ഷൂമിയുടെ മകന്‍ ഫോര്‍മുല റെയ്സിലേക്ക്
Saturday, April 25, 2015 8:10 AM IST
ബര്‍ലിന്‍: ഫോര്‍മുല വണ്‍ ഇതിഹാസമായിരുന്ന മൈക്കിള്‍ ഷുമാക്കറുടെ വഴിയേ മകന്റെ അതിവേഗ മുന്നേറ്റം. കാര്‍ട്ടിംഗില്‍നിന്നു ഷൂമി ജൂണിയര്‍ ഫോര്‍മുല റെയ്സിന്റെ യഥാര്‍ഥ ആരവത്തിലേക്കു കടക്കാനൊരുങ്ങുന്നു.

ഫോര്‍മുല ഫോറിലാണ് പതിനാറുകാരന്‍ മിക്ക് ഷുമാക്കര്‍ മാറ്റുരയ്ക്കാന്‍ പോകുന്നത്. ഡാച്ച് വാന്‍ ആമര്‍സ്ഫൂര്‍ട്ട് റേസിംഗ് ടീമിന്റെ ഭാഗമായിരിക്കും മിക്ക്. ശനി, ഞായര്‍ ദിവസങ്ങളിലാണ് റെയ്സുകള്‍.

കൌമാരക്കാരായ മുപ്പത്തെട്ടു ഡ്രൈവര്‍മാരാണ് ഇതില്‍ പങ്കെടുക്കുന്നത്. ഇവിടെ കഴിവു തെളിയിക്കുന്നവര്‍ക്ക് ഫോര്‍മുല വണ്ണിലേക്കുള്ള വഴി തുറന്നു കിട്ടും.

നിലവില്‍ യൂറോപ്യന്‍ കാര്‍ട്ടിംഗ് ചാമ്പ്യനാണ് മിക്ക്. ദീര്‍ഘകാലം മൈക്കില്‍ ഷൂമാക്കറുടെ റെയ്സിംഗ് കാര്‍ ഡിസൈനറായിരുന്ന അഡ്രിയാന്‍ ന്യൂയിയുടെ മകന്‍ ഹാരിസണ്‍ ന്യൂയിയാണ് വാന്‍ ആമര്‍സ്ഫൂര്‍ട്ട് ടീമില്‍ മിക്കിന്റെ പങ്കാളി.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.