Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Movies   | Health
| Back To Karshakan |


കാലാവസ്‌ഥാ വ്യതിയാനം കേരളം രൂക്ഷ വരൾച്ചയിലേക്ക്
ഈവർഷം ഇന്ത്യയുടെ പലഭാഗങ്ങളിലും നല്ല മഴലഭിച്ചു.എന്നാൽ തെക്കു–പടിഞ്ഞാറൻ കാലവർഷം കുറഞ്ഞതിനാൽ കേരളം വരൾച്ചക്കുതുല്യമായ സാഹചര്യങ്ങളിലേക്ക് നീങ്ങുകയാണ്. മഴ കൂടുതൽ ലഭിച്ചിരുന്ന കേരളത്തിൽ ഈ വർഷം തെക്കുപടിഞ്ഞാറൻ മൺസൂണിൽ 34 ശതമാനം കുറവാണ് രേഖപ്പെടുത്തിയിരിക്കുന്നത്. ജൂൺ മുതൽ സെപ്റ്റംബർ വരെയുള്ള കണക്കാണിത്. വയനാട് ജില്ലയിലാണ് മഴ ഏറ്റവും കുറവു ലഭിച്ചത്. സാധാരണയിൽ നിന്നും 59 ശതമാനം കുറവാണ് ഇവിടെ മാത്രം രേഖപ്പെടുത്തിയിരിക്കുന്നത്. തൃശൂർ ജില്ലയിൽ 44 ശതമാനവും മലപ്പുറത്ത് 39 ശതമാനവും പത്തനംതിട്ടയിൽ 36 ശതമാനവും മഴ കുറഞ്ഞു. മണ്ണ് ചുട്ടുപൊള്ളി വയനാട്ടിൽ മണ്ണിരകൾ കൂട്ടത്തോടെ ചത്തൊടുങ്ങുന്നതും ചെറുജീവികളുടെ നാശവുമെല്ലാം കൊടു വരൾച്ചയിലേക്കാണ് ഈ ജില്ല നീങ്ങുന്നതെന്നതിന്റെ സൂചനയാണ് നൽകുന്നത്. തവളകൾ കൂട്ടത്തോടെ പാലായനം ചെയ്യുന്നു. ചിലയിനം തവളകൾക്ക് വംശനാശം സംഭവിക്കുന്നു. വരണ്ട പ്രദേശങ്ങളിൽ മാത്രം കണ്ടുവരുന്ന സസ്യജാലങ്ങൾ വയനാടൻ മലനിരകളിലും ചുവടുറപ്പിക്കുന്നു. വയനാട്ടിലും കേരളത്തിന്റെ വിവിധ ഭാഗങ്ങളിലും മഴക്കാലത്തും കുടിവെള്ള ക്ഷാമം അനുഭവപ്പെടുന്നു. നല്ല മഴലഭിക്കേണ്ട സീസണിൽ മഴയില്ലാത്ത വരണ്ട ദിനങ്ങൾ മാസങ്ങളോളം നീളുന്നതുമെല്ലാം കാലാവസ്‌ഥാ വ്യതിയാനത്തിന്റെ പ്രതിഫലനങ്ങളാണ്.

മാറുന്ന കാലാവസ്‌ഥക്കൊപ്പം അതിനെ പ്രതിരോധിച്ചുകൊണ്ട് കൃഷിയും മാറിയില്ലെങ്കിൽ ചെറുകിട കർഷകരുടെ ഉപജീവന സുരക്ഷയും ലോകത്തിന്റെ ഭക്ഷ്യസുരക്ഷയും അപകടത്തിലാകുമെന്ന് ലോക ഭക്ഷ്യ കാർഷിക സംഘടന (എഫ്എഒ) മുന്നറിയിപ്പു നൽകുന്നു. ലോക ഭക്ഷ്യദിനത്തോടനുബന്ധിച്ച് ഈ വർഷം ലോകത്തിന്റെ ഭക്ഷ്യ കാർഷിക മേഖലയുടെ സ്‌ഥിതി അവലോകനം ചെയ്തുകൊണ്ട് പുറത്തിറക്കിയ വാർഷിക റിപ്പോർട്ടിലാണ് ഈ മുന്നറിയിപ്പ്. കാലാവസ്‌ഥാ വ്യതിയാനത്തിന്റെ പ്രത്യാഘാതങ്ങൾ അപ്രതീക്ഷിതവും അനിശ്ചിതവുമാണ്. ഇതിനെതിരേ ഹ്രസ്വകാലാടിസ്‌ഥാനത്തിലും ദീർഘകാലാടിസ്‌ഥാനത്തിലും നടപടികൾ സ്വീകരിക്കാൻ ലോകരാജ്യങ്ങൾ മടിച്ചു നിൽക്കുന്നു. ഇതിന് കനത്ത വില നൽകേണ്ടിവരും. കാലാവസ്‌ഥാ വ്യതിയാനത്തിന്റെ ഭാഗമായി ആഗോള താപനിലയിലുണ്ടാകുന്ന വർധനവ് 2030 വരെ ചില പ്രദേശങ്ങളിൽ ഭക്ഷ്യോത്പാദനം വർധിപ്പിക്കുകയും ചില പ്രദേശങ്ങളിൽ കുറയ്ക്കുകയും ചെയ്യും. എന്നാൽ 2030 നു ശേഷം എല്ലാ പ്രദേശങ്ങളിലും ഭക്ഷ്യോത്പാദനത്തിൽ വൻ ഇടിവുണ്ടാകും. ഉഷ്ണമേഖലാപ്രദേശങ്ങളിൽ കാലാവസ്‌ഥാവ്യതിയാനം ഇപ്പോൾ തന്നെ ഭക്ഷ്യ ഉത്പാദനത്തെ ബാധിച്ചു തുടങ്ങിയിട്ടുണ്ട്. ഭക്ഷ്യ ഉല്പാദനം കുറയുന്നതോടൊപ്പം ഓരോ പ്രദേശത്തും കൃഷി ചെയ്യുന്ന കാർഷിക വിളകളിലും മാറ്റമുണ്ടാകും. ഇപ്പോൾ കൃഷി ചെയ്യുന്ന വിളകൾക്കു പകരം മറ്റ് ചില കാർഷിക വിളകൾ കൃഷിചെയ്യേണ്ടിവരും. കാർഷിക ജൈവ വൈവിധ്യത്തിനും വൻതോതിലുള്ള നാശമുണ്ടാകും.



ഐക്യരാഷ്ട്രസഭയുടെ സുസ്‌ഥിര വികസന ലക്ഷ്യങ്ങൾ പ്രകാരം 2030 ഓടെ ലോകത്തു നിന്നും ദാരിദ്ര്യം തുടച്ചുനീക്കി ആണ്ടു മുഴുവനും ഭക്ഷ്യസുരക്ഷ ഉറപ്പാക്കണം. ഇതോടൊപ്പം വ്യാവസായിക അടിസ്‌ഥാനത്തിലുള്ള ഭക്ഷ്യോത്പാദനത്തിൽ നിന്നും കൂടുതൽ സുസ്‌ഥിരമായ കാർഷിക–ഭക്ഷ്യോല്പാദന രീതികളിലേക്ക് ചുവടുമാറുകയും വേണം. എന്നാൽ കാലാവസ്‌ഥാ വ്യതിയാനം ഈ കണക്കുകൂട്ടലുകളെയെല്ലാം തകിടം മറിക്കും. ദാരിദ്ര്യം തുടച്ചു നീക്കാനാവില്ലെന്നു മാത്രമല്ല കൂടുതലാളുകളെ ദാരിദ്ര്യത്തിലേക്കു തള്ളിയിടും. ഭക്ഷ്യസുരക്ഷയ്ക്കും ചെറുകിടകർഷകരുടെ ഉപജീവന സുരക്ഷിതത്വത്തിനും കാലാവസ്‌ഥാ വ്യതിയാനം വെല്ലുവിളിയായി മാറും. കാലാവസ്‌ഥാ വ്യതിയാനം കാരണം 2030 ഓടെ 12.2 കോടി ജനങ്ങൾ അധികമായി കൊടും ദാരിദ്ര്യത്തിന്റെ പിടിയിലാകുമെന്ന് എഫ്എഒയുടെ റിപ്പോർട്ടിൽ പറയുന്നു. ദക്ഷിണ ഏഷ്യയിലെയും ആഫ്രിക്കയിലെയും ജനങ്ങളായിരിക്കും ഇതിൽ ബഹുഭൂരിപക്ഷവും. ദക്ഷിണേഷ്യയിൽ ഇന്ത്യയിലായിരിക്കും ഏറ്റവുമധികം ജനങ്ങൾ കാലാവസ്‌ഥാ വ്യതിയാനത്തിന്റെ ദുരിതമനുഭവിക്കുക. കൃഷി മുഖ്യ ഉപജീവനമാർഗമാക്കിയ ചെറുകിട കർഷകരുടെ ഉപജീവനസുരക്ഷിതത്വം അപകടത്തിലാകും. ഭക്ഷ്യോത്പാദനത്തിലുണ്ടാകുന്ന കുറവും ഭക്ഷ്യധാന്യങ്ങളുടെ വിലക്കയറ്റവും ഇവരുടെ ഭക്ഷ്യസുരക്ഷയെ പ്രതിസന്ധിയിലാക്കും. നീണ്ടു നിൽക്കുന്ന വരൾച്ചാക്കാലം, താമസിച്ചുമാത്രം പെയ്യുന്ന മഴ, പെട്ടെന്നുണ്ടാകുന്ന വെള്ളപ്പൊക്കം എന്നിവയെല്ലാം കാർഷികോത്പാദനവും കർഷകരുടെ വരുമാനവും കുറയ്ക്കും. മാറുന്ന കാലാവസ്‌ഥ കർഷകരുടെയും കാർഷകതൊഴിലാളികളുടെയും ആരോഗ്യത്തെ ദോഷകരമായി ബാധിക്കും. തൊഴിലാളികളുടെ ഉത്പാദനക്ഷമതയിലും വൻകുറവുണ്ടാകും. കർഷകർക്കുമാത്രമല്ല ദേശീയതലത്തിലും കാർഷിക വരുമാനത്തിൽ ഇടിവുണ്ടാകും.

പസഫിക് സമുദ്രത്തിന്റെ ഉപരിതലത്തെ ചൂടുപിടിപ്പിക്കുന്ന എൽനിനോ പ്രതിഭാസം ലോകത്തിന്റെ പലഭാഗങ്ങളിലും കാലാവസ്‌ഥയുടെ താളത്തെ തകിടം മറിച്ചു. ഇപ്പോഴത്തെ എൽ നിനോ പ്രതിഭാസം കഴിഞ്ഞ ആറു വർഷത്തിനിടയിൽ സംഭവിച്ചതിൽ ഏറ്റവും തീവ്രമായതാണ്. ഉയർന്ന താപനില ഏഷ്യയിൽ പ്രത്യേകിച്ച് ഇന്ത്യയിൽ നെല്ലുത്പാദനം ഗണ്യമായി കുറക്കും. ഗോതമ്പ്, മക്കച്ചോളം, ഉരുളക്കിഴങ്ങ് തുടങ്ങിയവയുടെ ഉത്പാദനത്തിലും കുറവുണ്ടാകും. ഇന്ത്യയിൽ കാലാവസ്‌ഥാ വ്യതിയാനം ഇന്നത്തെ നിലയിൽ മാറ്റമില്ലാതെ തുടർന്നാൽ 2020 നു ശേഷം പ്രമുഖ ഭക്ഷ്യധാന്യവിളകളുടെ ഉത്പാദനത്തിൽ കാര്യമായ കുറവുണ്ടാകും. 1900 നും 2000 നും ഇടയിൽ ഇന്ത്യയിലെതാപനില 0.4 ശതമാനം ഉയർന്നതായാണ് കണക്ക്. അന്തരീക്ഷതാപനിലയിൽ ഒരു ഡിഗ്രിസെൽഷ്യസിൽ അധികം വർധനവുണ്ടായാൽ ഗോതമ്പുത്പാദനത്തിൽ വലിയ കുറവുണ്ടാകും. സിന്ധു–ഗംഗാ സമതലങ്ങളിലായിരിക്കും ഏറ്റവും വലിയ പ്രത്യാഘാതം. കാലാവസ്‌ഥാ വ്യതിയാനം 21–ാം നൂറ്റാണ്ടിനെ മെഗാവരൾച്ചകളുടെ ഒരു നൂറ്റാണ്ടാക്കി മാറ്റുമെന്ന് ചില ശാസ്ത്രജ്‌ഞന്മാർ മുന്നറിയിപ്പു നൽകുന്നു. ആഫ്രിക്ക, ഇന്ത്യ, ദക്ഷിണ അമേരിക്ക, ഓസ്ട്രേലിയ തുടങ്ങിയ പ്രദേശങ്ങളിൽ പതിറ്റാണ്ടുകൾ നീണ്ടു നിൽക്കുന്ന മെഗാവരൾച്ചകൾ ഉണ്ടായേക്കാം.

അതിരൂക്ഷമായ ജല ദൗർലഭ്യവും ഭൂവിഭവങ്ങളുടെ ശോഷണവും കാർഷികോത്പാദനത്തെ വീണ്ടും പരിമിതപ്പെടുത്തും. ലോകത്തെ ശുദ്ധ ജലസ്രോതസുകളുടെ നാലു ശതമാനം മാത്രമുള്ള ഇന്ത്യയെയായിരിക്കും കാലാവസ്‌ഥാ വ്യതിയാനത്തെ തുടർന്നുണ്ടാകുന്ന ജലദൗർലഭ്യം ഏറ്റവും രൂക്ഷമായി ബാധിക്കുക. ആവശ്യത്തെക്കാൾ കുറഞ്ഞ അളവിൽ മാത്രമായിരിക്കും ജലത്തിന്റെ ലഭ്യത. കുത്തനെ ഉയരുന്ന ചൂടും കടുത്ത കാലാവസ്‌ഥാ പ്രതിഭാസങ്ങളും മഴയുടെ ലഭ്യതെയെയും നദീജലപ്രവാഹങ്ങളെയും വെള്ളത്തിന്റെ ഗുണമേന്മയെയും നേരിട്ടുബാധിക്കും. ഭൂഗോളത്തിലെ മൊത്തം ജലത്തിന്റെ രണ്ടര ശതമാനം മാത്രമാണ് ശുദ്ധജലം. ഇതിൽ എഴുപതു ശതമാനവും മഞ്ഞും മഞ്ഞുകട്ടയുമാണ്. 30 ശതമാനത്തിനടുത്ത് ഭൂഗർഭ ജലവും ഭൂമിയിലെ മൊത്തം ശുദ്ധ ജലത്തിന്റെ അരശതമാനം മാത്രമാണ്. നദികളിലും തടാകങ്ങളിലും തണ്ണീർത്തടങ്ങളിലുമെല്ലാമുള്ള ഉപരിതല ജലം. 0.05 ശതമാനം ശുദ്ധജലം നീരാവിയായി അന്തരീക്ഷത്തിൽ തങ്ങി നിൽക്കുന്നു. കാലാവസ്‌ഥാ വ്യതിയാനത്തോടെ ജലചക്രത്തിന്റെ സന്തുലിതാവസ്‌ഥയിലും പ്രകൃതിയിൽ നിലനിൽക്കുന്ന ഈ അനുപാതത്തിലുമെല്ലാം വൻ മാറ്റങ്ങൾ സംഭവിക്കും. മഴക്കാലങ്ങൾ തമ്മിലുള്ള ഇടവേളകൾ കൂടും. കാലാവസ്‌ഥാവ്യതിയാനം ചെടികളിൽ നിന്നുമുള്ള ബാഷ്പീകരണ നഷ്ടം കൂടുതലാക്കും. ചൂടു കൂടുന്ന കാലാവസ്‌ഥയിൽ ഈർപ്പം നഷ്ടപ്പെട്ട് മണ്ണ് പെട്ടെന്ന് ഉണങ്ങി വരളും. ജനങ്ങളിൽ മാംസഹാരശീലം വ്യാപകമാകുന്നതും ലോകം അതിവേഗം നഗരവത്കൃതമാകുന്നതും ജലസ്രോതസുകളിലുള്ള സമ്മർദ്ദം ഒന്നു കൂടി വർധിപ്പിക്കും.




ഇന്ത്യ ഇപ്പോൾ തന്നെ ഏറ്റവും രൂക്ഷമായ ജലപ്രതിസന്ധി നേരിടുന്ന രാജ്യങ്ങളിൽ ഒന്നാണ് 21–ാം നൂറ്റാണ്ട് ഇന്ത്യക്ക് ജലപ്രതിസന്ധിയുടെയും ജലസേചന പ്രതിസന്ധിയുടെയും ഒരു നൂറ്റാണ്ടായിരിക്കുമെന്ന് വിലയിരുത്തപ്പെടുന്നു. ജലലഭ്യത ഗണ്യമായി കുറയുമെന്നതിനാൽ ജലസേചനത്തിനും കുടിവെള്ളത്തിനും വേണ്ടിയുള്ള കലഹങ്ങൾ കൂടുതൽ വ്യാപകമാകും. ഇന്ത്യയിൽ കൃഷിജലസേചനത്തിനായി ഉപയോഗിക്കുന്ന വെള്ളത്തിന്റെ 60 ശതമാനവും ഭൂഗർഭജലസ്രോതസുകളിൽ നിന്നാണ്. പഞ്ചാബ്, ഹരിയാന, ആന്ധ്രപ്രദേശ്, ഉത്തർപ്രദേശ് തുടങ്ങിയ പ്രമുഖ ഭക്ഷ്യോത്പാദക സംസ്‌ഥാനങ്ങളെല്ലാം ഗുരുതരമായ ഭൂഗർഭ ജലശോഷണത്തിന്റെ പ്രശ്നങ്ങൾ നേരിടുകയാണ്. കേന്ദ്ര ഭൂഗർഭ ജലബോർഡിന്റെ 2016 ലെ ഒരു റിപ്പോർട്ട് പ്രകാരം രാജ്യത്തെ 65 ശതമാനം കുഴൽക്കിണറുകളും ഭൂഗർഭ ജലശോഷണത്തിന്റെ പ്രതിസന്ധിയിലാണ്. മഴവെള്ളക്കൊയ്ത്തിനും ഭൂഗർഭജല പുനരുജ്‌ജീവിനത്തിനുമുള്ള പദ്ധതികളൊന്നും കാര്യമായ വിജയം കണ്ടെത്തിയിട്ടില്ല. കേരളത്തിൽ 26 ബ്ലോക്കുകളിൽ ഭൂഗർഭജലനിരപ്പ് അപകടകരമായി താഴ്ന്നുകൊണ്ടിരിക്കുകയാണ്. തിരുവനന്തപുരത്തെ അതിയന്നൂർ, കൊടുങ്ങല്ലൂർ, ചിറ്റൂർ, കാസർഗോഡ്, കോഴിക്കോട്, എന്നീ ബ്ലോക്കുകളിലാണ് ഇതേറ്റവും രൂക്ഷം. തീരപ്രദേശങ്ങളിൽ സമുദ്ര ജലനിരപ്പ് ഉയരുന്നതിനാൽ ഉപ്പുവെളളം കയറുന്നതും കൃഷിയിൽ പ്രതിസന്ധി സൃഷ്ടിക്കും.

സമ്പദ്വ്യവസ്‌ഥയുടെ മറ്റ് മേകലകളെക്കാൾ കൃഷിയെയായിരിക്കും കാലാവസ്‌ഥാ വ്യതിയാനം ഏറ്റവും പ്രതികൂലമായി ബാധിക്കുകയെന്ന് എഫ്എഒ യുടെ റിപ്പോർട്ട് ചൂണ്ടിക്കാട്ടുന്നു. കാലാവസ്‌ഥാ വ്യതിയാനം ഭക്ഷ്യ ഭദ്രതയെ പ്രതികൂലമായി ബാധിക്കും. വർധിച്ചു വരുന്ന ലോകജനസംഖ്യയുടെ ഭക്ഷ്യആവശ്യങ്ങൾ നിറവേറ്റണമെങ്കിൽ 2050 ഓടെ 2006 ലെ ഭക്ഷ്യോത്പാദനത്തിന്റെ 50 ശതമാനമെങ്കിലും കൂടുതൽ ഉത്പാദിപ്പിക്കേണ്ടിവരും. ഇതിന് കാലാവസ്‌ഥാവ്യതിയാനത്തെ നേരിടുന്ന സുസ്‌ഥിരമായ കാർഷിക ഭക്ഷ്യോത്പാദന മാർഗങ്ങൾ കണ്ടെത്തണം. കാലാവസ്‌ഥാ വ്യതിയാനത്തെ നേരിടുന്നതിൽ അലംഭാവം കാണിച്ചാൽ വലിയ വിലനൽകേണ്ടിവരും. ആഗോള താപനം രണ്ട് ഡിഗ്രി സെൽഷ്യസിൽ, കഴിയുമെങ്കിൽ ഒന്നര ഡിഗ്രി സെൽഷ്യസിൽ താഴെയായി പരിമിതപ്പെടുത്തി നിർത്താനാണ് 2016 നവംബർ നാലിന് നിലവിൽ വരുന്ന പാരീസ് കാലാവസ്‌ഥാ ഉടമ്പടിയുടെ പ്രധാന ലക്ഷ്യം. ഇതിന് ഓരോ രാജ്യവും ദേശീയമായി നിശ്ചയിച്ച നടപടിക്രമങ്ങളാണ് നടപ്പാക്കേണ്ടത്. ഭക്ഷ്യസുരക്ഷയെ തകിടം മറിക്കാത്ത സുസ്‌ഥിര കാർഷിക വികസനത്തിന് ഇത്തരം നടപടിക്രമങ്ങളിൽ മുൻഗണന നൽകണം. വിള പരിപാനം, കന്നുകാലി വളർത്തൽ, ശുദ്ധജലമത്സ്യകൃഷി, ഫോറസ്ട്രി തുടങ്ങി എല്ലാ മേഖലകളിലും സുസ്‌ഥിര വികസനം ഉറപ്പാക്കണം. ആഗോള താപനത്തിന് കാരണക്കാരായ ഹരിതഗൃഹവാതകങ്ങളുടെ 14 ശതമാനം ഉത്ഭവിക്കുന്നത് കൃഷിയിൽ നിന്നാണ്. ഇന്ത്യയിൽ ആകെ ഹരിതഗൃഹവാതക വിസർജ്‌ജനത്തിന്റെ 18 ശതമാനത്തിന്റെയും സ്രോതസ് കൃഷിയാണ്. ക്ലൈമറ്റ് സ്മാർട്ട് കൃഷിരീതികൾ പിന്തുടരുന്നതിലൂടെ കാലാവസ്‌ഥാ വ്യതിയാനത്തിന്റെ ദോഷഫലങ്ങൾ കുറയ്ക്കാം. കാർഷികോത്പാദനവും കർഷകരുടെ വരുമാനവും വർധിപ്പിക്കുന്നതിൽ സുസ്‌ഥിരമായ കൃഷിരീതികൾ മാത്രം പിന്തുടരുക, കാലാവസ്‌ഥാ വ്യതിയാനത്തോട് പൊരുത്തപ്പെടുന്ന കൃഷി രീതികൾ വികസിപ്പിച്ചെടുക്കുക, കൃഷിയിൽ നിന്നുള്ള ഹരിതഗൃഹവാതക വിസർജ്‌ജനത്തിന്റെ അളവു പരമാവധി കുറയ്ക്കുകയോ ഇല്ലാതാക്കുകയോ ചെയ്യുക എന്നിവയാണ് ക്ലൈമറ്റ് സ്മാർട്ട് കൃഷിയുടെ അടിസ്‌ഥാനഘടകങ്ങൾ. മണ്ണ്, ജലം, ജനിതകവൈവിധ്യം, ഊർജ്‌ജം എന്നിവയുടെ സുസ്‌ഥിരമായ പരിപാലനത്തിൽ ഊന്നൽ നൽകുന്നവയായിരിക്കണം കാലാവസ്‌ഥാ മാറ്റത്തോട് പൊരുതുന്ന കൃഷിരിതികൾ.

കാർഷിക ഇക്കോളജിയുടെ തത്വങ്ങൾ അടിസ്‌ഥാനമാക്കി ദീർഘകാലാടിസ്‌ഥാനത്തിൽ ഭക്ഷ്യസുരക്ഷയും സുസ്‌ഥിര വികസനവും ഉറപ്പാക്കുന്നവയായിരിക്കണം കാലാവസ്‌ഥാ മാറ്റത്തോടു പൊരുതുന്ന കൃഷിരീതികൾ. ചെറുകിട കർഷകരെ സാമ്പത്തികമായും സാമൂഹികമായും ശാക്‌തീകരിക്കാതെ ഇത്തരം കൃഷിരീതികൾ നടപ്പാക്കാനാവില്ല. കൃഷയിടങ്ങളിൽ വിള, കന്നുകാലി വൈവിധ്യവത്കരണത്തിലൂടെ ജൈവവൈവിധ്യത്തിന് കൂടുതൽ ഊന്നൽ നൽകണം. കാലാവസ്‌ഥവ്യതിയാനത്തോട് പൊരുതുന്ന കൃഷിരീതികൾ നടപ്പാക്കുന്നതിലൂടെ ഇന്ത്യൻ സാഹചര്യങ്ങളിൽ ചെറുകിട കർഷകർക്ക് 30,000 രൂപയുടെ അധികവരുമാനം ഉറപ്പാക്കാനാകുമെന്ന് ലോക ഭക്ഷ്യകാർഷിക സംഘടന പറയുന്നു. കാലാവസ്‌ഥ വ്യതിയാനം ഇതിനകം തന്നെ യാഥാർഥ്യമായി മാറിക്കഴിഞ്ഞരിക്കുന്നതിനാൽ ഇതിനോട് പൊരുതുന്ന കൃഷിരീതികൾ നടപ്പാക്കുന്നതാണ് ചെറുകിട കർഷകർക്ക് എന്തു കൊണ്ടും നല്ലത്. കടുത്ത വേനലിലും നിലനിൽക്കുന്ന വിളകൾ കൃഷി ചെയ്യുകയും വേനലിനെതിരേ പൊരുതാൻ ചെടികൾക്ക് ശക്‌തി നൽകുന്ന പോഷണരീതികൾ ഉറപ്പാക്കുകയും വേണം. ജലവിഭവ പരിപാലനത്തിന് നൂതനമായ പരിപാടികൾ നടപ്പാക്കണം. ജലം കൂടുതൽ ലഭിക്കുന്ന ഊർജ്‌ജിത നെൽകൃഷിപോലുള്ള പദ്ധതികൾ നടപ്പാക്കണം. ഇന്ത്യയിൽ വരും വർഷങ്ങലിൽ മൺസൂൺ മഴയുടെ അളവിൽ കുറവുണ്ടാകുമെന്ന പ്രവചനത്തിന്റെ പശ്ചാത്തലത്തിൽ മഴവെള്ളകൊയ്ത്തിനും ഭൂഗർഭജലശേഖരണത്തിനും മണ്ണിലെ ഈർപ്പം നിലനിർത്തുന്നതിനും ശാസ്ത്രീയമായ ജലപരിപാലന മുറകൾ താഴെത്തട്ടു മുതൽ നടപ്പാക്കണം. ലോകത്ത് ഉത്പാദിപ്പിക്കുന്ന ഭക്ഷണത്തിന്റെ മൂന്നിൽ ഒരു ഭാഗവും ഉപയോഗശൂന്യമായി പഴാക്കികളയുകയാണ്. വികസ്വരരാജ്യങ്ങളിൽ സാങ്കേതിക വിദ്യയുടെ ന്യൂനതകളാണ് ഇതിനു കാരണമെങ്കിൽ സമ്പന്ന രാജ്യങ്ങളിൽ ഉപഭോക്‌താക്കളാണ് ഭക്ഷണം പാഴാക്കിക്കളയുന്നത്. ഭക്ഷണം പാഴാക്കി കളയാതിരിക്കുന്നതും മാംസാഹാരത്തിന് അമിത പ്രാധാന്യമുള്ള ഭക്ഷണശൈലി ഉപേക്ഷിക്കുന്നതും കാലാവസ്‌ഥാ വ്യതിയാനം നേരിടുന്നതിൽ നിർണായകമാണ്.

കാലാവസ്‌ഥാ വ്യതിയാനത്തിന്റെ ദുരിതം ഏറ്റവും കൂടുതൽ നേരിടേണ്ടി വരുന്ന രാജ്യങ്ങളിലൊന്നാണ് ഇന്ത്യ. അടുത്ത കാലത്തുണ്ടാകുന്ന ജലദൗർലഭ്യവും താപതരംഗങ്ങളും വരൾച്ചയും സൂര്യാഘാതവുമെല്ലാം കേരളവും ഇതിന്റെ ദുരിതങ്ങളിൽ നിന്ന് മോചിതമല്ല എന്നതിന്റെ തെളിവാണ്. കാർഷിക മേഖലയിൽ കാലാവസ്‌ഥാ വ്യതിയാനത്തിന്റെ ആഘാതം കുറക്കുന്നതിന് കർഷക പങ്കാളിത്തത്തോടെ താഴെത്തട്ടിൽ പരിസ്‌ഥിതി സൗഹൃദപരമായ കൃഷിരീതികൾ നടപ്പാക്കുന്നതിനും ജലസംരക്ഷണത്തിനും അടിയന്തിര പദ്ധതികൾ നടപ്പാക്കണം. ഇതോടൊപ്പം ചെറുകിട നാമമാത്ര കർഷകരെ സാമ്പത്തികമായും സാമൂഹികമായും ശാക്‌തീകരിക്കുന്നതിനുള്ള ബാധ്യതയും ഗവൺമെന്റിനുണ്ട്. കൂടുതൽ വിവരങ്ങൾക്ക്: ഡോ. ജോസ് 9387100119

ഡോ. ജോസ് ജോസഫ്
പ്രഫസർ ആൻഡ് ഹെഡ് വിജ്‌ഞാനവ്യാപന വിഭാഗം, ഹോർട്ടികൾച്ചർ കോളജ്, വെള്ളാനിക്കര, തൃശൂർ

ബോണ്‍സായ് വിസ്മയം തീർക്കും അഡീനിയം ഒബീസം
ഡോഗ്ബേൻ തറവാട്ടിലെ അപ്പോസൈനേഷ്യ കുടുംബത്തിൽപ്പെട്ട ഒരംഗമാണ് അഡീനിയം. ചെടിയുടെ പ്രത്യേകതകൊണ്ടും പുഷ്പങ്ങളുടെ ഭംഗികൊണ്ടും ഇവ ഉദ്യാനപ്രേമികളുടെ ഇഷ്ടതാരമാകുന്നു. ആഫ്രിക്കൻ രാജ്യങ്ങളിലും, അറേബ്യ, തായ്ലൻഡ്, തായ്വാൻ എന്നിവിടങ്ങള...
അയലത്തെ നല്ല കൃഷി പാഠങ്ങൾ
ഒരു വ്യക്തിയുടെ വ്യക്തിത്വം വികാസം പ്രാപിക്കുന്നതിൽ അവൻ ജീവിക്കുന്ന ചുറ്റുപാടുകളുടെ സ്വാധീനം പ്രധാനപ്പെട്ടതാണ്. മറ്റുള്ളവരിൽ നിന്നും കണ്ടും കേട്ടും പഠിച്ചാണ് അവൻ വളരുന്നത്. താൻ കാണുന്നതിൽ ന·- തിൻമകൾ തിരിച്ചറിഞ്ഞ് നൻമ സ്വീകരിക...
കുറുനരിവാലൻ ഓർക്കിഡ്
കേരളം ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളിൽ അനായാസം വളരുന്ന ഓർക്കിഡ് പുഷ്പമാണ് കുറുനരിവാലൻ എന്ന വിളിപ്പേരിലൂടെ പ്രചാരം നേടിയ റിങ്കോസ്റ്റൈലിസ്. മുഴുവൻ പേര് റിങ്കോസ്റ്റൈലിസ് റെട്ടൂസ്. ഇതിന്‍റെ പൂക്കൾ നിറഞ്ഞ പൂങ്കുല കുറുനര...
നാടൻ മാവുകളുടെ പ്രചാരകനായി മാർട്ടിൻ
കേരളത്തിന്‍റെ തനതായ ഒട്ടേറെ നാടൻ മാവിനങ്ങളിൽ പലതും കാലത്തിന്‍റെ പ്രയാണത്തിൽ അപ്രത്യക്ഷമാകുകയാണ്. കല്ലുകെട്ടി, കുറ്റ്യാട്ടൂർമാവ്, കുലകുത്തി, ചന്ദ്രക്കാരൻ തുടങ്ങി പലതും നമ്മുടെ തനതുമാവിനങ്ങളാണ്. നാടൻ മാവുകളിലെ മികച്ച ഇനങ്ങളെ ക...
രക്തശാലിയും ഉഴുന്നും കൂണും; സമ്മിശ്രകൃഷിയിൽ സുരേഷിന്‍റെ കൈയൊപ്പ്
ഒൗഷധ നെല്ലിനമായ രക്തശാലിയും ഉഴുന്നും കൂണും മൾബറിയും മീനും പച്ചക്കറികളുമെല്ലാം കൃഷിചെയ്ത് സമ്മിശ്രകൃഷിയിൽ ശ്രദ്ധേയനാവുകയാണ് പാലക്കാട് ചിറ്റൂർ കച്ചേരിമേട് പുത്തൻവീട്ടിൽ സുരേഷ്. പെരുമാട്ടി മുതലാംതോട്ടിലെ കൃഷിയിടത്തിൽ ഒരേക്കറിലാ...
ഇടവിളയായി മൾബറി; ഉത്തമ കാലിത്തീറ്റ
കാലാവസ്ഥ വ്യതിയാനം മൂലം കേരളത്തിൽ അനുഭവപ്പെടുന്ന കടുത്ത വരൾച്ച ക്ഷീരമേഖലയെ തളർത്താതിരിക്കാനുള്ള ഉത്തമ ഉപാധിയാണ് കാലിത്തീറ്റ വൃക്ഷങ്ങൾ. കേരളത്തിൽ കന്നുകാലി വളർത്തലിന്‍റെ സാധ്യതകൾ വളരെ കൂടുതലാണെങ്കിലും കാലിത്തീറ്റ, പിണ്ണാക്ക് എ...
സ്വർണവർണം ചാലിച്ച് എഗ്ഫ്രൂട്ട്
മനോഹരമായ സ്വർണവർണമുള്ള പഴമാണ് കാനിസ്റ്റൽ അഥവാ എഗ്ഫ്രൂട്ട്. ഭംഗിയും ഗുണവും ഈ സ്വർണപ്പഴങ്ങൾക്കു വളരെ അധികമാണ്, പക്ഷേ എന്തുകൊണ്ടോ കേരളത്തിൽ അധികം പ്രചാരത്തിലില്ല. അപൂർവം വീടുകളിൽ മാത്രമേ നല്ല തണൽ ചാർത്തി നില്ക്കുന്ന ഇലച്ചാർത്...
എലിത്തടി കാട്ടു ചെടിയല്ല, മരുന്നാണ്
പറഞ്ഞതിനെപ്പറ്റി വീണ്ടും പറയുന്നു; എഴുതിയതിനെപ്പറ്റി വീണ്ടും വീണ്ടും എഴുതുന്നു. ഇതാണ് ഒൗഷധസസ്യങ്ങളുടെ കാര്യത്തിൽ ഇപ്പോൾ സംഭവിച്ചുകൊണ്ടിരിക്കുന്നത്. എന്നാൽ അല്പംമാത്രമായി പരാമർശിക്കപ്പെടുന്നവയോ, ഒട്ടും ചർച്ചചെയ്യപ്പെടാത്തവയ...
ശുദ്ധമായ പാൽ: ശ്രദ്ധിക്കേണ്ട കാര്യങ്ങൾ
ദൈനംദിന ജീവിതത്തിൽ ഒഴിച്ചുകൂടാനാവാത്ത ഭക്ഷ്യവസ്തുവാണ് പാൽ. ലോകാരോഗ്യ സംഘടനയുടെ കണക്കുപ്രകാരം ഒരാൾക്ക് പ്രതിദിനം 280 ഗ്രാം പാലും പാലുത്പന്നങ്ങളും ആവശ്യമുണ്ട്. ഇത്രയും പ്രാധാന്യമുള്ള ഒരു ഭക്ഷ്യവസ്തു ശുചിത്വ ത്തോടെ ഉത്പാദിപ്പ...
നട്ടിട്ട് ഒന്നര വർഷം, വിളവ് നൂറുമേനി
നട്ട് ഒന്നരവർഷമായ റംബൂട്ടാനിൽ കൃഷിരീതിയുടെ പ്രത്യേകതമൂലം നൂറുമേനി വിളയിച്ചിരിക്കുകയാണ് കോതമംഗലം പള്ളിവാതുക്കൽ ജോയ് ജോസഫ്. റംബൂട്ടാന് ഇടവിളയായി ആദ്യവർഷം ചേന, പാഷൻ ഫ്രൂട്ട്, ഏത്തവാഴ, മത്തൻ, വെള്ളരി എന്നിവയെല്ലാം നട്ടു. ഇവയും...
നമുക്ക് ചെയ്യാം സമ്മിശ്രകൃഷി
നമ്മുടെ സംസ്ഥാനം വീട്ടുവളപ്പിലെ കൃഷിക്ക് പ്രസിദ്ധമാണ്. വീട്ടുവളപ്പിൽ നാം ചെയ്യുന്ന കൃഷിയിൽ അധികവും സമ്മിശ്രവിളരീതിയാണ് അവലംബിക്കുന്നത്. തെങ്ങും കവുങ്ങും കുരുമുളകും വാഴയും പച്ചക്കറിയും ആടും പശുക്കളും കോഴികളുമടങ്ങുന്ന ഒരു മിശ്...
കൃഷിചെയ്യാം, പശുവിനായ്
കേരളത്തിൽ അഞ്ചു ലക്ഷം ക്ഷീരകർഷകരുണ്ട്. ഇതിൽ തീറ്റപ്പുൽകൃഷി നടത്തുന്നവരെ സംബന്ധിച്ച് ലാഭം ചുരത്തുന്ന ഒരു കാമധേനു തന്നെയാണിത്. അമേരിക്കയിലെ, ദേശീയ കാർഷിക ഗവേഷണ കൗണ്‍സിലിന്‍റെ ശിപാർശപ്രകാരം ഒരു കറവപ്പശുവിന്‍റെ തീറ്റയിൽ ചുരുങ്ങി...
എംബിഎയ്ക്കുശേഷം കൃഷി
വീട്ടുപരിസരത്തെ വിളവൈവിധ്യം

കാടിനു സമാനമായ അന്തരീക്ഷമുള്ള വീടിനു സമീപമെത്തുന്പോൾ തന്നെ പൂത്തുലഞ്ഞു നിൽക്കുന്ന ഗ്രാന്പൂ മരങ്ങൾ കാണാം. ഇവയുടെ സുഗന്ധവുമേറ്റാണ് വീടിനുള്ളിലേക്കു കയറുക. കായ്ഫലമുള്ള 40 ഗ്രാന്പൂ മരങ്ങൾ ഇ...
നാളികേര കർഷകർ ആശങ്കയിൽ; ത്രിതല സംവിധാനം ഉൗർജിതമാക്കുക
ഒരു നാളികേരത്തിന് മുപ്പതു രൂപ കൊടുത്തു വാങ്ങുന്ന ഉപഭോക്താവ് അറിയാൻ ഒരു രഹസ്യം പറയാം. ചേർത്തല സ്വദേശിയായ ഡോ. ഹരിദാസിന് എണ്ണൂറിനടുത്ത് നാളികേരം ഓരോ വിളവെടുപ്പിനുമുണ്ടാകും. സങ്കരയിനമാകയാൽ സാമാന്യം വലിപ്പവും തൂക്കവുമുള്ള നാളി...
2022-ഓടെ കർഷകരുടെ വരുമാനം ഇരട്ടിയാകുമോ?
2022ഓടെ കർഷകരുടെ വരുമാനം എങ്ങനെ ഇരട്ടിയാക്കാമെന്നതാണ് ഇപ്പോൾ രാജ്യത്തെ കാർഷിക മേഖലയിൽ ഏറ്റവുമധികം ചർച്ച ചെയ്യപ്പെടുന്ന വിഷയം. ഇതുമായി ബന്ധപ്പെട്ട് നൂറുകണക്കിന് സെമിനാറുകളാണ് രാജ്യത്തിന്‍റെ വിവിധ ഭാഗങ്ങളിൽ കേന്ദ്രഗവണ്‍ മെന്‍റ...
വളര്‍ത്തുപക്ഷി മേഖലയിലെ വെല്ലുവിളികള്‍, സമീപനങ്ങള്‍
ഭാരതത്തിൽ പ്രതിവർഷം 47,000 കോടി രൂപയുടെ വിനിമയം നടക്കുന്ന വളർത്തുപക്ഷി മേഖല, കാർഷിക മൃഗസംരക്ഷണരംഗത്തെ അവഗണിക്കാനാകാത്ത സാന്നിധ്യമാണ്. പ്രതിവർഷം മുട്ടക്കോഴി വ്യവസായത്തിൽ ആറു ശതമാനം, ഇറച്ചിക്കോഴി വ്യവസായത്തിൽ 12 ശതമാനം എന്നി...
തിരിച്ചറിയാം, നട്ടുവളർത്താം കുടംപുളി
കേരളത്തിലെ കാലാവസ്ഥയിൽ തീരപ്രദേശം മുതൽ സമു ദ്രനിരപ്പിൽ നിന്ന് 2500 മീറ്റർ ഉയരമുളള പ്രദേശങ്ങളിൽ വരെ ഒരുപോലെ കൃഷി ചെയ്യാവുന്ന നിത്യഹരിത സുഗന്ധവിളയാണ് കുടംപുളി. ക്ലൂസിയേസിയ സസ്യ കുടുംബത്തിലെ അംഗമായ കുടംപുളിയുടെ ശാസ്ത്രീയ നാമം ...
കർഷകനാകുമോ ഈ വിശുദ്ധ പശുക്കളെ പോറ്റാൻ
1960ലെ മൃഗങ്ങളോടുള്ള ക്രൂരത തടയൽ നിയമത്തിന്‍റെ 38-ാം വകുപ്പിലെ ഒന്നും രണ്ടും വകുപ്പുകൾ നൽകുന്ന അധികാരം ഉപയോഗിച്ച് കേന്ദ്ര പരിസ്ഥിതി, വനം, കാലാവസ്ഥാമാറ്റം മന്ത്രാലയം 2017 ജനുവരി 16 ന് പുതിയ ചട്ടങ്ങളുടെ കരടു രൂപത്തിലുള്ള വിജ്...
പ്രശ്നങ്ങൾക്കു നടുവിലും പ്രത്യാശയായി നെൽകൃഷി
കാർഷിക സംസ്കാരത്തിന്‍റെ നെടുംതൂണായ നെൽകൃഷി പാലക്കാട്, കുട്ടനാട്, കോൾ നിലങ്ങളിലൊഴികെ മറ്റ് പ്രദേശങ്ങളിലെല്ലാം തന്നെ ലാഭകരമല്ലാത്ത കൃഷിയായി മാറുന്നു. കേരളത്തിന്‍റെ നെല്ലറകളായ ഈ പ്രദേശത്തെ കർഷകർ നമ്മുടെ അന്നദാതാക്കളാണ്. നെൽവയ...
കാർഷികമേഖല കര കയറാൻ
മധ്യപ്രദേശിലെ മൻസോറിൽ വിലയിടിവിൽ പ്രതിഷേധിച്ച് തെരുവിൽ സമരത്തിനിറങ്ങിയ കർഷകർ വെടിയേറ്റു മരിച്ചതിനെ തുടർന്ന് ആളിക്കത്തിയ കർഷക രോഷം ഇന്ത്യയൊട്ടാകെ പടരുകയാണ്. വിലയിടിവിൽ പ്രതിഷേധിച്ചും കടം എഴുതിത്തള്ളണമെന്നാവശ്യപ്പെട്ടും മഹാര...
ഉച്ചാരത്തിനു ഭൂമി കിളയ്ക്കരുത്
ഉച്ചാറൽ സമയത്ത് (പകൽ ഒരുമണി) കൃഷിപ്പണി അരുതെന്നാണ് പ്രമാണം. ഈ സമയത്ത് മണ്ണ് കിളച്ചുമറിച്ചിട്ടാൽ വെയിലിന്‍റെ കാഠിന്യം മൂലം മണ്ണിലെ ഈർപ്പമത്രയും നഷ്ടപ്പെടും. ചുട്ടുപൊള്ളുന്ന ആ മണ്ണിൽ സൂക്ഷ്മജീവികൾ ഇല്ലാതെയാകും. ജൈവ നിലനിൽ പ്പി...
സകുടുംബം കൃഷി
സകുടുംബം കൃഷി’ - ഇന്ന് കൃഷിയിൽ വേണ്ടതും ഇതുതന്നെയാണ്. ഭക്ഷണം ഒൗഷധമാകേണ്ടതാണ്. ഒൗഷധം പോട്ടെ - വിഷമാകാതിരിക്കാൻ കഴിവതും സ്വന്തമായി വിളയിക്കുക എന്നത് തന്നെയാണ് പോംവഴി. കൂടുന്പോൾ ഇന്പമുണ്ടാക്കുന്ന കുടുംബം മണ്ണൊരുക്കാൻ, വിത്തി...
തൊടിയിൽ കളയാനുള്ളതല്ല ജാതിത്തോട്
സുഗന്ധവിളകളിലെ ഒരു പ്രധാന വിളയാണ് ജാതി. ജാതിക്കയും ജാതിപത്രിയും ആയുർവേദത്തിലും മറ്റും ഒൗഷധ നിർമാണത്തിനും ഉപയോഗി ക്കുന്നു. കായും പത്രിയും ഉപയോഗിച്ചശേഷം പാഴായി പ്പോകുന്ന ജാതിക്കയുടെ തൊണ്ടി ൽ നിന്നും മറ്റുഫലങ്ങളെപ്പോലെ തന്ന...
വരുമാനവും വിനോദവും നൽകി പ്രദീപ്കുമാറിന്‍റെ അലങ്കാരക്കോഴികൾ
ആദായത്തിലുപരി സ്വന്തം വീട്ടിലെ ഉപയോഗത്തിന് വ്യത്യസ്ത മുട്ടകൾ തരികയും, ഒഴിവുസമയങ്ങളിൽ കണ്ടാനന്ദിക്കുന്നതിന് അവസരമൊരുക്കുകയും ചെയ്യുന്ന പക്ഷികളുടെ കൂട്ടത്തിലാണ് അലങ്കാരക്കോഴികൾ. ഈയിടെ പ്രചാരം വർധിച്ച പക്ഷിയാണ് കരിങ്കോഴി. മട...
അത്യുത്പാദനശേഷിയുള്ള കശുമാവിനങ്ങൾ
ഇന്ത്യയിൽ കശുമാവ് കൃഷിയിൽ മുൻപന്തിയിലായിരുന്ന കേരളം ഇന്ന് വിസ്തൃതിയിലും ഉത്പാദനത്തലും ഉത്പാദനക്ഷമതയിലും പല സംസ്ഥാനങ്ങളെക്കാളും പിന്നിലാണ്. എന്നാൽ കശുവണ്ടി സംസ്കരണ കയറ്റുമതി രംഗത്ത് കേരളം ഇന്നും മുൻപന്തിയിൽ തന്നെ. കേരളത്തെ സം...
രാജപ്രൗഢിയോടെ രാജമല്ലി
ഇടക്കാലത്ത് മലയാളികളുടെ വീട്ടുമുറ്റങ്ങളിൽ നിന്നും പൂന്തോ ട്ടങ്ങളിൽ നിന്നും അപ്രത്യക്ഷമായ രാജമല്ലി വീണ്ടും വസന്തം തീർക്കുന്നു. റോസയും ഓർക്കിഡും ആന്തുറിയവും ഉൾപ്പെടെയുള്ള പൂച്ചെടികൾക്കൊപ്പം ഇപ്പോൾ മലയാണ്‍മയുടെ പ്രതീകം പോലെ...
മാങ്ങയുടെ വലിപ്പമുള്ള ജാതി
കണ്ടാൽ മാങ്ങയാണോ എന്നു തെറ്റിധരിക്കും. അത്രയ്ക്കു വലിപ്പം. 70- / 73 ജാതിക്ക ഒരുകിലോ തൂങ്ങും. 300-360 പത്രിമതി ഒരുകിലോ ലഭിക്കാൻ. കേടില്ല. പ്രത്യുത്പാദന ശേഷി കൂടുതൽ. നല്ല കായ്പിടിത്തം. ഇലകാണാത്ത രീതിയിൽ കായ് എന്നുപറഞ്ഞാൽ അ...
വീണ്ടുമൊരു ഞാറ്റുവേലക്കാലം; നട്ടുവളർത്താം ശാസ്ത്രീയമായി
മലയാളക്കരയിൽ കാർ ഷികവർഷത്തിന് തിരശീല ഉയരുന്നത് മേടമാസം ഒന്നാം തീയതി. മേടത്തിൽ ആരംഭിച്ച് മീനത്തോടെ അവസാനിക്കുന്ന ഒരു കാർഷിക വർഷത്തെ നമ്മുടെ പൂർവികർ ശരാശരി പതിമൂന്നര ദിവസം ദൈർഘ്യമുള്ള ഇരുപത്തിയേഴു ഭാഗങ്ങളായി തിരിച്ചിരിക്കുന്നു...
മഴക്കാലത്തും മത്സ്യസമൃദ്ധിക്ക് അടുക്കളക്കുളങ്ങൾ
ജലത്തിന്‍റെ പിഎച്ചിലുണ്ടാകുന്ന മാറ്റങ്ങൾ, വെള്ളപ്പൊക്കം, മലവെള്ളപ്പാച്ചിൽ...മത്സ്യം വളർത്തുന്ന കർഷകർ വർഷകാലത്ത് നേരിടുന്ന പ്രതിസന്ധികൾ അനവധിയാണ്. എന്നാൽ വീടിന്‍റെ സമീപത്തു നിർമിക്കുന്ന അടുക്കളത്തോട്ടങ്ങൾ പോലെ വീടിനു സമീപത്...
വർഷകാല കൃഷിക്ക് കാന്താരി
നമ്മുടെ മണ്ണിൽ എല്ലാ കാലാവസ്ഥയിലും വളരുന്ന മുളകിനത്തിലെ സൂപ്പർ താരമാണ് കാന്താരി മുളക്. കടുത്ത വേനലിനെ പോലും അതിജീവിക്കുവാൻ കരുത്ത്. മഴക്കാലം കാന്താരിക്കും ഏറെ പ്രിയം തന്നെ. പച്ച കാന്താരി കൂടാതെ വെള്ള കാന്താരി, നീല കാന്താരി, ...
LATEST NEWS
ബിഡിജെഎസിനെ എല്‍ഡിഎഫിലേക്ക് സ്വാഗതം ചെയ്ത് സിപിഐ
ശ്രീനഗറിൽ നേരിയ ഭൂചലനം
പാൻ ഓപ്പൺ: ഗാർബിൻ മുഗുരുസ സെമിയിൽ
വോട്ടിംഗ് രീതികളിൽ മാറ്റമാവശ്യപ്പെട്ട് ബാഴ്സലോണ സർവകലാശാലയിൽ വൻ പ്രതിഷേധം
ട്രംപും കിംമ്മും കിൻഡർ ഗാർഡനിലെ കുട്ടികളെ പോലെയെന്ന് റഷ്യ
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.