വരൾച്ച: കുഴൽക്കിണർ കുഴിക്കുന്നതിനു നിരോധനം : Deepika.com Kerala News |

Click here for detailed news of all items

വരൾച്ച: കുഴൽക്കിണർ കുഴിക്കുന്നതിനു നിരോധനം

Saturday, February 18, 2017 2:47 PM IST

തിരുവനന്തപുരം: സംസ്ഥാ നം കടുത്ത വരൾച്ചയിലായതോടെ അടുത്ത മേയ് 31 വരെ സ്വകാര്യ കുഴൽ കിണറുകൾ കുഴിക്കുന്നതിനു നിരോധനം ഏർപ്പെടുത്തി. ഇതു സംബന്ധിച്ചു ജില്ലാ കളക്ടർമാർ ആവശ്യമായ നടപടി സ്വീകരിക്കാൻ റവന്യു വകുപ്പ് നിർദേശം നൽകി. വരൾച്ച കടുത്തതോടെ ഭൂഗർഭ ജലനിരപ്പിന്‍റെ അളവു കുറഞ്ഞതാണു ദുരന്ത നിവാരണ നിയമപ്രകരം കുഴൽക്കിണർ നിർമാണത്തിനു നിരോധനമേർപ്പെടുത്തിയത്. മേയ് 31 വരെ കുഴൽക്കിണറുകൾ കുഴിക്കുന്നതു നിർത്തിവയ്ക്കാനാണു നിർദേശം.

ജലചൂഷണം അവസാനിപ്പിക്കാൻ കടുത്ത നടപടി സ്വീകരിക്കാനും ജില്ലാ കളക്ടർമാർക്കു നിർദേശം നൽകി. പാറക്കുളങ്ങൾ കണ്ടെത്തി പ്രയോജനപ്പെടുത്താൻ കളക്ടർമാരോട് ആവശ്യപ്പെട്ടു.കുടിവെള്ള വിതരണം ടാങ്കർ ലോറികളിൽ ജിപിഎസ് സംവിധാനം ഉണ്ടാകണം. ക്രമക്കേടു തടയാനാണു ലോറികളുടെ പൊസിഷൻ അറിയാൻ കഴിയുന്ന ജിപിഎസ് സംവിധാനം. ഇതു നിരീക്ഷിക്കാൻ റവന്യു വകു പ്പിന്‍റെ പ്രത്യേക ഉദ്യോഗസ്ഥ സംഘത്തെ നിയോഗിക്കണം. തഹസിൽദാർ, വില്ലേജ് ഓഫീസർ എന്നിവർ ഏകോപന ചുമതല നിർവഹിക്കണം. ലോഗ് ബുക്ക്, ട്രിപ്പ് ഷീറ്റ് തുടങ്ങിയവ പരിശോധിക്കണം. ജല കിയോസ്കുകൾ സ്ഥാപിക്കാൻ കഴിയാത്ത മേഖലകളിലും ജനവാസം കുറഞ്ഞ മലയോര മേഖലകളിലുമാണു ടാങ്കർ ലോറികൾ വഴിയുള്ള കുടിവെള്ള വിതരണത്തിന് അനുമതി. ടാങ്കർ ലോറികൾ വഴിയുള്ള കുടിവെള്ള വിതരണത്തിനു ജില്ലാ കളക്ടറുടെ പ്രത്യേക അനുമതി ആവശ്യമാണ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.