എഫ്ഒപി ഷട്ടിൽ ടൂർണമെന്റ്: അബ്ബാസ്–സുരേഷ് സഖ്യം ജേതാക്കൾ
Thursday, July 28, 2016 7:10 AM IST
ഡബ്ലിൻ: ഫ്രണ്ട്സ് ഓഫ് പ്രസ്റ്റൺ സംഘടിപ്പിച്ച ഒന്നാമത് എഫ്ഒപി കപ്പ് ഷട്ടിൽ ടൂർണമെന്റിൽ അബ്ബാസ് –സുരേഷ് സഖ്യം ജേതാക്കളായി. ബിജു പോൾ –രൂപേഷ് സഖ്യത്തേയാണ് ഇവർ പരാജയപ്പെടുത്തിയത്.

നോർത്ത് വെസ്റ്റിലെ പ്രമുഖ ടീമുകൾ പങ്കെടുത്ത ടൂർണമെന്റിൽ ബിജു – സൈമൺ സഖ്യം മൂന്നാം സ്‌ഥാനവും സഞ്ജയ് – അല്പേഷ് സഖ്യം നാലാം സ്‌ഥാനവും നേടി. വിജയികൾക്കു ട്രോഫിയും 101 പൗണ്ട് സമ്മാനമായി ലഭിച്ചു. രണ്ടും മൂന്നും നാലും സ്‌ഥാനക്കാർക്ക് യഥാക്രമം 51ഉം 30ഉം 20ഉം പൗണ്ടും ട്രോഫിയും സമ്മാനമായി ലഭിച്ചു. വിജയികൾക്ക് തങ്കച്ചൻ ഏബ്രഹാം, ജിജി വല്ലൂരാൻ, ബെന്നി ചാക്കോ, സിന്നി ജേക്കബ് എന്നിവർ സമ്മാനങ്ങൾ വിതരണം ചെയ്തു.

രാവിലെ നടന്ന ടൂർണമെന്റ് എഫ്ഒപി കോ–ഓർഡിനേറ്റർ ഡോ. ആനന്ദ് പിള്ള ടൂർണമെന്റ് ഉദ്ഘാടനം ചെയ്തു. ജോജി ജേക്കബ്, ബിജു സൈമൺ എന്നിവർ സംസാരിച്ചു. ഷാജു വല്ലൂരാൻ, ബിജു അമ്പാറ, ജോൺസൺ കളപ്പുരക്കൽ, തുടങ്ങിയവർ ടൂർണമെന്റിനു നേതൃത്വം നൽകി.

<ആ>റിപ്പോർട്ട്: അലക്സ് വർഗീസ്
Copyright @ 2022 , Rashtra Deepika Ltd.