ഡ്രൈവിംഗ് ലൈസൻസിനും വാഹന പരിശോധനക്കും നിരക്കുകൾ വർധിപ്പിച്ചു
Tuesday, September 27, 2016 6:06 AM IST
ഫ്രാങ്ക്ഫർട്ട്: ജർമനിയിൽ പുതിയ ഡ്രൈവിംഗ് ലൈസൻസിന് 2017 ജനുവരി ഒന്നു മുതൽ ചെലവു കൂടും. കാർ ഡ്രൈവിംഗ് ലൈസൻസിന്റെ പ്രാക്ടിക്കൽ പരീക്ഷക്ക് ഇപ്പോഴത്തെ ഫീസ് 71,40 യൂറോയിൽ നിന്ന് 77.10 യൂറോ ആയി ഉയർത്തുന്നു. അതുപോലെ തീയറി ടെസ്റ്റ് ഫീസ് 9,30 ൽ നിന്ന് 10,00 യൂറോ ആകും. കൂടാതെ കാറുകളുടെ വാഹന പരിശോധന ടെസ്റ്റ് ഫീസ് 53,50 ൽ നിന്ന് 56,71 ആയി ഉയർത്തുന്നു.

ജർമനിയിൽ ഡ്രൈവിംഗ് ലൈസൻസ് ടെസ്റ്റും വാഹന പരിശോധനാ ടെസ്റ്റും നടത്താൻ അനുമതി ലഭിച്ചിട്ടുള്ള ടുഫ്, ഡെക്റാ എന്നീ കമ്പനികളാണ് ഈ പുതുക്കിയ നിരക്കുകൾ പുറത്തുവിട്ടത്. ഇപ്പോഴത്തെ നിരക്കുകൾക്ക് എട്ടു വർഷത്തെ പഴക്കമുണ്ടെന്നും കാലാനുസൃതം ഉണ്ടായ ചെലവ് വർധന അനുസരിച്ചാണ് നിരക്കുകൾ പുതുക്കി നിശ്ചയിച്ചതെന്നും ടുഫ്, ഡെക്റാ കമ്പനി വക്‌താക്കൾ പറഞ്ഞു.

റിപ്പോർട്ട്: ജോർജ് ജോൺ
Copyright @ 2022 , Rashtra Deepika Ltd.