വേൾഡ് യൂത്ത് ഡേയിൽ മലയാളി ബാലികക്ക് മാർപാപ്പയുടെ അനുഗ്രഹ ചുംബനം : Deepika.com Nri News Europe

ലണ്ടൻ: വേൾഡ് യൂത്ത് ഡേയിൽ യുകെയിൽ നിന്നും പങ്കെടുത്ത സംഘത്തിലെ മലയാളി ബാലികക്ക് മാർപാപ്പയുടെ അനുഗ്രഹ ചുംബനം. വിവീഷ് വർഗീസ് – റീമ ദമ്പതികളുടെ ഏക മകളായ അന്നക്കുട്ടിക്കാണ് സ്നേഹ ചുംബനം അനുഗ്രഹമായി ലഭിച്ചത്.

ആഗോള കത്തോലിക്ക സഭയുടെ ആധ്യാത്മിക ആചാര്യനായ ഫ്രാൻസിസ് മാർപാപ്പയെ ഒരു നോക്കു കാണുവാൻ കൊതിക്കുന്ന അവസരത്തിൽ പതിനായിരക്കണക്കിനു ജനങ്ങൾ തിങ്ങിനിറഞ്ഞ സമ്മേളന നഗരിയിൽ വിലമതിക്കാനാവാത്ത പുണ്യമാണ് അന്നക്കുട്ടിയെ തേടിയെത്തിയത്. മാർപാപ്പയുടെ ദർശനം പോലും വലിയ പുണ്യമായി ലോക കത്തോലിക്ക സമൂഹം വിലമതിക്കുമ്പോൾ വിശുദ്ധ അൽഫോൻസാമ്മയുടെ പേരുകാരിയായ അന്നക്കുട്ടിക്ക് ഇതു മുൻജന്മ സുകൃതം.

യുകെയിലെ കത്തോലിക്ക സമൂഹത്തിനു വളരെയേറെ അനുഗ്രഹങ്ങൾ ലഭിച്ചുകൊണ്ടിരിക്കുന്ന ഇക്കഴിഞ്ഞ ദിവസങ്ങളിൽ മറ്റൊരു വലിയ അനുഗ്രഹമായി കാണാനാണ് വിവീഷും റീമയും ആഗ്രഹിക്കുന്നത്.

ജൂലൈ 24 നാണ് യുകെയിൽനിന്നു ജീസസ് യൂത്ത് നാഷണൽ ഡയറക്ടർ ഫാ.റോബിൻസൺ മെൽക്കിസിന്റെ നേതൃത്വത്തിൽ ഫാ. ക്രിസ് ഉൾപ്പെടെ വൈദികരും അല്മായരുമടങ്ങുന്ന സംഘം വേൾഡ് യൂത്ത് ഡേയിൽ പങ്കെടുത്തത്.
<ശാഴ െൃര=/ിൃശ/2016മൗഴൗെേ1മിിമസൗേ്യ്യേ.ഷുഴ മഹശഴി= ഹലളേ ഒെുമരല = 10 ഢെുമരല = 10>
പോളണ്ടിലേക്ക് യാത്ര തിരിക്കുമ്പോൾ മാർപാപ്പയെ നേരിൽ കാണുവാൻ സാധിക്കുമെന്നു കരുതിയെങ്കിലും തങ്ങളുടെ കുഞ്ഞിനു ഈ സൗഭാഗ്യം ലഭിക്കുമെന്നു സ്വപ്നത്തിൽ പോലും ഈ ദമ്പതികൾ കരുതിയിരുന്നില്ല. ആ സ്വപ്നം യാഥാർഥ്യമായതിന്റെ ത്രില്ലിലാണ് ഈ ദമ്പതികൾ.

ന്യൂ പോർട്ടിൽ താമസിക്കുന്ന കണ്ണൂർ സ്വദേശികളായ വിവീഷും റീമയും അന്നക്കുട്ടിയും സമ്മേളന ശേഷം ഇന്നാണ് തിരികെയെത്തിയത്. ജീസസ് യൂത്തിന്റെ സജീവ പ്രവർത്തകരായ ഇവർ പത്തുവർഷമായി യുകെയിൽ താമസമായിട്ട്. ഇരുവരും നഴ്സുമാരായി ജോലി ചെയ്യുന്നു.

<ആ>റിപ്പോർട്ട്: അലക്സ് വർഗീസ്