മ​നു​ഷ്യ​ർ ഏ​റ്റ​വും പ്രതികൂല കാ​ലാ​വ​സ്ഥാ സാ​ഹ​ച​ര്യ​ങ്ങ​ളി​ലേ​ക്കാ​ണു നീ​ങ്ങു​ന്ന​തെ​ന്ന മു​ന്ന​റി​യി​പ്പുമായി ശാ​സ്ത്ര​ലോ​കം. ശ​ക്തി​പ്രാ​പി​ച്ചു​കൊ​ണ്ടി​രി​ക്കു​ന്ന 'എ​ൽ നി​നോ' അ​തീ​വ ഗു​രു​ത​ര​മാ​യ പ്ര​ത്യാ​ഘാ​ത​ങ്ങ​ൾ സൃ​ഷ്ടി​ക്കു​മെ​ന്നു ലോ​ക​മെ​മ്പാ​ടു​മു​ള്ള കാ​ലാ​വ​സ്ഥാ വി​ദ​ഗ്ധ​ർ ചൂ​ണ്ടി​ക്കാ​ണി​ക്കു​ന്നു. 1950-ന് ​ശേ​ഷം ഏ​റ്റ​വും ക​ഠി​ന​മേ​റി​യ ക​ലാ​വ​സ്ഥ​യാ​യി​രി​ക്കും ഈ ​വ​ർ​ഷം നേ​രി​ടേ​ണ്ടി​വ​രി​ക​യെ​ന്ന് ഐ​ക്യ​രാ​ഷ്‌​ട്ര​സ​ഭ വ്യ​ക്ത​മാ​ക്കി​യ​തി​നു പി​ന്നാ​ലെ​യാ​ണു മു​ന്ന​റി​യി​പ്പു​ക​ൾ. മ​നു​ഷ്യ​നി​ർ​മി​ത​മാ​യ ആ​ഗോ​ള കാ​ലാ​വ​സ്ഥാ വ്യ​തി​യാ​ന​ത്തി​ന്‍റെ ആ​ഘാ​തം വ​ർ​ധി​പ്പി​ക്കാ​ൻ 'എ​ൽ നി​നോ' കാ​ര​ണ​മാ​കു​മെ​ന്ന് ഐ​ക്യ​രാ​ഷ്‌​ട്ര​സ​ഭ​യു​ടെ കാ​ലാ​വ​സ്ഥാ ഏ​ജ​ൻ​സി​യാ​യ വേ​ൾ​ഡ് മെ​റ്റീ​രി​യോ​ള​ജി​ക്ക​ൽ ഓ​ർ​ഗ​നൈ​സേ​ഷ​ൻ (ഡ​ബ്ല്യു​എം​ഒ) അ​റി​യി​ച്ചു. പ​സ​ഫി​ക് സ​മു​ദ്രം ഭീ​മ​മാ​യ അ​ള​വി​ൽ ചൂ​ടു പു​റ​ന്ത​ള്ളു​ന്ന​തി​നാ​ൽ, വി​വി​ധ രാ​ജ്യ​ങ്ങ​ളു​ടെ വ​ലി​യൊ​രു മേ​ഖ​ല​യി​ൽ അ​സാ​ധാ​ര​ണ​മാ​യ താ​പ​നി​ല അ​നു​ഭ​വ​പ്പെ​ടു​മെ​ന്നു വി​ദ​ഗ്ധ​ർ വ്യ​ക്ത​മാ​ക്കി.

ഭൂ​മി​യു​ടെ ഭൂ​രി​ഭാ​ഗം പ്ര​ദേ​ശ​ങ്ങ​ളും അ​സാ​ധാ​ര​ണ​മാ​യ താ​പ​നി​ല​യി​ലേ​ക്കു മാ​റു​ക​യാ​ണെന്നു പ്ര​മു​ഖ മീ​റ്റി​യ​റോ​ള​ജി​സ്റ്റ് റ​യാ​ൻ മോ. എക്സിൽ കാ​ലാ​വ​സ്ഥാ​ഭൂ​പ​ടം പ​ങ്കുവച്ചാണ് അദ്ദേഹം ഇക്കാര്യങ്ങൾ പറഞ്ഞത്. ഭൂ​ഗോ​ള​ത്തി​ന്‍റെ ഏ​താ​ണ്ട് എ​ല്ലാ മേ​ഖ​ല​യും 'റെ​ഡ് അ​ല​ർ​ട്ടി'ലാണെന്ന് മോ ​വ്യ​ക്ത​മാ​ക്കി. അ​മേ​രി​ക്ക​ൻ ഭൂ​ഖ​ണ്ഡ​ത്തി​ലെ ചി​ല പ്ര​ദേ​ശ​ങ്ങ​ൾ ഒ​ഴി​കെ ലോ​ക​ത്തെ​ല്ലാ​യി​ട​ത്തും ക​ടു​ത്ത ആ​ഗോ​ള​താ​പ​നം അ​നു​ഭ​വ​പ്പെ​ടു​ക​യാ​ണ്. എ​ൽ നി​നോ ത​രം​ഗം 2027 ഫെ​ബ്രു​വ​രി വ​രെ ക​ഠി​ന​മാ​യി തു​ട​രു​മെ​ന്നു ഡ​ബ്ല്യു​എം​ഒ വ്യ​ക്ത​മാ​ക്കു​ന്നു.

പ​സ​ഫി​ക് സ​മു​ദ്ര​ത്തി​ലെ താ​പ​നി​ല മു​ൻ​വ​ർ​ഷ​ങ്ങ​ളി​ലെ എ​ല്ലാ റെ​ക്കോ​ർ​ഡു​ക​ളും ഭേ​ദി​ച്ച​താ​യി കാ​ലാ​വ​സ്ഥാ‌​ശാ​സ്ത്ര​ജ്ഞ​ൻ സി​ക് ഹൗ​സ്‌​ഫാ​ദ​ർ പ​റ​ഞ്ഞു. എ​ൽ നി​നോ മു​ൻ​പെ​ങ്ങു​മി​ല്ലാ​ത്ത​വി​ധം ഉ​യ​ർ​ന്ന താ​പ​നി​ല​യി​ലേ​ക്കു കു​തി​ക്കു​ന്ന​തു തു​ട​രു​ക​യാ​ണ്. ഇ​പ്പോ​ൾ സാ​ധാ​ര​ണ​യേ​ക്കാ​ൾ 3.4 ഡി​ഗ്രി സെ​ൽ​ഷ്യ​സ് കൂ​ടു​ത​ലാ​ണ്. കാ​ലാ​വ​സ്ഥാ വി​ദ​ഗ്ധ​നാ​യ ലി​യോ​ൺ സൈ​മ​ൺ​സ് ഈ ​കാ​ലാ​വ​സ്ഥാ പ്ര​തി​ഭാ​സ​ത്തെ 'സൂ​പ്പ​ർ-​ഡ്യൂ​പ്പ​ർ എ​ൽ നി​നോ' എ​ന്നാ​ണു വി​ശേ​ഷി​പ്പി​ച്ച​ത്.

ഈ ​വ​ർ​ഷം അ​വ​സാ​ന​മാ​സ​ങ്ങ​ളി​ൽ ഭൂ​രി​ഭാ​ഗം സ​മു​ദ്ര​മേ​ഖ​ല​ക​ളി​ലും ശ​രാ​ശ​രി​യേ​ക്കാ​ൾ ഉ​യ​ർ​ന്ന താ​പ​നി​ല അനുഭവപ്പെടുമെന്ന് ഡ​ബ്ല്യു​എം​ഒ പ്ര​വ​ചി​ക്കു​ന്നു. എ​ൽ നി​നോ കേ​ന്ദ്ര​മാ​യ മ​ധ്യ-​കി​ഴ​ക്ക​ൻ ട്രോ​പ്പി​ക്ക​ൽ പ​സ​ഫി​ക്കി​ലെ സ​മു​ദ്രോ​പ​രി​ത​ല താ​പ​നി​ല ഒ​ക്‌​ടോ​ബ​ർ മു​ത​ൽ ഡി​സം​ബ​ർ വ​രെ​യു​ള്ള കാ​ല​യ​ള​വി​ൽ സാ​ധാ​ര​ണ​യേ​ക്കാ​ൾ 3.7 ഡി​ഗ്രി സെ​ൽ​ഷ്യ​സ് വ​രെ ഉ​യ​രു​മെ​ന്നാ​ണു പ്ര​തീ​ക്ഷി​ക്കു​ന്ന​ത്. ഇ​തു മു​ൻ​പെ​ങ്ങു​മി​ല്ലാ​ത്ത സ​മു​ദ്ര താ​പ​വ​ർ​ധ​ന​വി​ലേ​ക്കു വ​ഴി​തു​റ​ക്കും.

ര​ണ്ടു മു​ത​ൽ ഏ​ഴു വ​ർ​ഷം വ​രെ​യു​ള്ള ഇ​ട​വേ​ള​ക​ളി​ൽ രൂ​പ​പ്പെ​ടു​ന്ന സ്വാ​ഭാ​വി​ക കാ​ലാ​വ​സ്ഥാ വ്യ​തി​യാ​നം, ലോ​ക​മെ​മ്പാ​ടു​മു​ള്ള മ​ഴ​യു​ടെ പാ​റ്റേ​ണു​ക​ളെ​യും അ​ന്ത​രീ​ക്ഷ താ​പ​നി​ല​യെ​യും ക​ഠി​ന​മാ​യി ബാ​ധി​ക്കും. ഇ​തു ചി​ല പ്ര​ദേ​ശ​ങ്ങ​ളി​ൽ ക​ടു​ത്ത വ​ര​ൾ​ച്ച​യ്ക്കും മ​റ്റു ചി​ല​യി​ട​ങ്ങ​ളി​ൽ അ​തി​തീ​വ്ര മ​ഴ​യ്ക്കും വെ​ള്ള​പ്പൊ​ക്ക​ത്തി​നും കാ​ര​ണ​മാ​കാം. 'എൽ നിനോ' കഠിനമാകുന്ന സാഹചര്യത്തിൽ ലോ​ക​മെ​മ്പാ​ടു​മാ​യി ഏ​ക​ദേ​ശം 4,51,000 മ​ര​ണ​ങ്ങ​ൾ വ​രെ സം​ഭ​വി​ച്ചേ​ക്കാ​മെ​ന്ന് ഷി​ക്കാ​ഗോ സ​ർ​വ​ക​ലാ​ശാ​ല​യി​ലെ ക്ലൈ​മ​റ്റ് ഇം​പാ​ക്‌ട് ലാ​ബി​ലെ ഗ​വേ​ഷ​ക​ർ മു​ന്ന​റി​യി​പ്പു ന​ൽ​കിയിട്ടുണ്ട്. ഇന്ത്യയും പ്രതികൂല സാഹചര്യങ്ങളെ നേരിടേണ്ടിവരും.

Tags : International GlobalHeatWarning SuperduperElNino Elnino WMO Enviorment