ചുവന്നഗ്രഹത്തിന്‍റെ രഹസ്യങ്ങൾ ചുരുളഴിയുമോ..? ‌പിടികിട്ടാത്ത രഹസ്യങ്ങൾ തേടി ജപ്പാന്‍റെ മാ​ർഷ്യൻ മൂ​ൺ​സ് എ​ക്സ്പ്ലൊ​റേ​ഷ​ൻ (എം​എം​എ​ക്സ്) പേ​ട​കം ഭൂമിയിൽനിന്നു കുതിച്ചുയർന്നു. ജാ​പ്പ​നീ​സ് ബ​ഹി​രാ​കാ​ശ ഏ​ജ​ൻ​സി​യാ​യ 'ജാ​ക്സ'യാണു ദൗത്യത്തിനു പിന്നിൽ. ചൊ​വ്വ​യു​ടെ ഉ​പ​ഗ്ര​ഹ​മാ​യ ഫോ​ബോ​സി​ൽനി​ന്നു സാ​മ്പി​ളു​ക​ൾ ശേ​ഖ​രി​ക്കുകയാണു ദൗത്യത്തിന്‍റെ പ്രധാന ലക്ഷ്യം.

​ഇന്നലെ പു​ല​ർ​ച്ചെ ത​നെ​ഗാ​ഷി​മ ബ​ഹി​രാ​കാ​ശ കേ​ന്ദ്ര​ത്തി​ൽനി​ന്നാ​ണ് എ​ച്ച്-3 വി​ക്ഷേ​പ​ണ വാ​ഹ​നം പേ​ട​ക​വു​മാ​യി കു​തി​ച്ചു​യർന്നത്. ചൊ​വ്വ​യു​ടെ ഉ​പ​ഗ്ര​ഹ​ത്തി​ൽനി​ന്ന് ഭൂമിയിലേക്ക് ആ​ദ്യ​മാ​യി സാ​മ്പി​ളു​ക​ൾ എത്തിക്കുന്ന വലിയ ദൗ​ത്യത്തിനാണു ശാസ്ത്രലോകം തുടക്കമിട്ടിരിക്കുന്നത്. അ​ഞ്ചുവ​ർ​ഷത്തോളം നീ​ണ്ടു​നി​ൽ​ക്കു​ന്ന ​ദൗ​ത്യം ജാ​ക്സ​യു​ടെ ആ​ദ്യ ചൊ​വ്വ റൗ​ണ്ട് ട്രി​പ്പ് കൂ​ടി​യാ​ണ്. ശേ​ഖ​രി​ക്കു​ന്ന സാ​മ്പി​ളു​ക​ൾ 2031-ൽ ​ഭൂ​മി​യി​ൽ തി​രി​ച്ചെ​ത്തിക്കാൻ കഴിയുമെ​ന്നാ​ണു ഗവേഷകരുടെ പ്ര​തീ​ക്ഷ.

ഏ​ക​ദേ​ശം 4,500 കി​ലോ​ഗ്രാം ഭാ​ര​മു​ള്ള പേ​ട​കം 2027 ഓ​ഗ​സ്‌റ്റിൽ ചൊ​വ്വ​യു​ടെ ഭ്ര​മ​ണ​പ​ഥ​ത്തി​ലെ​ത്തിക്കാനാണു പദ്ധതി. എ​ന്നാ​ൽ, പേടകത്തെ ചൊ​വ്വ​യു​ടെ ഉ​പ​രി​ത​ല​ത്തി​ൽ ഇ​റക്കില്ല. പ​ക​രം ഫോ​ബോ​സ്, ഡീ​മോ​സ് എ​ന്നീ ര​ണ്ട് ഉ​പ​ഗ്ര​ഹ​ങ്ങ​ളെ​യും, പ്ര​ത്യേ​കി​ച്ച് ഫോ​ബോ​സി​നെ കേ​ന്ദ്രീ​ക​രി​ച്ചാ​യി​രി​ക്കും പ​ഠിക്കുക. ജ​ർമ​നി​യും ഫ്രാ​ൻ​സും ചേ​ർ​ന്നു വി​ക​സി​പ്പി​ച്ച റോ​വ​റി​നെ ഉ​പ​ഗ്ര​ഹ​ത്തി​ൽ ഇ​റ​ക്കി, ഉ​പ​രി​ത​ല​ത്തി​ന് ര​ണ്ട് സെന്‍റി​മീ​റ്റ​ർ താ​ഴെനി​ന്ന് പത്തുഗ്രാം ​റീ​ഗോ​ലി​ത് (പൊടിരൂപത്തിലുള്ള പാറക്കഷ്ണങ്ങൾ, മണൽ, പൊടിപടലങ്ങൾ) വ​സ്തു​ക്ക​ൾ ശേ​ഖ​രി​ക്കാ​നാ​ണു ലക്ഷ്യമിടുന്നത്.

2031-ൽ തിരികെയെത്തും
ഫോ​ബോ​സി​ൽ ഇ​റ​ങ്ങാ​ൻ ക​ഴി​ഞ്ഞാ​ൽ, ഭാ​വി​യി​ലെ ചൊ​വ്വാ പര്യവേക്ഷണങ്ങൾക്ക് അടിത്തറപാകാൻ കഴിയുമെന്ന് എം​എം​എ​ക്സ് പ്രോ​ജ​ക്റ്റ് ഗവേഷകർ പറഞ്ഞു. സൗ​ര​യൂ​ഥ​ത്തിന്‍റെ ഉ​ത്ഭ​വ​വും ഗ്ര​ഹ​ങ്ങ​ളു​ടെ രൂ​പീ​ക​ര​ണ​വും വ്യ​ക്ത​മാ​ക്കു​ന്ന പു​തി​യ ക​ണ്ടെ​ത്ത​ലു​ക​ൾ​ക്കു ദൗ​ത്യം വഴിതെളിക്കുമെന്നാണു പ്രതീക്ഷയെന്ന് ജാപ്പനീസ് ഗവേഷകർ അഭിപ്രായപ്പെടുന്നു. സാ​മ്പി​ളു​ക​ൾ ശേ​ഖ​രി​ച്ചശേ​ഷം പേ​ട​ക​ത്തിന്‍റെ റി​ട്ടേ​ൺ മോ​ഡ്യൂ​ൾ മാ​ത്ര​മാ​യി ഭൂ​മി​യി​ലേ​ക്കു മ​ട​ങ്ങും. 2030 അ​വ​സാ​ന​ത്തോ​ടെ ചൊ​വ്വ​യി​ൽനിന്നു പു​റ​പ്പെ​ടു​ന്ന പേ​ട​കം 2031-ഓ​ടെ ഭൂ​മി​യി​ൽ എ​ത്തും.

ഫോ​ബോ​സി​ന്‍റെ​യും ഡീ​മോ​സിന്‍റെ​യും ഉ​ത്ഭ​വ​ത്തെ​ക്കു​റി​ച്ചു വ്യ​ക്ത​ത വ​രു​ത്താ​ൻ ദൗത്യത്തിനു സാ​ധി​ക്കും. ചുവന്ന ഗ്രഹത്തിന്‍റെ ഭൂതകാലത്തെയും പ​രി​ണാ​മ​ത്തെ​യും കു​റി​ച്ചു​ള്ള നിർണായക വി​വ​ര​ങ്ങ​ൾ ന​ൽ​കാ​ൻ ഫോ​ബോ​സി​നു ക​ഴി​യു​മെ​ന്നാ​ണ് ജാ​ക്സ വ്യ​ക്ത​മാ​ക്കു​ന്ന​ത്.

Tags : MartianMoonseXploration International MMX JAXA Japan Mars SpaceScience Phobos Deimos