ഇത് രുദ്രയുടെ ലോകം: സോലോയുടെ പുതിയ ടീസർ
Saturday, August 12, 2017 7:30 PM IST
ബോളിവുഡിൽ ശ്രദ്ധേയ ചിത്രങ്ങളൊരുക്കിയ മലയാളിസംവിധായകൻ ബിജോയ് നമ്പ്യാർ ദുൽഖറിനെ നായകനാക്കി മലയാളത്തിലൊരുക്കുന്ന പുതിയ ചിത്രമായ സോലോയുടെ പുതിയ ടീസർ എത്തി. ദുൽഖർ തന്നെയാണ് ഫേസ്ബുക്ക് പേജിൽ ടീസർ ഷെയർ ചെയ്തത്. രുദ്രയുടെ ലോകം എന്ന പേരിലാണ് ടീസർ പുറത്തിറങ്ങിയത്. ദുൽഖറിനൊപ്പം ബോളിവുഡ് നടി നേഹ ശർമയും ടീസറിലെത്തുന്നു. ചിത്രത്തിന്‍റെ തമിഴ് ടീസറും പുറത്തിറങ്ങിയിട്ടുണ്ട്.

മലയാളത്തിലും തമിഴിലുമാണ് റൊമാന്‍റിക് ചിത്രമായ സോലോ ഒരുക്കുന്നത്. കബാലി നായിക ധൻസിക ആദ്യമായി മലയാളത്തിലെത്തുന്നുവെന്ന പ്രത്യേകതയും ചിത്രത്തിനുണ്ട്. കൂടാതെ ആൻ അഗസ്റ്റിൻ, ശ്രുതി ഹാസൻ, ആരതി വെങ്കിടേഷ്, ആശ ജയറാം തുടങ്ങിയവരും ചിത്രത്തിലെത്തുന്നു. ബിജോയുടെ തന്നെ നിർമാണകമ്പനിയായ ഗെറ്റ്എവേ ഫിലിംസും അബാം ഫിലിസും സംയുക്‌തമായാണു ചിത്രം നിർമിക്കുന്നത്.