ട്രയംഫ്, കൂടുതൽ പ്രത്യേകതകളോടുകൂടിയ സ്ട്രീറ്റ് ട്രിപ്പിൾ എസ് വിപണിയിലെത്തി. ഡൽഹി എക്സ് ഷോറൂം വില 8.5 ലക്ഷം രൂപ.
സമാനതകളില്ലാത്ത രൂപകൽപന, നൂതന സാങ്കേതികവിദ്യ, ഏറ്റവും ഉയർന്ന സസ്പെൻഷൻ, ബ്രേയ്ക്ക്, ടയറുകൾ എന്നിവയെല്ലാം സ്ട്രീറ്റ് ട്രിപ്പിൾ എസിനെ വ്യത്യസ്ഥമാക്കുന്നു.
സ്ട്രീറ്റ് ട്രിപ്പിൾ 765 സിസി എഞ്ചിൻ വികസിപ്പിച്ചെടുത്തത് ഡേടോണാ എഞ്ചിനിൽ നിന്നാണ്. ക്രാങ്ക്, പിസ്റ്റണ്‍സ്, നികാസിൽ പ്ലേറ്റ് ചെയ്ത അലൂമിനിയം ബാരലുകൾ, വർധിത ബോർ ആൻഡ് സ്ട്രോക്ക് എന്നിവയും ശ്രദ്ധേയമാണ്. 11,250 ആർപിഎമ്മിൽ 73 എൻഎം ടോർക്ക് ആണ്.
രണ്ട് റൈഡിംഗ് മോഡ്സ് ആണ് സ്ട്രീറ്റ് ട്രിപ്പിനുള്ളത്. റോഡ് ആൻഡ് റെയിൻ, ഓണ്‍-ബോർഡ് കന്പ്യൂട്ടറിൽ സ്പീഡോമീറ്റർ, റെവ് കൗണ്ടർ റൈഡിങ്ങ് മോഡ് സിംബൾ, ഗിയർ പൊസിഷൻ ഡിസ്പ്ലേ, ഫ്യൂവൽ ഗേജ്, ഓഡോമീറ്റർ, ട്രിപ്പ് മീറ്റർ എന്നിവയെല്ലാം ഉണ്ട്.
പ്രതിവർഷം 60,000 ബൈക്കുകളാണ് ട്രയംഫ് പുറത്തിറക്കുന്നത്. ഏറ്റവും വലിയ ബ്രിട്ടീഷ് മോട്ടോർ സൈക്കിൾ നിർമാതാക്കളായ ട്രയംഫിന് ആഗോള തലത്തിൽ 750 ഡീലർമാരാണുള്ളത്.