മേരീ ആവാസ് ഹീ പെഹ്ചാൻ ഹേ...
1995, മേ​യ് മാ​സം.
അ​മേ​രി​ക്ക​യി​ലെ ഷി​ക്കാ​ഗോ​യി​ൽ ഇ​ന്ത്യ​ൻ വം​ശ​ജ​രാ​യ ഡോ​ക്ട​ർ​മാ​രു​ടെ ദേ​ശീ​യ സ​മ്മേ​ള​ന​ത്തി​നു​ള്ള ഒ​രു​ക്ക​ങ്ങ​ൾ ന​ട​ക്കു​ക​യാ​ണ്. അ​ന്ന​ത്തെ പ്ര​സി​ഡ​ന്‍റ് ബി​ൽ ക്ലി​ന്‍റ​ണ്‍ സ​മ്മേ​ള​ന​ത്തി​ൽ പ്ര​സം​ഗി​ക്കു​മെ​ന്ന ഉ​റ​പ്പ് വൈ​റ്റ് ഹൗ​സി​ൽ​നി​ന്ന് ല​ഭി​ച്ചി​ട്ടു​ണ്ട്. സം​ഘാ​ട​ക​രി​ലെ പ്ര​ധാ​നി​യാ​യ ഡോ. ​ഭീം​സെ​ൻ റാ​വു​വി​ന് ഒ​രൊ​റ്റ​ക്കാ​ര്യ​ത്തി​ൽ വ​ലി​യ നി​ർ​ബ​ന്ധം- സ​മ്മേ​ള​ന​ത്തി​ൽ ല​താ മ​ങ്കേ​ഷ്ക​ർ പ​ങ്കെ​ടു​ക്ക​ണം. പാ​ട്ടു പാ​ടു​ക​യൊ​ന്നും​വേ​ണ്ട, സാ​ന്നി​ധ്യ​മു​ണ്ടാ​യാ​ൽ മാ​ത്രം​മ​തി.

ഡോ. ​റാ​വു നേ​രേ വി​ളി​ച്ച​ത് ല​ത​യു​ടെ അ​മേ​രി​ക്ക​ൻ പ​ര്യ​ട​ന​ങ്ങ​ൾ​ക്കു ചു​ക്കാ​ൻ പി​ടി​ച്ചി​രു​ന്ന മോ​ഹ​ൻ ദി​യോ​റ​യെ​യാ​ണ്. അ​ദ്ദേ​ഹം ല​താ മ​ങ്കേ​ഷ്ക​റു​മാ​യി സം​സാ​രി​ച്ച​പ്പോ​ൾ അ​വ​ർ ഷി​ക്കാ​ഗോ​യി​ൽ ജൂ​ണി​ൽ ന​ട​ക്കു​ന്ന സ​മ്മേ​ള​ന​ത്തി​നെ​ത്താ​മെ​ന്നു സ​മ്മ​തി​ച്ചു. ഡോ. ​റാ​വു​വും സം​ഘ​വും വ​ലി​യ സ​ന്തോ​ഷ​ത്തി​ലാ​യി. എ​ന്നാ​ൽ ആ ​സ​ന്തോ​ഷം അ​ധി​കം നീ​ണ്ടി​ല്ല. ജൂ​ണ്‍ പ​തി​നാ​റി​ന് ല​ത​യു​ടെ അ​മ്മ മാ​യി മ​ങ്കേ​ഷ്ക​ർ അ​ന്ത​രി​ച്ചു. ല​ത ആ​കെ ത​ക​ർ​ന്ന അ​വ​സ്ഥ​യി​ലാ​യി.

പ്ര​സി​ഡ​ന്‍റ് ക്ലി​ന്‍റ​ണു​മാ​യു​ള്ള കൂ​ടി​ക്കാ​ഴ്ച​യ്ക്ക് ക​ഷ്ടി​ച്ചു ര​ണ്ടാ​ഴ്ച​യേ​യു​ള്ളൂ. തീ​വ്ര​ദുഃ​ഖ​ത്തി​ന്‍റെ വേ​ള​യി​ൽ കു​ടും​ബ​ത്തെ വി​ട്ട് അ​മേ​രി​ക്ക​യി​ലേ​ക്കു പ​റ​ക്കു​ന്ന​കാ​ര്യം ചി​ന്തി​ക്കാ​ൻ​പോ​ലും അ​പ്പോ​ൾ ല​താ മ​ങ്കേ​ഷ്ക​ർ​ക്കു ക​ഴി​യു​മാ​യി​രു​ന്നി​ല്ല. പ​ക്ഷേ, വാ​ക്കു​പാ​ലി​ക്ക​ണ​മെ​ന്നാ​യി​രു​ന്നു കു​ടും​ബാം​ഗ​ങ്ങ​ളു​ടെ സ്നേ​ഹ​പൂ​ർ​വ​മു​ള്ള നി​ർ​ബ​ന്ധം. അ​വ​ർ​ക്കു സ​മ്മ​തി​ക്കേ​ണ്ടി​വ​ന്നു.

സം​ഗീ​ത​ജ്ഞ​ൻ ക്ലി​ന്‍റ​ണ്‍!

മ​രു​ക​ൾ ര​ച​ന, ഗാ​യ​ക​ൻ എ​സ്.​പി. ബാ​ല​സു​ബ്ര​ഹ്മ​ണ്യം എ​ന്നി​വ​ർ​ക്കൊ​പ്പ​മാ​ണ് അ​ന്ന് ല​താ മ​ങ്കേ​ഷ്ക​ർ ഷി​ക്കാ​ഗോ​യി​ൽ എ​ത്തി​യ​ത്. ഡോ. ​റാ​വു​വി​ന്‍റെ നേ​തൃ​ത്വ​ത്തി​ൽ സം​ഘാ​ട​ക​ർ അ​വ​രെ പ്ര​സി​ഡ​ന്‍റ് ക്ലി​ന്‍റ​ണു​മാ​യു​ള്ള കൂ​ടി​ക്കാ​ഴ്ച​യ്ക്ക് കൊ​ണ്ടു​പോ​യി.

അ​മേ​രി​ക്ക​ൻ പ്ര​സി​ഡ​ന്‍റി​നും പ്ര​ഥ​മ​വ​നി​ത​യ്ക്കും ഒ​പ്പം ചെ​ല​വ​ഴി​ച്ച നി​മി​ഷ​ങ്ങ​ളെ​ക്കു​റി​ച്ച് ല​താ മ​ങ്കേ​ഷ്ക​ർ പി​ന്നീ​ട് ഓ​ർ​മി​ച്ച​തി​ങ്ങ​നെ:
ഞാ​നും ബാ​ല​സു​ബ്ര​ഹ്മ​ണ്യ​വും മു​റി​യി​ലേ​ക്കു ചെ​ല്ലു​ന്പോ​ൾ പ്ര​സി​ഡ​ന്‍റ് ക്ലി​ന്‍റ​ണും പ​ത്നി​യും ഞ​ങ്ങ​ൾ​ക്കു​വേ​ണ്ടി കാ​ത്തി​രി​ക്കു​ക​യാ​യി​രു​ന്നു. എ​ന്നെ​ക്കു​റി​ച്ച് ധാ​രാ​ളം കേ​ട്ടി​ട്ടു​ണ്ടെ​ന്ന് അ​വ​ർ പ​റ​ഞ്ഞു. എ​നി​ക്ക​തു വ​ലി​യ അ​ഭി​മാ​ന​മാ​യി​ത്തോ​ന്നി. അ​ടു​ത്ത​യി​ടെ ഇ​ന്ത്യ സ​ന്ദ​ർ​ശി​ച്ച​തി​നെ​ക്കു​റി​ച്ച് പ​റ​യു​ക​യാ​യി​രു​ന്നു ഹി​ല​രി ക്ലി​ന്‍റ​ണ്‍. സ​ന്ദ​ർ​ശ​നം ഏ​റെ ആ​സ്വ​ദി​ച്ചെ​ന്നും, അ​ടു​ത്ത ഇ​ല​ക്ഷ​നു​ശേ​ഷം ഭ​ർ​ത്താ​വി​നെ ഇ​ന്ത്യ​യി​ലേ​ക്കു കൂ​ട്ടി​ക്കൊ​ണ്ടു​പോ​കു​മെ​ന്നും അ​വ​ർ പ​റ​ഞ്ഞു. അ​ങ്ങ​നെ​യാ​ണെ​ങ്കി​ൽ നി​ങ്ങ​ൾ​ക്കു​വേ​ണ്ടി പാ​ടാ​മ​ല്ലോ എ​ന്നാ​യി ബാ​ല​സു​ബ്ര​ഹ്മ​ണ്യം.

പ്ര​സി​ഡ​ന്‍റ് ക്ലി​ന്‍റ​ണ് ഇ​ന്ത്യ​യി​ൽ ധാ​രാ​ളം ആ​രാ​ധ​ക​രു​ള്ള​താ​യി ഞാ​ൻ പ​റ​ഞ്ഞു. അ​ദ്ദേ​ഹം ഒ​രു സം​ഗീ​ത​ജ്ഞ​നാ​ണെ​ന്ന് എ​നി​ക്ക​റി​യാ​മാ​യി​രു​ന്നു. അ​ദ്ദേ​ഹം സാ​ക്സ​ഫോ​ണ്‍ വാ​യി​ക്കു​ന്ന വീ​ഡി​യോ​ക​ൾ ഞാ​ൻ ക​ണ്ടി​ട്ടു​ണ്ട്. ക്ലി​ന്‍റ​ണ്‍ അ​മേ​രി​ക്ക​ൻ പ്ര​സി​ഡ​ന്‍റാ​യ​തു​കൊ​ണ്ടു മാ​ത്ര​മ​ല്ല, ഒ​രു സം​ഗീ​ത​കാ​ര​ൻ​കൂ​ടി ആ​യ​തി​നാ​ലാ​ണ് അ​ദ്ദേ​ഹ​ത്തെ കാ​ണാ​ൻ ഞാ​ൻ ആ​ഗ്ര​ഹി​ച്ച​ത്. എ​നി​ക്ക​ത് അ​ദ്ദേ​ഹ​ത്തോ​ടു പ​റ​യ​ണ​മെ​ന്നു​ണ്ടാ​യി​രു​ന്നു, പി​ന്നീ​ടു വേ​ണ്ടെ​ന്നു​വ​ച്ചു. എ​ന്താ​യാ​ലും വ​ള​രെ സ​ന്തോ​ഷ​ക​ര​മാ​യി​രു​ന്നു പ്ര​സി​ഡ​ന്‍റും പ​ത്നി​യു​മാ​യു​ള്ള കൂ​ടി​ക്കാ​ഴ്ച.

മാ​യി മ​ങ്കേ​ഷ്ക​ർ

മ​ങ്കേ​ഷ്ക​ർ കു​ടും​ബ​ത്തി​ന്‍റെ നാ​ഥ എ​ന്ന നി​ല​യ്ക്കാ​ണ് ശു​ദ്ധ​മ​തി മ​ങ്കേ​ഷ്ക​റെ മാ​യി മ​ങ്കേ​ഷ്ക​ർ എ​ന്നു വി​ശേ​ഷി​പ്പി​ക്കു​ന്ന​ത്. ശേ​വ​ന്തി എ​ന്നാ​യി​രു​ന്നു അ​മ്മ​യു​ടെ ആ​ദ്യ​ത്തെ പേ​ര് (ല​ത​യു​ടെ ആ​ദ്യ​നാ​മം ഹേ​മ എ​ന്നാ​യി​രു​ന്നു. അ​ച്ഛ​ൻ ദീ​നാ​നാ​ഥ് മ​ങ്കേ​ഷ്ക​റി​ന്‍റെ നാ​ട​ക​ങ്ങ​ളി​ലൊന്നി​ലെ ക​ഥാ​പാ​ത്ര​മാ​യ ല​തി​ക​യു​ടെ ഓ​ർ​മ​യ്ക്ക് ല​ത എ​ന്നു മാ​റ്റു​ക​യാ​യി​രു​ന്നു പി​ന്നീ​ട്).

അ​ന്നും ഇ​ന്നും ല​ത​യ്ക്ക് പ്ര​ചോ​ദ​ന​വും ഉൗ​ർ​ജവു​മാ​യി​രു​ന്നു മാ​യി. ദീ​നാ​നാ​ഥി​ന്‍റെ മ​ര​ണ​ശേ​ഷം ഏ​താ​ണ്ട് അ​ര​നൂ​റ്റാ​ണ്ടു​കാ​ലം കു​ടും​ബ​ത്തെ​യൊ​ന്നാ​കെ നോ​ക്കി ന​യി​ച്ച​ത് മാ​യി ആ​യി​രു​ന്നു. ക​ഴി​ഞ്ഞ​വ​ർ​ഷം അ​മ്മ​യു​ടെ ഓ​ർ​മ​ദി​ന​ത്തി​ൽ ല​ത ട്വി​റ്റ​റി​ൽ ഹൃ​ദ​യ​ത്തി​ൽ തൊ​ടു​ന്നു കു​റി​പ്പു​ക​ളു​മാ​യെ​ത്തി. അ​മ്മ​യു​ടെ പു​ഞ്ചി​രി​ക്കു​ന്ന ചി​ത്ര​ത്തി​നൊ​പ്പ​മാ​യി​രു​ന്നു കു​റി​പ്പു​ക​ൾ:

ഇ​ന്നെ​ന്‍റെ ബ​ഹു​മാ​ന്യ​യാ​യ അ​മ്മ​യു​ടെ ഓ​ർ​മ​ദി​വ​സ​മാ​ണ്. അ​ച്ഛ​ൻ സ്വ​ർ​ഗ​സ്ഥ​നാ​യ​ശേ​ഷം ഞ​ങ്ങ​ളു​ടെ അ​മ്മ​യും അ​ച്ഛ​നും മാ​യി ആ​യി​രു​ന്നു. അ​മ്മ​യെ ക​ണ്ടാ​ണ് ഞ​ങ്ങ​ൾ ആ​ത്മാ​ഭി​മാ​ന​ത്തോ​ടെ ജീ​വി​ക്കാ​ൻ പ​ഠി​ച്ച​ത്. ഇ​ന്നും എ​ന്‍റെ ശ​ക്തി മാ​യി​യാ​ണ്. ഇ​ന്നും ഞാ​ൻ മാ​യി പ​ഠി​പ്പി​ച്ച വ​ഴി​ക​ളി​ലൂ​ടെ​യാ​ണ് ന​ട​ക്കു​ന്ന​ത്. രാ​ത്രി​യോ പ​ക​ലോ എ​ന്നി​ല്ലാ​തെ ഞാ​ൻ അ​മ്മ​യെ​യും അ​ച്ഛ​നെ​യും ഓ​ർ​മി​ച്ചു​കൊ​ണ്ടി​രി​ക്കു​ന്നു.

മാ​യി മ​ങ്കേ​ഷ്ക​ർ ആ​ശു​പ​ത്രി

ആ ​ഓ​ർ​മ കൂ​ടു​ത​ൽ ദീ​പ്ത​മാ​ക്കാ​ൻ പു​നെ​യി​ൽ ഒ​രു സ്ഥാ​പ​ന​മു​ണ്ട്- മാ​യി മ​ങ്കേ​ഷ്ക​ർ ഹോ​സ്പി​റ്റ​ൽ. ജ്ഞാ​ന പ്ര​ബോ​ധി​നി മെ​ഡി​ക്ക​ൽ ട്ര​സ്റ്റ്, ല​താ മ​ങ്കേ​ഷ്ക​ർ മെ​ഡി​ക്ക​ൽ ഫൗ​ണ്ടേ​ഷ​ൻ എ​ന്നി​വ​യു​ടെ സം​യു​ക്ത സം​രം​ഭ​മാ​യാ​ണ് ആ​ശു​പ​ത്രി പ്ര​വ​ർ​ത്തി​ക്കു​ന്ന​ത്. 60 കി​ട​ക്ക​ക​ളു​ള്ള ആ​ശു​പ​ത്രി 2010 മാ​ർ​ച്ച് 16നാ​ണ് ഉ​ദ്ഘാ​ട​നം​ചെ​യ്ത​ത്. ല​താ മ​ങ്കേ​ഷ്ക​റു​ടെ കൈ​ക​ളി​ലൂ​ടെ​ത്ത​ന്നെ​യാ​യി​രു​ന്നു തു​ട​ക്കം. ആ​ഷാ ഭോ​സ്ലേ​യ​ട​ക്കം കു​ടും​ബ​ത്തി​ലെ എ​ല്ലാ​വ​രും ഇ​വി​ടത്തെ പ്ര​വ​ർ​ത്ത​ന​ങ്ങ​ളു​മാ​യി സ​ഹ​ക​രി​ക്കു​ന്നു. സ​മൂ​ഹ​ത്തി​ന്‍റെ താ​ഴേ​ക്കി​ട​യി​ലു​ള്ള​വ​ർ​ക്ക് ചു​രു​ങ്ങി​യ ചെ​ല​വി​ൽ കൃ​ത്യ​മാ​യ ചി​കി​ത്സ എ​ത്തി​ക്കു​ക എ​ന്ന​താ​ണ് ല​ക്ഷ്യം.

ഒ​ട്ടേ​റെ കാ​രു​ണ്യ പ്ര​വ​ർ​ത്ത​ന​ങ്ങ​ൾ ചെ​യ്യു​ന്ന ല​താ മ​ങ്കേ​ഷ്ക​ർ അ​ക്കാ​ര്യം ക​ഴി​വ​തും ആ​രെ​യും അ​റി​യി​ക്കാ​റി​ല്ല. വ​ല​തു​കൈ ചെ​യ്യു​ന്ന​ത് ഇ​ട​തു​കൈ​പോ​ലും അ​റി​യ​രു​ത് എ​ന്ന ത​​ത്ത്വംത​ന്നെ​യാ​ണ് അ​വ​രെ ന​യി​ക്കു​ന്ന​ത്. പാ​ട്ടു​ക​ളി​ലൂ​ടെ ആ ​മ​ഹി​മ ഒ​ഴു​ക​ട്ടെ. അ​വ​യി​ലൊ​ന്നി​ൽ പ​റ​ഞ്ഞ​പോ​ലെ മേ​രീ ആ​വാ​സ് ഹീ ​പെ​ഹ്ചാ​ൻ ഹേ... ​ശ​ബ്ദം​ത​ന്നെ​യാ​ണ് എ​ന്‍റെ അ​ട​യാ​ളം...

ഹരിപ്രസാദ്‌
Copyright @ 2019 , Rashtra Deepika Ltd.