നെ​ല്ലും മീ​നും തെ​ങ്ങും വാ​ഴ​യും പ​ച്ച​ക്ക​റി​ക​ളു​മ​ട​ങ്ങു​ന്ന കു​ട്ട​നാ​ട​ൻ സം​യോ​ജി​ത കൃ​ഷി​യി​ൽ ആ​റ് പ​തി​റ്റാ​ണ്ടി​ന്‍റെ അ​നു​ഭ​വ​സ​ന്പ​ത്തു​ണ്ട് ആ​ല​പ്പു​ഴ ജി​ല്ല​യി​ൽ മാ​ന്പു​ഴ​ക്ക​രി ക​രി​വേ​ലി​ത്ത​റ ജോ​സ​ഫ് കോ​ര​യ്ക്ക്.

ലാ​ഭ​ന​ഷ്ട​ങ്ങ​ളു​ടെ ക​ണ​ക്കെ​ഴു​താ​തെ, കൂ​ടെ നി​ൽ​ക്കു​ന്ന​വ​രെ​യും അ​ന്ന​മൂ​ട്ടി 83-ാം വ​യ​സി​ലും തു​ട​രു​ന്ന കൃ​ഷി ആ​ഭി​മു​ഖ്യം അ​ദ്ദേ​ഹ​ത്തി​നു പൈ​തൃ​ക​മാ​യി ല​ഭി​ച്ച​താ​ണ്.

പ്ര​ശ​സ്ത നെ​ൽ​ക​ർ​ഷ​ക​നും പ​ഴ​യ തി​രു​വി​താം​കൂ​ർ-​തി​രു​കൊ​ച്ചി മ​ന്ത്രി​സ​ഭ​ക​ളി​ൽ അം​ഗ​വു​മാ​യി​രു​ന്ന പി​താ​വ് കെ.​എം. കോ​ര​യി​ൽ നി​ന്നാ​ണ് ജോ​സ​ഫ് കോ​ര എ​ന്ന അ​പ്പ​ച്ച​ൻ കൃ​ഷി​യു​ടെ ആ​ദ്യ​പാ​ഠ​ങ്ങ​ൾ പ​ഠി​ച്ച​ത്.

കാ​ല​ത്തി​ന്‍റെ മാ​റ്റ​ത്തി​ന​നു​സ​രി​ച്ച് കൃ​ഷി​രീ​തി​ക​ളി​ലും മാ​റ്റ​ങ്ങ​ൾ കൊ​ണ്ടു​വ​രാ​ൻ ശ്ര​മി​ച്ച അ​ദ്ദേ​ഹ​ത്തി​ന് എ​ക്കാ​ല​ത്തും കൃ​ഷി ഒ​രു ല​ഹ​രി​യാ​യി​രു​ന്നു. അ​തി​നു​ള്ള അം​ഗീ​കാ​ര​മാ​യി പു​ര​സ്കാ​ര​ങ്ങ​ൾ പ​ല​തു ല​ഭി​ച്ചി​ട്ടു​മു​ണ്ട്.

ഏ​റ്റ​വും അ​വ​സാ​നം ആ​ല​പ്പു​ഴ ജി​ല്ലാ അ​ഗ്രി​ഹോ​ർ​ട്ടി​ക​ൾ​ച്ച​റ​ൽ സൊ​സൈ​റ്റി​യു​ടെ ആ​ർ. ഹേ​ലി സ്മാ​ര​ക ക​ർ​ഷ​ക​ശ്രേ​ഷ്ഠ പു​ര​സ്കാ​ര​വും അ​ദ്ദേ​ഹ​ത്തെ തേ​ടി​യെ​ത്തി. രാ​ഷ്ട്രീ​യ​ത്തി​ലും കൃ​ഷി​യി​ലും ഒ​രു​പോ​ലെ തി​ള​ങ്ങി നി​ന്നി​രു​ന്ന പി​താ​വ് കെ.​എം. കോ​ര​യു​ടെ കാ​ല​ത്ത് വീ​ട്ടി​ൽ ആ​ളൊ​ഴി​ഞ്ഞ നേ​ര​മു​ണ്ടാ​യി​രു​ന്നി​ല്ല.

പ​ല ആ​വ​ശ്യ​ങ്ങ​ളു​മാ​യി പു​ല​ർ​ച്ചെ മു​ത​ൽ രാ​ത്രി വൈ​കു​വോ​ളം എ​ത്തി​യി​രു​ന്ന ആ​ൾ​ക്കൂ​ട്ട​ത്തെ ക​ണ്ടാ​ണ് അ​പ്പ​ച്ച​ൻ വ​ള​ർ​ന്ന​ത്. ആ​റു മ​ക്ക​ളാ​ണ് കെ.​എം. കോ​ര-​ത്രേ​സ്യാ​മ്മ ദ​ന്പ​തി​ക​ൾ​ക്കു​ള്ള​ത്. നാ​ലാ​ണും ര​ണ്ടു പെ​ണ്ണും.

എ​ല്ലാ​വ​രും പ​ഠി​ക്കാ​ൻ മി​ടു​ക്ക​ർ. ആ​ണ്‍ മ​ക്ക​ളി​ൽ മൂ​ന്നാ​മ​നാ​യി​രു​ന്നു അ​പ്പ​ച്ച​ൻ. വി​ദേ​ശ​ത്ത് ഉ​പ​രി​പ​ഠ​ന​ത്തി​ന് പോ​യ മൂ​ന്ന് സ​ഹോ​ദ​ര​ന്മാ​രി​ൽ ര​ണ്ടു പേ​ർ നാ​ട്ടി​ലെ​ത്തി ജോ​ലി​യി​ൽ പ്ര​വേ​ശി​ച്ചു. ഒ​രാ​ൾ അ​മേ​രി​ക്ക​യി​ൽ തു​ട​ർ​ന്നു.




കോ​ഴി​ക്കോ​ട് ദേ​വ​ഗി​രി കോ​ള​ജി​ൽ പ്രീ ​യൂ​ണി​വേ​ഴ്സി​റ്റി പൂ​ർ​ത്തി​യാ​ക്കി​യ അ​പ്പ​ച്ച​ൻ, ഡി​ഗ്രി​ക്ക് എ​റ​ണാ​കു​ളം സെ​ന്‍റ് അ​ൽ​ബ​ർ​ട്സി​ൽ ചേ​ർ​ന്നെ​ങ്കി​ലും കോ​ള​റ ഭീ​തി​യി​ൽ കോ​ള​ജ് അ​ട​ച്ച​തോ​ടെ നാ​ട്ടി​ലേ​ക്കു പോ​ന്നു. പി​ന്നീ​ട്, ച​ങ്ങ​നാ​ശേ​രി എ​സ്ബി​യി​ലെ​ത്തി ഡി​ഗ്രി​ക്ക് ചേ​ർ​ന്നു.

എ​സ്ബി​യി​ൽ പ​ഠി​ച്ചു​കൊ​ണ്ടി​രി​ക്കു​ന്പോ​ൾ, 24-ാം വ​യ​സി​ലാ​യി​രു​ന്നു വി​വാ​ഹം. 1968ൽ ​ബി​കോം ബി​രു​ദം നേ​ടി​യ ശേ​ഷം പി​താ​വി​നൊ​രു സ​ഹാ​യ​മെ​ന്ന നി​ല​യി​ൽ കൃ​ഷി​യി​ലേ​ക്കു തി​രി​ഞ്ഞെ​ങ്കി​ലും സ്വ​ന്ത​മാ​യൊ​രു തൊ​ഴി​ൽ വേ​ണ​മെ​ന്ന ചി​ന്ത​യി​ൽ 1969ൽ ​ച​ങ്ങ​നാ​ശേ​രി​യി​ൽ ഒ​രു കോ​ൾ​ഡ് സ്റ്റോ​റേ​ജ് തു​ട​ങ്ങി.

1971 മേ​യ് ഒ​ന്നി​ന് പി​താ​വ് മ​രി​ച്ച​തോ​ടെ കോ​ൾ​ഡ് സ്റ്റോ​റേ​ജ് നി​റു​ത്തി കൃ​ഷി​യു​ടെ പൂ​ർ​ണ ഉ​ത്ത​ര​വാ​ദി​ത്വം അ​പ്പ​ച്ച​ൻ ഏ​റ്റെ​ടു​ത്തു. കൃ​ഷി​യി​ൽ ശ്ര​ദ്ധ കേ​ന്ദ്രീ​ക​രി​ച്ച​തോ​ടെ മ​റ്റൊ​ന്നും അ​പ്പ​ച്ച​ന്‍റെ മ​ന​സി​ലു​ണ്ടാ​യി​രു​ന്നി​ല്ല. പി​ന്നെ ആ​റു​മാ​സം തി​ര​ക്കോ​ട് തി​ര​ക്ക്.

പി​താ​വ് കൃ​ഷി​യി​ടം മ​ക്ക​ൾ​ക്കെ​ല്ലാ​മാ​യി വീ​തി​ച്ചു ന​ൽ​കി​യി​രു​ന്നെ​ങ്കി​ലും മ​റ്റു​ള്ള​വ​രാ​രും സ്ഥ​ല​ത്തി​ല്ലാ​തി​രു​ന്ന​തി​നാ​ൽ മു​ഴു​വ​ൻ സ്ഥ​ല​ത്തും കൃ​ഷി​യി​റ​ക്കേ​ണ്ട ഉ​ത്ത​ര​വാ​ദി​ത്വം അ​പ്പ​ച്ച​നാ​യി​രു​ന്നു. വെ​ളി​യ​നാ​ട്, രാ​മ​ങ്ക​രി പ​ഞ്ചാ​യ​ത്തു​ക​ളി​ലാ​യി 100 ഏ​ക്ക​ർ നെ​ൽ​പ്പാ​ടം.

അ​തി​നു ചു​റ്റും 16 ഏ​ക്ക​റോ​ളം വ​രു​ന്ന ക​ര​ഭൂ​മി. അ​തി​ൽ നി​റ​യെ തെ​ങ്ങും വാ​ഴ​യും. അ​തു​കൊ​ണ്ടു ത​ന്നെ നി​ന്നു തി​രി​യാ​ൻ നേ​രം കി​ട്ടി​യി​ല്ല. അ​ക്കാ​ല​ത്ത് കു​ട്ട​നാ​ട്ടി​ൽ ഒ​റ്റ​കൃ​ഷി​യാ​ണ്. കൊ​ച്ചു​വി​ത്ത്, കു​ഞ്ഞ​തി​ക്ക​ര തു​ട​ങ്ങി​യ നാ​ട​ൻ നെ​ല്ലി​ന​ങ്ങ​ളാ​ണ് പ്ര​ധാ​ന​മാ​യും വി​ത​ച്ചി​രു​ന്ന​ത്.

പി​താ​വി​ന്‍റെ കാ​ല​ത്ത് 1965-66 കാ​ല​ഘ​ട്ട​ത്തി​ൽ കൃ​ഷി വ​കു​പ്പ് അ​വ​ത​രി​പ്പി​ച്ച തൈ​നാ​ൻ -3 എ​ന്ന വി​ത്ത് പ​രീ​ക്ഷ​ണാ​ടി​സ്ഥാ​ന​ത്തി​ൽ കൃ​ഷി ചെ​യ്തെ​ങ്കി​ലും വി​ജ​യി​ച്ചി​ല്ല. അ​തി​ന്‍റെ അ​രി പെ​ട്ട​ന്ന് വെ​ന്ത് പ​ശ​യാ​കു​ന്ന​താ​യി​രു​ന്നു കാ​ര​ണം.



പ​ട്ടാ​ന്പി നെ​ല്ല് ഗ​വേ​ഷ​ണ കേ​ന്ദ്രം ക​ണ്ടെ​ത്തി​യ പി​ടി​ബി -20 എ​ന്ന നെ​ല്ലി​ന​മാ​ണ് ആ​ദ്യ​മാ​യി കു​ട്ട​നാ​ട്ടി​ൽ എ​ത്തി​യ അ​ത്യു​ത്പാ​ന​ശേ​ഷി​യു​ള്ള വി​ത്ത്. പി​ന്നീ​ട് ഐ​ആ​ർ എ​ട്ട്, ജ​യ, പ​വി​ഴം, ജ്യോ​തി (1285), ഉ​മ (ഡി1) ​തു​ട​ങ്ങി​യ വി​ത്തി​ന​ങ്ങ​ളും എ​ത്തി.

കൃ​ഷി​യു​ടെ സ​മ​യ​ദൈ​ർ​ഘ്യം കു​റ​യ്ക്കാ​ൻ പു​ര​യി​ട​ത്തി​ൽ നെ​ൽ വി​ത്ത് പാ​കി കി​ളി​ർ​പ്പി​ച്ചു പ​റി​ച്ചു ന​ടു​ന്ന ജ​പ്പാ​ൻ മോ​ഡ​ലും പാ​ട​ങ്ങ​ളി​ൽ പ​രീ​ക്ഷി​ച്ചെ​ങ്കി​ലും ഏ​റെ​ക്കാ​ലം തു​ട​ർ​ന്നി​ല്ല.

കു​ട്ട​നാ​ട്ടി​ൽ നെ​ൽ​പാ​ടം ഒ​രു​ക്ക​ൽ മു​ത​ൽ വി​ള​വെ​ടു​പ്പ് വ​രെ കൃ​ഷി​ക്ക് ഏ​ക​ദേ​ശം ആ​റു​മാ​സ​ത്തോ​ളം സ​മ​യം വേ​ണം. സാ​ധാ​ര​ണ ന​വം​ബ​റി​ൽ വി​ത​ച്ച് മാ​ർ​ച്ച്- ഏ​പ്രി​ൽ മാ​സ​ത്തി​ൽ കൊ​യ്ത്ത് എ​ന്ന​താ​യി​രു​ന്നു രീ​തി.

കൊ​യ്ത്തു ക​ഴി​ഞ്ഞ് നെ​ൽ​പ്പു​ര​യി​ൽ നെ​ല്ല് നി​റ​ച്ച്, ക​ച്ചി​പ്പു​ര​യി​ൽ വൈ​ക്കോ​ലും ക​യ​റ്റി​യാ​ൽ പി​ന്നെ വി​ശ്ര​മി​ക്കാം. കൊ​യ്ത്ത് എ​ന്നാ​ൽ കു​ട്ട​നാ​ട്ടു​കാ​ർ​ക്ക് ശ​രി​ക്കും ഉ​ത്സ​വ​മാ​യി​രു​ന്നു​വെ​ന്ന് അ​പ്പ​ച്ച​ൻ ഓ​ർ​ക്കു​ന്നു.

കൊ​യ്ത്തു കാ​ല​ത്ത് പ​ന്ത കെ​ട്ടി, വ​യ്പും കു​ടി​യു​മാ​യി മാ​സ​ങ്ങ​ളോ​ളം പാ​ട​വ​ര​ന്പു​ക​ളി​ൽ താ​മ​സി​ക്കു​ന്ന തൊ​ഴി​ലാ​ളി​ക​ളു​ടെ ആ​ര​വം ഇ​പ്പോ​ഴും അ​ദ്ദേ​ഹ​ത്തി​ന്‍റെ ചെ​വി​ക​ളി​ൽ മു​ഴ​ങ്ങു​ന്നു​ണ്ട്. പ​ന്പ​യാ​റ്റി​ലൂ​ടെ നെ​ല്ലും ക​ച്ചി​യും ക​യ​റ്റി നി​ര​നി​ര​യാ​യി പോ​കു​ന്ന പ​ത്തേ​മാ​രി​ക​ൾ പ​തി​വ് കാ​ഴ്ച​യാ​യി​രു​ന്നു.

പു​ഞ്ച കൊ​യ്ത്തു ക​ഴി​ഞ്ഞാ​ൽ ആ​റു​മാ​സം പാ​ട​ത്ത് വെ​ള്ളം ക​യ​റ്റി​യി​ടും. അ​ടു​ത്ത കൃ​ഷി​ക്കാ​യി തൂ​ന്പ, പാ​ര, കൊ​ട്ട, വ​ട്ടി, പാ​യ, വ​ള്ളം തു​ട​ങ്ങി​യ​വ​യു​ടെ അ​റ്റ​കു​റ്റ​പ്പ​ണി​ക​ൾ തീ​ർ​ക്കു​ന്ന​തും പു​തി​യ​തു വേ​ണ​മെ​ങ്കി​ൽ വാ​ങ്ങു​ന്ന​തു​മൊ​ക്കെ അ​പ്പോ​ഴാ​ണ്.


പു​ഞ്ച പാ​ട​ങ്ങ​ളോ​ട് ചേ​ർ​ന്നു​ള്ള ചി​റ​ക​ളി​ലാ​ണു നെ​ൽ​കൃ​ഷി​ക്കൊ​പ്പം വാ​ഴ​യും പ​ച്ച​ക്ക​റി​ക​ളും മ​റ്റും ന​ടു​ന്ന​ത്. എ​ന്നാ​ൽ, ര​ണ്ടു കൃ​ഷി​യു​ള്ള പാ​ട​ങ്ങ​ളു​ടെ ചി​റ​ക​ളി​ൽ 12 മാ​സ​വും പ​ച്ച​ക്ക​റി​ക​ളും വാ​ഴ​യും കൃ​ഷി ചെ​യ്യാം.




ഭ​ക്ഷ്യ​ക്ഷാ​മം രൂ​ക്ഷ​മാ​യി​രു​ന്ന കാ​ല​മാ​ണ​ത്. അ​തു നേ​രി​ടാ​ൻ സ​ർ​ക്കാ​ർ ക​ർ​ഷ​ക​രി​ൽ നി​ന്നു ലെ​വി എ​ന്ന പേ​രി​ൽ നെ​ല്ല് അ​ള​ന്നെ​ടു​ത്തി​രു​ന്നു. ഒ​രു പ​റ നെ​ല്ലി​ന് മൂ​ന്നു രൂ​പ പ്ര​കാ​ര​മാ​ണ് വി​ല നി​ൽ​കി​യി​രു​ന്ന​ത്. പൊ​തു​മാ​ർ​ക്ക​റ്റി​ൽ അ​പ്പോ​ൾ ഒ​രു പ​റ നെ​ല്ലി​ന് 13.5 രൂ​പ വി​ല​യു​ണ്ട്.

കൊ​യ്ത്ത് ക​ഴി​യു​ന്പോ​ൾ ലെ​വി​യെ​ടു​ക്കാ​ൻ ഉ​ദ്യോ​ഗ​സ്ഥ​ർ ക​ള​ങ്ങ​ളി​ൽ എ​ത്തും. ഏ​ക്ക​ർ അ​ടി​സ്ഥാ​ന​ത്തി​ൽ പ​ല സ്ലാ​ബു​ക​ളി​ലാ​യി​രു​ന്നു ലെ​വി. ഒ​രേ​ക്ക​ർ മാ​ത്രം കൃ​ഷി​യു​ള്ള​വ​ർ​ക്ക് ലെ​വി​യി​ല്ല. ഈ ​ഇ​ന​ത്തി​ൽ ഒ​രു സീ​സ​ണി​ൽ 530 ക്വി​ന്‍റ​ൽ നെ​ല്ല് വ​രെ അ​പ്പ​ച്ച​ൻ സ​ർ​ക്കാ​രി​നു കൊ​ടു​ത്തി​ട്ടു​ണ്ട്.

അ​ത്യു​ത്പാ​ദ​ന ശേ​ഷി​യു​ള്ള വി​ത്തു​ക​ൾ വ​രു​ന്ന​തി​നു മു​ന്പ് നെ​ല്ല് പു​ഴു​ക്ക് കു​ട്ട​നാ​ട്ടി​ലെ പ്ര​ധാ​ന കു​ടി​ൽ വ്യ​വ​സാ​യ​മാ​യി​രു​ന്നു. ഒ​രു ക്വി​ന്‍റ​ൽ നെ​ല്ലി​ൽ നി​ന്ന് ഒ​രു ചാ​ക്ക് അ​രി​യാ​ണു കി​ട്ടി​യി​രു​ന്ന​ത്. ഒ​രു ചാ​ക്ക് എ​ന്നാ​ൽ, 72 കി​ലോ.

അ​ത്ര​യും നെ​ല്ല് പു​ഴു​ങ്ങി ഉ​ണ​ങ്ങി കു​ത്തി അ​രി​യാ​ക്കി ക​ട​ക​ളി​ലെ​ത്തി​ച്ച് വി​ൽ​ക്കാ​ൻ ഒ​രു കു​ടും​ബ​ത്തി​ലു​ള്ള​വ​ർ ധാ​രാ​ള​മാ​യി​രു​ന്നു. ഉ​ത്പാ​ദ​ന​ശേ​ഷി കൂ​ടി​യ വി​ത്തി​ന​ങ്ങ​ൾ വ​ന്ന​തോ​ടെ വ​ൻ​കി​ട മി​ല്ലു​കാ​ർ എ​ത്തി​ത്തു​ട​ങ്ങി.

ഒ​രു നെ​ല്ലും മീ​നും

അ​ങ്ങ​നെ പ​ര​ന്പ​രാ​ഗ​ത കൃ​ഷി രീ​തി​ക​ളു​മാ​യി മു​ന്നോ​ട്ടു പോ​കു​ന്ന​തി​നി​ടെ​യാ​ണ്, ഇ​ങ്ങ​നെ വ​ർ​ഷ​ത്തി​ൽ ആ​റു മാ​സം പാ​ട​ത്ത് വെ​ള്ളം ക​യ​റ്റി​യി​ടാ​തെ അ​ധി​ക വ​രു​മാ​ന​മു​ണ്ടാ​ക്കാ​ൻ എ​ന്തെ​ങ്കി​ലും മാ​ർ​ഗ​മു​ണ്ടോ എ​ന്ന് അ​പ്പ​ച്ച​ൻ ചി​ന്തി​ച്ച​ത്.

പ​ടി​ഞ്ഞാ​റ​ൻ പാ​ട​ശേ​ഖ​ര​ങ്ങ​ളി​ൽ ര​ണ്ടു കൃ​ഷി സാ​ധ്യ​മാ​യി​രു​ന്നെ​ങ്കി​ലും നെ​ടു​മു​ടി​ക്ക് കി​ഴ​ക്കു​ള്ള പ്ര​ദേ​ശ​ങ്ങ​ളി​ൽ വെ​ള്ള​ക്കെ​ട്ട് കൂ​ടു​ത​ലാ​യ​തി​നാ​ൽ നെ​ൽ​കൃ​ഷി ഒ​ട്ടും സാ​ധ്യ​മാ​യി​രു​ന്നി​ല്ല.

അ​ക്കാ​ല​ത്താ​ണ് ച​ങ്ങ​നാ​ശേ​രി അ​തി​രൂ​പ​ത​യു​ടെ കീ​ഴി​ൽ പ്ര​വ​ർ​ത്തി​ക്കു​ന്ന കു​ട്ട​നാ​ട് വി​ക​സ​ന​സ​മി​തി​യു​ടെ ഡ​യ​റ​ക്ട​ർ ഫാ. ​തോ​മ​സ് പീ​ലി​യാ​നി​ക്ക​ലി​ന്‍റെ നേ​തൃ​ത്വ​ത്തി​ൽ ന്ധ​ഒ​രു നെ​ല്ലും ഒ​രു മീ​നും​ന്ധ പ​ദ്ധ​തി വ​രു​ന്ന​ത്.



കു​മ​ര​കം കാ​ർ​ഷി​ക ഗ​വേ​ഷ​ണ​കേ​ന്ദ്രം ഡ​യ​റ​ക്ട​ർ ഡോ. ​കെ.​ജി. പ​ത്മ​കു​മാ​റി​ന്‍റെ നേ​തൃ​ത്വ​ത്തി​ൽ വി​ജ​യി​പ്പി​ച്ച ന്ധ​ഇ​ട്ടൂ​പ്പ് മോ​ഡ​ൽ- നെ​ല്ലും മീ​നും പ​ച്ച​ക്ക​റി​ക​ളും’ കൃ​ഷി​ക്കാ​ർ​ക്ക് ക​രു​ത്താ​കു​ക​യും ചെ​യ്തു.

നാ​ലു ചു​റ്റി​ലും തെ​ങ്ങു​ക​ൾ വ​ള​ർ​ന്നു നി​ൽ​ക്കു​ന്ന ബ​ല​വ​ത്താ​യ ചി​റ​ക​ളു​ള്ള ത​ന്‍റെ പാ​ട​ശേ​ഖ​ര​ത്തി​ൽ ഈ ​പ​ദ്ധ​തി വി​ജ​യി​പ്പി​ക്കാ​നാ​കു​മെ​ന്ന നി​ഗ​മ​ന​ത്തി​ൽ അ​പ്പ​ച്ച​ൻ എ​ത്തു​ക​യും ചെ​യ്തു.

അ​ങ്ങ​നെ, രാ​മ​ങ്ക​രി പ​ഞ്ചാ​യ​ത്തി​ൽ മു​ക്കം നോ​ർ​ത്ത് പാ​ട​ശേ​ഖ​ര​ത്തി​ലെ 14.5 ഏ​ക്ക​ർ സ്ഥ​ലം ഒ​രു നെ​ല്ലും മീ​നും കൃ​ഷി​ക്കാ​യി അ​പ്പ​ച്ച​ൻ മാ​റ്റി​വ​ച്ചു. 11 ഏ​ക്ക​ർ നി​ല​വും ബാ​ക്കി ചി​റ​യു​മാ​ണ്.

കൊ​യ്ത്തു ക​ഴി​ഞ്ഞ പാ​ട​ങ്ങ​ളി​ൽ ക​ട്ല, രോ​ഹു, ഗ്രാ​സ്കാ​ർ​പ്പ് എ​ന്നീ ഇ​നം മ​ത്സ്യ​ങ്ങ​ളെ വ​ള​ർ​ത്തു​ന്ന​താ​ണ് ന​ല്ല​തെ​ന്ന വി​ദ​ഗ്ധ​രു​ടെ ഉ​പ​ദേ​ശം അ​പ്പ​ച്ച​ൻ സ്വീ​ക​രി​ച്ചു.

ഇ​ത്ത​രം മ​ത്സ്യ​ങ്ങ​ൾ​ക്ക് ഒ​രു കി​ലോ​യെ​ങ്കി​ലും തൂ​ക്കം ല​ഭി​ക്ക​ണ​മെ​ങ്കി​ൽ 10-12 മാ​സ​ത്തെ വ​ള​ർ​ച്ച വേ​ണം. എ​ന്നാ​ൽ, കൊ​യ്ത്തു ക​ഴി​ഞ്ഞ പാ​ട​ങ്ങ​ളി​ൽ മീ​ൻ വ​ള​ർ​ത്താ​ൻ ആ​റ് മാ​സ​ത്തെ സ​മ​യ​മേ കി​ട്ടു​ക​യു​ള്ളൂ.

ആ ​പ്ര​ശ്നം പ​രി​ഹ​രി​ക്കാ​ൻ പ്ര​ത്യേ​ക ന​ഴ്സ​റി സ​ജ്ജ​മാ​ക്കി അ​തി​ൽ നി​ശ്ചി​ത​കാ​ലം കു​ഞ്ഞു​ങ്ങ​ളെ വ​ള​ർ​ത്തി​യ​ശേ​ഷം പാ​ട​ത്തേ​ക്ക് തു​റ​ന്നു​വി​ടാ​ൻ തീ​രു​മാ​നി​ച്ചു. അ​തി​നാ​യി പാ​ട​ത്ത് ത​ന്നെ ഒ​രേ​ക്ക​ർ സ്ഥ​ലം മാ​റ്റി​വ​ച്ചു.

ആ​ഘോ​ഷ​ത്തോ​ടെ മീ​ൻ വ​ള​ർ​ത്ത​ൽ തു​ട​ങ്ങി​യെ​ങ്കി​ലും മാ​ർ​ക്ക​റ്റിം​ഗ് വ​ലി​യ പ്ര​ശ്ന​മാ​യി. ആ​ല​പ്പു​ഴ​യി​ലും ച​ങ്ങ​നാ​ശേ​രി​യി​ലും കോ​ട്ട​യ​ത്തു​മൊ​ക്കെ കൊ​ണ്ടു​പോ​യി മീ​ൻ വി​ൽ​ക്കേ​ണ്ട ഗ​തി​കേ​ടി​ലാ​യി ക​ർ​ഷ​ക​ർ.

വ​ള​ർ​ത്തു മീ​നി​ന് പ​ല​പ്പോ​ഴും കി​ലോ 20 രൂ​പ വ​രെ വി​ല​യി​ടി​യു​ക​യും ചെ​യ്തു. സ​മ​യ​ബ​ന്ധി​ത​മാ​യി സ​ർ​ക്കാ​ർ ഇ​ട​പെ​ട​ലു​ണ്ടാ​യ​തു​മി​ല്ല. ഒ​രു​വി​ധ​ത്തി​ൽ 2002 വ​രെ പ​ദ്ധ​തി​യു​മാ​യി മു​ന്നോ​ട്ടു പോ​യി. പി​ന്നീ​ട് പ​ടി​ച്ചു നി​ൽ​ക്കാ​ൻ ക​ഴി​യാ​തെ മീ​ൻ വ​ള​ർ​ത്ത​ൽ ഉ​പേ​ക്ഷി​ക്കേ​ണ്ടി വ​ന്നു.

കൊ​ഞ്ച് കൃ​ഷി

കൊ​യ്ത്തു ക​ഴി​ഞ്ഞ പാ​ട​ങ്ങ​ളി​ൽ ആ​റ്റു കൊ​ഞ്ചി​നെ​ക്കൂ​ടി വ​ള​ർ​ത്തി​യാ​ൽ കൂ​ടു​ത​ൽ ലാ​ഭ​മു​ണ്ടാ​ക്കാ​മെ​ന്ന പ്ര​തീ​ക്ഷ​യി​ൽ 2003-ൽ ​വ​ള​ർ​ത്തു​മ​ത്സ്യ​ങ്ങ​ൾ​ക്കൊ​പ്പം കൊ​ഞ്ചി​നെ​ക്കൂ​ടി പ​രീ​ക്ഷി​ക്കാ​ൻ തീ​രു​മാ​നി​ച്ചു.

അ​ത​നു​സ​രി​ച്ച് കു​ഞ്ഞു​ങ്ങ​ളെ നി​ശ്ചി​ത കാ​ലം പാ​ട​ത്തോ​ട് ചേ​ർ​ന്ന ന​ഴ്സ​റി​യി​ൽ വ​ള​ർ​ത്തി പാ​ട​ശേ​ഖ​ര​ങ്ങ​ളി​ലേ​ക്കു തു​റ​ന്നു വി​ടാ​നാ​യി​രു​ന്നു തീ​രു​മാ​നം.

ഏ​റെ പ്ര​തീ​ക്ഷ​യോ​ടെ​യാ​ണ് കൊ​ഞ്ച് വ​ള​ർ​ത്ത​ൽ തു​ട​ങ്ങി​യ​തെ​ങ്കി​ലും കാ​ര്യ​മാ​യ നേ​ട്ട​മു​ണ്ടാ​യി​ല്ല. ഗ്രേ​ഡിം​ഗാ​യി​രു​ന്നു പ്ര​ധാ​ന പ്ര​ശ്നം.