നാളെയാണ് നാളെ... നിങ്ങളാണ് ഭാഗ്യവാൻ!
ലോ​ട്ട​റി ആ​ദ്യ​മാ​യി അ​വ​ത​രി​പ്പി​ക്ക​പ്പെ​ട്ട​ത് കേ​ര​ള​ത്തി​ലാ​ണ്.
തു​ട​ക്ക​ത്തി​ൽ ലോ​ട്ട​റി​യെ ചൂ​തു​ക​ളി​യു​ടെ പ​തി​പ്പാ​യി
വി​മ​ർ​ശി​ച്ച​വ​രു​മു​ണ്ട്. ഒ​രു കഷണം ക​ട​ലാ​സി​ന് വി​ല ഒ​രു രൂ​പ!
സ​മ്മാ​ന​മ​ടി​ച്ചാ​ലോ 50,000 രൂ​പ​യും! 1967 ൽ ​ധ​ന​മ​ന്ത്രി പി.​കെ. കു​ഞ്ഞ് തു​ട​ക്ക​മി​ട്ട സം​രം​ഭ​ത്തി​ന് 55 വ​ർ​ഷ​ത്തെ പെ​രു​മ.

നാ​ളെ​യാ​ണ് നാ​ളെ​യാ​ണ് നാ​ളെ. നാളത്തെ കേരള ബ​ന്പ​ർ ന​റു​ക്കെ​ടു​പ്പ്.. നറുക്കെടുപ്പ് ഫ​ലം വ​രു​ന്പോ​ൾ ഒ​രു ടി​ക്ക​റ്റ് എ​ടു​ത്തി​ല്ല​ല്ലോ എ​ന്നോ​ർ​ത്ത് സ​ങ്ക​ട​പ്പെ​ടാ​നി​ടയാ​ക​രു​ത്..... 50 ല​ക്ഷ​വും ഒ​രു മാ​രു​തി കാ​റും ഒ​ന്നാം സ​മ്മാ​നം..10 ല​ക്ഷം രൂ​പ ര​ണ്ടാം സ​മ്മാ​നം.. അ​ഞ്ചു ല​ക്ഷം രൂ​പ മൂ​ന്നാം സ​മ്മാ​നം.....

സൈ​ക്കി​ളി​ലും സ്കൂ​ട്ട​റി​ലും കാ​റി​ലു​മൊ​ക്കെ മൈ​ക്കു കെ​ട്ടി​ ലോ​ട്ട​റി വി​ൽ​പ​ന ന​ട​ന്നിരുന്ന ഒ​രു കാ​ലം. ഇ​ക്കാ​ല​ത്തോ ചു​വ​ന്ന ഓ​വ​ർ​കോ​ട്ടി​ട്ട് എ​ത്ര​യോ പേ​രാ​ണ് ലോ​ട്ട​റി വി​ൽ​പ​ന ഉ​പ​ജീ​വ​ന​മാ​ക്കി​യി​രി​ക്കു​ന്ന​ത്.

ഇന്ത്യയിൽ ലോ​ട്ട​റി ആ​ദ്യ​മാ​യി അ​വ​ത​രി​പ്പി​ക്ക​പ്പെ​ട്ട​ത് കേ​ര​ള​ത്തി​ലാ​ണ്. തു​ട​ക്ക​ത്തി​ൽ ലോ​ട്ട​റി​യെ ചൂ​തു​ക​ളി​യു​ടെ പ​തി​പ്പാ​യി വി​മ​ർ​ശി​ച്ച​വ​രു​മു​ണ്ട്. ഒ​രു കഷണം ക​ട​ലാ​സി​ന് വി​ല ഒ​രു രൂ​പ! സ​മ്മാ​ന​മ​ടി​ച്ചാ​ലോ 50,000 രൂ​പ​യും. 1967ൽ ​ധ​ന​മ​ന്ത്രി പി.​കെ. കു​ഞ്ഞ് തു​ട​ക്ക​മി​ട്ട സംരംഭ​ത്തി​ന് 55 വ​ർ​ഷ​ത്തെ പെ​രു​മയാണുള്ളത്. 1967 സെ​പ്റ്റം​ബ​റി​ൽ ധ​നവകു​പ്പി​നു കീ​ഴി​ൽ തു​ട​ങ്ങി​യ​താ​ണ് ലോ​ട്ട​റി ഡി​പ്പാ​ർ​ട്ട്മെ​ന്‍റ്. ര​ണ്ടു മാ​സം ക​ഴി​ഞ്ഞ് ന​വം​ബ​ർ ഒ​ന്നി​നാ​ണ് പ്ര​ഥ​മ ലോ​ട്ട​റി അ​ര ല​ക്ഷം രൂ​പ ഒ​ന്നാം സ​മ്മാ​ന​വു​മാ​യി വി​ൽ​പ​ന തു​ട​ങ്ങു​ന്ന​ത്. ര​ണ്ടു മാ​സ​ത്തേ​ക്കാ​യി​രു​ന്നു ആ​ദ്യ ലോ​ട്ട​റി​യു​ടെ വി​ൽ​പ​ന. ജ​നു​വ​രി 26 നു നടന്ന ന​റു​ക്കെ​ടു​പ്പി​ലെ ആ​ദ്യ​ഭാ​ഗ്യ​വാ​ൻ ആരെ​ന്ന് ലോ​ട്ട​റി വ​കു​പ്പി​നും അ​റി​യി​ല്ല.

സ​ർ​ക്കാ​ർ സ്വ​ന്ത​മാ​യി ലോ​ട്ട​റി ആ​രം​ഭി​ച്ചാ​ൽ ക​ച്ച​വ​ടം പൊ​ടി​പൊടിക്കു​മെ​ന്ന് മ​ന്ത്രി കു​ഞ്ഞി​ന് വ്യ​ക്ത​മാ​യ ഉ​റ​പ്പു​ണ്ടാ​യി​രു​ന്നു. കാ​യം​കു​ളം​കാ​ര​നാ​യി​രു​ന്ന ധ​ന​​മ​ന്ത്രി ചെ​യ​ർ​മാ​നാ​യ എം​എ​സ്എം കോ​ള​ജി​ന്‍റെ ധ​ന​ശേ​ഖ​ര​ണാ​ർ​ഥം അക്കാലത്തൊരു ഒ​രു ലോ​ട്ട​റി പരീക്ഷണം ന​ട​ത്തി. ഒ​രു രൂ​പ​യു​ടെ ആ ​സ്വ​കാ​ര്യ ലോ​ട്ട​റി വി​ൽ​പ​ന​യി​ലൂ​ടെ ഒ​രു ല​ക്ഷം രൂ​പ കോ​ള​ജി​ന് ല​ഭി​ച്ചു. അ​ക്കാലത്തെ ആ​ഡം​ബ​ര കാ​റായിരുന്ന അം​ബാ​സി​ഡ​റാ​യി​രു​ന്നു സ​മ്മാ​നം. ഈ ​വി​ജ​യ​ത്തി​ന്‍റെ ഉ​റ​പ്പി​ലാ​ണ് ആ​ദ്യ സ​ർ​ക്കാ​ർ ലോ​ട്ട​റി​യു​ടെ പി​റ​വി. തി​രു​വി​താം​കൂ​ർ രാ​ജ​ഭ​ര​ണ​കാ​ല​ത്ത് 1874 ഓ​ഗ​സ്റ്റി​ൽ ഒ​രു ലോ​ട്ട​റി വി​ല്പ​ന ന​ട​ത്തി​യ സംഭവം വി​സ്മ​രി​ച്ചു​കൂ​ടാ. ഇ​ന്ന​ത്തെ ക​ന്യാ​കു​മാ​രി ഉ​ൾ​പ്പെ​ടു​ന്ന പ്ര​ദേ​ശ​ത്തെ ശു​ചീ​ന്ദ്രം ക്ഷേ​ത്ര​ത്തി​ന്‍റെ ഗോ​പു​രം പു​ന​ർ​നി​ർ​മാ​ണ​ത്തി​ന് ആ​യി​ല്യം തി​രു​നാ​ൾ മ​ഹാ​രാ​ജാ​വാ​ണ് ലോ​ട്ട​റി ഇ​റ​ക്കി​യ​ത്. ഒ​രു രൂ​പ നി​ര​ക്കി​ൽ 50,000 ടി​ക്ക​റ്റു​ക​ൾ വി​റ്റ​തി​ൽ 10,000 രൂ​പ സ​മ്മാ​ന​മാ​യി ന​ൽകി. ഇ​ക്കാ​ല​ത്ത് റ​വ​ന്യു വ​രു​മാ​ന​ത്തി​ന്‍റെ പ്ര​ധാ​ന സ്രോ​ത​സി​ൽ ഒ​ന്നാ​യി മാ​റി​യി​രി​ക്കു​ന്നു സംസ്ഥാന സർക്കാർ ലോ​ട്ട​റി. ഒ​രു ന​റു​ക്കെ​ടു​പ്പി​ൽ തു​ട​ങ്ങി​യ ലോ​ട്ട​റി ആ​ഴ്ച​യി​ൽ ഏ​ഴ് എ​ന്ന നി​ല​യി​ലേക്കുയ​ർ​ന്നു.

അ​ര ല​ക്ഷം രൂ​പ എ​ന്ന പഴയ ഒ​ന്നാം സ​മ്മാ​ന​ത്തി​ൽ​നി​ന്ന് നി​ല​വി​ൽ 12 കോ​ടി രൂ​പ​വ​രെ ഒ​രു ലോ​ട്ട​റി​യി​ൽ സ​മ്മാ​നം ന​ൽ​കു​ന്നു. ഓ​ണം, ക്രി​സ്മ​സ് മെ​ഗാ ബ​ന്പ​റു​ക​ളും വി​ഷു, പൂ​ജാ, മ​ണ്‍​സൂ​ണ്‍, സ​മ്മ​ർ ബ​ന്പ​റു​ക​ളു​മു​ണ്ട്. ഓ​ണം, ക്രി​സ്മ​സ് ബ​ന്പ​റി​ന് 300 രൂ​പ​യും മ​റ്റു നാ​ലു ബ​ന്പ​റു​ക​ൾ​ക്ക് 200 രൂ​പ​യും വി​ല. ബ​ന്പ​ർ കൂ​ടാ​തെ തി​ങ്ക​ൾ മു​ത​ൽ ശ​നി​വ​രെ വി​ൻ​വി​ൻ, ധ​ന​ശ്രീ, അ​ക്ഷ​യ, കാ​രു​ണ്യ പ്ല​സ്, ഭാ​ഗ്യ​നി​ധി, കാ​രു​ണ്യ ടി​ക്ക​റ്റു​ക​ൾ, വില 40 രൂ​പ. ഇ​പ്പോ​ൾ ദി​വ​സം 1.8 കോ​ടി ടി​ക്ക​റ്റാ​ണ് അ​ച്ച​ടി​ച്ചി​റ​ക്കു​ന്ന​ത്. ആ​ഴ്ച്ച​യി​ൽ ശ​രാ​ശ​രി ആ​റ​ര ​കോ​ടി​യോ​ളം ടി​ക്ക​റ്റ്. മാ​സം 26 കോ​ടി. വ​ർ​ഷം 300 കോ​ടി​യി​ല​ധി​കം ടി​ക്ക​റ്റു​ക​ൾ. അ​ടി​ച്ചി​റ​ക്കു​ന്ന ടി​ക്ക​റ്റു​ക​ൾ ഏ​റെ​ക്കു​റെ പൂ​ർ​ണ​മാ​യി വി​റ്റ​ഴി​യു​ന്നു. 12 സീ​രി​സി​ലാ​യാ​ണ് ഇ​പ്പോ​ൾ അ​ച്ച​ടി.

പ​തി​നാ​യി​രം കോ​ടി വ​രു​മാ​നം

1968 ൽ 20 ​ല​ക്ഷം രൂ​പ ല​ക്ഷ്യ​മി​ട്ട ലോ​ട്ട​റി​യു​ടെ ഇ​പ്പോ​ഴ​ത്തെ വ​രു​മാ​നം കേ​ട്ടാ​ൽ അ​തി​ശ​യി​ക്കും. 2017 മു​ത​ലു​ള്ള ക​ണ​ക്കു​ക​ൾ ഇ​ങ്ങ​നെ. 2017-18ൽ 9034.61 ​കോ​ടി രൂ​പ​യു​ടെ​താ​യി​രു​ന്നു വി​ല്പ​ന. സ​മ്മാ​നം ഉ​ൾ​പ്പെ​ടെ ചെ​ല​വു​ക​ൾ​ക്കു​ശേ​ഷം 1695 കോ​ടി ലാ​ഭം. തൊ​ട്ട​ടു​ത്ത വ​ർ​ഷം 9264 കോ​ടി വി​റ്റു​വ​ര​വും 1673 കോ​ടി ലാ​ഭ​വും. 2019 - 20ൽ 9972 ​കോ​ടി വി​റ്റു​വ​ര​വും 1673 കോ​ടി ലാ​ഭ​വും. 2021 ൽ ​കോ​വി​ഡി​ൽ ന​റു​ക്കെ​ടു​പ്പ് പ​ല​തും ഒ​ഴി​വാ​യെ​ങ്കി​ലും 4911 കോ​ടി​യു​ടെ വി​റ്റു​വ​ര​വു​ണ്ടാ​യി. 472 കോ​ടി ലാ​ഭ​വും.

18 വ​യ​സ് പൂ​ർ​ത്തി​യാ​യ ആ​ർ​ക്കും ലോ​ട്ട​റി ഏ​ജ​ൻ​സി​യെ​ടു​ക്കാം. 200 രൂ​പ​യും പാ​സ്പോ​ർ​ട്ട് സൈ​സ് ഫോ​ട്ടോ​യു​മാ​യി ജി​ല്ലാ ലോ​ട്ട​റി ഓ​ഫീ​സു​ക​ളി​ലെ​ത്തി അ​പേ​ക്ഷി​ച്ചാ​ൽ ഏ​ജ​ൻ​സി ല​ഭി​ക്കും. സ​ർ​ക്കാ​ർ ക​ണ​ക്ക​നു​സ​രി​ച്ച് ലോ​ട്ട​റി​ക്ക് 35,000 ല​ധി​കം ഏ​ജ​ന്‍റു​മാ​രും ര​ണ്ടു​ല​ക്ഷ​ത്തോ​ളം വി​ല്പ​ന​ക്കാ​രു​മു​ണ്ട്. ലോ​ട്ട​റി ഏ​ജ​ന്‍റു​മാ​ർ​ക്കു​ള്ള ക​മ്മീ​ഷ​ൻ ഡി​സ്കൗ​ണ്ട് സ്കീ​മി​ലാ​ണ് ന​ൽകു​ന്ന​ത്. അ​തു മൂ​ന്നു സ്ലാ​ബു​ക​ളാ​യി ത​രം​തി​രി​ച്ചി​ട്ടു​ണ്ട്. 2100 ടി​ക്ക​റ്റു​ക​ൾ​ക്ക് താ​ഴെ​യു​ള്ള​വ​ർ​ക്ക് 24 ശ​ത​മാ​ന​വും 2100 മു​ത​ൽ 8450 വ​രെ 24.75 ശ​ത​മാ​ന​വും 8450 നു ​മു​ക​ളി​ൽ 25 ശ​ത​മാ​ന​വും ഡി​സ്കൗ​ണ്ട്. അ​ടി​ക്കു​ന്ന ടി​ക്ക​റ്റു​ക​ൾ​ക്ക് 12.5 ശ​ത​മാ​നം ക​മ്മീ​ഷ​ൻ ഏ​ജ​ൻ​സി​ക​ൾ​ക്ക് ല​ഭി​ക്കും.

ക​ബ​ളി​പ്പി​ക്കാ​ൻ ക​ഴി​യാ​ത്ത​വി​ധം അ​തി​സു​ര​ക്ഷാ മു​ദ്ര​ക​ളാ​ണ് ടി​ക്ക​റ്റു​ക​ളി​ൽ ഇ​പ്പോ​ൾ സെ​ക്യൂ​രി​റ്റി ഫീ​ച്ചേ​ഴ്സ് ആ​യി ന​ൽകി​യി​ട്ടു​ള്ള​ത്. സ്കാ​ൻ ചെ​യ്യു​ന്ന ടി​ക്ക​റ്റി​ലോ കളർ ഫോ​ട്ടോ​സ്റ്റാ​റ്റി​ലോ ഈ ​മു​ദ്ര തെ​ളി​യി​ല്ല. സ​ർ​ക്കാ​ർ പ്ര​സി​ൽ ഉ​ൾ​പ്പെ​ടെ അ​ത്യാ​ധു​നീ​ക​ സം​വി​ധാ​ന​ങ്ങ​ളോ​ടെ​യാ​ണ് അ​ച്ച​ടി. വ​ട​ക്ക​ൻ കേ​ര​ള​ത്തി​ലാ​ണ് ലോ​ട്ട​റി വി​ല്പ​ന കൂ​ടു​ത​ൽ. ഇ​തി​ൽ ഏ​റ്റ​വും മു​ന്നിൽ പാ​ല​ക്കാ​ടാ​ണ്.

കാ​രു​ണ്യ ലോ​ട്ട​റി

ലോ​ട്ട​റി​യെ ജ​ന​കീ​യ​മാ​ക്കി​യ​ത് കാ​രു​ണ്യ​യു​ടെ വ​ര​വാ​ണ്. 2011-12 ബ​ജ​റ്റി​ൽ കാ​രു​ണ്യ ബെ​ന​വെ​ല​ന്‍റ് ഫ​ണ്ട് പ്ര​ഖ്യാ​പ​ന​വും കാ​ൻ​സ​ർ, ഹൃ​ദ് രോ​ഗം, വൃ​ക്ക, ഹീ​മോ​ഫീ​ലി​യ ചി​കി​ത്സാ ധ​ന​സ​ഹാ​യ പ​ദ്ധ​തി​യും ആ​വി​ഷ്ക​രി​ച്ചു.

രോ​ഗി​ക്കു റേ​ഷ​ൻ കാ​ർ​ഡു​ള്ള ജി​ല്ല​യി​ലെ ജി​ല്ലാ ഭാ​ഗ്യ​ക്കു​റി ഓ​ഫീ​സ​ർ​ക്കു അ​പേ​ക്ഷ ന​ൽ​കു​ക​യും അ​ർ​ഹ​രാ​യ​വ​രെ ജി​ല്ലാ​ത​ല​സ​മി​തി ശു​പാ​ർ​ശ​ചെ​യ്ത് സം​സ്ഥാ​ന സ​മി​തി​ക്കു ന​ൽ​കു​ക​യും ആ ​സ​മി​തി അം​ഗീ​ക​രി​ച്ച​ശേ​ഷം തു​ക ആ​ശു​പ​ത്രി​യ​ധി​കൃ​ത​ർ​ക്കു കൈ​മാ​റു​ന്ന​തു​മാ​യി​രു​ന്നു പ​ദ്ധ​തി. കൂ​ടാ​തെ അ​ടി​യ​ന്ത​ര അ​പേ​ക്ഷ​ക​ൾ ജി​ല്ലാ ക​ള​ക്ട​ർ മു​ഖേ​ന പ്രീ​ഓ​ത​റൈ​സേ​ഷ​ൻ സ​ർ​ക്കാ​രാ​ശു​പ​ത്രി​ക​ൾ​ക്കു ന​ൽ​കു​ന്നു​മു​ണ്ടാ​യി​രു​ന്നു.



ഭാ​ഗ്യം ചാ​ന്പ​ലാ​യി

ഭാ​ഗ്യ​ദേ​വ​ത ക​ടാ​ക്ഷി​ച്ചു. ഒ​രു കോ​ടി സ​മ്മാ​ന​മ​ടി​ച്ചു. എ​ന്നാ​ൽ ആ ​സ​മ്മാ​നം ചാ​ര​മാ​യ ഒ​രു ക​ഥ​യു​ണ്ട്. മ​ല​പ്പു​റം സ്വ​ദേ​ശി​ക്ക് ഒ​രു കോ​ടി​യു​ടെ ലോ​ട്ട​റി അ​ടി​ച്ച​ത് വ​ർ​ഷ​ങ്ങ​ൾ​ക്ക് മു​ന്പ്. അ​വ​സാ​ന സ​മ്മാ​ന​ങ്ങ​ൾ മു​ത​ൽ പ​രി​ശോ​ധി​ച്ച ​ഹ​ത​ഭാ​ഗ്യ​ൻ വ​ലി​യ സ​മ്മാ​ന​ങ്ങ​ൾ നോ​ക്കി​യി​ല്ല. സ​മ്മാ​ന​മൊ​ന്നു​മി​ല്ലെ​ന്നു ക​രു​തി ലോ​ട്ട​റി​യെ​ടു​ത്ത് അ​ടു​പ്പി​ലെ​റി​ഞ്ഞു. താ​നെടു​ത്ത ലോ​ട്ട​റി​യു​ടെ ന​ന്പ​ർ ബു​ക്കി​ൽ ഇ​ദ്ദേ​ഹം കു​റി​ച്ചു വെ​ച്ചി​രു​ന്നു. അ​ൽ​പം ക​ഴി​ഞ്ഞ് ന​ന്പ​രു​ക​ൾ പ​രി​ശോ​ധി​ച്ച​പ്പോ​ൾ ചെ​റി​യൊ​രു സം​ശ​യം. ഒ​ന്നാം സ​മ്മാ​ന​മ​ടി​ച്ച ടി​ക്ക​റ്റ് ന​ന്പ​ർ താ​ൻ എ​ടു​ത്ത ലോ​ട്ട​റി​ക്കാ​ണോ എ​ന്ന്. പ​രി​ശോ​ധി​ച്ച​പ്പോ​ൾ എ​ഴു​തി വെ​ച്ച ന​ന്പ​രും പ​ത്ര​ത്തി​ൽ ഒ​ന്നാം സ​മ്മാ​ന​മാ​യി വ​ന്ന ന​ന്പ​രും ഒ​ന്നു ത​ന്നെ! വൈ​കാ​തെ അ​ടു​പ്പി​ൽ എ​റി​ഞ്ഞു​ക​ള​ഞ്ഞ ടി​ക്ക​റ്റ് തേ​ടി ഒ​രു ഓ​ട്ടം.

അ​വി​ടെ എ​ത്തി​യ​പ്പോ​ൾ കാ​ണു​ന്ന​ത് പാ​തി ചാ​ര​മാ​യ ത​ന്‍റെ ഭാ​ഗ്യ​ദേ​വ​ത. ചാ​ന്പ​ലാ​യ​തി​ന്‍റെ ബാ​ക്കി ലോ​ട്ട​റി ഭാ​ഗ​വും ക​ത്തി​യ ചാ​ര​വു​മാ​യി ഇ​ദ്ദേ​ഹം തി​രു​വ​ന​ന്ത​പു​രം ലോ​ട്ട​റി ഡ​യ​റ​ക്ട​റേ​റ്റി​ലെ​ത്തി സം​ഭ​വി​ച്ച കാ​ര്യ​ങ്ങ​ൾ വി​ശ​ദ​മാ​യി പ​റ​ഞ്ഞു. വ​ർ​ഷ​ങ്ങ​ൾ ക​ഴി​ഞ്ഞി​ട്ടും ഈ ​സ​മ്മാ​ന​ത്തി​ന് അ​വ​കാ​ശ​വാ​ദ​വു​മാ​യി മ​റ്റാ​രു​മെ​ത്തി​യി​ട്ടില്ല. പ​ക്ഷേ പാ​തി ചാ​ര​മാ​യ ലോ​ട്ട​റി​യാ​ണ് ഒ​ന്നാം സ​മ്മാ​നം അ​ടി​ച്ച​തെ​ന്ന​ത് സ​ത്യ​മാ​ണെ​ങ്കി​ലും ന​ന്പ​ർ പൂ​ർ​ണ​മ​ല്ലാ​ത്ത ലോ​ട്ട​റി​ക്ക് സ​മ്മാ​നം ന​ൽകാ​ൻ ക​ഴി​യി​ല്ല. കൈ​വെ​ള്ള​യി​ലെ​ത്തി​യ ഭാ​ഗ്യ​ദേ​വ​ത​യെ​യാ​ണ് ഇദ്ദേഹം ചാ​ര​മാ​ക്കി​യ​ത്.

ലോ​ട്ട​റി കോ​ട​തി​യി​ൽ

തൃ​ശൂ​രി​ൽ പു​ല​ർ​ച്ചെ ആ​രാ​ധ​നാ​ല​യ​ത്തി​ൽ പോ​യി മ​ട​ങ്ങി​വ​ന്ന സ​ഹോ​ദ​രി​മാ​ർ ചേ​ർ​ന്ന് ര​ണ്ട് ലോ​ട്ട​റി​ക​ൾ എ​ടു​ത്തു. വീ​ട്ടി​ലെ​ത്തി മേ​ശ​പ്പു​റ​ത്ത് ടി​ക്ക​റ്റ് വെ​ച്ചു. ഒ​രാ​ൾ താ​ൻ എ​ടു​ത്ത ടി​ക്ക​റ്റി​ന്‍റെ ന​ന്പ​ർ എ​ഴു​തി സൂ​ക്ഷി​ച്ചി​രു​ന്നു. പി​റ്റേ​ന്ന് ഇ​വ​ർ എ​ടു​ത്ത ലോ​ട്ട​റി​യ്ക്കാ​ണ് സ്ത്രീ​ശ​ക്തി​യു​ടെ ഒ​ന്നാം സ​മ്മാ​ന​മെ​ന്ന് വി​ത​ര​ണ​ക്കാ​ര​ൻ അ​റി​യി​ച്ചു. അ​പ്പോ​ൾത​ന്നെ സ​ഹോ​ദ​രി​മാ​രി​ൽ ഒ​രാ​ൾ ത​ന്‍റെ ലോ​ട്ട​റി​ക്കാ​ണ് സ​മ്മാ​ന​മെ​ന്ന് അ​വ​കാ​ശ​വാ​ദ​മു​ന്ന​യി​ച്ചു. എ​ന്നാ​ൽ ര​ണ്ടാ​മ​ത്തെ സ​ഹോ​ദ​രി താ​ൻ എ​ഴു​തി വ​ച്ച ന​ന്പ​ർ നോ​ക്കി​യ​പ്പോ​ൾ ആ ​ടി​ക്ക​റ്റി​നാ​ണ് സ​മ്മാ​ന​മ​ടി​ച്ച​തെ​ന്നു ഉ​റ​പ്പി​ച്ചു.

ഇ​തോ​ടെ ത​മ്മി​ൽ ത​ർ​ക്ക​മാ​യി. ഒ​ടു​വി​ൽ പോ​ലീ​സ് സ്റ്റേ​ഷ​നി​ലും കോ​ട​തി​യി​ലുംവ​രെ ​സ​മ്മാ​ന​ത്തെ​ച്ചൊ​ല്ലി​യു​ള്ള അ​വ​കാ​ശ​വാ​ദ​വും കേ​സും തു​ട​ർ​ന്നു. വ​ർ​ഷ​ങ്ങ​ൾ നീ​ണ്ട വ്യ​വ​ഹാ​ര​ങ്ങ​ൾ​ക്കൊ​ടു​വി​ൽ സ​മ്മാ​ന​ത്തു​ക ഇ​രു​വ​ർ​ക്കു​മാ​യി 60 ശ​ത​മാ​നം 40 ശ​ത​മാ​നം നി​ര​ക്കി​ൽ വീ​തി​ച്ചു ന​ൽകാ​ൻ ഉ​ത്ത​ര​വാ​യി. ഒ​രു സ​മ്മാ​നം വ​രു​ത്തി വെ​ച്ച പൊ​ല്ലാ​പ്പേ..

ലോ​ട്ട​റി​ക്ക് പേ​രി​ട്ട​ത് 1991ലാ​ണ്. ഒ​ക്ടോ​ബ​ർ ര​ണ്ടി​ന് ന​റു​ക്കെ​ടു​പ്പ് ന​ട​ന്ന കൈ​ര​ളി ലോ​ട്ട​റി​യാ​ണ് ആ​ദ്യ​മാ​യി പേ​രു​ചാ​ർ​ത്ത​പ്പെ​ട്ട ലോ​ട്ട​റി. ഭാ​ഗ്യം അ​ടി​ച്ചി​ട്ടും സ​മ്മാ​നം തേ​ടി​വ​രാ​ത്ത നി​ര​വ​ധി ഭാ​ഗ്യ​ശാ​ലി​ക​ളു​മു​ണ്ട്. ഒ​രു​പ​ക്ഷേ അ​വ​ർ ഭാ​ഗ്യ​വാ​ൻ​മാ​രാ​യ കാ​ര്യം അ​റി​ഞ്ഞി​ട്ടു​ണ്ടാ​വി​ല്ല. ആ ​പ​ണം സ​ർ​ക്കാ​ർ ഖ​ജ​നാ​വി​ലേ​ക്കാ​ണ് എ​ത്തു​ന്ന​ത്. കോ​ടി​ക​ൾ അ​ടി​ച്ച് കോ​ടീ​ശ്വ​ര​നാ​യി ജീ​വി​ക്കു​ന്ന​വ​രും കോ​ടി​ക​ൾ അ​ടി​ച്ച ശേ​ഷം ന​ശി​ച്ചു​പോ​യ​വ​രും പ​ല​രാ​ണ്.

തോ​മ​സ് വ​ർ​ഗീ​സ്


Copyright @ 2022 , Rashtra Deepika Ltd.