ബംഗളൂരു: കേരളസമാജം ബംഗളൂരു നോർത്ത്വെസ്റ്റും രാമയ്യ ആശുപത്രിയും സംയുക്തമായി സംഘടിപ്പിക്കുന്ന മെഡിക്കൽ ക്യാന്പിൻറെ അന്പത്തിയാറാം ഘട്ടം ലെഗേരിയിലുള്ള നരേന്ദ്ര അനാഥാലയത്തിൽ നടത്തി. ജോയിൻറ് സെക്രട്ടറി പി. ബാലചന്ദ്രൻ ക്യാന്പ് ഉദ്ഘാടനം ചെയ്തു. ജനറൽ മെഡിസിൻ, ശിശുവിഭാഗം, ത്വക്ക്, കണ്ണ്, ഗൈനക്കോളജി, ഇഎൻടി, ഡെൻറൽ, ഓർത്തോപീഡിക്, ബിപി ആൻഡ് ഡയബറ്റിക് എന്നീ വിഭാഗങ്ങളിലായിരുന്നു ക്യാന്പ്.
മുന്നൂറിലേറെപ്പേർ ക്യാന്പിൻറെ സേവനം പ്രയോജനപ്പെടുത്തി. പങ്കെടുത്തവർക്ക് മരുന്നുകൾ സൗജന്യമായി നൽകി. തുടർചികിത്സ ആവശ്യമുള്ളവർക്ക് രാമയ്യ ആശുപത്രിയിൽ വിദഗ്ധചികിത്സ നല്കും. അനാഥാലയത്തിലെ അന്തേവാസികൾക്ക് ഒരുദിവസത്തെ ഭക്ഷണവും സമാജം നല്കി. വൈദ്യസഹായനിധി ചെയർമാൻ എൻ.കെ. കുട്ടി, പ്രസിഡൻറ് ടി.കെ. ഗോപാലകൃഷ്ണൻ, സെക്രട്ടറി പി. സത്യനാഥൻ ബാബു, ആർ. മുരളീധർ, ഡി. രഘു, സുഗതകുമാരൻ നായർ, കെ. രാജേഷ്, കെ. മധു, സഹദേവൻ, ഉണ്ണികൃഷ്ണപിള്ള, വിശ്വനാഥൻ, രാമകൃഷ്ണൻ, അശോകൻ, ഗോപിനാഥൻ നായർ, രാമചന്ദ്രൻ, സി.പി. മുരളി, സ്മികേഷ്, വി.കെ. വിജയൻ, ഹരികൃഷ്ണൻ, എം.വി. വിജയൻ എന്നിവർ നേതൃത്വം നൽകി.