ഓസ്ട്രേലിയൻ നഗരങ്ങളിൽ കുടിയേറ്റ വിരുദ്ധ റാലികൾ : Deepika.com International News |

Click here for detailed news of all items

ഓസ്ട്രേലിയൻ നഗരങ്ങളിൽ കുടിയേറ്റ വിരുദ്ധ റാലികൾ

Monday, September 1, 2025 1:06 AM IST

സിഡ്നി: സർക്കാർ വിലക്ക് ലംഘിച്ച് ഓസ്ട്രേലിയൻ നഗരങ്ങളിൽ കുടിയേറ്റ വിരുദ്ധ റാലികൾ. സിഡ്നി, മെൽബൺ തുടങ്ങിയ നഗരങ്ങളിലെല്ലാം മാർച്ച് ഫോർ ഓസ്ട്രേലിയ എന്നപേരിൽ ആയിരങ്ങൾ പങ്കെടുത്ത റാലികൾ നടന്നു.

ചിലയിടങ്ങളിൽ എതിർപ്രകടനങ്ങളും നടന്നതോടെ ഏറ്റുമുട്ടലുണ്ടായി. തീവ്ര വലതുപക്ഷ സംഘടനകൾ സമൂഹമാധ്യമങ്ങൾ വഴി ആഹ്വാനം ചെയ്ത റാലികളിൽ നിരവധി പ്രതിപക്ഷഎംപിമാരും പങ്കെടുത്തു. സിഡ്നിയിലെ റാലിയിൽ 8000 പേർ പങ്കെടുത്തതായി പ്രമുഖ മാധ്യമമായ എബിസി റിപ്പോർട്ട് ചെയ്തു. മെൽബണിൽ കുടിയേറ്റ വിരുദ്ധ റാലിയെ നേരിടാൻ സംഘടിപ്പിച്ച പലസ്തീൻ അനുകൂല റാലി സംഘർഷത്തിൽ കലാശിച്ചു. അഡലയ്ഡിലും 15000ത്തോളം പേർ പങ്കെടുത്ത കുടിയേറ്റ വിരുദ്ധ റാലിയെ നേരിടാൻ എതിർ പ്രകടനം സംഘടിപ്പിച്ചിരുന്നു. കുടിയേറ്റ വിരുദ്ധ റാലികളെ സർക്കാർ അപലപിച്ചു.

വിദ്വേഷം പ്രചരിപ്പിക്കുന്നവർ അതിൽനിന്നു പിന്മാറണമെന്നും സർക്കാർ ആവശ്യപ്പെട്ടു. സമൂഹമാധ്യമങ്ങളിലെ ആഹ്വാനപ്രകാരം നടക്കുന്ന റാലികളിൽനിന്നു വിട്ടുനിൽക്കണമെന്ന് നേരത്തെ സർക്കാർ വൃത്തങ്ങൾ അഭ്യർഥിച്ചിരുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.