റോതർഹാം സെന്റ് മേരീസ് പള്ളിയിൽ സംയുക്‌ത തിരുനാൾ സെപ്റ്റംബർ 25ന്
Wednesday, September 21, 2016 5:07 AM IST
ഷെഫീൽഡ്: യുകെയിലെ തിരുനാളാഘോഷങ്ങളിൽ പ്രധാനമായ റോതർഹാം സെന്റ് മേരീസ് പള്ളിയിലെ പരിശുദ്ധ കന്യാമറിയത്തിന്റെയും വിശുദ്ധ തോമാശ്ലീഹായുടെയും വിശുദ്ധ അൽഫോൻസാമ്മയുടെയും സംയുക്‌ത തിരുനാൾ സെപ്റ്റംബർ 25ന് (ഞായർ) ആഘോഷിക്കുന്നു.

ഉച്ചകഴിഞ്ഞ് 2.30ന് കാത്തലിക് കമ്യൂണിറ്റി ചാപ്ലിൻ ഫാ. സിറിൽ ജോൺ ഇടമന പതാക ഉയർത്തും. തുടർന്നു പ്രസുദേന്തി വാഴ്ച. മൂന്നിന് നടക്കുന്ന ആഘോഷമായ തിരുനാൾ കുർബാനക്ക് ലസ്റ്റർ രൂപത സീറോ മലബാർ ചാപ്ലിൻ ഫാ. പോൾ നെല്ലിക്കളം മുഖ്യ കാർമികത്വം വഹിക്കും. ഫാ. ബിജു കുന്നക്കാട്ട് തിരുനാൾ സന്ദേശം നൽകും. തുടർന്നു തിരുനാൾ പ്രദക്ഷിണം നടക്കും. 5.30 മുതൽ സൺഡേ സ്കൂൾ വാർഷികാഘോഷങ്ങൾ നടക്കും. സ്നേഹവിരുന്നോടെ ആഘോഷപരിപാടികൾ സമാപിക്കും.

തിരുനാളിനൊരുക്കമായി വിശുദ്ധരുടെ നവനാൾ നൊവേനക്ക് 17ന് റോതർഹാമിൽ തുടക്കമായി. മാർ സ്രാമ്പിക്കലിന്റെ വരവോടെ ഏറെ ശ്രദ്ധയാകർഷിക്കുന്ന റോതർഹാം തിരുനാളിലേക്ക് യോർക്ഷെയറിന്റെ വിവിധ ഭാഗങ്ങളിൽ നിന്നുള്ള വിശ്വാസികൾ എത്തിച്ചേരും. തിരുനാൾ ദിവസം മാർ സ്രാമ്പിക്കലിന് വൻ വരവേല്പു നൽകാനുള്ള ഒരുക്കത്തിലാണ് ഇടവക സമൂഹം.

വിവരങ്ങൾക്ക്: രാജു 07443857791, ജോഷി 07787227100.

വിലാസം: St. Mary’s Church, 238.Herringthorpe Valley Road, Rotherham S65 3BA.

റിപ്പോർട്ട്: സലിം സാബു ചുണ്ടക്കാട്ടിൽ
Copyright @ 2022 , Rashtra Deepika Ltd.