ബൈബിൾ ക്വിസ് 2016: ഫലം പ്രഖ്യാപിച്ചു
Wednesday, August 24, 2016 7:06 AM IST
ഡബ്ലിൻ: ഡബ്ലിൻ സീറോ മലബാർ സഭയുടെ ആഭിമുഖ്യത്തിൽ നടന്ന ബൈബിൾ ക്വിസ് 2016 ന്റെ വിജയികളെ പ്രഖ്യാപിച്ചു.

മൂന്നു വിഭാഗങ്ങളായാണ് ക്വിസ് സംഘടിപ്പിച്ചത്. ആറാം ക്ലാസ് വരെയുള്ള (ജൂണിയർ) വിഭാഗത്തിൽ നേഹ ജയിംസ് (താല) റോഹൻ റ്റിബി മാത്യു (ബ്ളാഞ്ചർസ് ടൗൺ) എന്നിവർ യഥാക്രമം ഒന്നും രണ്ടും സ്‌ഥാനങ്ങൾ നേടിയപ്പോൾ ഫിസ്ബറോയിൽ നിന്നുള്ള സ്ലീവൻ ജോജി പോൾ, ജയ്സ് ജിക്സൺ, റോസ്ഫിലോ ടോണി എന്നിവർ മൂന്നാം സ്‌ഥാനം പങ്കിട്ടു.

മതബോധന ക്ലാസിൽ ഏഴാം ക്ലാസ് മുതലുള്ള കുട്ടികളുടെ സീനിയർ വിഭാഗത്തിൽ സെന്റ് ജോസഫ് മാസ് സെന്ററിലെ ജോസ്ലിൻ ജോയി ഒന്നാം സ്‌ഥാനവും ഇഞ്ചിക്കോറിൽ നിന്നുള്ള ദിവ്യാ ബിനോയി, ഫിസ്ബറോയിൽ നിന്നുള്ള അർപ്പിത ബെന്നി എന്നിവർ രണ്ടും മൂന്നും സ്‌ഥാനങ്ങളും കരസ്‌ഥമാക്കി.

മാതാപിതാക്കളടക്കം ബാക്കിയെല്ലാ പ്രായപരിധിയിലുള്ളവരും ഉൾപെടുന്ന (സൂപ്പർ സീനിയർ) വിഭാഗത്തിൽ മെറിയോൺ റോഡ് സെന്റ് ജോസഫ്സ് മാസ് സെന്ററിലെ മുൻ വർഷത്തെ ഒന്നാം സ്‌ഥാനക്കാരി മറിയമ്മ നീലേഷ് വീണ്ടും ഒന്നാമതെത്തി. ഫിസ്ബറോയിൽ നിന്നുള്ള ജിസ്മി ജോസഫ്, ബൂമോണ്ടിലെ റെന്നി പോൾ എന്നിവർ രണ്ടാം സ്‌ഥാനം പങ്കിട്ടപ്പോൾ ജൂലി ജോർജ് (ഫിസ്ബറോ) മൂന്നാം സ്‌ഥാനം കരസ്‌ഥമാക്കി.

വിശുദ്ധ മത്തായിയുടെ സുവിശേഷത്തെ ആസ്പദമാക്കിയാണ് ക്വിസ് മത്സരം നടത്തപെട്ടത്. ക്വിസ് മത്സരത്തിൽ പങ്കെടുത്ത എല്ലാവർക്കും ഡബ്ലിൻ സീറോ മലബാർ സഭ ചാപ്ലെയിൻസ് ഫാ.ജോസ് ഭരണിക്കുളങ്ങര, ഫാ. ആന്റണി ചീരംവേലിൽ എന്നിവർ നന്ദി അറിയിച്ചു.

ക്വിസ് മത്സരത്തിൽ വിജയികളായാവർക്കുള്ള സമ്മാനദാനം സെപ്റ്റംബർ 18നു ബൂമോണ്ടിലെ ആർട്ടൈൻ ഹാളിൽ നടക്കുന്ന സീറോമലബാർ സഭയുടെ ബൈബിൾ കലോത്സവ വേദിയിൽ സമ്മാനിക്കും.

<ആ>റിപ്പോർട്ട്: ജയ്സൺ കിഴക്കയിൽ
Copyright @ 2022 , Rashtra Deepika Ltd.