തലശേരി ആശുപത്രിയിൽ സീലിംഗ് അടർന്നുവീണു : Deepika.com Kerala News |

Click here for detailed news of all items

തലശേരി ആശുപത്രിയിൽ സീലിംഗ് അടർന്നുവീണു

Saturday, February 18, 2017 2:18 PM IST

തലശേരി: ജനറൽ ആശുപത്രി പ്രസവ വാർഡിലെ സീലിംഗ് അടർന്നുവീണു. നവജാതശിശു തലനാരിഴയ്ക്കു രക്ഷപ്പെട്ടു. ഇന്നലെ ഉച്ചകഴിഞ്ഞു മൂന്നോടെയായിരുന്നു സംഭവം.
കൊളശേരി സ്വദേശിനി കവിതയുടെ മൂന്നുദിവസം പ്രായമായ കുട്ടിയാണു പരിക്കേൽക്കാതെ രക്ഷപ്പെട്ടത്. വാർഡിലെ പ്രത്യേകമായി തരംതിരിച്ച കാബിനിലെ കട്ടിലിലാണ് അമ്മയേയും കുഞ്ഞിനേയും കിടത്തിയിരുന്നത്.

കവിതയും കുഞ്ഞും ഒഴിഞ്ഞുകിടന്നിരുന്ന തൊട്ടടുത്ത കട്ടിലിലേക്കു മാറിക്കിടന്ന് നിമിഷങ്ങൾ കഴിഞ്ഞപ്പോഴാണ് സീലിംഗ് നേരത്തെ ഇവർ കിടന്ന കട്ടിലിന്‍റെ ഭാഗത്തേക്ക് തകർന്നുവീണത്. സീലിംഗ് അടർന്നുവീണയുടനെ ആശുപത്രിയിലെ ജീവനക്കാരെത്തി സിമന്‍റിന്‍റെ അവശിഷ്ടങ്ങൾ നീക്കം ചെയ്തു.
പ്രസവവാർഡിനകത്തെ ശൗചാലയത്തിനു സമീപത്തെ സീലിംഗും ഭാഗികമായി തകർന്നിരിക്കുകയാണ്.

ഈ വാർഡിന്‍റെ മറുഭാഗത്തുള്ള വാർഡിലെ സീലിംഗുകളും അടർന്ന് വീണുകൊണ്ടിരിക്കുകയാണ്. സീലിംഗ് അടർന്നുവീണതിനെ തുടർന്നു പ്രസവവാർഡിൽ കിടക്കുന്നവർ ഭയത്തിലാണ്. ആശുപത്രിയുടെ മറ്റുഭാഗങ്ങളിൽ അറ്റകുറ്റപ്പണികൾ തകൃതിയായി നടക്കുമ്പോഴും പ്രസവവാർഡിലെ സീലിംഗ് ഉൾപ്പെടെയുള്ള അറ്റകുറ്റപ്പണികളുടെ പ്രവർത്തനം നടക്കുന്നില്ലെന്ന് രോഗികൾ പറയുന്നു. സീലിഗ് അടർന്നുവീണ സംഭവത്തെ ഗൗരവമായി കാണണമെന്നും അടർന്ന ഭാഗങ്ങളുടെ അറ്റകുറ്റപ്പണി ഉടനെ നടത്തണമെന്നും ആവശ്യം ഉയർന്നിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.