Business News
കാർഷികമേഖലയ്ക്ക് തി​രി​ച്ച​ടി​യാ​യി കാ​ല​വ​ർ​ഷം
കാർഷികമേഖലയ്ക്ക് തി​രി​ച്ച​ടി​യാ​യി കാ​ല​വ​ർ​ഷം
Monday, June 2, 2025 1:38 AM IST
വിപണിവിശേഷം / കെ.​​​ബി. ഉ​​​ദ​​​യ​​​ഭാ​​​നു
കാ​ല​വ​ർ​ഷം ക​ലി​തു​ള്ളി​യ​തോ​ടെ സം​സ്ഥാ​ന​ത്ത് വ്യാ​പ​ക കൃ​ഷി​നാ​ശം, സീ​സ​ൺ പ​ടി​വാ​തി​ക്ക​ൽ നി​ൽ​ക്കേ ഏ​ലം ക​ർ​ഷ​ക​ർ​ക്ക് ക​ന​ത്ത പ്ര​ഹ​രം. ഊ​ഹ​ക്ക​ച്ച​വ​ട​ക്കാ​രും ട​യ​ർ ലോ​ബി​യും കൈ​കൊ​ർ​ത്ത് രാ​ജ്യാ​ന്ത​ര റ​ബ​ർ അ​വ​ധി വി​പ​ണി​യെ അ​മ്മാ​ന​മാ​ടി, ക​ന​ത്ത മ​ഴ​യി​ൽ ടാ​പ്പിം​ഗി​ന് അ​വ​സ​രം ല​ഭി​ച്ചി​ല്ല, വൈ​കാ​തെ കാ​ലാ​വ​സ്ഥ​യി​ൽ മാ​റ്റം പ്ര​തീ​ക്ഷി​ക്കാം. വെ​ളി​ച്ചെ​ണ്ണ വീ​ണ്ടും ക​ത്തി​ക്ക​യ​റി​യെ​ങ്കി​ലും ഭ​ക്ഷ്യ​യെ​ണ്ണ ഇ​റ​ക്കു​മ​തി നി​കു​തി കു​റ​ച്ച​ത് തി​രു​ത്ത​ലി​ന് ഇ​ട​യാ​ക്കും. വി​യ​റ്റ്നാ​മി​ൽ ഉ​ട​ലെ​ടു​ത്ത വി​ല്പ​ന സ​മ്മ​ർ​ദം ഇ​ത​ര കു​രു​മു​ള​ക് ഉ​ത്പാ​ദ​ന രാ​ജ്യ​ങ്ങ​ളെ​യും പ്ര​തി​സ​ന്ധി​ലാ​ക്കി.

ക​ന​ത്ത കൃ​ഷി​നാ​ശം

കാ​ല​വ​ർ​ഷ​ത്തി​ന്‍റെ രൗ​ദ്ര​ഭാ​വം ക​ണ്ട് കാ​ർ​ഷി​ക കേ​ര​ളം ഞ​ടു​ങ്ങി. ഏ​റെ പ്ര​തീ​ക്ഷ​ളോ​ടെ​യാ​ണ് മ​ഴ​യു​ടെ വ​ര​വി​നെ ഉ​ത്പാ​ദ​ന മേ​ഖ​ല ഉ​റ്റുനോ​ക്കി​യ​തെ​ങ്കി​ലും പ​തി​വ് തെ​റ്റി​ച്ച് അ​ല്പം നേ​ര​ത്തേ വ​ല​തു​കാ​ൽ വ​ച്ച​പ്പോ​ൾ ഇ​ത്ര ക​ന​ത്ത കൃ​ഷി​നാ​ശം ആ​രും പ്ര​തീ​ക്ഷി​ച്ചി​ല്ല. കൂമ്പാ​ര മേ​ഘ​ങ്ങ​ളു​ടെ വ​ര​വ് ഒ​രു ഒ​ന്ന് ഒ​ന്ന​ര വ​ര​വാ​യി മാ​റി​യ അ​വ​സ്ഥ​യി​ലാ​ണ്. കാ​ല​വ​ർ​ഷ​ക്കെ​ടു​തി​യി​ൽ ആ​ദ്യ ര​ണ്ടു ദി​വ​സ​ങ്ങ​ളി​ൽ നൂ​റു കോ​ടി​യു​ടെ നാ​ശ​ന​ഷ്ടം ക​ണ​ക്കാ​ക്കി​യെ​ങ്കി​ൽ മ​ഴ ഒ​രാ​ഴ്ച പി​ന്നി​ടു​മ്പോ​ൾ ന​ഷ്ട​ങ്ങ​ളു​ടെ ക​ണ​ക്ക് കു​തി​ച്ചു ക​യ​റി.

കൃ​ഷി​യി​ട​ങ്ങ​ൾ പ​ല​തും വെ​ള്ള​ക്കെ​ട്ടി​ലാ​ണ്. നെ​ൽ​ക്കൃ​ഷി​ക്ക് വ്യാ​പ​ക നാ​ശം സം​ഭ​വി​ച്ചു. സു​ഗ​ന്ധ​വ്യ​ഞ​്ജന മേ​ഖ​ല​യ്ക്ക് സം​ഭ​വി​ച്ച ന​ഷ്ട​ങ്ങ​ളു​ടെ ക​ണ​ക്കെ​ടു​പ്പി​ന് ഏ​റെ സ​മ​യം വേ​ണ്ടി​വ​രും. ഹൈ​റേ​ഞ്ചി​ലെ പ​ല തോ​ട്ട​ങ്ങ​ളി​ലും ക​ന​ത്ത മ​ഴ​യ്ക്കു മു​ന്നി​ൽ പി​ടി​ച്ചു​നി​ൽ​ക്കാ​നാ​കാ​തെ കു​രു​മു​ള​ക് കൊ​ടി​ക​ളി​ൽ തി​രി​ക​ൾ കൊ​ഴി​ഞ്ഞു​വീ​ണു.

ഒ​രു വ​ശ​ത്ത് വാ​ഴ​ക്കൃ​ഷി​യി​ൽ ഏ​ർ​പ്പെ​ട്ട​വ​ർ​ക്കു താ​ങ്ങാ​നാ​വാ​ത്ത തി​രി​ച്ച​ടി​യാ​ണ് സം​ഭ​വി​ച്ച​ത്. ഓ​ണ​ത്തി​ന് വി​ല്പ​ന​യ്ക്ക് സ​ജ്ജ​മാ​കു​മെ​ന്ന് ക​ണ​ക്കു​കൂ​ട്ടി​യ കു​ല​ച്ച വാ​ഴ​ക​ൾ ആ​യി​ര​ക്ക​ണ​ക്കി​നാ​ണ് ഒ​ടി​ഞ്ഞുവീ​ണ​ത്. ജാ​തി ക​ർ​ഷ​ക​ർ​ക്കും വ​ൻ സാ​മ്പ​ത്തി​ക ന​ഷ്ടം നേ​രി​ട്ടു, ചി​ല ഭാ​ഗ​ങ്ങ​ളി​ൽ ജാ​തി മ​ര​ങ്ങ​ൾ​ത​ന്നെ ക​ട​പു​ഴ​കി. ക​ന​ത്ത കാ​റ്റി​ൽ റ​ബ​ർ തോ​ട്ട​ങ്ങ​ളി​ലും മ​ര​ങ്ങ​ൾ ഒ​ടി​ഞ്ഞുവീ​ണു. വ്യ​ക്ത​മാ​യ ക​ണ​ക്കെ​ടു​പ്പി​ന് കാ​ല​താ​മ​സം നേ​രി​ടു​മെ​ന്നാ​ണ് ഔ​ദ്യോ​ഗി​ക കേ​ന്ദ്ര​ങ്ങ​ളു​ടെ നി​ല​പാ​ട്. കൃ​ഷി വ​കു​പ്പ് പ​തി​വ് പോ​ലെ അ​ണ​ങ്ങാ​പ്പാ​റ ന​യം തു​ട​രു​ന്ന​താ​യി ക​ർ​ഷ​ക​ർ.

രാ​ജ്യാ​ന്ത​ര വി​പ​ണി​യി​ൽ ത​ക​ർ​ച്ച

ഏ​ഷ്യ​ൻ റ​ബ​ർ അ​വ​ധി വ്യാ​പാ​ര രം​ഗ​ത്ത് ഊ​ഹ​ക്ക​ച്ച​വ​ട​ക്കാ​രും ട​യ​ർ ലോ​ബി​യും വീ​ണ്ടും കൈ​കോ​ർ​ത്തു. ആ​ഗോ​ള റ​ബ​ർ ക​ർ​ഷ​ക​ർ​ക്ക് പ്ര​തീ​ക്ഷ പ​ക​ർ​ന്ന് മേ​യി​ൽ ര​ണ്ടു ത​വ​ണ കി​ലോ 330 യെ​ന്നി​ലേക്ക് ഉ​യ​ർ​ന്ന ഒ​സാ​ക്ക റ​ബ​ർ എ​ക്സ്ചേ​ഞ്ചി​ൽ വാ​രാ​ന്ത്യം ഫ​ണ്ടു​ക​ൾ ന​ട​ത്തി​യ ക​ട​ന്നാ​ക്ര​മ​ണ​ത്തി​ൽ നി​ക്ഷേ​പ​ക​ർ പ​ക​ച്ചു​പോ​യി.

ഏ​റെ നി​ർ​ണാ​യ​ക​മാ​യ 317 യെ​ന്നി​ലെ താ​ങ്ങ് ന​ഷ്ട​പ്പെ​ട്ട​തോ​ടെ ബാ​ധ്യ​ത​ക​ൾ വി​റ്റു​മാ​റാ​ൻ വാ​ങ്ങ​ലു​കാ​ർ കൂ​ട്ട​ത്തോ​ടെ രം​ഗ​ത്തി​റ​ങ്ങി​യ​ത് വെ​ള്ളി​യാ​ഴ്ച റ​ബ​റി​നെ അ​ക്ഷ​രാ​ർ​ഥ​ത്തി​ൽ പി​ടി​ച്ചു​ല​ച്ചു. 300 യെ​ന്നി​ലെ താ​ങ്ങുപോ​ലും നി​ല​നി​ർ​ത്താ​നാ​വാ​തെ ത​ക​ർ​ച്ച​യി​ൽ 290ലേ​ക്ക് ഇ​ടി​ഞ്ഞു. വി​പ​ണി​യു​ടെ ച​ല​ന​ങ്ങ​ൾ വി​ല​യി​രു​ത്തി​യാ​ൽ 282 യെ​ന്നി​ലേ​ക്കും തു​ട​ർ​ന്ന് 267 യെ​ന്നി​ലേ​ക്കും സാ​ങ്കേ​തി​ക പ​രീ​ക്ഷ​ണ​ങ്ങ​ൾ ന​ട​ക്കാം.

വി​ല ഉ​യ​ർ​ത്തി വ്യ​വ​സാ​യി​ക​ൾ

അ​തേ​സ​മ​യം സം​സ്ഥാ​ന​ത്ത് വ​ര​ൾ​ച്ച​യു​ടെ ഭാ​ഗ​മാ​യി ഫെ​ബ്രു​വ​രി​ക്ക് ശേ​ഷം റ​ബ​ർ മ​ര​ങ്ങ​ളി​ൽ ഇ​ല​പൊ​ഴി​ച്ചി​ൽ വ്യാ​പ​ക​മാ​യ​തോ​ടെ തോ​ട്ട​ങ്ങ​ളി​ൽ​നി​ന്ന് പി​ന്തി​രി​ഞ്ഞ് ക​ർ​ഷ​ക​ർ കാ​ല​വ​ർ​ഷ​ത്തി​ന്‍റെ വ​ര​വി​നാ​യി കാ​ത്തി​രു​ന്ന​ത് മൂ​ന്നു മാ​സ​മാ​ണ്. ത​ത്കാ​ലം മ​ഴ​യ്ക്ക് ശ​മ​നം വ​ന്നാ​ൽ മാ​ത്ര​മേ മ​ര​ങ്ങ​ളി​ൽ റെ​യി​ൻ ഗാ​ർ​ഡ് ഒ​രു​ക്കാ​ൻ അ​വ​സ​രം ല​ഭി​ക്കൂ. കാ​ലാ​വ​സ്ഥ​യി​ൽ നേ​രി​യ മാ​റ്റം ക​ണ്ടുതു​ട​ങ്ങു​ന്ന​തോ​ടെ ടാ​പ്പിം​ഗി​നു​ള്ള ആ​ദ്യ ഒ​രു​ക്ക​ങ്ങ​ളും ആ​രം​ഭി​ക്കും.


ഉ​ത്പാ​ദ​ക​രെ തോ​ട്ട​ങ്ങ​ളി​ലേ​ക്ക് അ​ടു​പ്പി​ക്കേ​ണ്ട​ത് വ്യ​വ​സാ​യി​ക​ളു​ടെ ആ​വ​ശ്യ​മാ​ണ്. ഓ​ഫ് സീ​സ​ണി​ൽ വി​ല ഇ​ടി​ക്കാ​ൻ മ​ത്സ​രി​ച്ച ട​യ​ർ ലോ​ബി ക​ഴി​ഞ്ഞ ദി​വ​സ​ങ്ങ​ളി​ൽ വി​ല ഉ​യ​ർ​ത്താ​ൻ ഉ​ത്സാ​ഹി​ച്ചു. പ​ന്ത് ഇ​പ്പോ​ൾ ക​ർ​ഷ​ക​രു​ടെ ക​ര​ങ്ങ​ളി​ലാ​ണ്, വി​ല ആ​ക​ർ​ഷ​ക​മ​ല്ലെ​ന്ന നി​ല​പാ​ടി​ൽ വ​ലി​യോ​രു വി​ഭാ​ഗം ക​ർ​ഷ​ക​ർ ടാ​പ്പിം​ഗി​ൽ​നി​ന്നും അ​ക​ന്നു​നി​ൽ​ക്കു​ന്ന​ത് മൊ​ത്തം ഉ​ത്പാ​ദ​ന​ത്തെ ബാ​ധി​ക്കു​മെ​ന്ന് വ്യ​വ​സാ​യി​ക​ൾ​ക്ക​റി​യാം. ക​ർ​ഷ​ക​രു​ടെ ഈ ​നീ​ക്കം തീ​ക്ക​ളി​യാ​യി മാ​റു​മെ​ന്ന് മ​ന​സി​ലാ​ക്കി അ​വ​ർ നാ​ലാം ഗ്രേ​ഡി​നെ 199ൽ​നി​ന്നും 201ലേ​ക്ക് ഉ​യ​ർ​ത്തി.

വി​ല ഉ​യ​ർ​ന്ന​ങ്കി​ലും ച​ര​ക്കു​വ​ര​വ് കു​റ​വാ​യി​രു​ന്നു, വി​ല്പ​ന​ക്കാ​ർ ഇ​തി​ലും ഉ​യ​ർ​ന്ന വി​ല ആ​വ​ശ്യ​പ്പ​ട്ട​ത് കൂ​ടു​ത​ൽ മു​ന്നേ​റാ​നു​ള്ള സാ​ഹ​ച​ര്യം ഒ​രു​ക്കി. എ​ന്നാ​ൽ, രാ​ജ്യ​ന്ത​ര മാ​ർ​ക്ക​റ്റി​ൽ​നി​ന്നും വാ​രാ​ന്ത്യം പു​റ​ത്തു​വ​ന്ന പ്ര​തി​കൂ​ല വാ​ർ​ത്ത​ക​ൾ ആ​ഭ്യ​ന്ത​ര വി​പ​ണി​യെ​യും ചെ​റി​യ അ​ള​വി​ൽ ബാ​ധി​ച്ചു.

കു​രു​മു​ള​കി​ന് ഇ​ടി​വ്

പു​തി​യ കു​രു​മു​ള​ക് താ​ഴ്ന്ന വി​ല​യ്ക്ക് വി​റ്റു​മാ​റാ​ൻ വി​യ​റ്റ്നാം ന​ട​ത്തി​യ നീ​ക്കം അ​ന്താ​രാ​ഷ്‌​ട്ര മാ​ർ​ക്ക​റ്റി​ൽ വി​ല്പ​ന​ക്കാ​രു​ടെ എ​ണ്ണം വ​ർ​ധി​പ്പി​ച്ചു. വി​പ​ണി പി​ടി​ക്കാ​ൻ അ​വ​ർ അ​ണി​യ​റ നീ​ക്കം ന​ട​ത്തു​ന്ന​തു ക​ണ്ട് ഇ​ത​ര ഉ​ത്പാ​ദ​ക രാ​ജ്യ​ങ്ങ​ളും രം​ഗ​ത്ത് പി​ടി​മു​റു​ക്കി​യ​ത് ഉ​ത്പ​ന്ന വി​ല മൊ​ത്ത​ത്തി​ൽ കു​റ​യാ​ൻ ഇ​ട​യാ​ക്കി.

വി​യ​റ്റ്നാം മു​ള​ക് വി​ല ട​ണ്ണി​ന് 6500 ഡോ​ള​ർ വ​രെ താ​ഴ്ത്തി, മാ​സാ​രം​ഭ​ത്തി​ൽ 7200 ഡോ​ള​റാ​യി​രു​ന്നു. ഇ​ന്തോ​നേ​ഷ്യ​യും മ​ലേ​ഷ്യ​യും ബ്ര​സീ​ലും മു​ള​ക് വി​ല്പ​ന​യ്ക്ക് തി​ടു​ക്കം കാ​ണി​ച്ചു. ഇ​ന്ത്യ​ൻ നി​ര​ക്ക് ട​ണ്ണി​ന് 8200 ഡോ​ള​റാ​ണ്. ന​മ്മു​ടെ വി​ല​യി​ലും 1200 ഡോ​ള​ർ കു​റ​ച്ച് ശ്രീ​ല​ങ്ക വി​ല്പ​ന​യ്ക്ക് ശ്ര​മം തു​ട​രു​ന്നു. കൊ​ച്ചി​യി​ൽ ച​ര​ക്കു വ​ര​വ് കു​റ​ഞ്ഞ​ത് വി​ല ഇ​ടി​വി​ന്‍റെ ആ​ക്കം അ​ല്പം കു​റ​ച്ചു. വാ​രാ​ന്ത്യം അ​ൺഗാ​ർ​ബി​ൾ​ഡ് 66,600 രൂ​പ.

ഏ​ല​ത്തി​ന് ഡി​മാ​ൻ​ഡ്

ഏ​ല​ക്ക വാ​ങ്ങാ​ൻ ആ​ഭ്യ​ന്ത​ര വി​ദേ​ശ വാ​ങ്ങ​ലു​കാ​ർ ഉ​ത്സാ​ഹി​ച്ചു. ബ​ക്രീ​ദ് ആ​ഘോ​ഷ​ങ്ങ​ൾ മു​ന്നി​ൽക്ക​ണ്ടു​ള്ള ച​ര​ക്ക് സം​ഭ​ര​ണ​ത്തി​ന് ഉ​ത്ത​രേ​ന്ത്യ​ക്കാ​ർ രം​ഗ​ത്ത്. ക​ഴി​ഞ്ഞ മാ​സം കി​ലോ 2000 രൂ​പ​യി​ലേ​ക്കു താ​ഴ്ന്ന ശ​രാ​ശ​രി ഇ​ന​ങ്ങ​ൾ പി​ന്നി​ട്ട​വാ​രം 2400ലേ​ക്കു തി​രി​ച്ചു​ക​യ​റി. അ​റ​ബ് രാ​ജ്യ​ങ്ങ​ളി​ൽ​നി​ന്നും ഏ​ല​ത്തി​ന് അ​ന്വേ​ഷ​ണ​ങ്ങ​ളു​ണ്ട്.

കു​തി​പ്പ് തു​ട​ർ​ന്ന് നാ​ളി​കേ​രം

നാ​ളി​കേ​രോ​ത്പ​ന്ന​ങ്ങ​ളു​ടെ റി​ക്കാ​ർ​ഡ് പ്ര​ക​ട​നം തു​ട​രു​ന്നു. കൊ​പ്ര ക്ഷാ​മം രൂ​ക്ഷ​മാ​ണ്. സം​സ്ഥാ​ന​ത്ത് കാ​ല​വ​ർ​ഷം തു​ട​ങ്ങി​യ സാ​ഹ​ച​ര്യ​ത്തി​ൽ വി​ള​വെ​ടു​പ്പ് പൂ​ർ​ണ​മാ​യി സ്തം​ഭി​ക്കും. പി​ന്നി​ട്ട​വാ​രം വെ​ളി​ച്ചെ​ണ്ണ വി​ല ക്വി​ന്‍റ​ലി​ന് 1200 രൂ​പ വ​ർ​ധി​ച്ച് 30,200 രൂ​പ​യാ​യും കൊ​പ്ര​യ്ക്ക് 500 രൂ​പ​യും വ​ർ​ധി​ച്ച് 20,200ലും ​വ്യാ​പാ​രം ന​ട​ന്നു. ഇ​തി​നി​ട​യി​ൽ വി​ദേ​ശ പാ​ച​ക​യെ​ണ്ണ ഇ​റ​ക്കു​മ​രി ഡ്യൂട്ടി​യി​ൽ വ​രു​ത്തി​യ ഇ​ള​വ് പാം ​ഓ​യി​ൽ പ്ര​വാ​ഹ​ത്തി​ന് ഇ​ട​യാ​ക്കും.

ആ​ഭ​ര​ണ വി​പ​ണി​ക​ളി​ൽ സ്വ​ർ​ണം ചാ​ഞ്ചാ​ട്ട​ങ്ങ​ൾ​ക്കുശേ​ഷം അ​ൽ​പ്പം കു​റ​ഞ്ഞു. പ​വന്‍റെ വി​ല 71,920 രൂ​പ​യി​ൽ നി​ന്നും 71,360 രൂ​പ​യാ​യി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.