മാ​യി​ട്ടി​ല്ല. എ​വി​ടെ​യും കാ​ണാം ഇ​പ്പോ​ഴും തെ​ങ്ങ്. കൂ​ട്ടം കൂ​ടി​യാ​യി​രു​ന്നു മു​ന്പു ക​ണ്ടി​രു​ന്ന​ത്. നി​വ​ർ​ന്നു നി​ര​യൊ​പ്പി​ച്ചാ​യി​രു​ന്നു നി​ൽ​പ്. ഇ​ന്ന് ആ ​കൂ​ട്ടാ​യ്മ ന​ഷ്ട​പ്പെ​ട്ടി​രി​ക്കു​ന്നു. ഒ​റ്റ​തി​രി​ഞ്ഞാ​ണു പ​ല​യി​ട​ത്തും ഈ ​ഒ​റ്റ​ത്ത​ടി​യ​ൻ വൃ​ക്ഷം. പ​ണ്ട് ഒ​രി​ടീ​ലി​ൽ ഒ​രു തെ​ങ്ങി​ൽ​നി​ന്നു ര​ണ്ടും മൂ​ന്നും കു​ല​ക​ൾ ല​ഭി​ച്ചി​രു​ന്നു. ഒ​ന്നി​ൽ​ത്ത​ന്നെ 20-25 മു​ഴു​ത്ത തേ​ങ്ങ​ക​ൾ. ഇ​ട്ടു​ക​ഴി​യു​ന്പോ​ൾ തെ​ങ്ങി​ൻ​ചു​വ​ട് തേ​ങ്ങ​ക​ൾ​കൊ​ണ്ടു നി​റ​യു​മാ​യി​രു​ന്നു. ഇ​ന്ന് ഒ​ന്നി​ൽ​നി​ന്ന് അ​ഞ്ചോ ആ​റോ തേ​ങ്ങ കി​ട്ടി​യാ​ലാ​യി. അ​തും തി​രി​ഞ്ഞി​ടു​ന്ന ത​ര​ത്തി​ലു​ള്ള കു​രു​ടു തേ​ങ്ങ​ക​ൾ. ഒ​രു തെ​ങ്ങി​ൻ​നി​ന്നു ത​ന്നെ വീ​ട്ടാ​വ​ശ്യ​ത്തി​നു തേ​ങ്ങ കി​ട്ടി​യി​രു​ന്നി​ട​ത്ത് ഇ​ന്ന് ഒ​രു ഡ​സ​ൻ തെ​ങ്ങു​ണ്ടെ​ങ്കി​ലും ക​റി​ക്കു പോ​ലും തി​ക​യി​ല്ല. തെ​ങ്ങി​നു ഭം​ഗി​യും കു​റ​ഞ്ഞി​രി​ക്കു​ന്നു. ഹ​രി​താ​ഭ​മാ​യ ഓ​ല​ക​ളി​ൽ മ​ഞ്ഞ പ​ട​ർ​ന്നി​രി​ക്കു​ന്നു. തീ​ക്കാ​റ്റേ​റ്റ​പോ​ലെ ക​രി​ഞ്ഞി​രി​ക്കു​ന്നു. മ​ണ്ട​പോ​യ തെ​ങ്ങു​ക​ളു​ടെ കാ​ഴ്ച കൂ​ടി​വ​രു​ന്നു.

ച​തി​ച്ച​ത് ആ​ര്

തെ​ങ്ങ് ച​തി​ക്കി​ല്ലെ​ന്ന​തു പ​ഴ​മൊ​ഴി മാ​ത്ര​മാ​യി​രു​ന്നി​ല്ല. അ​നു​ഭ​വി​ച്ച​റി​ഞ്ഞ സ​ത്യ​മാ​യി​രു​ന്നു. എ​ന്നാ​ൽ മ​ല​യാ​ളി​ക​ളാ​കെ ഇ​ന്നു കോ​റ​സ്പോ​ലെ പ​റ​യു​ന്നു. തെ​ങ്ങ് ച​തി​ച്ചു; കൊ​ടും​ച​തി. ഇ​ത്ര​യും വ​ലി​യ​ച​തി ഒ​ര ു ​മ​ര​വും മ​നു​ഷ്യ​നോ​ടു കാ​ട്ടി​യി​ട്ടി​ല്ല. വ​ള​വും വെ​ള്ള​വും മാ​ത്രം ന​ൽ​കി​യാ​യി​രു​ന്നി​ല്ല ക​ർ​ഷ​ക​ർ തെ​ങ്ങി​നെ വ​ള​ർ​ത്തി​യ​ത്. സ്നേ​ഹം കൂ​ടി ന​ൽ​കി​യാ​യി​രു​ന്നു. ഓ​ല വി​രി​യു​ന്ന​തും ക​ട തി​രി​യു​ന്ന​തും കു​ല ഉ​ണ്ടാ​കു​ന്ന​തും നോ​ക്കി ക​ർ​ഷ​ക​ൻ തെ​ങ്ങി​ൻ ചു​വ​ടു​ക​ളി​ൽ ചു​റ്റി​പ്പ​റ്റി​നി​ന്നി​രു​ന്നു. തൊ​ട്ടും ത​ലോ​ടി​യും കു​ഞ്ഞി​നെ​പ്പോ​ലെ പ​രി​പാ​ലി​ച്ചു. അ​വ​രോ​ടാ​ണു തെ​ങ്ങ് ച​തി കാ​ട്ടി​യ​ത്. ഈ ​പ​തം​പ​റ​ച്ചി​ൽ കേ​ട്ട് അ​ന്പ​ര​ന്നു നി​ൽ​ക്കു​ക​യാ​കും തെ​ങ്ങു​ക​ൾ. ഇ​പ്പോ​ഴ​ത്തെ ക്ഷ​യാ​വ​സ്ഥ​യേ​ക്കാ​ൾ ഈ ​കു​റ്റ​പ്പെ​ടു​ത്ത​ലു​ക​ൾ അ​വ​യെ ത​ള​ർ​ത്തു​ന്നു​ണ്ടാ​കാം. അ​വ​യ്ക്കു സം​സാ​ര​ശേ​ഷി ഉ​ണ്ടാ​യി​രു​ന്നെ​ങ്കി​ൽ ഇ​ങ്ങ​നെ പ​റ​യു​മാ​യി​രു​ന്നു: ച​തി​ച്ച​തു ഞ​ങ്ങ​ള​ല്ല, ഞ​ങ്ങ​ളെ​യാ​ണ്! റ​ബ​റി​ന്‍റെ പ്ര​ലോ​ഭ​ന​ത്തി​ൽ​പ്പെ​ട്ടു ഞ​ങ്ങ​ളെ ത​ള്ളി​പ്പ​റ​ഞ്ഞു വ​ള​ർ​ത്ത​ച്ഛ​ന്മാ​രാ​യ ക​ർ​ഷ​ക​ർ ആ​ദ്യം ച​തി​ച്ചു. വേ​രു​ക​ളും മ​ണ്ട​ക​ളും ത​ക​ർ​ത്തു കീ​ട​ങ്ങ​ൾ ച​തി​ച്ചു. നീ​രൂ​റ്റി​ക്കു​ടി​ച്ചു കു​ല​ത്തെ​യാ​കെ മ​ണ്ഡ​രി ച​തി​ച്ചു. കൊ​ള​സ്ട്രോ​ൾ ഉ​ണ്ടെ​ന്നു പ​റ​ഞ്ഞു പാ​ശ്ചാ​ത്യ​ർ ച​തി​ച്ചു. പാ​മോ​യി​ൽ ഇ​റ​ക്കി കേ​ന്ദ്ര​സ​ർ​ക്കാ​ർ ച​തി​ച്ചു. ത​റ​വി​ല​പോ​ലും ന​ൽ​കാ​തെ സം​സ്ഥാ​ന​സ​ർ​ക്കാ​ർ ച​തി​ച്ചു. നീ​ര​യു​ടെ പേ​രു പ​റ​ഞ്ഞും ച​തി​വു​ക​ളു​ണ്ടാ​യി. വി​ള​വും വി​ല​യും കു​റ​ഞ്ഞ​തോ​ടെ വ​ള​വും വെ​ള്ള​വും രോ​ഗ​ത്തി​നു മ​രു​ന്നും ന​ൽ​കാ​തെ ക​ർ​ഷ​ക​ർ വീ​ണ്ടും കു​ല​ച്ച​തി കാ​ട്ടി. ച​തി​ക​ൾ ഏ​റ്റു​വാ​ങ്ങാ​ൻ ഞ​ങ്ങ​ളു​ടെ ജീ​വി​തം പി​ന്നെ​യും ബാ​ക്കി!

റ​ബ​റി​ന്‍റെ മാ​യി​ക​വ​ല​യം

തെ​ങ്ങു​ക​ൾ പ​റ​യു​ന്ന​ത​ല്ലേ വാ​സ്ത​വം. റ​ബ​ർ എ​ന്ന മോ​ഹ​വൃ​ക്ഷ​ത്തി​ന്‍റെ മാ​യി​ക​വ​ല​യ​ത്തി​ൽ മ​ല​യാ​ളി ക​ർ​ഷ​ക​രൊ​ന്നാ​കെ പെ​ട്ടു​പോ​കു​ക​യാ​യി​രു​ന്നി​ല്ലേ. റ​ബ​ർ ചു​ര​ത്തി​യ പാ​ലി​ന്‍റെ വെ​ണ്‍​മ​യി​ൽ അ​വ​രു​ടെ ക​ണ്ണ​ഞ്ചി. ത​ങ്ങ​ൾ വ​ള​ർ​ത്തി​യ, ത​ങ്ങ​ളെ വ​ള​ർ​ത്തി​യ ക​ല്പ​വൃ​ക്ഷ​ങ്ങ​ളെ അ​വ​ർ മ​നഃ​പൂ​ർ​വം മ​റ​ന്നു. വ​ർ​ഷാ​വ​ർ​ഷം ചു​വ​ടി​ള​ക്കി ചാ​ണ​ക​വും പ​ച്ചി​ല​വ​ള​വും ആ​വോ​ള​മി​ട്ടു കൊ​ടു​ത്തി​രു​ന്ന​ത് ഒ​ര​റി​യി​പ്പു​മി​ല്ലാ​തെ നി​ർ​ത്തി. ജീ​വ​ൻ നി​ല​നി​ർ​ത്താ​നു​ള്ള വെ​ള്ളം പോ​ലും കൊ​ടു​ത്തി​ല്ല. രോ​ഗ​ല​ക്ഷ​ണ​ങ്ങ​ളെ അ​വ​ഗ​ണി​ച്ചു. ചെ​ള്ളു​ക​ൾ മ​ണ്ട​കു​ത്തി മ​റി​ച്ചി​ട്ടി​ട്ടു​പോ​ലും ക​ണ്ടി​ല്ലെ​ന്നു ന​ടി​ച്ചു. മ​ണ്ഡ​രി​ക​ളു​ടെ താ​ണ്ഡ​വം​പോ​ലും ക​ർ​ഷ​ക​രെ ആ​ശ​ങ്ക​പ്പെ​ടു​ത്തി​യി​ല്ല. ആ​രു​ടെ ക​ണ്ണി​ലും ക​ണ്ണീ​ർ പൊ​ടി​ഞ്ഞി​ല്ല. എ​ന്നു​മാ​ത്ര​മ​ല്ല, അ​ത് അ​വ​സ​ര​മാ​യി ക​ണ്ടു രോ​ഗം വ​ന്ന​വ​യും അ​ല്ലാ​ത്ത​വ​യു​മാ​യ തെ​ങ്ങു​ക​ളെ നി​ർ​ദ​യം വെ​ട്ടി​മാ​റ്റി. തോ​ട്ട​ങ്ങ​ൾ​ത​ന്നെ തു​ട​ച്ചു മാ​റ്റ​പ്പെ​ട്ടു. അ​വി​ടെ​യൊ​ക്കെ റ​ബ​ർ​ത്തൈ​ക​ൾ വ​ച്ചു. കു​ല​കു​ത്തി കാ​യ്ക്കു​ന്ന തെ​ങ്ങി​ൻ​തോ​പ്പു​ക​ൾ​ക്കി​ട​യി​ലും അ​റ​പ്പി​ല്ലാ​തെ റ​ബ​ർ ന​ട്ടു. നെ​ൽ​വ​യ​ലു​ക​ൾ പോ​ലും റ​ബ​ർ​ക്കാ​ടു​ക​ളാ​യി. തെ​ങ്ങു മാ​ത്ര​മ​ല്ല, മ​റ്റു കൃ​ഷി​ക​ളും ഇ​തി​നി​ട​യി​ൽ ഞെ​രി​ഞ്ഞ​മ​ർ​ന്നു. റ​ബ​ർ​ത്തോ​ട്ട​ങ്ങ​ളി​ൽ കി​ളി​ർ​ക്കാ​ൻ പ​റ്റാ​തെ പു​ൽ​നാ​ന്പു​ക​ൾ പോ​ലും തേ​ങ്ങി.

പെ​രി​യാ​റും ക​ട​ന്ന്

മ​ധ്യ​കേ​ര​ള​ത്തി​ലാ​യി​രു​ന്നു റ​ബ​റി​ന്‍റെ ആ​ദ്യ​തേ​രോ​ട്ടം. നോ​ക്കി​നി​ൽ​ക്കേ അ​വി​ടം റ​ബ​ർ വ​ള​ർ​ന്നു നി​റ​ഞ്ഞു. തെ​ങ്ങു​ക​ളും തേ​ങ്ങാ അ​ട്ടി​ക​ളും അ​നാ​ഥ​മാ​യി. തീ​ര​ദേ​ശ​ങ്ങ​ളി​ൽ മാ​ത്ര​മാ​ണു തെ​ങ്ങി​നു പി​ടി​ച്ചു നി​ൽ​ക്കാ​നാ​യ​ത്. അ​തും റ​ബ​റി​നു വ​ള​രാ​ൻ പ​റ്റാ​ത്ത​തു​കൊ​ണ്ടു മാ​ത്രം. തെ​ങ്ങു​ക​ളു​ടെ ശ​ത്രു​ക്ക​ൾ​ക്കു പെ​രി​യാ​ർ ക​ട​ന്നു വ​ട​ക്കോ​ട്ടു നീ​ങ്ങാ​ൻ അ​ല്പം ബു​ദ്ധി​മു​ട്ടേ​ണ്ടി വ​ന്നു. കീ​ട​ങ്ങ​ൾ​ക്കും റ​ബ​റി​നും തു​ട​ക്ക​ത്തി​ൽ ആ ​വ​ലി​യ​പു​ഴ വ​ലി​യ​ക​ട​ന്പ​യാ​യി. മ​ധ്യ​കേ​ര​ള​ത്തി​ൽ തെ​ങ്ങ് നാ​മാ​വ​ശേ​ഷ​മാ​കു​ന്പോ​ൾ പെ​രി​യാ​റി​നു വ​ട​ക്ക് അ​വ ത​ല​യു​യ​ർ​ത്തി നി​ൽ​ക്കു​ക​യാ​യി​രു​ന്നു. അ​തി​ശ​യി​പ്പി​ക്കു​ന്ന വി​ള​വു​മാ​യി മ​ല​ബാ​റി​ൽ പ്ര​ത്യേ​കി​ച്ചും. പ​ക്ഷേ അ​ത് അ​ധി​ക​കാ​ല​മു​ണ്ടാ​യി​ല്ല. കാ​റ്റു​വീ​ഴ്ച​യും മ​ണ്ഡ​രി​യും വ​ട​ക്കും ചു​ട​ല​നൃ​ത്ത​മാ​ടി. റ​ബ​റി​നെ ത​ള്ളി​പ്പ​റ​ഞ്ഞ​വ​ർ പോ​ലും നാ​ണം വെ​ടി​ഞ്ഞ് അ​തി​നെ ആ​ശ്ലേ​ഷി​ക്കാ​ൻ നി​ർ​ബ​ന്ധി​ത​രാ​യി. തെ​ങ്ങി​നൊ​പ്പം ക​മു​കി​ൻ തോ​ട്ട​ങ്ങ​ളും വെ​ട്ടി​മാ​റ്റ​പ്പെ​ട്ടു.

ക​ണ​ക്കു​ചോ​ദി​ച്ചു കാ​ലം

ആ​രെ​യും കു​റ്റം പ​റ​യാ​ൻ പ​റ്റി​ല്ല. റ​ബ​ർ വി​ത​ച്ച മോ​ഹ​ങ്ങ​ൾ​ക്കു ത​ങ്ക​ത്തേ​ക്കാ​ൾ തി​ള​ക്ക​മാ​യി​രു​ന്നു. ആ​ണ്ടി​ൽ മൂ​ന്നോ​നാ​ലോ ത​വ​ണ മാ​ത്ര​മാ​യി​രു​ന്നു തെ​ങ്ങി​ന്‍റെ വി​ള​വെ​ടു​പ്പെ​ങ്കി​ൽ റ​ബ​റി​ന​തു ദി​നം​പ്ര​തി​യാ​യി​രു​ന്നു. വി​ല​യാ​ക​ട്ടെ വ​ച്ച​ടി വ​ച്ച​ടി ക​യ​റു​ക​യാ​യി​രു​ന്നു. ഒ​രു​വേ​ള അ​തു കി​ലോ​ഗ്രാ​മി​ന് 250 രൂ​പ പി​ന്നി​ട്ടു. നാ​ളി​കേ​ര​വി​ല അ​പ്പോ​ഴും മൂ​ന്നും നാ​ലും രൂ​പ​യാ​യി പി​ടി​ച്ചു​കെ​ട്ടി​യ പോ​ലെ നി​ൽ​ക്കു​ക​യാ​യി​രു​ന്നു. തെ​ങ്ങി​നോ​ടു​ള്ള സ്നേ​ഹം അ​ൽ​പ​മെ​ങ്കി​ലും ശേ​ഷി​പ്പി​ച്ച​വ​ർ അ​തു​പോ​ലും ഉ​പേ​ക്ഷി​ച്ചു റ​ബ​റി​നു മു​ന്നി​ൽ സാ​ഷ്ടാം​ഗം പ്ര​ണ​മി​ച്ചു. പ​ക്ഷേ, തെ​ങ്ങി​നോ​ടു കാ​ട്ടി​യ ന​ന്ദി​കേ​ടി​നു ക​ണ​ക്കു​ചോ​ദി​ക്കാ​ൻ കാ​ലം കാ​ത്തു​നി​ൽ​ക്കു​ക​യാ​യി​രു​ന്നു. മ​ല​വെ​ള്ളം പോ​ലെ ഇ​ര​ച്ചു ക​യ​റി​യ റ​ബ​ർ​വി​ല പ​തു​ക്കെ വ​ലി​യാ​ൻ തു​ട​ങ്ങി. 250 ൽ​നി​ന്നു നൂ​റും ക​ഴി​ഞ്ഞ് അ​ത് ഒ​ലി​ച്ചു​പോ​യി. പി​ന്നീ​ടു കു​റ​ച്ചു കൂ​ടി​യെ​ങ്കി​ലും വെ​ട്ടു​ചെ​ല​വ് ക​ഴി​ഞ്ഞ് ഒ​ന്നും കി​ട്ടാ​താ​യി. റ​ബ​ർ​ത്തോ​ട്ട​ങ്ങ​ൾ ആ​ളൊ​ഴി​ഞ്ഞു നി​ശ​ബ്ദ​മാ​യി. ഒ​രു​കാ​ല​ത്തു തെ​ങ്ങ് വെ​ട്ടി​മാ​റ്റി​യ​പോ​ലെ റ​ബ​റി​ന്‍റെ ക​ട​യ്ക്ക​ലും അ​റ​ക്ക​വാ​ൾ ആ​ഞ്ഞുപ​തി​ച്ചു.

ത​മി​ഴ്നാ​ട​ൻ തേ​ങ്ങ​ക​ൾ

തെ​ങ്ങു​ക​ളേ​ക്കു​റി​ച്ചോ​ർ​ത്ത് ആ​ളു​ക​ൾ ഇ​ന്നു നെ​ടു​വീ​ർ​പ്പി​ടു​ന്നു. ന​ല്ല​കാ​ല​ത്തി​ന്‍റെ ഓ​ർ​മ​ക​ളി​ല​ലി​ഞ്ഞു ദീ​ർ​ഘ​നി​ശ്വാ​സം ഉ​തി​ർ​ക്കു​ന്നു. ഇ​ന്നു തേ​ങ്ങ​യ്ക്കു വി​ല​യു​ണ്ട്. ഒ​ന്നി​നു 30ഉം 40​ഉം വ​രെ കി​ട്ടും. പ​ക്ഷേ വി​ൽ​ക്കാ​ൻ തേ​ങ്ങ​യി​ല്ല. വീ​ട്ടാ​വ​ശ്യ​ത്തി​നു വ​ലി​യ​വി​ല​കൊ​ടു​ത്തു ക​ട​യി​ൽ​നി​ന്നു വാ​ങ്ങേ​ണ്ടി വ​രു​ന്നു. കേ​ര​ത്തി​ന്‍റെ സ്വ​ന്തം​നാ​ട്ടി​ലേ​ക്ക് അ​യ​ൽ​സം​സ്ഥാ​ന​ങ്ങ​ളി​ൽ​നി​ന്നു നാ​ളി​കേ​ര​മെ​ത്തു​ന്ന വി​രോ​ധാ​ഭാ​സം കാ​ണേ​ണ്ടി​വ​രു​ന്നു. കാ​ന്പും എ​ണ്ണ​യും കു​റ​ഞ്ഞ​വ​യാ​ണു ത​മി​ഴ്നാ​ട​ൻ തേ​ങ്ങ​ക​ൾ. ഇ​വി​ട​ത്തെ നാ​ട​ൻ ഇ​ന​ങ്ങ​ളു​ടെ മു​ന്നി​ൽ അ​വ വെ​റും ഏ​ഴാം​കൂ​ലി​ക​ൾ. കേ​ര​ള​ത്തി​ലെ ക​ട​ക​ളി​ൽ ഇ​പ്പോ​ൾ വി​ൽ​പ​ന​യ്ക്കെ​ത്തു​ന്ന​തി​ൽ അ​ധി​ക​വും ഗു​ണ​മേ​ന്മ കു​റ​ഞ്ഞ ഈ ​മൂ​ന്നാം​കി​ട തേ​ങ്ങ​ക​ളാ​ണ്. ഇ​തെ​ല്ലാം കാ​ല​ഘ​ട്ട​ത്തി​ന്‍റെ അ​നി​വാ​ര്യ​ത​യാ​യി​രി​ക്കാം. കാ​ല​ത്തി​ന്‍റെ കു​ത്തൊ​ഴു​ക്കി​ൽ ഇ​ങ്ങ​നെ പ​ല​തും സം​ഭ​വി​ക്കു​മാ​യി​രി​ക്കാം. ആ​ളു​ക​ളു​ടെ​യും അ​ധി​കാ​രി​ക​ളു​ടെ​യും ദീ​ർ​ഘ​വീ​ക്ഷ​ണ​മി​ല്ലാ​യ്മ​യും ഭാ​വ​നാ​ശൂ​ന്യ​ത​യും കൊ​ള്ള​രു​താ​യ്മ​ക​ളും മ​നു​ഷ്യ​നി​യ​ന്ത്രി​ത​മ​ല്ലാ​ത്ത മ​റ്റു കാ​ര്യ​ങ്ങ​ളും ഇ​വ​യ്ക്കു വ​ഴി​യൊ​രു​ക്കു​ന്നു.

പാ​ഠം പ​ഠി​ക്ക​ൽ

കീ​ട​ങ്ങ​ളെ ഒ​തു​ക്കാ​ൻ ക​ഴി​ഞ്ഞി​രു​ന്നെ​ങ്കി​ൽ ഇ​ത്ര​യും വ​ലി​യ​ദു​ര​ന്തം തെ​ങ്ങി​നു സം​ഭ​വി​ക്കി​ല്ലാ​യി​രു​ന്നു. ഗ​വേ​ഷ​ക​രും ശാ​സ്ത്ര​ജ്ഞ​രും ലോ​ക​മാ​കെ ത​ല​പു​ക​ച്ചി​ട്ടും നി​രാ​ശ​യാ​യി​രു​ന്നു ഫ​ലം. മ​നു​ഷ്യ​നെ ബാ​ധി​ക്കു​ന്ന രോ​ഗ​ങ്ങ​ൾ​ക്കു​പോ​ലും മ​രു​ന്നു ക​ണ്ടെ​ത്താ​ൻ ക​ഴി​യാ​ത്ത കാ​ല​ത്ത് ആ​രെ കു​റ്റ​പ്പെ​ടു​ത്തും. അ​നു​ഭ​വ​ങ്ങ​ളി​ൽ​നി​ന്നു പാ​ഠം പ​ഠി​ച്ചു പ്ര​വ​ർ​ത്തി​ക്കു​ക​യാ​ണ് ഏ​ക​വ​ഴി. ഒ​രു​പാ​ടു കാ​ര്യ​ങ്ങ​ൾ ഇ​ല്ലാ​യ്മ ചെ​യ്താ​ണു കേ​ര​ള​മാ​കെ റ​ബ​ർ നി​റ​ച്ച​ത്. പ​ത്തു മൂ​ട് ക​പ്പ​യി​ടാ​ൻ പോ​ലും സ്ഥ​ലം ശേ​ഷി​പ്പി​ച്ചി​ല്ല. പാ​ട​ശേ​ഖ​ര​ങ്ങ​ളി​ലും ച​തു​പ്പു​ക​ളി​ലും മ​ഞ്ഞു​വീ​ഴു​ന്ന മ​ല​മു​ക​ളി​ലും റ​ബ​ർ വ​ച്ച​വ​ർ ഇ​പ്പോ​ൾ ചി​രി​ക്കു​ക​യാ​ണോ അ​തോ ക​ര​യു​ക​യാ​ണോ? പാ​ര​ന്പ​ര്യം മ​റ​ന്നു റ​ബ​റി​നോ​ടും രാ​സ​വ​ള​കീ​ട​നാ​ശി​നി​ക​ളോ​ടും കാ​ട്ടി​യ അ​തി​സ്നേ​ഹം നാ​ടി​ന്‍റെ പ​രി​സ്ഥി​തി​യെ ആ​കെ ത​കി​ടം​മ​റി​ച്ചു. കു​ടി​വെ​ള്ളം കു​പ്പി​വെ​ള്ള​മാ​യി. അ​രി​യും പ​ച്ച​ക്ക​റി​യും മ​റ്റു ഭ​ക്ഷ്യ​വ​സ്തു​ക്ക​ളും മ​റു​നാ​ടു​ക​ളി​ൽ​നി​ന്നു വ​ര​ണ​മെ​ന്നാ​യി. സ​ർ​വ​ത്ര വി​ഷ​മ​യ​മാ​യി. മ​നു​ഷ്യ​നും മ​ര​ങ്ങ​ളു​മെ​ല്ലാം രോ​ഗ​ബാ​ധി​ത​രാ​യി.

ആ​ർ​ത്തി​യു​ടെ അ​വി​വേ​കം

പ​ഴ​യ ത​ല​മു​റ​ക്കാ​ർ ല​ക്ഷ​ണ​മൊ​ത്ത ക​ർ​ഷ​ക​രാ​യി​രു​ന്നു. ത​ങ്ങ​ൾ​ക്കു വേ​ണ്ട​തെ​ല്ലാം അ​വ​ർ മ​ണ്ണി​ൽ വി​ള​യി​ച്ചെ​ടു​ത്തു. അ​വ​രു​ടേ​തു ബ​ഹു​വി​ള കൃ​ഷി​രീ​തി​യാ​യി​രു​ന്നു. ഉ​ള്ള സ്ഥ​ല​ത്തെ​ല്ലാം കൃ​ഷി​യു​മി​റ​ക്കി. ജൈ​വ​വ​ള​ങ്ങ​ളാ​ണ് ഉ​പ​യോ​ഗി​ച്ചി​രു​ന്ന​ത്. ക​ര​സ്ഥ​ല​ത്തു പോ​ലും നെ​ല്ല് ന​ട്ടു. ഭ​ക്ഷ്യ​സാ​ധ​ന​ങ്ങ​ൾ​ക്കൊ​ന്നും മു​ട്ടു​ണ്ടാ​യി​ല്ല. അ​വ​ർ​ക്കു പി​ന്നാ​ലെ വ​ന്ന​വ​ർ ആ​ർ​ത്തി ക​ല​ർ​ന്ന അ​വി​വേ​കം കാ​ട്ടി. റ​ബ​റി​ൽ​നി​ന്നു​ള്ള അ​മി​താ​ദാ​യം​കൊ​ണ്ട് എ​ല്ലാം പ​ണം​കൊ​ടു​ത്തു വാ​ങ്ങാ​മെ​ന്ന അ​ൽ​പ​ബു​ദ്ധി അ​വ​രെ ച​തി​ച്ചു. നി​ല​യി​ല്ലാ​ക്ക​യ​ത്തി​ൽ​പ്പെ​ട്ടു. ഒ​ത്തി​രി വൈ​കി​പ്പോ​യി​രി​ക്കു​ന്നു. പ​ക്ഷേ തി​രി​ച്ചു​വ​രാ​നാ​കും.

മ​ണ്ണ​റി​ഞ്ഞ്, വി​ള​യ​റി​ഞ്ഞ്

തേ​ങ്ങ​യി​ൽ​നി​ന്നു പ​ണ്ടു വെ​ളി​ച്ചെ​ണ്ണ മാ​ത്ര​മാ​യി​രു​ന്നു ഉ​ത്പാ​ദി​പ്പി​ച്ചി​രു​ന്ന​ത്. ഇ​ന്ന് അ​റു​പ​തി​ൽ​പ​രം ഉ​ത്പ​ന്ന​ങ്ങ​ളു​ണ്ടാ​ക്കു​ന്നു. കൊ​പ്ര ഇ​റ​ക്കു​മ​തി​ക്കു ക​ർ​ശ​ന​നി​യ​ന്ത്ര​ണ​ങ്ങ​ൾ വ​രു​ത്തി. തേ​ങ്ങ​യ്ക്കു വി​ല​കൂ​ടാ​ൻ കാ​ര​ണം ഇ​വ​യൊ​ക്കെ​യാ​ണ്. റ​ബ​റി​ന്‍റെ വി​ല​ത്ത​ക​ർ​ച്ച​യും തേ​ങ്ങ​യു​ടെ വി​ല​വ​ർ​ധ​ന​യും ക​ണ്ടു ക​ർ​ഷ​ക​ർ തെ​ങ്ങ് കൃ​ഷി​യി​ലേ​ക്കു തി​രി​യു​ന്ന​തി​ന്‍റെ സൂ​ച​ന​ക​ളും കാ​ണു​ന്നു. തെ​ങ്ങി​ൻ​തൈ​ക​ളു​ടെ വി​ൽ​പ​ന നാ​ൾ​തോ​റും കൂ​ടി​വ​രി​ക​യാ​ണ്. നി​ല​വി​ലു​ള്ള തെ​ങ്ങു​ക​ളെ പ​രി​ച​രി​ക്കാ​നും തു​ട​ങ്ങി​യി​രി​ക്കു​ന്നു. ഇ​തൊ​ക്കെ നേ​ര​ത്തെ നോ​ക്കി​യി​രു​ന്നെ​ങ്കി​ൽ തെ​ങ്ങി​നും ക​ർ​ഷ​ക​ർ​ക്കും ഇ​ത്ര​യും വ​ലി​യ ആ​ഘാ​ത​മു​ണ്ടാ​കി​ല്ലാ​യി​രു​ന്നു. അ​താ​തു​കാ​ല​ത്തെ ലാ​ഭം മാ​ത്രം നോ​ക്കി​യാ​വ​രു​തു കൃ​ഷി. നാ​ട​ൻ ഇ​ന​ങ്ങ​ളെ പാ​ടെ അ​വ​ഗ​ണി​ച്ചു പു​ത്ത​ൻ ഇ​ന​ങ്ങ​ളു​ടെ പി​ന്നാ​ലെ പാ​യ​രു​ത്. മ​ണ്ണി​നെ അ​റി​ഞ്ഞ്, വി​ള​ക​ളെ അ​റി​ഞ്ഞ്, ആ​വ​ശ്യ​ങ്ങ​ള​റി​ഞ്ഞു കൃ​ഷി​യി​റ​ക്കു​ക. മ​ണ്ണ് പൊ​ന്നാ​ണ്. പൊ​ൻ​മു​ട്ട​യി​ടു​ന്ന താ​റാ​വി​നെ കൊ​ല്ലാ​തി​രി​ക്കു​ക. മ​ണ്ണി​നെ വി​ശ്വ​സി​ച്ചാ​ൽ എ​ല്ലാം മ​ണ്ണു ത​രും.

എം. ​റോ​യ്


Copyright @ 2022 , Rashtra Deepika Ltd.