മുഖ്യമന്ത്രിയെ പ്രസംഗിക്കാൻ അനുവദിക്കാത്തതു വെല്ലുവിളി: കോടിയേരി : Deepika.com Kerala News |

Click here for detailed news of all items

മുഖ്യമന്ത്രിയെ പ്രസംഗിക്കാൻ അനുവദിക്കാത്തതു വെല്ലുവിളി: കോടിയേരി

Tuesday, February 21, 2017 3:15 PM IST

തിരുവനന്തപുരം: സിപിഎം ഈ മാസം 25-നു മംഗളൂരുവിൽ സംഘടിപ്പിക്കുന്ന മതസൗഹാർദറാലിയിൽ പ്രസംഗിക്കാൻ മുഖ്യമന്ത്രി പിണറായി വിജയനെ അനുവദിക്കില്ലെന്ന സംഘപരിവാർ സംഘടനകളുടെ പ്രഖ്യാപനം ഫെഡറൽ സംവിധാനത്തോടുള്ള വെല്ലുവിളിയാണെന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ഒരു സംസ്ഥാനത്തിന്‍റെ മുഖ്യമന്ത്രിയെ മറ്റൊരു സംസ്ഥാനത്തെ പരിപാടിയിൽ പങ്കെടുക്കാൻ അനുവദിക്കില്ലെന്നതു പ്രതിഷേധാർഹമാണ്. മുഖ്യമന്ത്രിയെ തടയാൻ മംഗളൂരു കോർപറേഷൻ പരിധിയിൽ ഹർത്താലിന് ആഹ്വാനം ചെയ്ത നടപടി ആർ.എസ്എസിന്‍റെ ഫാസിസ്റ്റ് മുഖമാണ് വെളിവാക്കുന്നതെന്ന് അദ്ദേഹം പറഞ്ഞു.

എകെജി ബീഡി വർക്കേഴ്സ് ഹൗസിംഗ് കോ-ഓപ്പറേറ്റീവ് സൊസൈറ്റിയുടെ ഉദ്ഘാടനത്തിനും മതസൗഹാർദറാലിയിലും പങ്കെടുക്കാനാണു പിണറായി വിജയൻ മംഗളൂരുവിൽ എത്തുന്നത്. ഇതിനുമുമ്പു മലയാളികളുടെ സ്വീകരണത്തിൽ പങ്കെടുക്കാൻ ഭോപ്പാലിലെത്തിയ കേരള മുഖ്യമന്ത്രിയെ ആർഎസ്എസിന്‍റെ പ്രതിഷേധത്തെത്തുടർന്നു ഭോപ്പാലിൽ തടയുകയും തിരിച്ചയയ്ക്കുകയും ചെയ്ത നടപടിയ്ക്കെതിരെ കേരളമൊന്നാകെ പ്രതിഷേധമുയർത്തിയിരുന്നു: കോടിയേരി പറഞ്ഞു.

ജനാധിപത്യത്തേയും ഫെഡറൽ സംവിധാനത്തേയും വെല്ലുവിളിക്കുന്ന നടപടിയാണ് ആർഎസ്എസിന്‍റെ ഭാഗത്തുനിന്നു നിരന്തരം ഉണ്ടായിക്കൊണ്ടിരിക്കുന്നതെന്നും കോടിയേരി ബാലകൃഷ്ണൻ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.