Karshakan
കുട്ടനാടൻ കൃഷിയിൽ ആവേശം ചോരാതെ വക്കച്ചൻ വാച്ചാപറന്പിൽ
കുട്ടനാടൻ കൃഷിയിൽ ആവേശം ചോരാതെ വക്കച്ചൻ വാച്ചാപറന്പിൽ
Monday, March 4, 2024 1:50 PM IST
വെ​ള്ളം വ​ക​ഞ്ഞു മാ​റ്റി, കാ​യ​ലി​ന്‍റെ അ​ടി​ത്ത​ട്ടി​ലെ എ​ക്ക​ൽ​പ്പാ​ട​ത്ത് വി​ത്തു വി​ത​ച്ചു നെ​ല്ല് കൊ​യ്തെ​ടു​ക്കു​ന്ന​വ​രാ​ണു കു​ട്ട​നാ​ട​ൻ ക​ർ​ഷ​ക​ർ. പ​ര​ന്പ​രാ​ഗ​ത​മാ​യി സാ​ഹ​സി​ക​ത​യും നെ​ഞ്ചു​റ​പ്പും കൈ​മു​ത​ലാ​യു​ള്ള​വ​ർ.

പെ​രു​വെ​ള്ള​ത്തോ​ടും പ്ര​തി​കൂ​ല കാ​ലാ​വ​സ്ഥ​യോ​ടും ഏ​റ്റു​മു​ട്ടാ​ൻ കെ​ല്പു​ള്ള​വ​ർ. ബ​ണ്ടു​ക​ൾ​ക്ക​പ്പു​റ​ത്തു കി​ഴ​ക്ക​ൻ വെ​ള്ളം ത​ട​ഞ്ഞു നി​റു​ത്തി നൂ​റു​മേ​നി കൊ​യ്തെ​ടു​ത്തു കേ​ര​ള​ത്തെ അ​ന്ന​മൂ​ട്ടു​ന്ന​വ​ർ.

പാ​ര​ന്പ​ര്യ​മാ​യി കൈ​മാ​റി​ക്കി​ട്ടി​യ കൃ​ഷി​യ​റി​വു​ക​ൾ കാ​ല​ത്തി​ന​നു​സ​രി​ച്ചു ഫ​ല​പ്ര​ദ​മാ​യി പ്ര​യോ​ഗി​ച്ചു കൃ​ഷി​യി​ൽ വി​ജ​യം കൊ​യ്യു​ന്ന​വ​ർ. അ​വ​രു​ടെ പി​ൻ​ഗാ​മി​യാ​ണ് ആ​ല​പ്പു​ഴ ജി​ല്ല​യി​ൽ കു​ട്ട​നാ​ടി​ന്‍റെ ഹൃ​ദ​യ​ഭൂ​മി​യാ​യ പു​ളി​ങ്കു​ന്നി​ൽ ജ​നി​ച്ചു വ​ള​ർ​ന്ന വ​ക്ക​ച്ച​ൻ വാ​ച്ചാ​പ​റ​ന്പി​ൽ.

സ്വ​ന്ത​മാ​യും പാ​ട്ട​ത്തി​നെ​ടു​ത്തും 700 ഏ​ക്ക​ർ വ​രെ നെ​ൽ​കൃ​ഷി ചെ​യ്തി​രു​ന്ന കാ​യ​ൽ​നി​ല ക​ർ​ഷ​ക​നാ​യി​രു​ന്ന പി​താ​വ് മം​ഗ​ല​പ്പ​ള്ളി​ൽ (വാ​ച്ചാ​പ​റ​ന്പി​ൽ) മാ​ത്ത​മ്മ​യെ​ക്ക​ണ്ടാ​ണ് എ​ൻ​ജി​നി​യ​റാ​യ വ​ക്ക​ച്ച​ൻ എ​ന്ന ജോ​ർ​ജ് മാ​ത്യു വാ​ച്ചാ വ​ള​ർ​ന്ന​ത്.

ആ​ണ്ടി​ൽ നാ​ലു​മാ​സം മാ​ത്ര​മാ​യി​രു​ന്നു അ​ക്കാ​ല​ത്ത് കൃ​ഷി. അ​റ​യും നി​ര​യു​മു​ള്ള വി​ശാ​ല​മാ​യ വീ​ടും ചു​റ്റു​പാ​ടും. പ​ര​ന്പ​രാ​ഗ​ത കാ​ർ​ഷി​ക ഉ​പ​ക​ര​ണ​ങ്ങ​ൾ സൂ​ക്ഷി​ക്കാ​ൻ വേ​റെ​യും പു​ര​ക​ൾ. പ​ശു​ക്ക​ൾ​ക്കാ​യി വ​ലി​യ തൊ​ഴു​ത്ത്. വൈ​ക്കോ​ൽ സൂ​ക്ഷി​ക്കാ​ൻ ക​ച്ചി​പ്പു​ര​യും തു​റു​ക​ളും.

രാ​വേ​റെ ചെ​ല്ലു​വോ​ളം വീ​ട്ടു​മു​റ്റ​ത്തും പ​രി​സ​ര​ങ്ങ​ളി​ലും പ​ണി​യെ​ടു​ക്കു​ന്ന തൊ​ഴി​ലാ​ളി​ക​ൾ. കാ​ർ​ഷി​ക സ​മൃ​ദ്ധി​യു​ടെ ആ ​പ​ഴ​യ​കാ​ലം വ​ക്ക​ച്ച​നു മ​റ​ക്കാ​നാ​വി​ല്ല. അ​ത്ര​യ്ക്കാ​യി​രു​ന്നു കൃ​ഷി​യോ​ടു​ള്ള ഇ​ഷ്ടം. പി​താ​വി​നും കാ​ര്യ​സ്ഥ​ന്മാ​ർ​ക്കും ഒ​പ്പം ന​ട​ന്നു കൃ​ഷി​രീ​തി​ക​ൾ നോ​ക്കി​കാ​ണു​ന്ന​തു ചെ​റു​പ്പം മു​ത​ൽ ത​ന്നെ വ​ക്ക​ച്ച​നു ഹ​ര​മാ​യി​രു​ന്നു.

മു​ള​പ്പി​ച്ചെ​ടു​ത്ത വി​ത്ത് ചെ​റി​യ കു​ട്ട​ക​ളി​ൽ പ​ക​ർ​ന്നു നി​ര​നി​ര​യാ​യി നി​ന്നു വി​ത​ക്കു​ന്ന വി​ത​ക്കാ​ർ, താ​ള​ത്തി​നൊ​ത്തു പാ​ട്ടു​പാ​ടി ക​ള പ​റി​ച്ചും ഞാ​റു ന​ട്ടും മു​ന്നേ​റു​ന്ന സ്ത്രീ​ക​ൾ, പ​ണി​ക്കാ​ർ​ക്കു നി​ർ​ദേ​ശം ന​ൽ​കി വ​ര​ന്പു​ക​ളി​ലൂ​ടെ ഓ​ടി ന​ട​ക്കു​ന്ന ന​ട​ത്തി​പ്പു​കാ​ർ,

കൊ​യ്ത്തി​നാ​യി ബോ​ട്ടു​ക​ളി​ൽ വ​ന്നി​റ​ങ്ങു​ന്ന സ്ത്രീ​ക​ൾ, കൊ​യ്ത്തു​കാ​ർ​ക്കു താ​മ​സി​ക്കാ​ൻ ചി​റ​ക​ളി​ൽ കെ​ട്ടി​ഉ​യ​ർ​ത്തി​യ പ​ന്ത​ക​ൾ, വ​ള്ള​ത്തി​ലും ബോ​ട്ടി​ലും കാ​യ​ലി​ലൂ​ടെ പാ​ട​ങ്ങ​ളി​ലേ​ക്കും തി​രി​ച്ചു​മു​ള്ള യാ​ത്ര​ക​ൾ, കൊ​യ്തു മെ​തി​ച്ചു ക​ള​ങ്ങ​ളി​ൽ കൂ​ട്ടി​യി​ട്ട നെ​ൽ​ക്കൂ​ന​ക​ൾ..77-ാം വ​യ​സി​ലും വ​ക്ക​ച്ച​ൻ ഒ​ന്നും മ​റ​ന്നി​ട്ടി​ല്ല.

നെ​ല്ല് നി​റ​ച്ച വ​ലി​യ കേ​വ് വ​ള്ള​ങ്ങ​ൾ നി​ര​നി​ര​യാ​യി കാ​യ​ലി​ലൂ​ടെ വ​രു​ന്ന​തും അ​വ ക​ട​വി​ൽ അ​ടു​പ്പി​ച്ചു നെ​ല്ലി​റ​ക്കി അ​റ​പ്പു​ര​ക​ളി​ലേ​ക്കു ചു​മ​ന്നു കൊ​ണ്ടു​പോ​കു​ന്ന​തും ആ​വേ​ശ​ത്തോ​ടെ നോ​ക്കി നി​ന്നി​രു​ന്ന ബാ​ല്യ​കാ​ലം.

കൃ​ഷി അ​വ​സാ​നി​ച്ച​തി​ന്‍റെ സൂ​ച​ന​യാ​യി ക​ളം പി​രി​ഞ്ഞു ക​ച്ചി​യും പ​ണി​യാ​യു​ധ​ങ്ങ​ളു​മാ​യി വ​രു​ന്ന വ​ള്ള​ങ്ങ​ളും ബോ​ട്ടു​ക​ളും. അ​ക്കാ​ല​ത്ത് വീ​ട്ടു ചെ​ല​വി​നു നെ​ല്ല് പ്ര​ത്യേ​കം സൂ​ക്ഷി​ച്ച​ശേ​ഷം ബാ​ക്കി വി​ൽ​ക്കു​ന്ന​താ​ണു രീ​തി. പ​റ​യി​ലാ​ണ് അ​ള​വ്. അ​തു​കൂ​ടി ക​ഴി​ഞ്ഞാ​ൽ തി​ര​ക്ക് അ​വ​സാ​നി​ക്കു​ക​യാ​യി. പി​ന്നെ വി​ശ്ര​മ കാ​ലം.

ഇ​നി മ​ട​വീ​ണോ കാ​ലാ​വ​സ്ഥ ച​തി​ച്ചോ കൃ​ഷി ന​ഷ്ട​മാ​യാ​ൽ കു​റ​ച്ചു​ദി​വ​സം ദുഃ​ഖ​ത്തി​ലും ആ​ലോ​ച​ന​യി​ലും മു​ഴു​കും. അ​തു​ക​ഴി​ഞ്ഞാ​ൽ പി​ന്നെ അ​ടു​ത്ത കൃ​ഷി​യെ​ക്കു​റി​ച്ചു ചി​ന്തി​ച്ചു തു​ട​ങ്ങും. അ​പ്പോ​ഴേ​ക്കും പ​ഴ​യ​തെ​ല്ലാം മ​റ​ന്നു ക​ഴി​ഞ്ഞി​രി​ക്കും. അ​ല്ലെ​ങ്കി​ൽ ത​ന്നെ, ലാ​ഭ ന​ഷ്ട​ങ്ങ​ളു​ടെ ക​ണ​ക്കെ​ഴു​തി സൂ​ക്ഷി​ക്കു​ന്ന സ്വ​ഭാ​വം ഒ​രു കു​ട്ട​നാ​ട​ൻ ക​ർ​ഷ​ക​നു​മി​ല്ല.

വീ​ട്ടി​ൽ കൃ​ഷി​ത്തി​ര​ക്കു​ക​ൾ ഏ​റെ​യു​ണ്ടാ​യി​രു​ന്നെ​ങ്കി​ലും വ​ക്ക​ച്ച​ൻ പ​ഠി​ക്കാ​ൻ മി​ടു​ക്ക​നാ​യി​രു​ന്നു. പ​ത്താം ക്ലാ​സും പ്രീ​ഡി​ഗ്രി​യും മി​ക​ച്ച നി​ല​യി​ൽ പാ​സാ​യ അ​ദ്ദേ​ഹം, 1969-ൽ ​കൊ​ല്ലം ടി​ക​ഐം എ​ൻ​ജി​നി​യ​റിം​ഗ് കോ​ള​ജി​ൽ നി​ന്ന് എ​ൻ​ജി​നി​യ​റിം​ഗ് ബി​രു​ദം നേ​ടി.

അ​ധി​കം വൈ​കാ​തെ മ​ഹാ​രാ​ഷ്ട്ര​യി​ലെ നാ​സി​ക്കി​ൽ സ​ർ​ക്കാ​ർ സ​ർ​വീ​സി​ൽ ജോ​ലി​യി​ൽ പ്ര​വേ​ശി​ച്ചു. അ​ഞ്ചു വ​ർ​ഷ​ത്തോ​ളം ജോ​ലി ചെ​യ്തു. പി​ന്നീ​ട് 1983-ൽ ​ഒ​മാ​നി​ൽ നി​ർ​മാ​ണ​ക്ക​ന്പ​നി​ൽ എ​ൻ​ജി​നി​യ​റാ​യി ജോ​ലി സ്വീ​ക​രി​ച്ചു. 40 വ​ർ​ഷ​ത്തോ​ളം അ​വി​ടെ​ത്തു​ട​ർ​ന്നു.

4500 തൊ​ഴി​ലാ​ളി​ക​ൾ ജോ​ലി ചെ​യ്യു​ന്ന അ​ന്താ​രാ​ഷ്ട്ര നി​ർ​മാ​ണ​ക​ന്പ​നി​യാ​യ എ​ച്ച്എ​ഫ്പി ക​ന്പ​നി​യു​ടെ മാ​നേ​ജിം​ഗ് ഡ​യ​റ​ക്ട​റാ​യി​രി​ക്കു​ന്പോ​ഴാ​ണ് 2018-ൽ ​നാ​ട്ടി​ലേ​ക്കു മ​ട​ങ്ങി​യ​ത്. ഇ​തി​നി​ട​യി​ൽ, 1988 മു​ത​ൽ 1993 വ​രെ അ​ഞ്ചു വ​ർ​ഷം നാ​ട്ടി​ലു​ണ്ടാ​യി​രു​ന്നു. ആ ​സ​മ​യ​ത്തും കൃ​ഷി​യി​ലാ​ണു സ​ന്തോ​ഷം ക​ണ്ടെ​ത്തി​യ​ത്.

ഇ​ക്കാ​ല​യി​ള​വി​ൽ, പി​തൃ​സ്വ​ന്താ​യി കി​ട്ടി​യ​തി​നൊ​പ്പം കു​റെ നെ​ൽ​പ്പാ​ട​ങ്ങ​ൾ കൂ​ടി അ​ദ്ദേ​ഹം സ്വ​ന്ത​മാ​ക്കി. അ​ഞ്ച് കാ​യ​ലും ര​ണ്ട് പാ​ട​ങ്ങ​ളു​മാ​യി 200 ഏ​ക്ക​ർ. ഇ​തി​ൽ 23 ഏ​ക്ക​റു​ള്ള മാ​ന്പു​ഴ​ക്ക​രി പാ​ട​വും ഉ​ൾ​പ്പെ​ടും. മ​റ്റു കൃ​ഷി​ക്കാ​രി​ല്ലാ​ത്ത ഇ​വി​ടെ അ​ദ്ദേ​ഹം ത​നി​ച്ചാ​ണു കൃ​ഷി ചെ​യ്യു​ന്ന​ത്. 2018- ൽ ​പൂ​ർ​ണ​മാ​യും ഗ​ൾ​ഫ് വി​ട്ടു പു​ളി​ങ്കു​ന്നി​ൽ താ​മ​സ​മാ​ക്കി.

കാ​യ​ൽ രാ​ജാ​വ് മു​രി​ക്ക​ന്‍റെ സ്വ​ന്ത​മാ​യി​രു​ന്ന​തും പി​ന്നീ​ട് സ​ർ​ക്കാ​ർ ഏ​റ്റെ​ടു​ത്ത​തു​മാ​യ ചി​ത്തി​ര കാ​യ​ലി​ലെ 500 ഏ​ക്ക​ർ 2021-23 കാ​ല​ഘ​ട്ട​ത്തി​ൽ വ​ക്ക​ച്ച​ൻ പാ​ട്ട​ത്തി​നെ​ടു​ത്ത് കൃ​ഷി ചെ​യ്തു. ഇ​ക്കാ​ല​യ​ള​വി​ൽ മൊ​ത്തം കൃ​ഷി​ചെ​യ്ത​ത് 700 ഏ​ക്ക​ർ. ചി​ത്തി​ര കാ​യ​ലി​ലെ കൃ​ഷി പ​ക്ഷേ, അ​ത്ര വി​ജ​യി​ച്ചി​ല്ല. അ​തി​നു കാ​ര​ണ​വു​മു​ണ്ട്.

സാ​ധാ​ര​ണ കാ​യ​ലി​ൽ ഒ​റ്റ​കൃ​ഷി​യാ​ണ്. പ​രീ​ക്ഷ​ണാ​ടി​സ്ഥാ​ന​ത്തി​ൽ ര​ണ്ടു കൃ​ഷി ചെ​യ്തു നോ​ക്കി​യ​താ​ണ്. തു​ട​ങ്ങി​യ​തു ര​ണ്ടാം കൃ​ഷി​യി​ലാ​യ​തി​നാ​ൽ അ​ടു​ത്ത വ​ർ​ഷ​ത്തെ ആ​ദ്യ കൃ​ഷി​യി​ലും ഉ​ദ്ദേ​ശി​ച്ച വി​ള​വ് കി​ട്ടി​യി​ല്ല. അ​ങ്ങ​നെ ആ ​സം​രം​ഭം ഉ​പേ​ക്ഷി​ക്കു​ക​യാ​യി​രു​ന്നു. മി​ച്ച​ഭൂ​മി​യാ​യി വി​ത​ര​ണം ചെ​യ്ത ചി​ത്തി​ര കാ​യ​ലി​ലെ 460 ഉ​ട​മ​ക​ളി​ൽ നി​ന്നാ​ണ് 500 ഏ​ക്ക​ർ അ​ദ്ദേ​ഹം പാ​ട്ട​ത്തി​നെ​ടു​ത്ത​ത്.


ഒ​രു കൃ​ഷി ക​ഴി​ഞ്ഞാ​ൽ കാ​യ​ൽ നി​ല​ങ്ങ​ളി​ൽ വെ​ള്ളം ക​യ​റ്റി​യി​ടു​ന്ന​താ​ണു രീ​തി. അ​തു​വ​ഴി എ​ക്ക​ൽ അ​ടി​ഞ്ഞ് കാ​യ​ൽ നി​ലം ഫ​ല​സ​ന്പു​ഷ്ട​മാ​കും. മി​ക​ച്ച വി​ള​വും ല​ഭി​ക്കും. അ​തി​നു പ​ക​രം പ​രീ​ക്ഷ​ണാ​ടി​സ്ഥാ​ന​ത്തി​ൽ ര​ണ്ടു കൃ​ഷി ചെ​യ്ത​താ​ണു പ്ര​ശ്ന​മാ​യ​ത്.

കു​ട്ട​നാ​ടി​നെ സം​ബ​ന്ധി​ച്ചി​ട​ത്തോ​ളം സ​ർ​ക്കാ​രി​ന്‍റെ പ​ദ്ധ​തി​യാ​യ ഒ​രു നെ​ല്ലും ഒ​രു മീ​നും ന​ല്ല​താ​ണെ​ന്നാ​ണു വ​ക്ക​ച്ച​ന്‍റെ അ​ഭി​പ്രാ​യം. മാ​ന്പു​ഴ​ക്ക​രി പാ​ട​ത്ത് അ​ദ്ദേ​ഹം അ​തു പ​രീ​ക്ഷി​ക്കു​ക​യും ചെ​യ്തു. മി​ക​ച്ച വി​ള​വും കി​ട്ടി. എ​ന്നാ​ൽ, മ​ത്സ്യ​ത്തി​ന്‍റെ വി​ല്പ​ന വ​ല്ലാ​ത്ത ത​ല​വേ​ദ​ന​യു​ണ്ടാ​ക്കി.

സ​ർ​ക്കാ​ർ നി​ർ​ദേ​ശ​മ​നു​സ​രി​ച്ച് ക​ട്ല, രോ​ഹു, ഗ്രാ​സ് കാ​ർ​പ് ഇ​നം മ​ത്സ്യ​ങ്ങ​ളെ​യാ​ണു വ​ള​ർ​ത്തി​യ​ത്. വി​ള​വെ​ടു​ക്കാ​റാ​യ​പ്പോ​ൾ മൊ​ത്ത​ക്ക​ച്ച​വ​ട​ക്കാ​രെ​ത്തി കി​ലോ​യ്ക്ക് 80 രൂ​പ വി​ല പ​റ​ഞ്ഞു. പി​ടി​ച്ചു തു​ട​ങ്ങി​യ​പ്പോ​ൾ മീ​ന് ഉ​ദ്ദേ​ശി​ച്ച വ​ലു​പ്പ​മി​ല്ലെ​ന്നു പ​റ​ഞ്ഞു വി​ല വ​ല്ലാ​തെ കു​റ​ച്ചു. വേ​റെ മാ​ർ​ഗ​മൊ​ന്നു​മി​ല്ലാ​തി​രു​ന്ന​തി​നാ​ൽ വ​ഴ​ങ്ങേ​ണ്ടി വ​ന്നു. ന​ഷ്ട​ത്തേ​ക്കാ​ളേ​റെ അ​തു​ണ്ടാ​ക്കി​യ മാ​ന​സി​ക​സ​മ്മ​ർ​ദം വ​ല്ലാ​ത്ത ആ​ഘാ​ത​മാ​യി.



ജൈ​വ കൃ​ഷി​യു​ടെ കാ​ര്യ​ത്തി​ലും സ​മാ​ന പ്ര​ശ്ന​മു​ണ്ടെ​ന്ന് അ​ദ്ദേ​ഹം പ​റ​ഞ്ഞു. ജൈ​വ ഉ​ത്പ​ന്ന​ങ്ങ​ൾ​ക്ക് വി​ല കൂ​ടു​ത​ൽ ല​ഭി​ക്കു​മെ​ങ്കി​ലും ഉ​ത്പാ​ദ​ന​ച്ചെ​ല​വ് വ​ള​രെ കൂ​ടു​ത​ലാ​ണ്. വി​ള​വ് ത​ര​ത​മ്യേ​ന കു​റ​വാ​യി​രി​ക്കു​ക​യും ചെ​യ്യും. കൃ​ഷി​കൊ​ണ്ട് മാ​ത്രം ഉ​പ​ജീ​വ​നം ന​ട​ത്തു​ന്ന ക​ർ​ഷ​ക​നു ജൈ​വ​കൃ​ഷി ആ​ദാ​യ​ക​ര​മ​ല്ല​ത്രേ.

ജൈ​വ അ​രി​ക്ക് മാ​ർ​ക്ക​റ്റി​ൽ കി​ലോ 90 രൂ​പ വി​ല​യു​ണ്ടെ​ങ്കി​ലും ക​ർ​ഷ​ക​നു കി​ട്ടു​ന്ന​ത് 40 രൂ​പ മാ​ത്രം. ജൈ​വ സ​ർ​ട്ടി​ഫി​ക്ക​റ്റ് കി​ട്ടാ​നും നൂ​ലാ​മാ​ല​ക​ളേ​റെ. കു​റ​ഞ്ഞ​തു മൂ​ന്നു വ​ർ​ഷ​മെ​ങ്കി​ലും രാ​സ കീ​ട​നാ​ശി​നി​ക​ളോ രാ​സ​വ​ള​ങ്ങ​ളോ ഉ​പ​യോ​ഗി​ക്കാ​ത്ത മ​ണ്ണി​നു മാ​ത്ര​മേ ജൈ​വ​കൃ​ഷി​ക്ക് അ​നു​യോ​ജ്യ​മെ​ന്ന സ​ർ​ട്ടി​ഫി​ക്ക​റ്റ് കി​ട്ടു​ക​യു​ള്ളൂ.

കു​ട്ട​നാ​ട്ടി​ൽ ഇ​പ്പോ​ൾ ഒ​രേ​ക്ക​ർ കൃ​ഷി ചെ​യ്യു​ന്ന​തി​ന് 30,000 രൂ​പ​യോ​ളം ചെ​ല​വ് വ​രും. പാ​ട്ട​ത്തി​നെ​ടു​ത്ത ഭൂ​മി​യാ​ണെ​ങ്കി​ൽ 25,000 രൂ​പ പാ​ട്ടം കൊ​ടു​ക്ക​ണം. അ​താ​യ​ത് ഒ​രേ​ക്ക​ർ കൃ​ഷി ചെ​യ്യാ​ൻ മൊ​ത്തം 55,000 രൂ​പ ചെ​ല​വ് വ​രും. ഇ​പ്പോ​ഴ​ത്തെ വി​ല (ക്വി​ന്‍റ​ലി​ന് 28,320 രൂ​പ) വ​ച്ചു ക​ണ​ക്കാ​ക്കി​യാ​ൽ ക​ർ​ഷ​ക​ന് ചെ​ല​വ് കാ​ശ് കി​ട്ടാ​ൻ ഏ​ക്ക​റി​നു ര​ണ്ടു ക്വി​ന്‍റ​ൽ നെ​ല്ല് വേ​ണം.

ചു​രു​ക്ക​ത്തി​ൽ, കു​ട്ട​നാ​ട്ടി​ലെ ക​ർ​ഷ​ക​ന് മാ​ന്യ​മാ​യി ജീ​വി​ക്കാ​ൻ പു​റ​ത്തു​നി​ന്നു വേ​റെ വ​രു​മാ​ന​മി​ല്ലാ​തെ പ​റ്റി​ല്ല. ത​നി​ക്ക് അ​തു​ള്ള​തി​നാ​ലാ​ണു പി​ടി​ച്ചു നി​ൽ​ക്കു​ന്ന​തെ​ന്നു വെ​ളി​പ്പെ​ടു​ത്താ​നും അ​ദ്ദേ​ഹ​ത്തി​നു മ​ടി​യി​ല്ല. നെ​ൽ​കൃ​ഷി കൊ​ണ്ടു മാ​ത്രം ജീ​വി​ക്ക​ണ​മെ​ങ്കി​ൽ ക്വി​ന്‍റ​ലി​ന് 35,000 രൂ​പ​യെ​ങ്കി​ലും വി​ല കി​ട്ട​ണ​മെ​ന്നും വ​ക്ക​ച്ച​ൻ വ്യ​ക്ത​മാ​ക്കി.

കു​ട്ട​നാ​ട്ടി​ൽ നെ​ല്ല് അ​ല്ലാ​തെ മ​റ്റു കൃ​ഷി​ക​ളൊ​ന്നും സാ​ധ്യ​മ​ല്ല. പാ​ടം ത​രി​ശി​ട്ടാ​ൽ ക​ള ക​യ​റി ന​ശി​ക്കും. ര​ണ്ടു മു​ന്നു വ​ർ​ഷം ക​ഴി​ഞ്ഞാ​ൽ തി​രി​ച്ചെ​ടു​ക്കാ​ൻ പ​റ്റാ​ത്ത സ്ഥി​തി​യി​ലാ​കു​ക​യും ചെ​യ്യും. ത​നി​ക്കു​ള്ള നി​ലം പാ​ട്ട​ത്തി​നു​കൊ​ടു​ത്താ​ൽ വ​ർ​ഷം 50 ല​ക്ഷം രൂ​പ കി​ട്ടും. കൃ​ഷി​യോ​ടു​ള്ള താ​ത്പ​ര്യം കൊ​ണ്ടു മാ​ത്ര​മാ​ണ് അ​തി​നു മു​തി​രാ​ത്ത​ത്.

നെ​ല്ല് കൊ​ടു​ത്താ​ൽ ഉ​ട​ൻ വി​ല കി​ട്ടാ​ത്ത​താ​ണ് ഇ​പ്പോ​ഴ​ത്തെ പ്ര​ശ്നം. കി​ലോ​യ്ക്ക് 28.32 രൂ​പ വി​ല നി​ശ്ച​യി​ച്ചി​ട്ടു​ള്ള​തി​ൽ 21 രൂ​പ​യും കേ​ന്ദ്ര​ത്തി​ന്‍റെ വ​ക​യാ​ണ്. ബാ​ക്കി മാ​ത്ര​മാ​ണ് സം​സ്ഥാ​ന വി​ഹി​തം. കേ​ന്ദ്ര​വി​ഹി​തം നേ​രി​ട്ട് ക​ർ​ഷ​ക​ന്‍റെ ബാ​ങ്ക് അ​ക്കൗ​ണ്ടി​ൽ വ​രാ​നു​ള്ള സാ​ഹ​ച​ര്യ​മു​ണ്ടാ​യാ​ൽ പ്ര​ശ്നം ഒ​രു​പ​രി​ധി​വ​രെ പ​രി​ഹ​രി​ക്കാ​ന​കു​മെ​ന്നു വ​ക്ക​ച്ച​ൻ ചൂ​ണ്ടി​ക്കാ​ട്ടി.

പാ​ട​ശേ​ഖ​ര​ങ്ങ​ൾ​ക്കു​ള്ള സൗ​ജ​ന്യ വൈ​ദ്യു​തി​യു​ടെ വി​ല കേ​ന്ദ്രം നേ​രി​ട്ടു പാ​ട​ശേ​ഖ​ര സ​മി​തി​ക്കു ന​ൽ​കു​ന്ന​തു​പോ​ലെ​യു​ള്ള സം​വി​ധാ​ന​മാ​ണ് ഇ​ക്കാ​ര്യ​ത്തി​ലും ഉ​ണ്ടാ​കേ​ണ്ട​ത്. പാ​ട​ശേ​ഖ​ര സ​മി​തി​യാ​ണ് വൈ​ദ്യു​തി ബോ​ർ​ഡി​നു തു​ക കൈ​മാ​റു​ന്ന​ത്.

പൗ​രാ​ണി​ക പ്രൗ​ഢി വി​ളി​ച്ചോ​തു​ന്ന വീ​ടി​നോ​ട് അ​നു​ബ​ന്ധി​ച്ച് 40 സെ​ന്‍റ് സ്ഥ​ല​ത്ത് നി​ര​വ​ധി ഇ​നം പ​ഴ​വ​ർ​ഗ​ച്ചെ​ടി​ക​ളും അ​ദ്ദേ​ഹം ന​ട്ടു പ​രി​പാ​ലി​ക്കു​ന്നു​ണ്ട്. റം​ബൂ​ട്ടാ​ൻ, മാ​ങ്കോ സ്റ്റീ​ൻ, നെ​ല്ലി, നാ​ര​കം, പ​നി​നീ​ർ ചാ​ന്പ, സ​പ്പോ​ട്ട, ഇ​ലി​ന്പ​ൻ പു​ളി, ക​ട​പ്ലാ​വ് തു​ട​ങ്ങി​യ​വ അ​വ​യി​ൽ ചി​ല​തു മാ​ത്രം.

വി​വി​ധ​യി​നം പ്രാ​വു​ക​ൾ പാ​ർ​ക്കു​ന്ന പ്രാ​വി​ൻ കൂ​ടും ഗാ​ർ​ഹി​ക ആ​വ​ശ്യ​ങ്ങ​ൾ​ക്കു​ള്ള വൈ​ദ്യു​തി ഉ​ത്പാ​ദി​പ്പി​ക്കാ​ൻ സോ​ളാ​ർ പാ​ന​ലു​ക​ളും ഈ ​ഫ​ല​വൃ​ക്ഷ​ത്തോ​ട്ട​ത്തി​ലു​ണ്ട്. ആ​ട്ടി​ൻ പാ​ല് മാ​ത്രം കു​ടി​ക്കു​ന്ന വ​ക്ക​ച്ച​ൻ, വെ​ച്ചൂ​ർ പ​ശു​ക്ക​ളെ​യും ആ​ടു​ക​ളെ​യും വ​ള​ർ​ത്തു​ണ്ട്. കാ​ർ​ഷി​ക രം​ഗ​ത്തെ പ്ര​വ​ർ​ത്ത​ന​മി​ക​വ് മു​ൻ​നി​റു​ത്തി നി​ര​വ​ധി പു​ര​സ്കാ​ര​ങ്ങ​ളും അ​ദ്ദേ​ഹ​ത്തെ തേ​ടി​യെ​ത്തി​യി​ട്ടു​ണ്ട്.

ഭാ​ര്യ : ഡോ. ​ഗ്രേ​സ്. മ​ക്ക​ൾ : ഡോ. ​മാ​ത്യു, ജോ​സ​ഫ് (ചാ​റ്റേ​ർ​ഡ് അ​ക്കൗ​ണ്ട​ന്‍റ്, അ​മേ​രി​ക്ക), തോ​മ​സ് (എ​ൻ​ജി​നി​യ​ർ, മ​സ്ക​റ്റ്), ആ​നി (എ​ൻ​ജി​നി​യ​ർ, സി​ങ്ക​പ്പൂ​ർ), കു​ഞ്ഞു​മേ​രി (ബം​ഗ​ളൂ​രൂ). ഡോ. ​ഗ്രേ​സും ഡോ. ​മാ​ത്യു​വും ജീ​വ​കാ​രു​ണ്യ​പ്ര​വ​ർ​ത്ത​ന​ത്തി​ന്‍റെ ഭാ​ഗ​മാ​യി കു​ട്ട​നാ​ട് താ​ലൂ​ക്ക് ആ​ശു​പ​ത്രി​യി​ൽ സൗ​ജ​ന്യ​മാ​യി​ട്ടാ​ണു രോ​ഗീ​ശു​ശ്രൂ​ഷ ചെ​യ്യു​ന്ന​ത്.

ഫോ​ണ്‍: 96451 10622

ജി​മ്മി ഫി​ലി​പ്പ്
Copyright @ 2022 , Rashtra Deepika Ltd.