മാര്‍ത്ത റിട്ടേൺസ്
Wednesday, May 14, 2025 10:57 PM IST
ബ്രസീലിയ: ബ്രസീലിന്‍റെ വനിതാ സൂപ്പര്‍ ഫുട്‌ബോളര്‍ മാര്‍ത്ത ഇടവേളയ്ക്കുശേഷം രാജ്യാന്തര ടീമിലേക്കു തിരിച്ചെത്തി.
2024 പാരീസ് ഒളിമ്പിക്‌സോടെ രാജ്യാന്തര ഫുട്‌ബോളില്‍നിന്ന് മാര്‍ത്ത വിരമിച്ചിരുന്നു. പാരീസ് ഒളിമ്പിക്‌സ് ഫൈനലിനുശേഷം കളത്തിലേക്കു മടങ്ങിവരുകയാണ് വനിതാ ഫുട്‌ബോളിലെ എക്കാലത്തെയും മികച്ച താരമായ മാര്‍ത്ത. മൂന്ന് ഒളിമ്പിക്‌സ് വെള്ളി മാര്‍ത്ത സ്വന്തമാക്കിയിട്ടുണ്ട്.
2025 കോപ്പ അമേരിക്ക ഫുട്‌ബോളിനു മുന്നോടിയായി ജപ്പാന് എതിരായ സന്നാഹമത്സരത്തിനായാണ് മാര്‍ത്തയെ ബ്രസീല്‍ ടീം തിരിച്ചു വിളിച്ചിരിക്കുന്നത്.
ജൂലൈ 12 മുതല്‍ ഓഗസ്റ്റ് രണ്ടുവരെ ഇക്വഡോറിലാണ് 2025 വനിതാ ലോകപ്പ അമേരിക്ക. ബ്രസീലാണ് നിലവിലെ ചാമ്പ്യന്മാര്‍.