മാർക്ക് മാത്രം പോര, മാതൃകയുമാകണം
പ്ര​സി​ദ്ധ​നാ​യ ഒ​രു ഡോ​ക്ട​റും കാ​ന​ഡ​യി​ലെ ടൊ​റോ​ന്‍റോ സ്കൂ​ൾ ഓ​ഫ് മെ​ഡി​സി​നി​ലെ പ്ര​ഫ​സ​റു​മാ​യി​രു​ന്നു ജ​യിം​സ് ലാം​ഗ്സ്റ്റാ​ഫ് (1825-1889). ഒ​രേ​സ​മ​യം ഡോ​ക്ട​റും അ​ഭി​ഭാ​ഷ​ക​നും രാഷ്‌ട്രീയ​ക്കാ​ര​നു​മാ​യി സേ​വ​നം ചെ​യ്തി​രു​ന്ന ജോ​ണ്‍ റോ​ൾ​ഫി​ന്‍റെ കീ​ഴി​ൽ ടൊ​റോ​ന്‍റോ​യി​ൽ മെ​ഡി​ക്ക​ൽ വി​ദ്യാ​ഭ്യാ​സം ആ​രം​ഭി​ച്ച ലാം​ഗ്സ്റ്റാ​ഫ് ഇം​ഗ്ല​ണ്ടി​ൽ പോ​യി മെ​ഡി​സി​നി​ൽ ബി​രു​ദം സ​ന്പാ​ദി​ച്ചു.

ഇം​ഗ്ല​ണ്ടി​ലെ പ​ഠ​ന​ശേ​ഷം കാ​ന​ഡ​യി​ൽ മ​ട​ങ്ങി​യെ​ത്തി​യ അ​ദ്ദേ​ഹം മെ​ഡി​ക്ക​ൽ ഡോ​ക്ട​റാ​യി സേ​വ​നം തു​ട​ങ്ങി. അ​പ്പോ​ൾ അ​ദ്ദേ​ഹം മ​ന​സി​ലാ​ക്കി​യ ഒ​രു കാ​ര്യം ത​ന്‍റെ രോ​ഗി​ക​ളി​ൽ ഭൂ​രി​ഭാ​ഗ​വും സാ​ന്പ​ത്തി​ക ബു​ദ്ധി​മു​ട്ട് അ​നു​ഭ​വി​ക്കു​ന്ന​വ​ർ ആ​ണ് എ​ന്ന​താ​യി​രു​ന്നു. തന്മൂ​ലം അ​ക്കാ​ല​ത്തെ മെ​ഡി​ക്ക​ൽ അ​സോ​സി​യേ​ഷ​ന്‍റെ നി​ർ​ദേ​ശ​മ​നു​സ​രി​ച്ചു​ള്ള ബി​ല്ല് ത​ന്‍റെ സേ​വ​ന​ത്തി​ന് അ​ദ്ദേ​ഹം എ​ഴു​തി​യി​രു​ന്നെ​ങ്കി​ലും ആ ​തു​ക പ​ല​പ്പോ​ഴും അ​ദ്ദേ​ഹം ഈ​ടാ​ക്കി​യി​രു​ന്നി​ല്ല.

എ​ന്നാ​ൽ, അ​നു​ദി​ന ചെ​ല​വി​നു പ​ണം ആ​വ​ശ്യ​മാ​ണ​ല്ലോ. അ​തി​നു​വേ​ണ്ടി അ​ദ്ദേ​ഹം ഒ​രു ത​ടി​മി​ൽ ആ​രം​ഭി​ച്ചു. അ​തു​വ​ഴി ല​ഭി​ച്ച വ​രു​മാ​നം​കൊ​ണ്ടാ​ണ് അ​ദ്ദേ​ഹ​ത്തി​ന്‍റെ പ​ത്തു മ​ക്ക​ളെ വ​ള​ർ​ത്തി​യ​ത്.

രോ​ഗി​ക​ൾ​ക്കു സാ​ധാ​ര​ണ​യാ​യി സൗ​ജ​ന്യ​സേ​വ​നം ന​ൽ​കി​യി​രു​ന്ന ഡോ. ​ലാം​ഗ്സ്റ്റാ​ഫ് ആ​വ​ശ്യ​മെ​ങ്കി​ൽ രോ​ഗി​ക​ളു​ടെ വീ​ടു​ക​ളി​ലെ​ത്തി അ​വ​ർ​ക്കു വി​ദ​ഗ്ധ സ​ഹാ​യം ന​ൽ​കു​ന്ന​തി​ലും ശ്ര​ദ്ധി​ച്ചി​രു​ന്നു. ഒ​രി​ക്ക​ൽ അ​ക​ലെ ഒ​രു കു​ഗ്രാ​മ​ത്തി​ൽ​നിന്ന് ഒ​രു അ​ടി​യ​ന്ത​ര സ​ന്ദേ​ശ​മെ​ത്തി. പ്ര​സ​വ​വേ​ദ​ന​മൂ​ലം ക്ലേ​ശി​ക്കു​ന്ന ഒ​രു സ്ത്രീ​യെ​ക്കു​റി​ച്ചു​ള്ള സ​ന്ദേ​ശ​മാ​യി​രു​ന്നു അ​ത്.
ആ​ശു​പ​ത്രി​യി​ൽ ആം​ബു​ല​ൻ​സു​ള്ള കാ​ല​മാ​യി​രു​ന്നി​ല്ല അ​ത്. തന്മൂലം, അ​ദ്ദേ​ഹം ത​ന്‍റെ കാ​റി​ൽ രോ​ഗി​യെ​ത്തേ​ടി യാ​ത്ര​യാ​യി. എ​ന്നാ​ൽ അ​മി​ത​മാ​യ മ​ഞ്ഞു​വീ​ഴ്ച​മൂ​ലം കാ​റി​നു മു​ന്നോ​ട്ടു​പോ​കാ​ൻ ക​ഴി​ഞ്ഞി​ല്ല. അ​പ്പോ​ൾ അ​ദ്ദേ​ഹം കാ​ർ വ​ഴി​യ​രി​കി​ൽ പാ​ർ​ക്കു​ചെ​യ്തി​ട്ട് ഹി​മ​പ്പര​പ്പി​ലൂ​ടെ തെ​ന്നി​പ്പാ​യു​ന്ന സ്കി ​ഉ​പ​യോ​ഗി​ച്ചു യാ​ത്ര തു​ട​ർ​ന്നു. പ​ക്ഷേ, അ​പ്പോ​ഴും യാ​ത്ര സു​ഗ​മ​മാ​യി​രു​ന്നി​ല്ല. എ​ങ്കി​ലും സ​മ​യം വൈ​കു​ന്ന​തി​നു മു​ന്പ് സ്ഥ​ല​ത്തെ​ത്തി പ്ര​സ​വ​മെ​ടു​ക്കു​വാ​ൻ ഡോ​ക്ട​ർ​ക്കു സാ​ധി​ച്ചു.

രോ​ഗി​ക​ളെ പ​രി​ച​രി​ക്കു​ന്ന കാ​ര്യ​ത്തി​ൽ ഏ​റെ ശ്ര​ദ്ധാ​ലു​വാ​യി​രു​ന്ന അ​ദ്ദേ​ഹം ത​ന്‍റെ മ​ക്ക​ൾ​ക്കു മൂ​ല്യാ​ധി​ഷ്ഠി​ത പ​രി​ശീ​ല​നം ന​ൽ​കു​ന്ന​തി​ലും പ്ര​ത്യേ​കം ശ്ര​ദ്ധി​ച്ചി​രു​ന്നു. ഒ​രി​ക്ക​ൽ അ​ദ്ദേ​ഹ​ത്തി​ന്‍റെ മ​ക​ൻ വാ​ൾ​ട്ട​ർ സ്കൂ​ളി​ൽ​നി​ന്നു വ​ന്ന​പ്പോ​ൾ അ​ദ്ദേ​ഹ​ത്തോ​ടു പ​റ​ഞ്ഞു: "ഡാ​ഡ്, എ​നി​ക്കു മാ​ത്ത​മാ​റ്റി​ക്സി​ൽ തൊ​ണ്ണൂ​റ്റി​യൊ​ന്പ​തു ശ​ത​മാ​നം മാ​ർ​ക്കു കി​ട്ടി’. ഉ​ട​നെ മ​റു​പ​ടി​യാ​യി: "വ​ള​രെ ന​ന്നാ​യി​രി​ക്കു​ന്നു. അ​ഭി​ന​ന്ദ​ന​ങ്ങ​ൾ! എ​ന്നാ​ൽ, നീ ​ന​ല്ല ഒ​രു പൗ​ര​നാ​യി വ​ള​രു​ന്നു​ണ്ടോ എ​ന്നു​കൂ​ടി ഉ​റ​പ്പു​വ​രു​ത്ത​ണം.’ ഈ ​സം​ഭ​വം ന​ട​ന്നി​ട്ട് നാ​ല്പ​ത്തി​യ​ഞ്ചു​വ​ർ​ഷം ക​ഴി​ഞ്ഞ​പ്പോ​ൾ അ​തേ​ക്കു​റി​ച്ചു വാ​ൾ​ട്ട​ർ ഒ​രു വേ​ദി​യി​ൽ ഇ​പ്ര​കാ​രം പ​റ​ഞ്ഞു: "ഞാ​ൻ ന​ല്ലൊ​രു പൗ​ര​നാ​യി വ​ള​രു​ന്നു​ണ്ടോ എ​ന്ന് എ​ന്‍റെ പി​താ​വ് ചോ​ദി​ച്ച ചോ​ദ്യം ക​ഴി​ഞ്ഞു​പോ​യ വ​ർ​ഷ​ങ്ങ​ളി​ലൊ​ന്നും ഞാ​ൻ ഒ​രി​ക്ക​ലും മ​റ​ന്നി​ട്ടി​ല്ല.’

മ​ക്ക​ൾ​ക്കു ന​ല്ല വി​ദ്യാ​ഭ്യാ​സം ന​ൽ​കു​ന്ന​തി​ൽ ഏ​റെ ശ്ര​ദ്ധാ​ലു​ക്ക​ളാ​ണു ന​മ്മ​ൾ. മ​റ്റൊ​രു രാ​ജ്യ​ത്തും ദേ​ശ​ത്തും കാ​ണാ​ത്ത രീ​തി​യി​ൽ ന​മ്മു​ടെ മ​ക്ക​ൾ​ക്കു ന​ല്ല വി​ദ്യാ​ഭ്യാ​സം ന​ൽ​കു​ന്ന കാ​ര്യ​ത്തി​ൽ നാം ​പ്ര​തി​ജ്ഞാ​ബ​ദ്ധ​രാ​ണ് എ​ന്ന​തു ന​മു​ക്ക് ഏ​റെ അ​ഭി​മാ​നി​ക്കാ​ൻ വ​ക ന​ൽ​കു​ന്ന കാ​ര്യ​മാ​ണ്. ന​മ്മ​ൾ എ​ത്ര പാ​വ​പ്പെ​ട്ട​വ​രാ​ണെ​ങ്കി​ലും മ​ക്ക​ളു​ടെ വി​ദ്യാ​ഭ്യാ​സ കാ​ര്യം വ​രു​ന്പോ​ൾ എ​ങ്ങ​നെ​യെ​ങ്കി​ലും ഏ​റ്റ​വും ന​ല്ല സ്കൂ​ളു​ക​ളി​ൽ അ​വ​രെ അ​യ​യ്ക്കു​വാ​നാ​ണു നാം ​ശ്ര​മി​ക്കാ​റു​ള്ള​ത്.

നാം ​അ​ങ്ങ​നെ ചെ​യ്യു​ന്ന​തു വ​ലി​യ ഒ​രു കാ​ര്യ​വു​മാ​ണ്. കാ​ര​ണം, ഇ​ന്ന​ത്തെ​ക്കാ​ല​ത്തു ന​ല്ല വി​ദ്യാ​ഭ്യാ​സം കൂ​ടാ​തെ സാ​മാ​ന്യം ഭേ​ദ​പ്പെ​ട്ട ജോ​ലി സ​ന്പാ​ദി​ക്കാ​നോ വ​ലി​യ അ​ല്ല​ൽ കൂ​ടാ​തെ ജീ​വി​ക്കാ​നോ ന​മു​ക്കു സാ​ധി​ക്കി​ല്ല. എ​ന്നാ​ൽ നാം ​ന​ൽ​കു​ന്ന മെ​ച്ച​പ്പെ​ട്ട വി​ദ്യാ​ഭ്യാ​സം മൂ​ല്യാ​ധി​ഷ്ഠി​ത വി​ദ്യാ​ഭ്യാ​സ​മാ​ണ് എ​ന്നു​കൂ​ടി നാം ​ഉ​റ​പ്പു​വ​രു​ത്ത​ണം.

നാം ​മെ​ച്ച​മെ​ന്നു ക​രു​തു​ന്ന സ്കൂ​ളി​ൽ മ​ക്ക​ളെ അ​യ​ച്ച​തു​കൊ​ണ്ടു മാ​ത്രം അ​വ​ർ​ക്കു മൂ​ല്യാ​ധി​ഷ്ഠി​ത പ​രി​ശീ​ല​നം ല​ഭി​ക്കു​മെ​ന്നു ക​രു​തേ​ണ്ട. കാ​ര​ണം, ജീ​വി​ത​മൂ​ല്യ​ങ്ങ​ളെ​ക്കു​റി​ച്ചു​ള്ള ആ​ദ്യ അ​റി​വ് അ​വ​സം​ബ​ന്ധി​ച്ചു​ള്ള ആ​ദ്യ മാ​തൃ​ക​ക​ളും കു​ട്ടി​ക​ൾ കാ​ണു​ന്ന​തു ത​ങ്ങ​ളു​ടെ കു​ടും​ബ​ങ്ങ​ളി​ലാ​ണ്. തന്മൂലം കു​ടും​ബ​ങ്ങ​ളി​ലെ മാ​തൃ​ക മോ​ശ​മാ​ണെ​ങ്കി​ൽ മ​ക്ക​ൾ ഉ​ന്ന​ത​ബി​രു​ദ​ങ്ങ​ൾ നേ​ടി​യാ​ലും അ​വ​രു​ടെ ജീ​വി​തം മെ​ച്ച​പ്പെ​ട്ട​താ​കു​മെ​ന്ന് അ​ത്ര വ​ലി​യ പ്ര​തീ​ക്ഷ വേ​ണ്ട.

ഡോ. ​ലാം​ഗ്സ്റ്റാ​ഫ് ത​ന്‍റെ മ​ക്ക​ളെ ന​ല്ല സ്കൂ​ളു​ക​ളി​ലാ​ണ് വി​ദ്യാ​ഭ്യാ​സ​ത്തി​നാ​യി അ​യ​ച്ച​ത്. എ​ന്നാ​ൽ അ​തോ​ടൊ​പ്പം അ​വ​ർ​ക്കു ന​ല്ല ജീ​വി​ത​മാ​തൃ​ക ന​ൽ​കു​ന്ന​തി​നും അ​ദ്ദേ​ഹം ശ്ര​ദ്ധി​ച്ചി​രു​ന്നു. സ​മൂ​ഹ​ത്തി​ലെ ന​ല്ല പൗ​രന്മാ​രാ​യി ത​ന്‍റെ മ​ക്ക​ൾ വ​ള​ർ​ന്നു​വ​ര​ണ​മെ​ന്ന് അ​ദ്ദേ​ഹ​ത്തി​നു നി​ർ​ബ​ന്ധ​മു​ണ്ടാ​യി​രു​ന്നു. തന്മൂലം അ​വ​ർ പ​ഠി​ച്ചു ന​ല്ല മാ​ർ​ക്കു​വാ​ങ്ങി വി​ജ​യി​ക്കു​ന്ന​തി​നോ​ടൊ​പ്പം ധാ​ർ​മി​ക​ത​യി​ല​ടി​യു​റ​ച്ചു​ള്ള ജീ​വി​ത​മൂ​ല്യ​ങ്ങ​ൾ അ​വ​രു​ടെ ജീ​വി​ത​ത്തി​ന്‍റെ അ​വി​ഭാ​ജ്യ​ഘ​ട​ക​മാ​ക്കി മാ​റ്റാ​നും അ​ദ്ദേ​ഹം ശ്ര​ദ്ധി​ച്ചു.

ഡോ. ​ലാം​ഗ്സ്റ്റാ​ഫ് ത​ന്‍റെ മ​ക്ക​ളെ വ​ള​ർ​ത്തി​യ​തു​പോ​ലെ, ധാ​ർ​മി​ക​മൂ​ല്യ​ങ്ങ​ൾ​ക്കു ശ​രി​യാ​യ പ്രാ​ധാ​ന്യം ന​ൽ​കു​ന്ന വി​ദ്യാ​ഭ്യാ​സ​മാ​ണ് നാം ​ന​മ്മു​ടെ മ​ക്ക​ൾ​ക്കു ന​ൽ​കേ​ണ്ട​ത്. ഇ​ക്കാ​ര്യ​ത്തി​ൽ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്കും അ​ധ്യാ​പ​ക​ർ​ക്കു​മൊ​ക്കെ വ​ലി​യ ഉ​ത്ത​ര​വാ​ദി​ത്വം ഉ​ണ്ട് എ​ന്ന​തു മ​റ​ക്കു​ന്നി​ല്ല. എ​ന്നാ​ൽ ഇ​ക്കാ​ര്യ​ത്തി​ൽ ഏ​റ്റ​വും വ​ലി​യ ഉ​ത്ത​ര​വാ​ദി​ത്വം മാ​താ​പി​താ​ക്ക​ൾ​ക്കും കു​ടും​ബാം​ഗ​ങ്ങ​ൾ​ക്കു​മാ​ണ്. എ​ന്ന​തു നാം ​വി​സ്മ​രി​ക്കു​വാ​ൻ പാ​ടി​ല്ല.
മ​ക്ക​ൾ ന​ന്നാ​യി വ​ള​ര​ണ​മെ​ന്ന് ആ​ഗ്ര​ഹി​ക്കു​ന്ന മാ​താ​പി​താ​ക്ക​ൾ എ​ല്ലാ രീ​തി​യി​ലും അ​വ​ർ​ക്കു ന​ല്ല മാ​തൃ​ക ന​ൽ​കു​വാ​ൻ ശ്ര​ദ്ധി​ച്ചാ​ൽ മ​ക്ക​ളു​ടെ വി​ദ്യാ​ഭ്യാ​സം ന​ല്ല വ​ഴി​യി​ലൂ​ടെ പോ​കു​മെ​ന്ന​താ​ണു യാ​ഥാ​ർ​ഥ്യം. അ​തു നാം ​മ​റ​ക്കേ​ണ്ട.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.