ആഗോളതാപനം ഭൂമിയെ വിഴുങ്ങുമോ..? കാലാവസ്ഥാ വ്യതിയാനം മനുഷ്യരെയും മൃഗങ്ങളെയും ജലജീവികളെയും മാത്രമല്ല, ലോകത്തെ വൃക്ഷരാജാക്കന്മാരെയും പിടികൂടിയിരിക്കുകയാണ്. മഹാവൃക്ഷങ്ങൾ മാത്രമല്ല, സസ്യലോകത്തിന്‍റെ ഭാവിതന്നെ എന്തായിത്തീരുമെന്ന ആശങ്കയിലാണു ഗവേഷകർ. ലോ​ക​ത്തി​ലെ ഏ​റ്റ​വും ഉ​യ​രം കൂ​ടി​യ 'കോ​സ്റ്റ് റെ​ഡ്‌​വു​ഡ്' വൃക്ഷങ്ങൾ അതിജീവനത്തിനായി പൊരുതുന്നുവെന്നാണു പുതിയ പഠനങ്ങൾ വെളിപ്പെടുത്തുന്നത്. കാ​ലി​ഫോ​ർ​ണി​യ സ​ർ​വ​ക​ലാ​ശാ​ല​യി​ലെ ഗ​വേ​ഷ​ക​രാണു പഠനത്തിനു പിന്നിൽ. മെ​ൻ​ഡോ​സി​നോ കൗ​ണ്ടി​യി​ലു​ള്ള ഗാ​ർ​സി​യ റി​വ​ർ ഫോ​റ​സ്റ്റ് മേഖലയാണു പഠനത്തിനായി തെരഞ്ഞെടുത്തത്.

അ​ന്ത​രീ​ക്ഷ താ​പ​നി​ല ഉ​യ​രു​മ്പോ​ൾ, റെ​ഡ്‌​വു​ഡ് മ​ര​ങ്ങ​ൾ പ്ര​കാ​ശ​സം​ശ്ലേ​ഷ​ണ പ്ര​ക്രി​യ​യു​ടെ വേ​ഗ​ത കു​റ​യ്ക്കു​ന്ന​താ​യാണു ശാസ്ത്രജ്ഞ​രുടെ ക​ണ്ടെ​ത്തൽ. താ​പ​നി​ലയുടെ വർധന ​പു​രാ​ത​ന വൃ​ക്ഷ​ങ്ങ​ളു​ടെ നി​ല​നി​ൽ​പ്പി​നും ആ​രോ​ഗ്യ​ത്തി​നും വ​ലി​യ ഭീ​ഷ​ണി​യാ​ണെ​ന്നു ഗവേഷകർ പറയുന്നു. അ​മേ​രി​ക്ക​യി​ലെ മ​ധ്യ കാ​ലി​ഫോ​ർ​ണി​യ മു​ത​ൽ ഒ​റി​ഗ​ണിന്‍റെ തെക്കൻ തീ​ര​ദേ​ശ മേ​ഖ​ല​ക​ളി​ൽ കാ​ണ​പ്പെ​ടു​ന്ന അ​പൂ​ർ​വ ഇ​നം വൃക്ഷങ്ങളാണ് കോ​സ്റ്റ് റെ​ഡ്‌​വു​ഡ്. ഇവിടെ കാണപ്പെടുന്ന വൃക്ഷങ്ങൾക്ക് 1,200 മുതൽ 2,200 വർഷം വരെ പ്രായമുണ്ടെന്നാണു കണക്കാക്കുന്നത്. അ​ന്ത​രീ​ക്ഷ​ത്തി​ലെ കാ​ർ​ബ​ണി​നെ വ​ലി​യ അ​ള​വി​ൽ ശേ​ഖ​രി​ച്ചു നി​ർ​ത്തു​ന്ന 'കാ​ർ​ബ​ൺ സി​ങ്ക്' ആണ് റെ​ഡ്‌​വു​ഡ്.

2022 ജൂ​ലൈ മു​ത​ൽ 2024 ഒ​ക്‌ടോ​ബ​ർ വ​രെ​യു​ള്ള കാ​ല​യ​ള​വി​ൽ ഉ​ഷ്ണ​ത​രം​ഗ​ങ്ങ​ൾ ഉ​ൾ​പ്പെ​ടെ​യു​ള്ള പ്ര​തി​കൂ​ല സാ​ഹ​ച​ര്യ​ങ്ങ​ളി​ൽ വൃക്ഷങ്ങളുടെ ഇ​ല​ക​ളെ ഗ​വേ​ഷ​ക​ർ പ​ഠ​ന​വി​ധേ​യ​മാ​ക്കി. ക​ടു​ത്ത ചൂ​ടു​ള്ള സ​മ​യ​ങ്ങ​ളി​ൽ ഇ​ല​ക​ളി​ലെ താ​പ​നി​ല 18 ഡി​ഗ്രി ഫാ​ര​ൻ​ഹീ​റ്റ് വ​രെ ഉ​യ​രു​ന്ന​താ​യി ക​ണ്ടെ​ത്തി. ഉ​യ​ർ​ന്ന താ​പ​നി​ല​യോ​ടു ഫ​ല​പ്ര​ദ​മാ​യി പ്ര​തി​ക​രി​ക്കാ​ൻ ഇ​ല​ക​ൾ​ക്കു സാ​ധി​ക്കു​ന്നി​ല്ലെ​ന്നു ഗവേഷകർ കണ്ടെത്തി.

ഇ​ല​ക​ളി​ലെ സു​ഷി​ര​ങ്ങ​ളാ​യ 'സ്‌റ്റൊമാറ്റ' വ​ഴി ജ​ല​ബാ​ഷ്പം പു​റ​ത്തു​വി​ട്ടാ​ണു മ​ര​ങ്ങ​ൾ ത​ണു​പ്പ് നി​ല​നി​ർ​ത്തു​ന്ന​ത്. എ​ന്നാ​ൽ നി​ർജ​ലീ​ക​ര​ണം ത​ട​യാ​ൻ മ​ര​ങ്ങ​ൾ ​സു​ഷി​ര​ങ്ങ​ൾ അ​ട​യ്ക്കു​മ്പോ​ൾ, പ്ര​കാ​ശ​സം​ശ്ലേ​ഷ​ണ​ത്തി​ന് ആ​വ​ശ്യ​മാ​യ കാ​ർ​ബ​ൺ ഡ​യോ​ക്സൈ​ഡ് സ്വീകരിക്കാൻ കഴിയാതെവരും. താ​പ​നി​ല വ​ർ​ധി​ക്കു​മ്പോ​ൾ ഇ​വ​യു​ടെ പ്ര​കാ​ശ​സം​ശ്ലേ​ഷ​ണ നി​ര​ക്കു കു​റ​യു​ന്നു​ണ്ടെ​ന്ന് ല​ബോ​റ​ട്ട​റി പ​രി​ശോ​ധ​ന​ക​ളി​ലും വ്യ​ക്ത​മാ​യതായി ഗവേഷകർ പറഞ്ഞു. ക​ടു​ത്ത ചൂ​ടു താ​ങ്ങാ​ൻ റെ​ഡ്‌​വു​ഡിനു ശേ​ഷി കു​റ​വാ​ണെ​ന്നാ​ണ് ഇ​തു സൂചിപ്പിക്കുന്നത്.

ഉ​ഷ്ണ​ത​രം​ഗ​ങ്ങ​ൾ മൂലം റെ​ഡ്‌​വു​ഡിനു സംഭവിക്കുന്ന ​ആ​ഘാ​തം താ​ത്കാ​ലി​ക​മാ​ണോ, അ​തോ ശാ​ശ്വ​ത​മാ​ണോ എന്നു വ്യക്തമാക്കാൻ തുടർപഠനങ്ങൾ ആവശ്യമാണെന്നു ഗവേഷകർ വ്യക്തമാക്കി. നി​ല​വി​ൽ ശൈത്യകാലമെത്തുന്നതോടെ റെഡ്‌വുഡ് പൂർവസ്ഥി​തി​ പ്രാപിക്കുന്നുണ്ട്. എങ്കിലും, താ​പ​നി​ല ഇ​നി​യും ഉ​യ​ർ​ന്നാ​ൽ മഹാവൃക്ഷങ്ങൾക്കു നിലനിൽക്കാൻ കഴിയുമോ എന്നതു വലിയ ചോ​ദ്യമായി മുന്നിൽനിൽക്കുന്നു.

Tags : CoastRedwood International Enviorment CaliforniaRedwood Sequoiasempervirens ClimateChange ScienceNews