15

സൂര്യപ്രകാശമേൽക്കുമ്പോൾ മഴവില്ലുപോലെ തിളങ്ങുന്ന പക്ഷി. തലയിൽ മയിലിന്‍റേതുപോലെയുള്ള പൂവ്. ഒൻപതോളം നിറങ്ങൾ ചേർന്ന, ലോകത്തിലെ ഏറ്റവും മനോഹരമായ പക്ഷിവർഗങ്ങളിലൊന്ന്. ഹിമാലയൻ സൗന്ദര്യത്തിന്‍റെ പര്യായമായ 'മൊണാൽ' എന്ന പക്ഷിയെ ആരും വിസ്മയത്തോടെ നോക്കിനിന്നുപോകും! ഉത്തരാഖണ്ഡിന്‍റെ സംസ്ഥാനപക്ഷിയും അയൽരാജ്യമായ നേപ്പാളിന്‍റെ ദേശീയപക്ഷിയുമാണ് 'മൊണാൽ'. കാഴ്ചയിൽ സുന്ദരൻ ആൺപക്ഷിയാണ്. എന്നാൽ, മൊണാൽ പെൺപക്ഷി ഏഴഴകുള്ളവളല്ല, അവയ്ക്കു തവിട്ടുനിറമാണുള്ളത്.

ഇന്ന്, ആ പക്ഷി മനുഷ്യനെ ഭയന്നു തങ്ങളുടെ അതിജീവനത്തിനായി പുതിയ വഴികൾ തേടുകയാണ്. അതു ഗവേഷകരെ അദ്ഭുതപ്പെടുത്തുന്നതായി. അവയുടെ ആവാസമേഖലയിലേക്കു മനുഷ്യന്‍റെ അമിതമായ കടന്നുകയറ്റമാണു പക്ഷിവംശത്തിന്‍റെ മാറ്റങ്ങൾക്കു പിന്നിലെ കാരണം. ഉ​ത്ത​രാ​ഖ​ണ്ഡി​ലെ ഹേം​വ​തി ന​ന്ദ​ന്‍ ബ​ഹു​ഗു​ണ ഗ​ര്‍​വാ​ള്‍ സ​ര്‍​വ​ക​ലാ​ശാ​ല​യി​ലെ ഗ​വേ​ഷ​കർ അറുപതു മാസത്തോളമെടുത്തു ന​ട​ത്തി​യ പഠനങ്ങളിലാണു ശാസ്ത്രലോകത്തെ ഞെട്ടിക്കുന്ന വിവരങ്ങൾ. ഉത്തരാഖണ്ഡിലെ രണ്ടു താഴ്‌വരകൾ കേന്ദ്രീകരിച്ചാണു ഗവേഷകർ പഠനവുമായി മുന്നോട്ടുപോയത്, സഞ്ചാരികളുടെ തിരക്കുള്ള 'ചോപ്റ്റ' എന്ന പ്രദേശവും പ്രശാന്തസുന്ദരമായ 'മദ്മഹേശ്വർ' താഴ്‌വരയും.

അതിജീവനത്തിനായി പക്ഷികൾ തങ്ങളുടെ ശബ്ദം മാറ്റിയിരിക്കുകയാണ്, അതുപോലെതന്നെ വാസസ്ഥലവും. മൊണാലിന്‍റെ ശബ്ദത്തിലുണ്ടായ മാറ്റമാണു ഗവേഷകർ പ്രധാനമായും ചൂണ്ടിക്കാണിക്കുന്നത്. മേഖലയിൽനിന്ന് അറുന്നൂറോളം പക്ഷികളുടെ ശബ്ദമാണു പഠനത്തിനായി ഗവേഷകസംഘം റെക്കോർഡ് ചെയ്തത്. ചോപ്റ്റയിലെ പക്ഷികൾ മനുഷ്യരുടെ ബഹളവും അനിയന്ത്രിതമായ വാഹനങ്ങളുടെ ശബ്ദവും മറികടക്കാൻ ഉയർന്ന പിച്ചിലുള്ള ശബ്ദങ്ങൾ പുറപ്പെടുവിക്കുന്നതായി മനസിലാക്കി. ചുറ്റുമുള്ള ശബ്ദമലിനീകരണത്തെ മറികടക്കാനാണത്രെ മൊണാൽ പക്ഷികൾ തങ്ങളുടെ ശബ്ദശൈലി തന്നെ മാറ്റിയത്! എന്നാൽ, താത്കാലിക മാറ്റമാണെങ്കിലും ഭാവിയിൽ ഇതു പക്ഷികളുടെ ആശയവിനിമയത്തെയും പ്രത്യുൽപാദനത്തെയും ബാധിച്ചേക്കാമെന്നു ഗവേഷകർ ചൂണ്ടിക്കാണിക്കുന്നു.

'മോബി ഡിക്' എന്ന നോവൽ മലയാളിക്കും സുപരിചിതം. 175 വർഷം മുന്പ്, 1851-ലാണ് ഹെർമൻ മെൽവിൽ തന്‍റെ നോവൽ പ്രസിദ്ധീകരിക്കുന്നത്. തിമിംഗലവേട്ടയും ആക്രമണകാരികളായ തിമിംഗലങ്ങളുടെയും കഥയാണ് ആ ക്ലാസിക് കൃതി വായനക്കാരുമായി പങ്കുവയ്ക്കുന്നത്. നോ​വ​ലി​ൽ കൂ​റ്റ​ൻ തി​മിം​ഗ​ലം ക​പ്പ​ലിനെ ത​ല​യ്ക്കിടിച്ചു മു​ക്കു​ന്ന സന്ദർഭമുണ്ട്. നൂ​റ്റാ​ണ്ടു​ക​ളാ​യി നാ​വി​ക​രു​ടെ ക​ഥ​ക​ളി​ൽ മാ​ത്രം കേ​ട്ടി​രു​ന്ന ഭയാനകസംഭവം കേ​വ​ലം സാ​ഹി​ത്യ ഭാ​വ​ന​യ​ല്ലെ​ന്നും, സ്പേം ​തി​മിം​ഗ​ല​ങ്ങ​ൾ ത​ങ്ങ​ളു​ടെ ഭീ​മാ​കാ​ര​മാ​യ ത​ല ശ​ക്തി​യേ​റി​യ ആ​യു​ധ​മാ​യി ഉ​പ​യോ​ഗി​ക്കാ​റു​ണ്ടെ​ന്നും ഗവേഷകർ സ്ഥി​രീ​ക​രി​ച്ചു. ഡ്രോ​ൺ സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് തി​മിം​ഗ​ല​ങ്ങ​ൾ പരസ്പരം തലകൊണ്ടിടിക്കുന്നതും ഗ​വേ​ഷ​ക​ർ ആ​ദ്യ​മാ​യി കാ​മ​റ​യി​ൽ പ​ക​ർ​ത്തി.

1820-ൽ ​ഗ​ലാ​പഗോ​സ് ദ്വീ​പു​ക​ൾ​ക്കു സ​മീ​പം 'എ​സെ​ക്സ്' എ​ന്ന തി​മിം​ഗ​ല വേ​ട്ട​ക്ക​പ്പ​ലി​നെ ഒ​രു സ്പേം ​തി​മിം​ഗ​ലം ത​ല​യ്ക്കിടിച്ചു മു​ക്കി​യ സം​ഭ​വ​മാ​ണ് 'മോ​ബി ഡി​ക്' എ​ന്ന നോ​വ​ലെഴുതാൻ ഹെൽമൻ മെൽവിലിനു പ്രചോദനമായത്. നാ​വി​ക​ർ ഇ​ത്ത​ര​ത്തി​ലു​ള്ള നി​ര​വ​ധി സം​ഭ​വ​ങ്ങ​ൾ പ​ങ്കുവ​ച്ചെ​ങ്കി​ലും, തി​മിം​ഗ​ല​ങ്ങ​ൾ ത​ങ്ങ​ളു​ടെ ത​ല ആ​യു​ധ​മാ​യി ഉ​പ​യോ​ഗി​ക്കു​മോ എ​ന്ന​തി​ൽ ശാ​സ്ത്ര​ജ്ഞ​ർ​ക്കി​ട​യി​ൽ അഭിപ്രായവ്യത്യാസങ്ങൾ നിലനിന്നിരുന്നു. തി​മിം​ഗ​ലത്തിന്‍റെ ത​ല​യ്ക്ക് ഇ​ടി​യി​ൽ നാ​ശ​ന​ഷ്ടം സം​ഭ​വി​ക്കു​മെ​ന്ന​തി​നാ​ൽ ഇ​ത് അ​പൂ​ർവ​മാ​യി​രി​ക്കാം എ​ന്നാ​യി​രു​ന്നു ശാസ്ത്രജ്ഞർ കരുതിയിരുന്നത്.

എ​ന്നാ​ൽ സെ​ന്‍റ് ആ​ൻ​ഡ്രൂ​സ്, ഹ​വാ​യ് സ​ർ​വ​ക​ലാ​ശാ​ല​കളിലെ ഗ​വേ​ഷ​സംഘം അ​സോ​റെ​സ്, ബ​ലേ​റി​ക് ദ്വീ​പു​ക​ൾ​ക്കു സ​മീ​പം ന​ട​ത്തി​യ ഡ്രോ​ൺ നി​രീ​ക്ഷ​ണ​ത്തി​ലാ​ണു തി​മിം​ഗ​ല​ങ്ങ​ൾ പ​ര​സ്പ​രം ത​ല​കൊണ്ടിടിക്കുന്നതു പകർത്തിയത്.

കാ​ലാ​വ​സ്ഥാ വ്യ​തി​യാ​നം ലോ​ക​ത്തെ വ​ൻ പ്ര​തി​സ​ന്ധി​യി​ലേ​ക്കു ത​ള്ളി​വി​ടു​മെ​ന്നു ശാ​സ്ത്ര​ലോ​കം. ഇ​തു​വ​രെ നേ​രി​ട്ടി​ട്ടി​ല്ലാ​ത്ത മ​ഹാ​ദു​ര​ന്ത​ങ്ങ​ൾ​ക്കു മ​നു​ഷ്യ​ർ സാ​ക്ഷ്യ​യാ​കേ​ണ്ടി​വ​ന്നേ​ക്കാം. 'എ​ൽ നി​നോ'​യെ​ക്കു​റി​ച്ചു​ള്ള ശാ​സ്ത്ര​ലോ​ക​ത്തി​ന്‍റെ മു​ന്ന​റി​യി​പ്പു​ക​ളാ​ണു ലോ​ക​രാ​ജ്യ​ങ്ങ​ളെ ആ​ശ​ങ്ക​യി​ലാ​ഴ്ത്തു​ന്ന​ത്. പ​സ​ഫി​ക് സ​മു​ദ്ര​ത്തി​ൽ രൂ​പ​പ്പെ​ട്ട സൂ​പ്പ​ർ എ​ൽ നി​നോ സൃ​ഷ്ടി​ക്കു​ന്ന ക​ടു​ത്ത ഉ​ഷ്ണ​ത​രം​ഗം അ​ഞ്ചു ല​ക്ഷ​ത്തോ​ളം ആ​ളു​ക​ളു​ടെ മ​ര​ണ​ത്തി​നു കാ​ര​ണ​മാ​യേ​ക്കാ​മെ​ന്നാ​ണു ഗ​വേ​ഷ​ക​രു​ടെ മു​ന്ന​റി​യി​പ്പ്. വ​രു​ന്ന ഫെ​ബ്രു​വ​രി അ​വ​സാ​ന​ത്തോ​ടെ ഭൂ​മി​യി​ൽ വ​ൻ നാ​ശം സം​ഭ​വി​ക്കു​മെ​ന്നും ശാ​സ്ത്ര​ലോ​കം.

ചി​ക്കാ​ഗോ സ​ർ​വ​ക​ലാ​ശാ​ല​യി​ലെ ക്ലൈ​മ​റ്റ് ഇം​പാ​ക്‌​ട് ലാ​ബ് പു​റ​ത്തു​വി​ട്ട പു​തി​യ പ​ഠ​ന​റി​പ്പോ​ർ​ട്ടി​ലാ​ണു ഭ​യാ​ന​ക​മാ​യ വി​വ​ര​ങ്ങ​ളു​ള്ള​ത്. വ​ട​ക്ക​ൻ രാ​ജ്യ​ങ്ങ​ളെ അ​പേ​ക്ഷി​ച്ച് വി​ക​സ്വ​ര, പി​ന്നാ​ക്ക രാ​ജ്യ​ങ്ങ​ൾ ഉ​ൾ​പ്പെ​ടു​ന്ന തെ​ക്ക​ൻ മേ​ഖ​ല​യി​ലെ ജ​ന​ങ്ങ​ളെ​യാ​യി​രി​ക്കും കാ​ലാ​വ​സ്ഥാ പ്ര​തി​സ​ന്ധി രൂ​ക്ഷ​മാ​യി ബാ​ധി​ക്കു​ക​യെ​ന്നും ശാ​സ്ത്ര​ജ്ഞ​ർ ചൂ​ണ്ടി​ക്കാ​ണി​ക്കു​ന്നു.

ക​ഴി​ഞ്ഞ ജൂ​ണി​ൽ ആ​രം​ഭി​ച്ച എ​ൽ നി​നോ പ്ര​തി​ഭാ​സം അ​ടു​ത്ത ഫെ​ബ്രു​വ​രി വ​രെ നീ​ണ്ടു​നി​ൽ​ക്കും. വി​വി​ധ ലോ​ക​രാ​ജ്യ​ങ്ങ​ളെ ക​ടു​ത്ത പ്ര​തി​സ​ന്ധി​യി​ലേ​ക്കു ത​ള്ളി​വി​ടും. ഇ​തു​വ​രെ​യു​ള്ള മാ​സ​ങ്ങ​ളി​ൽ മാ​ത്രം ക​ടു​ത്ത ചൂ​ടു കാ​ര​ണം ര​ണ്ടു ല​ക്ഷ​ത്തി​ലേ​റെ ആ​ളു​ക​ൾ മ​ര​ണ​ത്തി​ന് ഇ​ര​യാ​യെ​ന്നാ​ണു ഗ​വേ​ഷ​ക​ർ ക​ണ​ക്കാ​ക്കു​ന്ന​ത്. എ​ൽ നി​നോ​യ്ക്കു ശ​മ​ന​മാ​കു​ന്പോ​ഴേ​ക്കും മ​ര​ണ​സം​ഖ്യ ഏ​ക​ദേ​ശം 4,51,000 ഉ​യ​ർ​ന്നേ​ക്കാം എ​ന്നാ​ണു പ​ഠ​നം ചൂ​ണ്ടി​ക്കാ​ണി​ക്കു​ന്ന​ത്.

ആ​ഫ്രി​ക്ക​യി​ലെ സാ​ഹെ​ൽ മേ​ഖ​ല​യെ​യാ​ണ് ഈ ​പ്ര​തി​ഭാ​സം ഏ​റ്റ​വും പ്ര​തി​കൂ​ല​മാ​യി ബാ​ധി​ക്കു​ക. സെ​പ്റ്റം​ബ​ർ മു​ത​ൽ ഫെ​ബ്രു​വ​രി വ​രെ​യു​ള്ള മാ​സ​ങ്ങ​ളി​ൽ സാ​ധാ​ര​ണ വ​ർ​ഷ​ങ്ങ​ളെ അ​പേ​ക്ഷി​ച്ച് 66,800 അ​ധി​ക മ​ര​ണ​ങ്ങ​ൾ ഇ​വി​ടെ സം​ഭ​വി​ച്ചേ​ക്കാ​മെ​ന്നു ഗ​വേ​ഷ​ക​ർ മു​ന്ന​റി​യി​പ്പു ന​ൽ​കു​ന്നു. ഇ​തി​ൽ പ​കു​തി​യോ​ളം മ​ര​ണ​ങ്ങ​ളും നൈ​ജീ​രി​യ​യി​ലാ​യി​രി​ക്കും ന​ട​ക്കു​ക. ഇ​തി​നു​പു​റ​മെ സു​ഡാ​ൻ, നൈ​ജ​ർ, ഛാഡ് ​തു​ട​ങ്ങി​യ രാ​ജ്യ​ങ്ങ​ളി​ലും വ​ൻ തോ​തി​ൽ നാ​ശം പ്ര​തീ​ക്ഷി​ക്കാം.

തെ​ക്ക്, തെ​ക്കു​കി​ഴ​ക്ക​ൻ ഏ​ഷ്യ​ൻ രാ​ജ്യ​ങ്ങ​ളി​ലും സ്ഥി​തി ഒ​ട്ടും ആ​ശാ​വ​ഹ​മ​ല്ലെ​ന്നും പ​ഠ​ന​ത്തി​ലു​ണ്ട്. വ​രും മാ​സ​ങ്ങ​ളി​ൽ ഉ​ഷ്ണ​ത​രം​ഗം കാ​ര​ണം ഇ​ന്തോ​നേ​ഷ്യ​യി​ൽ 19,300 പേ​രും ഇ​ന്ത്യ​യി​ൽ 15,800 പേ​രും മ​ര​ണ​പ്പെ​ടാ​ൻ സാ​ധ്യ​ത​യു​ണ്ടെ​ന്നു ഗ​വേ​ഷ​ക​ർ സൂ​ച​ന ന​ൽ​കു​ന്നു. ഫി​ലി​പീ​ൻ​സ്, വി​യ​റ്റ്നാം, താ​യ്‌​ല​ൻ​ഡ്, കം​ബോ​ഡി​യ എ​ന്നീ രാ​ജ്യ​ങ്ങ​ളി​ലാ​യി ആ​കെ 19,400-ലേ​റെ മ​ര​ണ​ങ്ങ​ളും കാ​ലാ​വ​സ്ഥാ​വ്യ​തി​യാ​നം മൂ​ലം സം​ഭ​വി​ക്കാം.

ലോ​ക​മെ​മ്പാ​ടു​മു​ള്ള 24,000-ലേ​റെ മേ​ഖ​ല​ക​ളി​ലെ താ​പ​നി​ല​യും ചൂ​ടു​മൂ​ല​മു​ണ്ടാ​കു​ന്ന മ​ര​ണ​ങ്ങ​ളും ത​മ്മി​ലു​ള്ള ബ​ന്ധം വി​ശ​ക​ല​നം ചെ​യ്താ​ണ് ശാ​സ്ത്ര​ജ്ഞ​ർ ഈ ​നി​ഗ​മ​ന​ത്തി​ലെ​ത്തി​യ​ത്. ശാ​സ്ത്ര മാ​സി​ക​ക​ളി​ൽ ഔ​ദ്യോ​ഗി​ക​മാ​യി പ്ര​സി​ദ്ധീ​ക​രി​ക്കു​ന്ന​തി​നു മു​ൻ​പു ത​ന്നെ പ​ഠ​ന​റി​പ്പോ​ർ​ട്ട് പു​റ​ത്തു​വി​ടു​ക​യാ​ണെ​ന്നു ഗ​വേ​ഷ​ക​ർ പ​റ​ഞ്ഞു. ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ മു​ൻ​കൂ​ട്ടി ആ​സൂ​ത്ര​ണം ചെ​യ്യാ​നും നി​ർ​ണാ​യ​ക പ്ര​തി​രോ​ധ ന​ട​പ​ടി​ക​ൾ സ്വീ​ക​രി​ക്കാ​നും വി​വി​ധ രാ​ജ്യ​ങ്ങ​ളെ സ​ഹാ​യി​ക്കും എ​ന്ന പ്ര​തീ​ക്ഷ​യി​ലാ​ണ് ഈ ​ന​ട​പ​ടി​യെ​ന്നും ഗ​വേ​ഷ​ക​ർ പ​റ​യു​ന്നു.

എ​ൽ നി​നോ മൂ​ലം ആ​ഗോ​ള താ​പ​നി​ല സാ​ധാ​ര​ണ​യേ​ക്കാ​ൾ 2.1 ഫാ​ര​ൻ​ഹീ​റ്റ് വ​രെ ഉ​യ​രാ​ൻ സാ​ധ്യ​ത​യു​ണ്ട്. നി​ല​വി​ലു​ള്ള ക​ണ​ക്കു​ക​ളേ​ക്കാ​ൾ മ​ര​ണം സം​ഭ​വി​ക്കാ​ൻ സാ​ധ്യ​ത​യു​ണ്ടെ​ന്നു ഗ​വേ​ഷ​ക​ർ വ്യ​ക്ത​മാ​ക്കു​ന്നു. കാ​ര​ണം, ഉ​യ​ർ​ന്ന താ​പ​നി​ല ഫെ​ബ്രു​വ​രി​ക്കു​ശേ​ഷ​വും തു​ട​ർ​ന്നേ​ക്കാം. ക​ടു​ത്ത ചൂ​ടു മൂ​ല​മു​ള്ള നേ​രി​ട്ടു​ള്ള മ​ര​ണ​ങ്ങ​ൾ മാ​ത്ര​മാ​ണു റി​പ്പോ​ർ​ട്ടി​ൽ ക​ണ​ക്കാ​ക്കി​യി​ട്ടു​ള്ള​ത്. എ​ൽ നി​നോ സൃ​ഷ്ടി​ക്കു​ന്ന കാ​ട്ടു​തീ, പ്ര​കൃ​തി​ദു​ര​ന്ത​ങ്ങ​ൾ, പ​ക​ർ​ച്ച​വ്യാ​ധി​ക​ൾ എ​ന്നി​വ മൂ​ല​മു​ണ്ടാ​കു​ന്ന മ​ര​ണ​ങ്ങ​ൾ കൂ​ടി ക​ണ​ക്കി​ലെ​ടു​ത്താ​ൽ ലോ​ക​മെ​ന്പാ​ടും മ​ര​ണ​സം​ഖ്യ ഇ​നി​യും ഉ​യ​ർ​ന്നേ​ക്കാ​മെ​ന്നു ശാ​സ്ത്ര​ജ്ഞ​ർ ചൂ​ണ്ടി​ക്കാ​ണി​ക്കു​ന്നു.

മെ​ഡി​റ്റ​റേ​നി​യ​ൻ ക​ട​ൽ യൂ​റോ​പ്പി​ലെ ഏ​റ്റ​വും ആ​ഴ​മേ​റി​യ മാ​ലി​ന്യ​ക്കൂ​മ്പാ​ര​മാ​യി മാ​റി​യി​രി​ക്കു​ന്നു! അ​യോ​ണി​യ​ൻ ക​ട​ലി​ന്‍റെ ക​ലി​പ്സോ ഡീ​പ്പി​ൽ 5,112 മീ​റ്റ​ർ ആ​ഴ​ത്തി​ൽ വ​ൻ മാ​ലി​ന്യ​ശേ​ഖ​ര​മാ​ണു ക​ണ്ടെ​ത്തി​യ​ത്. പ്ര​ധാ​ന​മാ​യും പ്ലാ​സ്റ്റി​ക്കു​ക​ൾ, പാ​നീ​യ ടി​ന്നു​ക​ൾ, പേ​പ്പ​ർ കാ​ർ​ട്ട​ണു​ക​ൾ തു​ട​ങ്ങി​യ​വ ഉ​ൾ​പ്പെ​ടെ നൂറ്റിയെഴുപതിലേറെ വ​സ്തു​ക്ക​ൾ തി​രി​ച്ച​റി​ഞ്ഞി​ട്ടു​ണ്ട്. ഭാവിയിൽ വൻ പ്രത്യാഘാതങ്ങൾ സൃഷ്ടിച്ചേക്കാവുന്ന ഇവ എങ്ങനെ കൈകാര്യം ചെയ്യുമെന്നുള്ളതു വലിയ ആശങ്കയായി മാറിയിരിക്കുന്നു.

പ്ര​ധാ​ന​മാ​ലി​ന്യം പ്ലാ​സ്റ്റി​ക് ആണ്. ആ​കെ മാ​ലി​ന്യ​ത്തി​ന്‍റെ 88 ശ​ത​മാ​ന​ത്തോ​ളമാണിത്. അ​യോ​ണി​യ​ൻ ക​ട​ലാ​ഴ​ങ്ങ​ളി​ലെ അ​പൂ​ർ​വ ജീ​വ​ജാ​ല​ങ്ങ​ൾ​ക്ക് ഇ​തു​വ​രെ മാ​ലി​ന്യ​ശേ​ഖ​രം ഹാ​നി​ക​ര​മാ​യി മാ​റി​യി​ട്ടി​ല്ലെ​ന്നും ഗ​വേ​ഷ​ക​ർ. എ​ന്നാ​ൽ, ഭാ​വി​യി​ൽ മ​ധ്യ​ധ​ര​ണ്യാ​ഴി​യി​ൽ ഇ​തു വ​ൻ പ്ര​ത്യാ​ഘാ​ത​ങ്ങ​ൾ സൃ​ഷ്ടി​ക്കാ​മെ​ന്നു ഗ​വേ​ഷ​ക​ർ വി​ല​യി​രു​ത്തു​ന്നു.

ഗ്രീ​സി​ലെ പെ​ലോ​പ്പൊ​ന്നീ​സ് തീ​ര​ത്തു​നി​ന്ന് 60 കി​ലോ​മീ​റ്റ​ർ പ​ടി​ഞ്ഞാ​റാ​യി സ്ഥി​തി ചെ​യ്യു​ന്ന ക​ലി​പ്സോ ഡീ​പ്പ് ഉ​യ​ർ​ന്ന ഭൂ​ക​മ്പ സാ​ധ്യ​ത​യു​ള്ള മേ​ഖ​ല​യാ​ണ്. ആ‍​യി​ര​ത്തോ​ളം മീ​റ്റ​ർ കു​ത്ത​നെ​യു​ള്ള ച​രി​വു​ക​ളും നി​ര​ക​ളു​മെ​ല്ലാം ഇ​വി​ടെ​യു​ണ്ട്. '​വൃ​ക്ക​യു​ടെ ആ​കൃ​തി​യി​ലു​ള്ള​ത്’ എ​ന്ന് വി​ശേ​ഷി​പ്പി​ക്ക​പ്പെ​ടു​ന്ന​തും ഏ​ക​ദേ​ശം 20 കി​ലോ​മീ​റ്റ​ർ മു​ത​ൽ അ​ഞ്ചു കി​ലോ​മീ​റ്റ​ർ വ​രെ വി​സ്തീ​ർ​ണ​മു​ള്ള​തു​മാ​യ ട്ര​ഞ്ചി​ന്‍റെ ഉ​ൾ​ഭാ​ഗം കേ​ന്ദ്രീ​ക​രി​ച്ചാ​ണു പ​ഠ​നം ന​ട​ത്തി​യ​ത്.

ക​ലി​പ്സോ ഡീ​പ്പി​ലേ​ക്ക് 60 കി​ലോ​മീ​റ്റ​ർ അ​ക​ലെ​യു​ള്ള തീ​ര​ത്തു​നി​ന്നാ​ണ് പ്ലാ​സ്റ്റി​ക് മാ​ലി​ന്യ​ങ്ങ​ൾ എ​ത്തു​ന്ന​ത്. വ​ലി​യ പ്ലാ​സ്റ്റി​ക് വ​സ്തു​ക്ക​ൾ അ​ടി​ത്ത​ട്ടി​ലെ​ത്തു​ന്ന​തി​നു​മു​മ്പു ഭാ​ഗി​ക​മാ​യോ പൂ​ർ​ണ​മാ​യോ ഒ​ഴു​കി​പ്പോ​വു​ക​യോ ചെ​റി​യ ശ​ക​ല​ങ്ങ​ളാ​യി വി​ഘ​ടി​ക്കു​ക​യോ ചെ​യ്യു​ന്ന​താ​യി പ​ഠ​നത്തിൽ വെളിപ്പെടുത്തുന്നു. ബോ​ട്ടു​ക​ൾ മാ​ലി​ന്യം നി​റ​ച്ച ബാ​ഗു​ക​ൾ വ​ലി​ച്ചെ​റി​യുന്നതും സാധാരണമാണ്. വ്യ​ത്യ​സ്ത മാ​ലി​ന്യ​ങ്ങ​ളു​ടെ കൂ​മ്പാ​ര​മാ​യി സ​മു​ദ്രം മാ​റി. നി​ർ​ഭാ​ഗ്യ​വ​ശാ​ൽ, മെ​ഡി​റ്റ​റേ​നി​യ​നെ സം​ബ​ന്ധി​ച്ചി​ട​ത്തോ​ളം ഒ​രു ഇ​ഞ്ച് പോ​ലും വൃ​ത്തി​യു​ള്ള​ത​ല്ല എ​ന്ന് പ​റ​യു​ന്ന​തി​ൽ തെ​റ്റി​ല്ലത്രെ!

ക​ട​ൽ​ത്തീ​ര​ങ്ങ​ൾ അ​ല്ലെ​ങ്കി​ൽ തീ​ര​പ്ര​ദേ​ശം പോ​ലു​ള്ള ജ​ന​പ്രി​യ സ്ഥ​ല​ങ്ങ​ളി​ൽ​നി​ന്നു വ്യ​ത്യ​സ്ത​മാ​യി; സ​മു​ദ്ര​ത്തി​ന്‍റെ അ​ടി​ത്ത​ട്ട് സ​മൂ​ഹ​ത്തി​ന് അ​ജ്ഞാ​ത​മാ​യ​തി​നാ​ൽ, ഈ ​ഇ​ട​ങ്ങ​ളു​ടെ സം​ര​ക്ഷ​ണ​ത്തെ​ക്കു​റി​ച്ചു​ള്ള സാ​മൂ​ഹി​ക​വും രാ​ഷ്ട്രീ​യ​വു​മാ​യ അ​വ​ബോ​ധം വ​ള​ർ​ത്തു​ന്ന​ത് ബു​ദ്ധി​മു​ട്ടാ​ണ്. ലോ​ക​മെ​മ്പാ​ടു​മു​ള്ള ജ​ന​ങ്ങ​ളു​ടെ ഉ​പ​ഭോ​ഗ​ശീ​ല​ങ്ങ​ൾ മാ​റ്റു​ന്ന​തി​ന് '​ആ​ഗോ​ള ന​യ​ങ്ങ​ൾ’ ന​ട​പ്പി​ലാ​ക്കേ​ണ്ട ആ​വ​ശ്യ​ക​ത​യെ​ക്കു​റി​ച്ച് വലിയ മു​ന്ന​റി​യി​പ്പാ​ണു മ​ദ്ധ്യ​ധ​ര​ണ്യാ​ഴി​യി​ലെ മാ​ലി​ന്യ​ക്കൂ​ന്പാ​ര​ങ്ങ​ളു​ടെ പ​ശ്ചാ​ത്ത​ല​ത്തി​ൽ ഗ​വേ​ഷ​ക​ർ മുന്നോട്ടുവയ്ക്കുന്നത്.

ഇതൊരു കെട്ടുകഥയല്ല, സ്പർശിച്ചാൽ ജീവികൾ കല്ലുപോലെയാകുന്ന തടാകം! നമുക്കു സങ്കൽപ്പിക്കാനാകാത്ത പ്രതിഭാസം! ചോരച്ചുവപ്പ് നിറമുള്ള, ശവശീരങ്ങൾ അഴുകാതെ വർഷങ്ങളോളം സൂക്ഷിക്കുന്ന വിചിത്രജലാശയം! ആഫ്രിക്കയിലെ ടാൻസാനിയയിലാണ് അവിശ്വസനീയമെന്നു തോന്നുന്ന തടാകം, ആ അതിശയ ജലാശയത്തിന്‍റെ പേര് ലേക്ക് നേട്രൺ (Lake Natron) എന്നാണ്.

ലേക്ക് നേട്രണിന്‍റെ സവിശേഷതകൾക്കു പിന്നിൽ ഭൗമശാസ്ത്രപരമായ നിരവധി കാരണങ്ങളുണ്ടെന്നു ഗവേഷകർ പറയുന്നു. തടാകത്തിന്‍റെ ചോരച്ചുവപ്പ് നിറത്തിനു പിന്നിൽ ദശലക്ഷക്കണക്കിനു വർഷങ്ങൾക്കു മുൻപു സംഭവിച്ച അഗ്നിപർവത സ്ഫോടനങ്ങളും ഭൗമമാറ്റങ്ങളുമാണു കാരണമായി വർത്തിച്ചതെന്നു ശാസ്ത്രജ്ഞർ വ്യക്തമാക്കുന്നു. തടാകത്തിനു സമീപമുള്ള ഓൾ ഡോയിന്യോ ലെംഗായ് (Ol Doinyo Lengai) എന്ന അഗ്നിപർവതത്തിൽനിന്നു വലിയ തോതിൽ ധാതുക്കളും ലവണങ്ങളും തടാകത്തിലേക്ക് ഒഴുകിയെത്തുന്നു. ഇതിലടങ്ങിയിരിക്കുന്ന സോഡിയം കാർബണേറ്റ്, കാൽസ്യം ബൈകാർബണേറ്റ് എന്നിവ തടാകത്തിലെ ജലത്തെ തീവ്ര ആൽക്കലൈൻ സ്വഭാവത്തിലേക്കു മാറ്റിത്തീർക്കുന്നു.

അഴുകില്ല മൃതദേഹങ്ങൾ
ലേക്ക് നേട്രണിലെ ജലത്തിന്‍റെ പിഎച്ച് മൂല്യം 10.5 വരെയാണ്. ഇത്തരമൊരു തീവ്ര ആൽക്കലൈൻ അവസ്ഥയെ അതിജീവിക്കാൻ പല ജീവികൾക്കും കഴിയില്ല. ജീവികൾ വെള്ളവുമായി സമ്പർക്കം പുലർത്തുന്പോൾ ശരീരത്തിലെ ഈർപ്പവും കൊഴുപ്പും പൂർണമായി വലിച്ചെടുക്കപ്പെടുകയും ചത്തുവീഴുകയും ചെയ്യും. സോഡിയം കാർബണേറ്റ് ധാരാളമായി അടങ്ങിയിട്ടുള്ള തടാകത്തിലെ ജലം, പ്രകൃതിദത്ത പ്രിസർവേറ്റീവായി പ്രവർത്തിക്കുന്നതിനാൽ, ചത്തുവീഴുന്ന പക്ഷികളുടെയും ജീവികളുടെയും ശരീരങ്ങൾ അഴുകിപ്പോകാതെ വർഷങ്ങളോളം കല്ലുപോലെ ഉറച്ചുനിൽക്കും. പുരാതന ഈജിപ്തിൽ മൃതദേഹങ്ങൾ കേടുകൂടാതെ സൂക്ഷിക്കാൻ ഉപയോഗിച്ചിരുന്നത് സോഡിയം കാർബണേറ്റ് ആണ്. ഈജിപ്തിലെ വരണ്ട തടാകക്കരകളിൽനിന്നും നൈൽ നദീതടങ്ങളിൽനിന്നും അവരിതു ഖനനം ചെയ്തെടുക്കുകയായിരുന്നു.

ലെസർ ഫ്ലെമിംഗോയുടെ പ്രജനനകേന്ദ്രം
മറ്റു ജീവികൾക്കു വിഷജലമാണെങ്കിലും ലേക്ക് നേട്രൺ പൂർണമായും ജീവരഹിതമല്ല. ഉയർന്ന ലവണാംശമുള്ള ജലത്തിൽ തഴച്ചുവളരുന്ന സൈനോബാക്ടീരിയ (ബ്ലൂ-ഗ്രീൻ ആൽഗ) പോലുള്ള സൂക്ഷ്മജീവികളാണ് തടാകത്തിന് ചോരച്ചുവപ്പ് നിറം നൽകുന്നത്. മാത്രമല്ല, മറ്റ് ഇരപിടിയൻ ജീവികൾക്ക് എത്തിപ്പെടാൻ കഴിയില്ല എന്നതിനാൽ അപൂർവയിനം ലെസർ ഫ്ലെമിംഗോ പക്ഷികളുടെ പ്രധാന പ്രജനനകേന്ദ്രം കൂടിയാണ് തടാകം. ഇവിടുത്തെ ആൽഗകളെ ആഹാരമാക്കുന്ന ഫ്ലെമിംഗോകൾക്ക് തടാകത്തിലെ വെള്ളം ദോഷകരമായി ബാധിക്കാറില്ല.

ഒറ്റപ്പെട്ടുകിടക്കുന്ന ലേക്ക് നേട്രണിന്‍റെ നിഗൂഢതകൾ പ്രകൃതിസ്നേഹികൾക്കും ശാസ്ത്രലോകത്തിനും എന്നും അദ്ഭുതമാണ്!