മാ​യം എ​ന്ന പൊ​ന്മാ​നേ പൊ​ന്മാ​നേ...
സോ​ഷ്യ​ല്‍ മീ​ഡി​യ​യി​ല്‍ സ​ക​ല​മാ​ന റീ​ലു​ക​ള്‍​ക്കും ഇ​ന്ന് ഒ​രേ​യൊ​രു ബി​ജി​എം ആ​ണ്- ക​ണ്‍​മ​ണീ അ​ന്‍​പോ​ടു കാ​ത​ല​ന്‍ നാ​ന്‍... ആ​രോ ത​മാ​ശ​യാ​യി എ​ഴു​തി, ചാ​ള​യു​ടെ ത​ല ക​ടി​ച്ചെ​ടു​ത്ത് ഓ​ടു​ന്ന പൂ​ച്ച​യു​ടെ റീ​ലി​നും ഇ​തേ പ​ശ്ചാ​ത്ത​ല​ഗാ​ന​മാ​ണെ​ന്ന്! ഫേ​സ്ബു​ക്ക് നോ​ക്കി​യാ​ല്‍ അ​റി​യാം, അ​തി​ല്‍ അ​തി​ശ​യോ​ക്തി​യി​ല്ല. എ​ന്നാ​ല്‍, ത​മാ​ശ​ക​ള്‍​ക്ക​പ്പു​റ​ത്ത് ഹൃ​ദ​യ​ങ്ങ​ളെ തൊ​ടു​ന്നു​ണ്ട് ആ ​പാ​ട്ട്... അ​തൈ​യും താ​ണ്ടി പു​നി​ത​മാ​ന​ത്...

ഉ​ള്ളു​ക​ത്തി​പ്പു​ക​ഞ്ഞ നി​മി​ഷ​ങ്ങ​ളും ഹൃ​ദ​യ​മ​ര്‍​മ​ര​ങ്ങ​ളും ഒ​ന്നൊ​ന്നാ​യി എ​ണ്ണി​ത്തീ​രു​മ്പോ​ള്‍ ആ ​കു​ഴി​യു​ടെ അ​ഗാ​ധ​ത​യി​ല്‍​നി​ന്ന് ആ​ത്മ​സു​ഹൃ​ത്തി​ന്‍റെ ജീ​വ​ന്‍ സു​ര​ക്ഷി​ത​മാ​യി ചേ​ര്‍​ത്തു​പി​ടി​ച്ച് അ​വ​ന്‍റെ ത​ല ഉ​യ​ര്‍​ന്നു​വ​രു​ന്നു.

ഒ​രൊ​റ്റ നി​മി​ഷം.
ഉ​ന്‍​താ​ന കാ​യ​മെ​ങ്കും ത​ന്നാ​ലെ ആ​റി​പ്പോ​ന
മാ​യം എ​ന്ന പൊ​ന്മാ​നേ പൊ​ന്മാ​നേ...

പാ​ട്ടി​ന്‍റെ വ​രി അ​ല​യ​ടി​ക്കു​മ്പോ​ള്‍ തി​യേ​റ്റ​റി​ല്‍ കൈ​യ​ടി​ക​ളും ആ​ര്‍​പ്പു​വി​ളി​ക​ളും നി​റ​യു​ന്നു. പ​ല​ര്‍​ക്കും ക​ര​ച്ചി​ല്‍​പൊ​ട്ടി തൊ​ണ്ട​യി​ല്‍ വേ​ദ​ന കു​രു​ങ്ങു​ന്നു... മ​ഞ്ഞു​മ്മ​ല്‍ ബോ​യ്‌​സ് എ​ന്ന സി​നി​മ വി​ജ​യി​ക്കു​ന്നു.., 33 വ​യ​സു​ള്ള ആ ​പാ​ട്ട് വീ​ണ്ടും വീ​ണ്ടും വി​ജ​യി​ക്കു​ന്നു!!

തി​യേ​റ്റ​റി​ലി​രു​ന്നു ക​ണ്ണു​നി​റ​ച്ച​വ​രു​ടെ കൂ​ട്ട​ത്തി​ല്‍ ക​മ​ല്‍​ഹാ​സ​ന്‍റെ ഗു​ണ എ​ന്ന സി​നി​മ​യു​ടെ സം​വി​ധാ​യ​ക​ന്‍ സ​ന്താ​ന ഭാ​ര​തി​യു​മു​ണ്ടാ​യി​രു​ന്നു. ശേ​ഷം അ​ദ്ദേ​ഹം ഇ​ങ്ങ​നെ പ​റ​ഞ്ഞു: പാ​ട്ടു​കേ​ട്ട് ആ​ളു​ക​ള്‍ കൈ​യ​ടി​ക്കു​ക​യും ആ​ര്‍​ത്തു​വി​ളി​ക്കു​ക​യും സ​ന്തോ​ഷി​ക്കു​ക​യും ചെ​യ്യു​ന്ന​തു ക​ണ്ട​പ്പോ​ള്‍ എ​ന്‍റെ ക​ണ്ണു​ക​ള്‍ നി​റ​ഞ്ഞൊ​ഴു​കി. 33 വ​ര്‍​ഷം പ​ഴ​ക്ക​മു​ള്ള പാ​ട്ട് ജ​ന​ഹൃ​ദ​യ​ങ്ങ​ളു​മാ​യി ശ്രു​തി​ചേ​രു​ന്ന ആ ​നി​മി​ഷം ഹൃ​ദ​യം നി​റ​യ്ക്കു​ന്ന​താ​യി​രു​ന്നു.

ആ ​പ്ര​ണ​യ​ലേ​ഖ​നം

80ക​ളി​ലെ​യും 90ക​ളി​ലെ​യും യു​വ​ത്വ​ത്തി​നു ഗു​ണ​യി​ലെ ക​ണ്‍​മ​ണി അ​ന്‍​പോ​ടു ഒ​രു പ്ര​ണ​യ​ഗാ​ന​മാ​ണ്. ചി​ദം​ബ​രം എ​ന്ന യു​വ​സം​വി​ധാ​യ​ക​ന്‍റെ മ​ഞ്ഞു​മ്മ​ല്‍ ബോ​യ്‌​സ് ഇ​റ​ങ്ങി​യ​തോ​ടെ പു​തു​ത​ല​മു​റ​യ്ക്ക് ആ ​പാ​ട്ട് ആ​ത്മ​സൗ​ഹൃ​ദ​ത്തി​ന്‍റെ​യും മു​ദ്രാ​ഗാ​ന​മാ​യി മാ​റി​യി​രി​ക്കു​ന്നു. വാ​ലി​യു​ടെ വ​രി​ക​ളും ഇ​ള​യ​രാ​ജ​യു​ടെ ഈ​ണ​വും ചേ​ര്‍​ന്ന, എ​സ്. ജാ​ന​കി​യും ക​മ​ല്‍​ഹാ​സ​ന്‍ സ്വ​യ​വും പാ​ടി​യ ആ ​പാ​ട്ടി​ന് അ​ല്ലെ​ങ്കി​ലും വി​സ്മ​യ​ക​ര​മാ​യ ആ​ക​ര്‍​ഷ​ക​ത്വ​മു​ണ്ടാ​യി​രു​ന്നു.

സ​ത്യ​ത്തി​ല്‍ ഇ​ള​യ​രാ​ജ​യ്ക്കും ക​മ​ല്‍​ഹാ​സ​നും ഇ​ട​യി​ലു​ള്ള ഒ​രു പ്ര​ണ​യ​ലേ​ഖ​ന​മാ​യി​രു​ന്നു ആ ​പാ​ട്ടെ​ന്ന് ക​മ​ല്‍ ഓ​ര്‍​മി​ക്കു​ന്നു. സൗ​ഹൃ​ദ​ത്തി​ലും സ്‌​നേ​ഹം ചേ​രു​മ​ല്ലോ. എ​നി​ക്ക് ഈ ​സി​നി​മ ഒ​രു​പാ​ട് ഇ​ഷ്ട​മാ​യി- മ​ഞ്ഞു​മ്മ​ല്‍ ബോ​യ്‌​സി​ന്‍റെ അ​ണി​യ​റ​ക്കാ​രും അ​ഭി​നേ​താ​ക്ക​ളും ഒ​ന്നി​ച്ചു​ള്ള കൂ​ടി​ച്ചേ​ര​ലി​ല്‍ ക​മ​ല്‍ പ​റ​ഞ്ഞു.

ത​മ്മി​ല്‍ ത​മ്മി​ല്‍ സു​ദൃ​ഢ​മാ​യ ആ​ത്മ​ബ​ന്ധ​മു​ള്ള ഏ​തു ര​ണ്ടു​പേ​ര്‍​ക്കും ഈ ​പാ​ട്ടു ചേ​രും. അ​തു ക​മ​ല്‍​ഹാ​സ​നും ഇ​ള​യ​രാ​ജ​യു​മാ​ക​ട്ടെ, അ​ല്ലെ​ങ്കി​ല്‍ ക​മ​ലും ഞാ​നും ആ​ക​ട്ടെ, ആ​ര്‍​ക്കും- സ​ന്താ​ന ഭാ​ര​തി കൂ​ട്ടി​ച്ചേ​ര്‍​ത്തു.

ഗു​ണ​യി​ലെ പാ​ട്ടു​ക​ള്‍ ചി​ട്ട​പ്പെ​ടു​ത്താ​ന്‍ ക​ഷ്ടി​ച്ചു ര​ണ്ടു മ​ണി​ക്കൂ​റാ​ണ് ഇ​ള​യ​രാ​ജ​യ്ക്കു വേ​ണ്ടി​വ​ന്ന​ത്. ഈ​ണ​ത്തി​ന​നു​സ​രി​ച്ചു വാ​ലി വ​രി​ക​ളെ​ഴു​തി​ക്കൊ​ടു​ത്തു, അ​തി​വേ​ഗ​ത്തി​ല്‍ പാ​ട്ടു​ക​ളാ​യി. അ​താ​യി​രു​ന്നു ഇ​ള​യ​രാ​ജ- ക​മ​ല്‍​ഹാ​സ​ന്‍ കൂ​ട്ടു​കെ​ട്ടി​ന്‍റെ അ​ദ്ഭു​തം- ഭാ​ര​തി പ​റ​ഞ്ഞു.

അ​ല്പം​കൂ​ടി റൊ​മാ​ന്‍റി​ക്!

സൗ​ഹൃ​ദ​ത്തി​ന്‍റെ​യും മു​ദ്രാ​ഗാ​ന​മാ​യി മ​ഞ്ഞു​മ്മ​ല്‍ ബോ​യ്‌​സി​ലൂ​ടെ ഉ​യ​ര്‍​ത്ത​പ്പെ​ട്ട ശേ​ഷം ഒ​റി​ജി​ന​ല്‍ ഗാ​ന​ത്തി​ന്‍റെ മേ​ക്കിം​ഗ് വീ​ഡി​യോ​യും സോ​ഷ്യ​ല്‍ മീ​ഡി​യ​യി​ല്‍ ത​രം​ഗ​മാ​ണ്. തീ​ര്‍​ത്തും നി​ഷ്‌​ക​ള​ങ്ക​നും അ​ക്ഷ​രാ​ഭ്യാ​സ​മി​ല്ലാ​ത്ത​യാ​ളു​മാ​യ നാ​യ​ക​നു യോ​ജി​ക്കു​ന്ന വി​ധം ഈ​ണ​മൊ​രു​ക്ക​ണ​മെ​ന്നു ക​മ​ല്‍​ഹാ​സ​ന്‍ ഈ ​വീ​ഡി​യോ​യി​ല്‍ ഇ​ള​യ​രാ​ജ​യോ​ട് അ​ഭ്യ​ര്‍​ഥി​ക്കു​ന്നു​ണ്ട്. സാ​ധാ​ര​ണ​ക്കാ​ര​ന്‍റെ ഭാ​ഷ​യും സം​ഗീ​ത​വും മ​തി​യെ​ന്നു ചു​രു​ക്കം. 1972ലെ ​രാം​പു​ര്‍ കാ ​ല​ക്ഷ്മ​ണ്‍ എ​ന്ന ഹി​ന്ദി ചി​ത്ര​ത്തി​ലെ ഒ​രു പാ​ട്ട് ക​മ​ലി​ന്‍റെ മ​ന​സി​ലു​ണ്ടാ​യി​രു​ന്നു. എ​ഴു​ത്തും വാ​യ​ന​യും അ​റി​യാ​ത്ത ഗ്രാ​മീ​ണ നാ​യ​ക​ന്‍ നാ​യി​ക​യ്ക്കു​ള്ള പ്ര​ണ​യ​ലേ​ഖ​നം അ​വ​ളെ​ക്കൊ​ണ്ടു​ത​ന്നെ എ​ഴു​തി​ക്കു​ന്നു. എ​ഴു​തി​യ​ത​ത്ര​യും അ​വ​ള്‍ പാ​ടു​ന്നു.

ഇ​ള​യ​രാ​ജ ആ​ദ്യം കേ​ള്‍​പ്പി​ച്ച ഈ​ണം അ​ല്പം​കൂ​ടി ല​ളി​ത​മാ​ക്കി, അ​ല്പം​കൂ​ടി റൊ​മാ​ന്‍റി​ക് ആ​ക്കി​യാ​ണ് ഈ ​പാ​ട്ടു​ണ്ടാ​യ​ത്. ഗു​ണ​യു​ടെ സം​സാ​ര​ത്തോ​ടെ പാ​ട്ടു തു​ട​ങ്ങു​ന്ന​തു​പോ​ലും അ​റി​യാ​തെ അ​തൊ​ഴു​കി​വ​രു​ന്നു.

എ​സ്. ജാ​ന​കി​ക്കൊ​പ്പം ആ​രു പാ​ട​ണ​മെ​ന്നു സ​ന്താ​ന ഭാ​ര​തി ചോ​ദി​ച്ച​പ്പോ​ള്‍ ക​മ​ല്‍​ത​ന്നെ പാ​ട​ട്ടെ എ​ന്നാ​യി​രു​ന്നു ഇ​ള​യ​രാ​ജ​യു​ടെ നി​ര്‍​ദേ​ശം. പാ​ട്ടു ന​ന്നാ​വ​ണം, വേ​റെ ആ​രെ​യെ​ങ്കി​ലും​വ​ച്ച് പാ​ടി​ക്കൂ എ​ന്നാ​യി ക​മ​ല്‍. രാ​ജ പ​റ​ഞ്ഞു: എ​നി​ക്കു നി​ങ്ങ​ളെ വി​ശ്വാ​സ​മു​ണ്ട്!

ഈ ​പാ​ട്ടി​ല്ലെ​ങ്കി​ല്‍...

മ​ഞ്ഞു​മ്മ​ല്‍ ബോ​യ്‌​സി​നു​വേ​ണ്ടി ഈ ​പാ​ട്ടി​ന്‍റെ റൈ​റ്റ്‌​സ് ചെ​റു​ത​ല്ലാ​ത്ത തു​ക മു​ട​ക്കി​യാ​ണ് നേ​ടി​യ​ത്. ഈ ​പാ​ട്ടി​ല്ലെ​ങ്കി​ല്‍ ഈ ​സി​നി​മ​യി​ല്ല എ​ന്നാ​യി​രു​ന്നു സം​വി​ധാ​യ​ക​ന്‍ ചി​ദം​ബ​ര​ത്തി​ന്‍റെ നി​ല​പാ​ട്. പാ​ട്ടി​ന്‍റെ അ​വ​കാ​ശം രാ​ജ്ക​മ​ല്‍ ഫി​ലിം​സി​ന് ആ​യി​രു​ന്നി​ല്ല. സോ​ണി ക​മ്പ​നി​യു​ടെ കീ​ഴി​ലു​ള്ള ഹി​ന്ദി​യി​ലെ ഒ​രു പ്രൊ​ഡ​ക്ഷ​ന്‍ ഹൗ​സി​ന്‍റെ കൈ​വ​ശ​മാ​യി​രു​ന്നു റൈ​റ്റ്‌​സ്. അ​വ​രി​ല്‍​നി​ന്നു വാ​ങ്ങി​യാ​ണ് ചി​ത്ര​ത്തി​ല്‍ ഉ​പ​യോ​ഗി​ച്ച​ത്. പാ​ട്ട് സി​നി​മ​യു​ടെ ക്ലൈ​മാ​ക്‌​സി​നു ന​ല്‍​കി​യ മാ​നം അ​നു​ഭ​വി​ച്ച​റി​യേ​ണ്ട​താ​ണ്.

പ​ഴ​യ പാ​ട്ടു​ക​ള്‍ പു​തി​യ സി​നി​മ​ക​ള്‍​ക്കു​വേ​ണ്ടി മു​മ്പും ഉ​പ​യോ​ഗി​ച്ചി​ട്ടു​ണ്ട്. സൂ​പ്പ​ര്‍ ഹി​റ്റു​ക​ളാ​യ മാ​ണി​ക്യ​വീ​ണ​യു​മാ​യെ​ന്‍, അ​ക​ലെ​യ​ക​ലെ നീ​ലാ​കാ​ശം, ക​സ്തൂ​രി മ​ണ​ക്കു​ന്ന​ല്ലോ, ക​ണ്ണും ക​ണ്ണും ക​ഥ​ക​ള്‍ കൈ​മാ​റും എ​ന്നി​വ തു​ട​ങ്ങി ദേ​വ​ദൂ​ത​ര്‍ പാ​ടി വ​രെ...
പാ​ട്ടു​ക​ള്‍ സൃ​ഷ്ടി​ക്കു​ന്ന മാ​യ​ങ്ങ​ള്‍!!

ഹ​രി​പ്ര​സാ​ദ്‌
Copyright @ 2018 , Rashtra Deepika Ltd.