നോർക്ക റൂട്‌സും ജർമൻ ഫെഡറൽ എംപ്ലോയ്മെന്‍റ് ഏജൻസിയും ജർമൻ ഏജൻസി ഫോർ ഇന്‍റർനാഷണൽ കോ-ഓപ്പറേഷനും ചേർന്നു നടപ്പാക്കുന്ന നഴ്സിംഗ് റിക്രൂട്ട്മെന്റ് പദ്ധതിയായ “ട്രിപ്പിൾ വിൻ കേരള’’യുടെ ഏഴാം ഘട്ടത്തിന്‍റെ ഭാഗമായ ഫാസ്റ്റ്ട്രാക് പ്രോഗ്രാമിലേക്ക് മേയ് 2 വരെ അപേക്ഷിക്കാം.
ജർമനിയിലെ ഹോസ്‌പിറ്റലുകളിലെ 100 ഒഴിവിലേക്കാണു നിയമനം. ജർമൻ ഭാഷയിൽ ബി1 അല്ലെങ്കിൽ ബി2 (ഫുൾ മൊഡ്യൂൾ) നേടിയവർക്കാണ് അവസരം. ഇന്‍റർവ്യൂ മേയ് 20 മുതൽ 27 വരെ തീയതികളിൽ എറണാകുളം, തിരുവനന്തപുരം എന്നിവിടങ്ങളിൽ.
യോഗ്യത: ബിഎസ്‌സി നഴ്സിംഗ്/ജനറൽ നഴ്സിംഗ്. ജനറൽ നഴ്സിംഗ് യോഗ്യതക്കാർക്ക് 2 വർഷ പരിചയം വേണം. പ്രായം: 38 കവിയരുത്. ശമ്പളം: 2300 യൂറോ. രജിസ്റ്റേർഡ് നഴ്സുമാർക്ക് 2900 യൂറോ.
നോർക്ക ട്രിപ്പിൾ വിൻ കേരള പദ്ധതിയുടെ ഏഴാം ഘട്ടത്തിലേക്ക് മുന്പ് അപേക്ഷിച്ചവർ വീണ്ടും അപേക്ഷിക്കേണ്ട. തെരഞ്ഞെടുക്കപ്പെടുന്നവർക്ക് ടിക്കറ്റ് ഉൾപ്പെടെ എല്ലാ ചെലവും സൗജന്യമാണ്.
കേരളീയരായ ഉദ്യോഗാർഥികൾക്കു മാത്രമാണ് ട്രിപ്പിൾ വിൻ പദ്ധതിയിലേക്ക് അപേക്ഷിക്കാനാവുക. കൂടുതൽ വിവരങ്ങൾക്ക്: www.nifl.norkaroots.org, www.norkaroots.org; 0471-2770577.